Villa Villa

Open Now

Now Closed

墨魚汁天地Villa Villa 以自家製墨魚汁薄餅、麵包等為主打賣點，還有不少美味食物，成為小巷之中的美食聚腳點。******************************Villa Villa 位於北角一條小巷之內，附近全部都是食店，但其入座率甚高，就已經證明其吸引力有多高。餐廳地方不算太大，但座位坐得舒適。餐牌主打套餐，其次以薄餅、漢堡、小食和蛋糕，都以特別款式為主，以便配上酒類飲品共享，除了酒類飲品，一般餐茶、咖啡，還有乳酪特飲供應。不用煩愁，套餐是最方便食客選菜，期間限定都好實惠，所以決定要這個2人餐 HKD398/2人。龍蝦湯配墨魚汁餐包，餐湯和餐包都有鮮甜味，餐包口感軟綿，吃上已經很開胃。散點小食，鵝肝多士 HKD58，用上墨魚汁麵包，把煎好鵝肝放上去，鵝肝油脂被墨魚汁包吸收，鵝肝入口即溶口感，讓人吃得滿足。黃金炒薯條，用上咸蛋黃炒成薯條，咸蛋黃惹味，難怪每枱都要來一客。雙重芝士Pizza，加配帕爾馬火腿，用上墨魚汁薄餅底，餅低非常薄，吃上口非常香脆。雙重芝士再加配帕爾馬火腿，咸香味滿滿，讓人吃得津津有味。香煎澳洲羊架2件，以7成熟羊架肉汁不少，最重要沒有羊羶味，確實不

早排收工突然同個同事興起就一齊食埋夜晚，所以就搵間企理餐廳一齊食。我同同事揀咗Villa Villa，佢哋喺北角嘅位置真係方便啊！入到去，侍應哥哥就好快手帶我地坐低，好好咁同我地推介下餐廳食物，我地廢事諗就叫咗個2人餐食。我地飲咗一碗黑松露蘑菇忌廉湯，濃郁香滑，令人回味無窮。然後上嚟就有鵝肝多士，鵝肝香濃，配上脆脆多士，絕對係美味絕頂。接著就係一份低溫慢煮美國特級肉眼，肉質鮮嫩多汁，一定令人驚艷。唔好忘記試下佢哋嘅西班牙辣肉腸雙重芝士薄餅，香辣濃郁，加上芝士嘅濃郁滋味，絕對係一個美味的選擇！最後，甜點就有一件蛋糕，濃郁香甜，完美結束一頓美食之旅。Villa Villa喺北角嘅位置，提供嘅菜式多元豐富，每樣嘢都好吸引人，一定值得一試！

呢間之前食過一次覺得好好食 好有驚喜 所以近排再encore😚晚市套餐 $398👅忌廉蘑菇湯+自家製意式香草包忌廉蘑菇湯幾creamy😋飲落有好多蘑菇粒粒 口感唔錯 幾順滑👅雙重芝士煙三文魚Pizza呢個好推薦大家一試😍佢嘅pizza係薄皮 咬落脆脆地 芝士好正 食到芝士粒 再配埋煙三文魚一齊食 好夾 好邪惡🤤👅美國極黑豬配黑松露意大利飯意大利飯黑松露味都算出 飯質亦都唔會煮得好淋😆美國極黑豬都唔鞋 撈埋一齊食幾好食👅芝麻雞翼（4隻）炸得夠香脆😙👅法國三重朱古力蛋糕 $48呢個好味 朱古力味夠濃郁🤩亦都唔會好甜 👅法式燉蛋芝士餅 $48呢個食落幾得意🤓味道真係似焦糖燉蛋嘅燉蛋 👅藍莓輕乳酪 $42食落比較清新 唔會好滯總括嚟講 呢間西餐廳都係好高質 性價比好高 大家一定要嚟呢度試吓🥰

隣近地鐵站嘅小巷中竟然有間CP值高嘅西餐廳，食物非常用心製作，仲好抵食👍🏻餐湯係忌廉蘑菇湯，餐包外酥香內軟熟，十分有誠意凱撒沙律面層有巴馬火腿➕煙三文魚，沙律菜入口新鮮爽脆芝麻雞翼賣相好靚，有4隻雞翼，炸到外皮香脆，肉質嫩滑，值得一試😋一口炸芝士有5️⃣粒炸芝士，食落唔會油膩，每一粒裡面都充滿香滑嘅芝士自家製特選美國牛肉漢堡配沙律&薯條呢個好豐富😍太陽蛋煎得好靚，個包又唔會太腍，食落好滋味，薯條🍟炸到外脆內軟，好啱我口味紐西蘭羊架叫咗一件黎試下，入口唔會羶，肉質香嫩法式燉蛋芝士餅呢個值得一試，燉蛋好香滑，底層係芝士餅，食落唔會太甜或膩玫瑰花蜜乳酸特飲以玫瑰🌹味為主，唔會太甜，幾好飲凍檸檬茶茶味香濃，檸檬🍋冇苦澀味

