紫醉軒 (Closed)

睇介紹這間餐廳環境好靚， 所以同朋友今天一於前往光顧，在門口入內以為入咗西餐廳 ， 柔和燈光， 精美嘅餐具， 紫色的座椅， 窗外高樓大廈， 配合了霓虹光管， 好適合三五知己， 把酒談心， 享受時光，一種全新的中餐新體驗，突破舊式傳統。 最值得一提， 有一個 L型的平台，平台位置有兩張大餐枱及幾張二人枱， 在這裡用餐， 好有情調，又可以享受風景， 真係一舉兩得，侍應招呼周到。 但係餐牌有點美中不足， 因為燈光柔和， 字體太細， 望不清楚。我哋點咗三餸一湯， 好有鑊氣， 一擺上枱好香， 味道剛剛好。豉汁蒸白鱔  $188紫醉小炒王  $138金薯牛仔粒  $148椰子燉老雞     $78

💕餐廳顏色設計醉人又型格+柔和燈光嘅環境,令人有特別放鬆嘅感覺🥰除咗室內嘅雅緻座位, 仲有戶外嘅用餐區, 又可以chill住咁飲下嘢傾下偈🥂🍻🍹🍸原來呢度仲有Happy hour時段 （3-7pm）某些指定飲品買一送一🍻啤酒買二送一🍺及多款佐酒小食選擇🥢西式餐廳嘅佈置內吃新派中菜, 喜愛飲杯酒, 特飲或者花茶都好多選擇, 感覺特別新鮮🥰🦐奶香黃金蝦球 $168一上枱就聞到濃香嘅蛋黃味, 表皮金黃酥脆, 包裹住大大粒有彈牙口感嘅蝦球😋🍆黑椒茄子牛仔骨煲 $128熱辣辣, 啫啫聲咁出場, 令胃口大開😍茄子煮得好入味, 牛仔骨烹調得宜,肉質軟淋唔韌口, 配黑椒汁非常惹味💕🥬濃湯花膠津白 $138津白吸收咗魚湯嘅鮮味, 花膠香滑兼足料😍✨四川雞絲荔枝炒飯 $108雞絲,芥蘭菜,荔枝切粒配合炒得好乾身嘅飯粒, 味道微辣但又甜甜地口味嘅炒飯,口感非常清新😘💫整體食品款式創新有質數, 回頭之選😍

紫醉軒 今次去到旺角譽發廣場，上面有一間新派中菜 x 酒吧嘅餐廳。小妹平時唔好酒，今日專注試吓佢嘅中菜中菜 x 酒吧意念嶄新，上乘嘅小菜配合華語歌曲襯托餐廳環境，再以藍紫色為裝修主調，氣氛唔錯 -------------------------奶香黃金蝦 $168蝦球大大隻，非常爽脆彈牙炸粉厚薄度剛剛好，配上香口鹹蛋黃炒，食落好似薯片咁香口惹味加埋淡淡奶香，食落唔會感覺好熱氣黑蒜粉絲蒸蘇格蘭聖子皇 $178聖子好新鮮，大隻冇沙聖子嘅鮮甜滲入黑蒜煙韌粉絲，好入味黑椒茄子牛仔煲 $128呢個牛仔煲「咋咋聲」，非常出色牛仔骨肥瘦均勻，配合少許黑椒辣椒，十分惹味龍蝦湯溏心帶子伊麵 $88如果食餸唔夠飽，但又唔想食一大碗飯，可以考慮叫細細碗嘅龍蝦湯溏心帶子伊麵帶子鮮甜大粒，有驚喜如果龍蝦味再出啲就更好-------------------------紫醉軒地址🎈旺角彌敦道560號譽發廣場4樓

