火山燒 (Closed)

約朋友出嚟食飯吹水，今次揀左「火山燒」，貪佢可以又燒烤又火鍋，一次滿足兩個要求。下晝6:45嚟到9樓，全場爆滿，咿~ 咁旺場嘅，唔係要等吓嘛? 我地明明訂左位架喎，原來10樓仲有一層，上到嚟只有兩枱食客，原來仲有好多位。每枱都有燒烤爐同火鍋爐，同埋三款燒烤醬料，一切ready，即刻點野食。刺身打頭陣，點幾多嚟足幾多，好足數。雖然冇花巧擺碟，但尚算新鮮，冇乜雪味。湯底三揀一，江戶人參雞湯有好多參鬚，又有1/4隻雞，飲落都有啲參味。叫得做活水產燒烤，當然要有海鮮，總有八款，但就係冇我鍾意嘅蝦，有啲出奇。 反而有燒生蠔，仲要係原隻燒，加左啲蒜蓉，味道都ok，但要燒得耐啲。牛肉有幾款，顏色都正常，味道唔錯。燒雞翼當然唔少得，和風牛仔腸較為少見，幾好食。沙律同蔬菜都要食啲，均衡飲食嘛。呢度有一個問題，就係個燒烤爐太細，食得唔夠暢快，而且個燒烤架間距大，野食容易跌落個爐度。最好購置返啲大啲嘅爐，一大班人一齊燒會開心啲。唔想自己燒，可以點「雛雞」，廚房會代燒。香噴噴上枱，幾厚肉，好重rosemary味。最後梗係要食雪糕雪條，竟然有阿波羅雪糕。但我獨愛榴槤雪條，好味道！

你食邊爐，佢食刺身，我又想韓燒!?唯有搵間乜都有既餐廳一張台咩都有齊，頭頂大大既抽油煙機，點燒都唔怕烅頭都乾淨，睇黎餐廳都好注重清潔同衛生!碗碟各一，放乜都得~可以分開放燒肉同煮好既肉menu出奇地精彩~食物種類真係非常多，我地都唔分邊d燒邊d淥，叫哂返黎，想點食就點食啦!餐廳比較有特色既係有醬汁俾你燒野食，燒汁，蜜糖，燒烤醬，真係好似去左bbq咁!肉類未到，先點杭身食下先!刺身黎講，份量好夠! 而且味道新鮮甜美另外點左份漁夫沙律，第一次見~沙律上放左生墨魚! 但有d咬唔開.....另一個最快上既係人參雞湯，可以飲下湯，煮下野食佢既人參雞都唔少野，都落左好多參鬚，飲落雞味唔錯，仲有淡淡既人參味，正!為左個湯更甜，點左唔少青口同凡立貝兩款依材味道好幾甜，而且無沙生蠔黎到，終於開始燒野食!!生蠔味道唔錯，但蒜有點多，燒好夾開蒜再食，有蒜味又唔會太濃太咸!瘋狂燒肉是常識吧!! 餐廳既肉幾靚，肉同脂肪既比例好靚，燒出黎又滑又多汁而且肉既種類幾好多，最鍾意食牛肩肉!豚肉比較一般，始終豬肉唔夠牛肉滑，而且油脂唔夠多，燒出黎會較乾但黑豚叉燒唔錯!!夠哂腍~而肉本身都冇醃，自己加醬落去調味再燒餐廳既燒

早一晚book左枱準時去到話因為晏就打比我冇人聽所以冇爐比我地 有冇爐都好 其實冇所謂 但係咁點解要book枱？？？佢答我因為我冇聽電話要留返比其他人 walkin仲話留左言比我我地問佢 我地日頭訓教既聽唔到咁點book得枱梗係confirm架啦 都唔係有冇爐既問題佢都係答我地因為冇聽電話 所以冇爐比我地 係由廚房整出黎 最後同行朋友話算啦算啦上左樓上話我地坐係房 有爐但係冇人理我地 得一個staff d野同枱面又污糟唔小心掂到 件衫已經hi到有醬汁食物好普通 唔會再去第二次呢個價錢大把放題簡5個人 埋單每人三百幾