同同事farewell諗住揀間餐廳18 個人一齊食，去到staff話我哋冇落訂分咗枱, 而且唔係隔籬枱，係隔到上樓上。人數太多轉唔到場焗住食，結果成場farewell見唔到farewell嗰位同事。都未完，有位同事未到，其他人想落住單先，staff唔俾，話上菜會亂。咩安排，個同事遲30分鐘我係咪要餓足30 分鐘？講緊成舊水個lunch, 上菜話入唔到嚟，要我哋自己傳個湯，唔該都冇句。好耐冇食到咁嬲，垃圾餐廳。

北角地鐵站出口附近有很多好餐廳,今日就去這間試一試。點選了二人餐先來黑松露蘑菇忌廉湯,忌廉湯很creamy,蘑菇粒粒增加了口感,黑松露的味道很濃烈,但不會搶過蘑菇的鮮味。鵝肝多士,多士很脆,大廚選用了厚身的麵包,當咬一口鵝肝,麵包就索了鵝肝的油脂,使人很滿足,鵝肝嫩滑味道香濃。蒜香銀魚蓉蜆肉意粉,上枱時蒜香撲鼻而來,蜆肉鮮甜,意粉用了扁身的帶少許硬身很索汁,整體味道不錯。北海道帆立貝,帶子煎得很鮮嫩,味道鮮甜。低溫慢煮美國極黑豬,這個豬很抵讚,肉質爽口偏淋身但不失咬口,大廚烹煮的時間很準確使肉質處理得很好,肉味濃郁可口,醬汁沒有蓋過肉的自然味道。軟心朱古力馬卡龍,朱古力的味道很濃厚,不會太甜。味道: 值得一試環境: 尚可服務: 殷勤衛生: 整潔價錢: 中價位

呢間餐廳位於北角，近地鐵站，非常方便。記得多年前來過，今晚想拾回久違的味道。玫瑰花乳酸 / 白桃乳酸賣相最適合打卡，夢幻泡泡，可愛☺️！黃金炸魚皮魚皮表面沾滿蛋黃，好滿足。薯片嘅質感，脆脆，邪惡👿！龍蝦湯濃郁，鮮香。配自家製墨魚香草包，軟軟熟嘅質感，好味。一口炸芝士外脆內軟，軟糯滋味。帶子扁意粉配羅勒茄汁羅勒茄醬汁味道濃，清甜帶酸，開胃。沾滿意粉夠入味。雙層芝士pizza加配三文魚黑漆漆嘅餅底採用了墨魚汁來做，薄脆，好特別。兩重芝味，跟三文魚好夾。

法式龍蝦湯實在係出神入化，湯頭濃郁,飽含海鮮鮮味， 龍蝦味十足，配搭自家製嘅意式香草包,簡直係絕配。一啖落肚,暖暖地滿足心胃。蒜蓉銀魚茸蜆肉意粉同樣精彩，意粉彈牙,配搭香濃蒜香同蜆肉鮮味,叫人念念不忘。至於佢哋推出嘅美國極黑豬配黑松露意大利飯,就更加令人垂涎三尺。豬肉嫩滑多汁,配埋濃郁香氣四溢嘅黑松露意大利飯,堪稱完美組合。另外,黃金炒薯條亦叫人百吃不厭。外皮酥脆金黃,內裡鬆軟， 蛋黃味濃。紅Van大佬手工啤就帶有濃郁嘅麥芽香氣,白桃乳酸特飲酸酸甜甜，仲有份子泡沫裝飾，都絕對值得一試。最後食埋個apple crumble， 熱辣辣蘋果香甜 上面又有雪糕， 仲有馬卡龍，士多啤梨等， 係一個好豐盛嘅甜品

北角這間西式小店，裝修充滿足球隊氣氛，貼滿不同球隊的球衣，蠻有趣的。出面有甜品櫃展示多款蛋糕，吸引吸引！裡面座位不算多，最好預先訂位啦脆脆脆薯格 $38薯格即炸、脆身，少少鹹好開胃一口炸芝士 $38好香芝士味，熱辣辣的，外脆內軟，芝味十足兩個主食都配麵包及餐湯，配黑松露蘑菇忌廉餐湯及自家製麵包一客，其中一份我們另外+$20轉配龍蝦湯竹炭麵包軟綿綿，與香濃的黑松露蘑菇忌廉湯和濃厚龍蝦湯十分配合傳統卡邦尼意粉 $105有煙肉、芝士和黑胡椒碎，醬汁濃厚creamy，意粉彈牙美國極黑豬意大利飯 黑松露忌廉汁 $188意大利飯煮得外軟內韌，黑松露味非常香濃，加上一口豬肉容易食用，口感層次豐富伯爵茶朱古力蛋糕 $48伯爵茶味好出，忌廉細滑、蛋糕偏濕身，感覺清新法式燉蛋芝士餅 $42上半層好香法式燉蛋味，淡淡的雲呢拿香氣，配合芝士餅十分美味，不會過甜、不膩