紫醉軒 (旺角)環境以紅藍色為主調，坐位係沙發椅好舒適，環境好chill～～ ❤️椒鹽鮑魚 $118前菜叫左呢款以椒鹽形式烹調既鮑魚，鮑魚肉質熟度恰度好處，調味恰宜完全唔會重口味😋❤️紅棗雲梨燉排骨 $78/位❤️椰子燉老難 $78/位2款湯用所有既器皿好似花樽咁，仲有用唔同顏色既花🌹裝飾，別出心裁🥰 2款湯均十分足料，好鮮甜完全唔味精，飲完感覺好滋潤😋❤️冬菇滑雞煲仔飯 $198嘩～～～ 份量比想像中大😋😝 飯粒分明，軟硬適中😙 而且飯面上鋪滿了雞件同埋厚切冬菇，好足料喔😚 再係飯煲邊加適量煲仔飯豉油，好滋味😋❤️塔香茄子煲 $108店員端上枱時一開煲蓋，熱騰騰既茄子🍆香氣撲鼻～ 平時有d茄子煲會好油膩，但呢款唔會有油膩感，用黎佐飯一流😍呢間餐廳除左供應中菜，仲有cocktails 同mocktails🍹❤️Nothing $68呢杯用Vodka、菠蘿🍍汁、青檸等調製而成，味道清新～❤️Fruit Punch $58呢杯顏色充滿陽光☀️感覺，係梳打入面加左橙汁、菠蘿🍍汁等，酸酸甜甜，refreshing 🍹*需加一服務費地址：旺角彌敦道560號譽發廣場4樓

呢間旺角嘅樓上型格餐廳淨係睇裝修 你一定估唔到佢係食中菜嘅仲有酒吧位 提供唔同嘅cocktail同mocktailChill住食中菜又幾過癮喎黑磚豆腐薄薄嘅炸皮好香脆 入面豆腐滑捋捋黑椒茄子牛仔骨聽到啲咋咋聲同聞到啲香氣真係特別有食慾黑椒夠惹味有少少辣 牛仔骨肉質好軟腍紫醉小炒皇好有鑊氣 用咗XO醬炒夠晒惹味最鍾意佢落咗好多腰果 魷魚鬚好食又唔韌招牌八寶石岐乳鴿炸乳鴿就食得多 咁煮法真係第一次試中間嘅八寶料吸晒乳鴿汁 糯米同花生口感綿密餐廳仲好有心機 乳鴿身已經去晒骨可以啖啖肉 食得好滋味Outdoor仲可以bbq 下次叫多啲朋友一齊去先

見呢間中菜啲野幾新式 別緻 又做埋酒bar 咁特別就訂左 我地行街行到好攰就早左黎happy hour 所有酒都有優惠 我地就點左白酒$58 買一送一 之後就食埋晚飯✨陳皮鬼馬咕嚕肉 $128味道酸酸甜甜 加埋啲陳皮粒都好夾👍 油炸鬼都炸到好脆👍 好味✨黑蒜蒸斑球 $128魚肉口感比較實淨 配埋啲蒜好香好味😋😋蒸斑球下面啲薯粉煙韌度啱啱好 索哂啲豉油同魚汁 👍✨金美椒低溫蟶子 $188餐廳會將個蟶子斬晒件好方便食👍 佢呢個新式嘅整法有啲黑醋有啲椒咁配搭味道好新奇好食 有創意 蟶子好爽口😋 總括黎講有色香味 賣相精緻 可以打卡得黎又好食 不過就唔算食得好飽🙈 環境方面超級舒服 個卡位個梳化坐到我可以瞓著覺🤣🤣 味道❤️❤️❤️❤️💔抵食❤️❤️❤️服務❤️❤️❤️💔環境❤️❤️❤️❤️💰晚餐人均～$270 (收+1)紫醉軒 (旺角)旺角彌敦道560號譽發廣場4樓