火山燒位於銅鑼灣L’Place ，哇！一上到去很有日本居酒屋感覺、牆上掛著日本poster 、每張木桌子上都放著一個燒烤爐和gas爐。這裡都是剔紙仔任點放題。任飲飲品算多選擇、除了汽水、還有各款涼茶。先點了中華沙律和刺身。北寄貝幾爽口、帶子肉質較稔。馬上開始燒- 多春魚生蠔加上蒜蓉的燒生蠔一直都很受歡迎。金菇肥牛卷。大䓤雞肉串金菇肥牛卷燒完還保著著肉汁、夾著的金菇爽口多汁😋旁邊那串燒日本甜薯細細粒、塗上蜜糖燒、甜上加甜😛點了牛仔骨和黑豚肉。黑豚肉燒過後肉質還軟嫩、肉味濃郁、塗上燒汁烤更加美味。燒菠蘿超甜、忍不住多叫了兩遍！另外點了個大阪豬軟骨湯作火鍋、湯底清清地。京都魚丸、魚磚、黑松露花枝丸、蔬菜魚腐都好好吃！這蝦肉燒賣放湯作火鍋味道亦不錯！

6點來到，被安排坐在卡位。枱上預先擺有燒烤爐和火鍋用的gas爐。放題食物多款式很重要，這裏有宮崎牛、鹿兒島豚肉、沙律、火鍋配料，還有樽裝鴻福堂飲品，全部任食任飲 👍多春魚頗為飽滿刺身尚未完全解凍，而且新鮮度不足燒生蠔是限量供應的燒物中，我比較喜歡鹿兒島黑豚叉燒(下圖右上角）。燒得七八成熟時、塗點燒汁，再反一反來燒，肉質軟腍。金菇肥牛卷放在爐上一對比，就知很有份量，比生蠔更好。金菇新鮮，肥牛就不過不失。Shabu Shabu大阪豬軟骨湯底雖有見鍋中有幾件大豬軟骨，但湯底未算濃郁。反而配料有驚喜，推介京都魚丸，頗彈牙魚磚好滑這個札幌蝦燒賣真的釀有蝦肉

朋友話要去食放題，之前不嬲都係去食一啲韓式或者日式放題燒肉。感覺太過肥膩，想有清清地但係有有燒嘢食可以滿足各位嘅慾望。所以我哋揀咗一間活海產燒放題店，呢度有各式各樣串燒，燒肉，生蠔海鮮等等，非常多元化。因為我朋友比較鍾意食清啲嘅嘢，於是店員推介火鍋，可以煮啲青菜食。而且湯底仲有好多款俾你揀。夠晒體貼飲品方面，唔係剩係得汽水，除咗啤酒要加錢之外，仲有好多清熱嘅涼茶俾你飲，羅漢果茶，菊花茶...可以下一下火生蠔方面大大隻，燒完之後，仍然保持住鮮味。👍🏻。仲有大大隻元貝，✌🏻✌🏻 肉類方面，初頭以為放題嘅肉類會麻麻哋，但係呢間放題嘅材料非常之好，牛肉非常之柔嫩。正。個人極度鍾意牛仔骨，而且調味得好好。雞翼，燒完之後雞皮香脆。配埋店內提供嘅醬汁，有蜜糖，黑椒汁，燒汁。正😍刺身，有好多款式可以去選擇，三文魚，甘蝦.... 樣樣都幾新鮮。串燒亦都好特別，燒飯糰，仲有我最喜愛嘅玉子燒。燒雞，廚房幫你燒埋，好味，而且可以叫原隻或者半隻。😍😍比較特別嘅係可以燒燒賣，同埋店舖推介嘅芝士年糕。😘😘

除夕諗住去大潭行完山出cwb 食飯, 為左唔洗等位等到2046, 一早就book呢間火山燒, 試玩自助串燒。不過佢d book 枱時間就衰d, 一係就6:00, 一係就8:30呢度有刺身又有燒肉, 都算多野揀, 飲品就任飲, 一般可樂烏龍茶都有得飲。一坐低梗係爭取時間, 畫晒每張點餐紙立即交畀店員結果d食物好快到, 仲要係一次過黎晒, 又要趕住燒d串燒, 又要掃下d汁醬, 但又擔心d刺身唔放得耐. 所以成餐飯都好忙 lol 相得影得唔多。整體刺身選擇多又新鮮, 上碟快, 夠哂我開心食到飽! 串燒的話, 雖然都算多款, 但我會寧願揀一間燒埋畀我食ge餐, 呢度黎玩下就好。