有次行過地鐵站附近，喺門口見到甜品櫃嘅甜品好靚，決定今晚嚟試吓😆舖仔細細，但見餐牌內各樣食物嘅選擇一啲都唔少！竟然出現選擇困難🤣最終點咗幾個主食，開餐lu🥳老闆送咗2個黑松露忌廉湯同竹炭包俾我同我的他😘好香松露同菇味，愛💕仲有竹炭包又夠脆又好熱，但咬落脆得嚟又好鬆軟，估唔到餐前食物都咁出色👍荔枝乳酸$42。杯飲品嚟到，覺得超cute😍杯上有「大雲朵」，甜甜哋味泡泡，不停用相機飲先🤣荔枝乳酸味道清新，令我好開胃🥰Mango Soda $38。一上到枱，又係超cute😍有海豚冰喺面，又係不停同佢影相🤣而飲落重芒果味，都係好清新😋明太子鮮蝦意粉∞蒜香欖油（微辣）$128。第一感覺好香蒜味，食落意粉軟硬適中、好多蝦、明太子，明太子鮮美濃郁，好夾個意粉🥰夏威夷薄餅$138。因為我的他超鍾意食菠蘿，所以一定要點夏威夷pizza🤣芝士可以拉絲，竹炭薄餅底，有特色又健康，熱得嚟又夠鬆軟，好得喎！蒜香磨菇雞肉意大利飯$118。覺得呢度嘅意大利飯做得好正宗，軟硬適中，口感粒粒分明，磨菇、香蒜令到意大利飯嘅味道提升，又熱又香又多餸，正👍食完主菜又到甜品時間，order咗2件，原來每日都係餐廳嘅甜品師傅整不同

不經不覺書局街一意式小店已開業八週年，端午佳節就於此紀念一下衝擊的一天小店掛滿祖雲達斯的球衣，配以簡約雅緻裝修門外有戶外座位，感覺悠閒舒適，走輕食風格食材均自家製，包括手造麵包、手打意粉、手轆薄餅及份子元素甜品等$550的季節限定二人套餐，菜式種類豐富，價格合理頭盤黑松露蘑菇忌廉湯有啖啖蘑菇肉，口感濃郁鵝肝多士的鵝肝外層煎至微脆，內𥚃軟嫩肥美北海道帆立貝配低溫慢煮美國特級肉眼，配蒜蓉汁及柚子醋沙律，味道清新蒜香銀魚蓉蜆肉意粉鮮味相互襯托，意粉彈牙甜品軟心朱古力馬卡龍中間軟滑，外面的蛋白餅鬆脆無比

平時比較少去北角，原來都幾多嘢食！今日行過北角嘅一條小巷，好有外國alley嘅感覺，餐廳都幾多元化，呢間Villa Villa就係其中一間人龍店！餐廳座位唔多，好有外國小餐館嘅感覺，而佢嘅食物主打都係西餐，有好多唔同嘅套餐，經濟啲又有，高級啲都有，總有一款啱你😍 今日我就叫咗個期間限定嘅二人套餐，非常經濟實惠👍🏻黃金炒薯條 - 即係鹹蛋黃薯條，鹹蛋味超重超香！而且非常熱辣辣，新鮮出爐，好高質！完全係食到停唔到口👍🏻👍🏻美國極黑豬配黑松露意大利飯 - 黑松露味道好香，淡淡都有黑松露味，鍾意黑松露嘅朋友一定啱晒！豬肉份量都好多，飯又夠Creamy，非常好食👍🏻蒜香銀魚蓉意大利粉 - 蒜味夠重夠香濃，意粉又好入味，如果蜆可以再多啲就好啦！伯爵茶朱古力蛋糕 - 當然要試吓佢主打嘅蛋糕啦！店長果然冇介紹錯，呢個伯爵茶朱古力蛋糕超級高質！伯爵茶同朱古力嘅比例啱啱好，唔會太甜，食落有淡淡白爵茶嘅清香，必食之選！👍🏻👍🏻👍🏻除咗嘢食，飲品選擇都好多，今日試嘅水果茶同白酒，都正常發揮，佢仲有其他好特別嘅Cocktail，下次一定要試吓！