見差唔多每個人嚟食到都點黑磚豆腐，我又試吓啦 ☺️ 係好食嘅，細細舊熱辣辣👍 前菜仲有點咗脆鱔 ☺️ 主菜點咗濃湯津白，呢個有少少貴，因為都係得嗰幾條 🥲 跟住仲有點咗棉花帶子湯飯，呢個好值得推介，每人有兩碗 👍 湯底加埋附上既脆脆米，好食！ 帶子都唔少，當然個 gimmick 就係嗰個波波球啦。另外點咗鬼馬咕嚕肉，其實佢都係 gimmick ，鬼馬嘅意思只不過係有油炸鬼 （呢個可以skip咗唔點，寧願點其他嘢食）另外仲有一樣就係期間限定嘅托托蜆，都大隻嘅，比平時嘅蜆大一倍，都幾好味 😀 坐得舒服 and good service 🥰

The restaurant was beyond expectations. The environment was quite peaceful and nice. Tables were not put together tightly which I do appreciate. You can stay here and chat with your friends and family for a bit. The service was good. Staff was polite. I had a good time here with my friends. I would totally recommend you to come if you are looking for a place a bit more quiet and more western style but still Chinese food.

朋友聚會，全男班當然又想飲酒吹水又想食埋嘢，但畢竟人大左口味都"老鬼化"--要食熱辣辣嘅中菜。如果去酒樓食完飯再轉場大家又會嫌麻煩，宜家就好嘞，一次過滿足曬兩個願望。食物未必樣樣好好--起碼 我比較鍾意潮州舖嘅鵝片多過呢度嘅 碌鵝、隻蔥油脆皮雞又唔夠突出。不過亦有 d餸几ok,例如金沙蝦、咕嚕肉同黑 磚豆腐 ，棉花帶子泡飯亦几得意(不過勿冀望有帶子鮮味)，蠔煲以中菜舖亦合格。當晚有 d 想試菜式menu 內冇左，例如 茶燻脆皮雞、 麻辣牛筋旦， 唔知係唔係有兩set menu除咗食物，環境嚟講都算舒適。唔會太嘈--始終枱唔太多。朋友吹水食啲嘢，不失為一個好選擇。

旺角樓上中菜廳酒吧🤩格局好新穎 風格特別～叫咗好幾味嘅菜式意外地好好食😋！！！最鍾意嘅係佢嘅陳皮咕嚕肉本身以為呢個配搭好奇怪點知食落有恰到好處仲要配上炸咗個油炸鬼酸酸尾尾好鬼開胃！佢嘅炸豆腐亦都係佢嘅招牌菜好似每一檯都見到佢嘅蹤影豆腐非常溝 外皮鬆脆香口超推薦👍👍最尾仲叫咗佢既乾炒牛河河粉炒得乾爽唔油膩 牛肉唔馬虎

揀左間新開既中菜慶祝生日，地點係油麻地地鐵站附近，唔難搵，都算就腳。環境：西餐廳格局，乾淨，sofa位，坐得舒服既～頭盤：蟶子（凍食），微辣，爽口，正～ 黑色細細粒果d係醋，好有心思，果味道好夾。酸辣魚翅：以為係酸辣湯加翅，原來唔係，誤會左😅，實物係一碟翅，味道幾特別，可以一試。湯：叫左人參雞同五指毛桃老雞，燉湯夠熱，足料。主菜：黑磚豆腐 - 外脆內軟，不過個皮偏咸左少少。酸菜魚 - 微辣多酸，正😋。蔥蒜雞 - 皮脆肉嫩，仲加左芋泥打底，好有驚喜，因為我好鍾意食芋頭😂。蛋黃蝦 - 炸粉好薄，減少左油膩感，唔錯，蝦肉厚身彈牙👍🏻。啫啫芥蘭 - 有好多蝦乾，不過偏咸左少少，因為我地無叫白飯🤣。塔香茄子 - 咸香味濃，唔錯唔錯。甜品：綠豆沙 - 鍾意食綠豆沙既朋友唔好錯過，綠豆起沙，而且甜度剛剛好～