到夏天就算好想BBQ都會因為天氣熱而卻步，聰明的朋友就想到燒肉，既可以享受燒肉的樂趣又可以嘆住冷氣，上網查一查，火山燒有刺身有燒烤還有邊爐，真是一次3食。3種醬汁，辣汁，蜜糖，燒汁。有肉，海燒及蔬菜。推介叉燒，夠哂入味，牛舌夠口感。雞軟骨，雞腎用竹籤吉好，燒起來很方便。海鮮方面多春魚，魷魚，燒蠔都可以試試金菇肥牛也不錯。蔬菜選擇也很多。另外還有火鍋，選了人參雞，火鍋配料也很齊，肉類丸類和菜，可以燒也可以打方爐。最後當然少不了刺身，選擇都不少，尚算新鮮。

朋友聚會，放題從來都係一個好選擇！但有人想打邊爐，有人又想燒肉，可以點攪🤷🏻‍♀️ 「路在口邊」，原來搵餐廳都岩洗，係公司問一問，有同事就介紹左呢間放題俾小妹，有邊爐打又有燒肉，真係一舉兩得呀！ 放題第一時間梗係睇下放題紙啦，有7張，正反兩頁，都算幾多野食！一黎就叫刺身打底，刺身都幾新鮮，而且職員無叫我地唔好叫太多喎🤭(小妹黎之前有睇一睇食評，做一做過功課，慎防中伏嘛🙈其中一個食評係話唔俾人encore刺身...... so far小妹當日無發現呢個問題，刺身仲幾厚切添🤣)又打邊爐又燒肉，飲品竟然有得揀涼茶🤣好窩心！好！燒肉嘅燒肉！！！小妹最鍾意就係燒串燒😂😂😂梗係第一時間，搶個好位燒啦！另外仲有牛舌同牛肩肉，好juicy!! 仲有帶子同魷魚燒🤤帶子雖然細粒左d，不過味道都唔錯！再黎小妹favorite串燒！注意⚠️橙橙地色嗰個超好味！！！！！佢就黑豚叉燒啦！勁好味😋當然要讚下大廚K先生燒得好啦🤣🤣🤣無錯！海鮮類仲有生蠔！👍🏻仲有粟米燒！食肉獸之後再叫左金姑牛肉卷，好味👍🏻👍🏻另一邊打邊爐嘅朋友😂叫左人參雞湯底，黎到發現真係有隻雞，仲有人參仔，勁足料！！😱Encore左幾次五花豚肉🙈甜品有

這間燒肉刺身放題店有兩層，店方一邊就提供小爐，給客人燒肉；另一方面，亦都有個火爐，有少量火鍋可以選擇。另外，還有多款刺身。刺身選擇眾多，甘海老，鮮甜，雖然細隻；三文魚肥美而不覺得油膩，鮮美，北寄貝亦都彈牙鮮甜。榮螺亦大顆彈牙。飲品提供可樂、+C檸檬、鴻福堂多種涼茶等等。燒肉的選擇亦都非常多，牛肉的那邊，比較出色；牛舌薄薄的，很快便會燒好，牛味濃郁。牛仔骨，醃得入味，不太韌，牛味濃。羊架，非常之大塊，有肥有瘦，有點脂肪的部份，則沒有那麼乾，比較多汁，羊味羶香。雞軟骨燒得又熱又燙，當然好吃。另外還有餃子，想不到，這款長條型的餃子，燒起上來反而比較甜美，可能因為餃子外皮本身沒有什麼味道，反而一直不斷塗燒汁，又不斷燒，味道便盡吸餃子皮內。脆肉瓜亦夠林但多汁。美味。玉子燒，呈長條型，黃黃的，更有趣。免治雞肉棒，大大條，好像雪條一樣，內裏的雞肉碎濕濕，但又凝固成棒狀，味道不錯。一都有冬菇，或是菠蘿，菠蘿呈薄片型，雖然比較薄，但是多汁、甜。最後，還看到有客人出去雪櫃，我們也出去看一看，就發現原來有紫米雪條、榴槤雪條、朱古力雪糕等等，款式眾多。

去銅鑼灣搵食, 去到銅鑼灣一期個邊就見到間火山燒, 見到話又有得燒，又有得滾既放題, 所以就上左去。見到有好多款啤酒揀, 一度食一度飲啤酒唔怕熱,可以好爽禁食。食物都有好多選擇,唔知點揀好,所以我地乜都揀左d。睇見個爐都幾方便,燒得幾快熟d野。我地叫左好多野食,最正係依道連魚生都有, 可以食燒烤,打邊爐,魚生放題, 一次過滿足3個願望!個芝士生蠔好鬼好食,肥牛金菇, 大蔥牛卷都係超級推介! 真係好好味。係依道食唔怕閒,好多選擇,唔怕唔岩食。