呢間villa vialla餐廳位於北角,環境清新舒適,裝潢簡單但有特色。佢地既菜式主要圍繞意大利菜式,其中麵包和pizza又算得上是特色菜式。首先,佢地既手工薄餅經過精心烘烤,餅底薄脆,邊沿略帶焦香,十分入味。選用上選食材,搭配各款醬料和芝士,味道鮮香濃郁,一口下肚就叫人難忘。連帶的自家製麵包同樣不俗,質感柔軟,有股淳厚的穀物香氣,用左啲靚麵粉，同pizza一齊食用的感覺更加迷人。另外,餐廳供應一系列意大利家常菜,包括各式pasta、risotto等。每碟菜式用料實在,配料豐富,不論是海鮮菌菇還是肉類都經過精心烹調,味道層次豐富,能滿足不同顧客的口味。villa vialla雖然裝潢簡約,但憑藉出色的意式美食,以及耐人尋味的自家製麵包和pizza 都好正。呢啲北角小店餐廳買少見少，真係要多多支持。呢碗龍蝦湯濃郁芳香,湯頭濃稠醇厚,飽含龍蝦鮮甜汁味。配搭上自家製作的黑墨魚汁麵包,外層酥脆,內裡柔軟綿密,既有海味,亦有麥香襯托,口感豐富層次。這道組合不但能滿足味蕾,更能帶來無法忘懷的味道體驗。小店嘅手工啤酒做緊優惠買三送一，的確係唔錯嘅選擇，而且係香港製造，無論係麥香味，細滑程度都好好飲

 同朋友去開北角，完全唔知食咩好，就決定食間！(btw餐廳勁近地鐵站)叫咗一個期間限定2人set$398💫🦞法式龍蝦湯龍蝦湯湯頭鮮美濃郁，最怕飲到唔熱嘅湯,幸好呢度熱辣辣送上😙自家製墨魚汁麵包🦑大讚自家製的墨魚汁香草包，蓬鬆柔軟但又不失嚼勁！已經決定下次去買原個返屋企食🥳 （第一眼見到以爲係竹炭包haha)🐽美國極黑豬配黑松露意大利飯意大利飯飯粒偏向粒粒分明，口感煙韌, 黑松露味夠濃，香氣與飯香融合得不錯🤭 個人認爲如果豬肉可以稍微煎香就更加邪惡惹味luuu🙊🧀🍕雙重芝士pizza +parma ham未見過世面，一見到黑色pizza上臺就哇哇聲😂係墨魚汁pizza底！薄批底所以就脆口d, 加上雙重芝士就無咁heavy🤫🍟黃金炒薯條好邪惡~~~ 即叫即整，熱辣辣上枱🔥好好食！！！！鍾意食鹹蛋一定一定要叫🫢 如果有叫酒飲，都應該幾好送酒🤪🍰另外加咗個甜品~意大利芝士蛋糕Tiramisu💫$48本身想嗌兩款甜品，但係2人set份量超級豐盛🤣 食唔落了，甜品胃只裝得落半件蛋糕🙉分子泡沫荔枝乳酸特飲🫧造型咁搞鬼都有🤣 味道都係正正常常乳酸飲品🍹發現呢間餐廳係走實力路綫，無特別擺盤但食物質素真係

為了慶祝520，今晚Bb 特意安排据扒晚餐，位於北角的西餐，地方細細，五臟俱全。我們點了沙律、牛扒和意粉一起分享：食物來到才發現免費送了黑松露蘑菇忌廉湯跟墨魚汁香草🌿麵包。贈送品出奇地質素不俗，尤其餐湯😍熱辣辣很好喝，忌廉味佳，菇菌足料。麵包烘過，沾湯同吃適合不過。凱撒沙律沙律🥗菜份量不少，現成的凱撒醬汁酸酸的，配上咸香的巴馬火腿香煙三文魚、煙肉🥓粒，再灑上芝士粉，簡簡單單。香煎慢煮美國特級肉眼扒慢煮牛扒十安士份量恰好，而且貼心上枱時已是切好，煎得邊微脆，顏色金香，🥩肉味香濃兼帶嚼勁，淋上自家製的燒汁，調味不會太咸，牛味挺突出的，底下是脆肉瓜粒，配搭比較新奇🤣沙律🥗菜夠fresh, 加上酸香柚子汁和爆汁迷你小蕃茄，油膩立減。傳統卡邦尼意粉汁液完全掛面，意粉即煮彈牙，是那種十分濃厚的味道，香草奶油滑溜，煙肉🥓多，整個面沒有過分杰身，麵條充滿芝士🧀的濃縮芝味，卻不會太厚重。可樂配上檸檬🍋爽喉更清新食後感：人客坐滿全場，吃好西得花點時間等待。