➖ 奶香黃金蝦球·然香蔥燒牛肉蝦球一放係枱已經聞到超香熱辣辣食好正，淡淡既咸蛋味岩岩好唔會過鹹，炸粉夠薄身好脆口而入邊蝦球亦都好大隻，黎食一定要嗌呢個。蔥燒牛肉好夠鑊氣配搭既三款蔥入哂味用黎餸酒一流➖ 酸菜桂花魚湯底唔係好辣岩哂我仲好好飲添，魚應該都用左一條好似食極都仲有咁，感覺上食落好似唔係新鮮魚不過唔緊要個湯救返佢，除左魚個底仲有啲寬粉配埋個湯食好好食➖ 黑磚豆腐開頭係見佢幾型咁所以先叫，但佢原來內外兼備，外面炸到好脆而佢個調味亦都好好，我覺得呢個整得好出色➖ 啫啫芥蘭煲久違既啫啫聲，記得好似平時第二度食好多上到枱都已經啫完。芥蘭好爽口同埋用左好多豬肉碎鹹蝦乾同埋鹹魚粒整，所以呢煲野齋食有啲鹹一定要餸飯或者餸酒🪧 香港地好食既中菜多的是，但菜式特別價錢平環境舒適仲要好食既就真係難搵啲。呢間野有齊以上條件

冇諗過一間酒吧格局嘅餐廳做中式小炒做得咁出色，叫咗3樣野，3樣都高質陳皮鬼馬咕嚕肉好脆，真係全肉，冇骨，最初以為陳皮味會好重，點知原來係零食果隻陳皮黑磚豆腐唔知佢點整，即食同放耐咗先食都冇影響佢嘅脆度乾炒安格斯牛河用嘅真係用靚牛肉，河粉唔會好油，好食

紫醉軒除左供應粵菜，酒水之外，仲有水煙不過水煙要晚上先提供下午淨係得Happy hour，買一送一咁飲酒。不過我地唔飲酒所以就無叫了惟有食環境同粵菜一坐底佢就會問你要唔要食水或者sparkling water,佢支sparkling water($38)係LLANLLYR牌子，超好飲👍👍👍👍莞香啫啫雞煲($128)雞就普通左啲，但汁好夠味，莞茜，茜芹令到雞煲好香👍豉椒帶子煎米($108)煎米幾得意，但佢豉汁唔太得😅😅

近排對中菜有種情意結，但又唔想去大酒樓食。所以上網搵咗唔少中菜餐廳，「紫醉軒」嘅型格風令我決定去試吓佢主打嘅新式創意中菜。去到餐廳已經被入面嘅氣氛吸引，內部有唔少燈位，營造感覺。成個餐廳都好有格調。今次食咗幾款餐牌上推介嘅菜式可以比大家參考一下：黑磚豆腐 入面係白豆腐，外層包左一層黑色嘅脆衣。小小竹炭咁嘅樣，食落香口得嚟，內裡清清底。唔會好似炸豆腐咁油膩，推介👍🏼廣島蠔煲 煲仔菜，上菜時熱辣辣。薑蔥炒蠔，食落唔覺得有醒味。食落嘅感覺傾平時班腩嘅味道，不過蠔嘅份量可以多少少個人覺得。酸菜桂花魚 滿滿嘅芫茜舖係面，如果唔係芫茜又想食，記得走茜。成碗酸菜魚的份量好足，3-4人都夠食。而且底仲有薯粉等配料，真係好滿足。不過湯底偏酸而冇辣同麻，差啲啲風味。棉花帶子泡飯 上菜個陣打開，視覺效果上真係似幾粒大棉花糖浮係泡飯上邊，好搞笑，打卡一流！佢用蛋白加帶子蓉整出嚟，口感係棉花糖同疏乎厘中間，食之前，加埋脆米入龍蝦湯泡飯入面。口感層次豐富。