是日和同事聚會，來到銅鑼灣一家又有得燒，又有得滾既放題。食物選擇很多，不能盡錄。*三文魚頭骨同事最愛的三文魚頭骨，因為我不太愛食骨，所以就沒有試了；不過燒都要很有耐性，要經常反，以免燒焦；同事都表示這個很好食！*刺身刺身的選擇都不少，質素不過不失；尤其甜蝦和三文魚都不錯，尚算鮮味。*燒生蠔蠔都是男同事的最愛，我都只是淺嚐了兩隻；因為海鮮類，所以個人覺得燒耐一點比較好；不過不太懂控制，好多都燒到縮哂水。*牛肉薄切的牛肉都是自己燒的首選，易控制很多；牛肩肉很淋，醃的味道不錯，不會太咸；牛舌心其實不用燒太耐，質感都很爽口。*香草羊T骨羊Ｔ骨半味濃，但偏肥了一點，肉質都較UN。和風豚肉腸是易燒的選擇之一，腸好易就燒得外脆內可口。大蔥雞肉串的雞肉和大蔥都比較大舊，所以很難燒，要拆開燒。金菇肥牛燒的難道中等，不過只要牛肉熟了，中間的金菇都會很快熟；牛肉淋，金菇軟。*黑豚叉燒豚肉醃得入味，肉的質感又很爽。*Appolo 雪糕很少食Appolo的雪糕，原來香芋味很香很軟滑。

呢期世界盃，大家話題都離唔開蕭山嘅燈力勁d定我嘅燈力勁d😂😂😂今日去咗老銅食放題👍🏻👍🏻一嚟到四個人就安排坐卡位👍🏻可以選擇火鍋同燒肉，今日我哋主力食燒肉一串串嘅雞肉方便燒嚟食，雞腎同雞軟骨都出色👍🏻厚切牛舌好出色，枱面有鹽同黑椒可以加一道燒一道加味最好，有三隻燒汁都可以加，有辣汁，燒汁同蜜糖汁羊同帶子都唔錯、大讚諗住以燒肉為主嘅放題會冇咩刺身選擇，呢道嘅刺身真係喜出望外👍🏻👍🏻連帆立貝都有所以我哋都encore咗多一round 👍🏻👍🏻👍🏻菠蘿同棒棒肉都唔錯👍🏻雪糕有亞菠蘿選擇，竟然有榴櫣雪條😱

日本真是一個永遠都不會去嫌的地方。最近想念日本的關係 (OS: 明明上星期才去完)，都要約朋友去銅鑼灣吃日式串燒，尋回日本的感覺。位於銅鑼灣的火山燒，主打的是活水產，重點是放題！放題都可以做到活水產？一於試一試味道！食物的種類主要細分兩部份，一部份是燒烤，而另一部份是火鍋。由於太想再去日本的關係，今次只是集中在燒烤上。燒烤方面，肉類可以說得上是男生的朋友，是燒烤的主打菜。除了一般的串燒之外，還有大量的牛肉牛仔骨，而店內的牛肉，是主要用上宮崎的牛。只是這一部份，已經可以說得上值回票價啦！串燒的最好朋友，Beeeer~ 有大眾都愛上的1664及Asahi, 還有部份日本啤酒，Cheers!說得上海鮮，生蠔當然是重中之重。生蠔配上大量蒜頭，令味道更加香濃，正啊！最後不愛酒的朋友都會有可口可樂及涼茶推介

我地諗住早食，問左佢係咪198，佢話係，點知燒完之後佢話，收278，因為佢話你過左時埋單時間係8點，如果咁講你講咩都得啦！夠鐘又通知客人！服務由ok已經變唔ok串燒還ok，但海鮮唔得 雪藏野，鮑魚都無隻！D蠔多 蒜蓉唔緊要，但無肉食先係問題！而且好少選擇，雞泡魚乾同魔鬼魚翅都無！值278一個人?我去第二間又係依個價，又係又燒烤爐都無咁慘。雖然裝修好靚，員工陪訓同餐牌需大改進！仲有點左既野漏哂，等左好耐都無送黎，如果打算慢慢食，依度唔係好地方，一係食宵夜比較好。