王孖記果子 (Closed)

🍽️食物方面：🔥12點開始供應午市餐盒🥇雞髀💲40🥉叉燒 /🥈豬頸肉💲42黃薑飯係接受到嘅味 椰香飯普通啲秘製沙嗲醬係靈魂 好濃味 有辣有唔辣飯量🉑揀正常/多/少(望落少但夠食)🆓汽水/紙包有果然系🥭芒果糯米糍💲30*是日特價💲20盒最少買2粒 幾好食 皮算薄芒果肉甜多汁🔈環境方面：淨做外賣 之前擺好多Anson Lo相💬其他資訊：📍王孖記果子荔枝角青山道475A號地下A號舖📞12點前WA ‪55929088 ‬/ walkin買ℹ️兼善里收購重建計劃 就快執笠😮‍💨

踏入王孖記，新鮮糯米香夾帶住芒果嘅甜味即刻撲鼻嚟😍。點咗份芒果糯米糍試吓，外面嘅糯米皮雪白柔軟，感覺得到廚師嘅細心。一啖咬落去，啲糯米入面嗰啲芒果又香又滑，啖啖肉感，咁滋味，真係咁满足啊！同卓越年糕店果邊個比起上嚟，呢度嘅芒果糯米糍真係做得比較得意。跟住又試咗個蘿蔔糕，外皮微金黃、輕輕焦香，內裡卻保持得鬆軟有層次，每一啖都食到蘿蔔嘅清甜，同埋蠔豉蝦米嘅鹹香，揉合得恰到好處👌。食落真係得嚟又唔膩口，完全冇得彈！至於珍寶野嘅黃金糕，外皮微碧微脆，內嘅奶皇味濃郁得嚟又唔死甜，係下午茶時光嘅完美伴侶。結實嘅質地、煎到微香嘅底，喺手藝上都睇得出花了不少心機。今次王孖記既探訪，令我感受到滋味與創新兼得嘅港式糕點，每一口都令人想再嚟一次！🍰👍

平時好難買，而且weekend唔開，令人對呢間少有名氣的糯米鋪產生期待。鋪頭除咗賣糯米糍，亦有做午市外賣飯盒。好耐之前已經聽聞過荔枝角呢間糯米糍，話數一數二好食，又多味揀，專程去買但最後食完幾失望下平日將近五點去到，已經得返幾盒細芒果糯米糍，一盒三件 $30，少許貴。皮唔夠薄，得一舊係芒果甜啲🙁🙁其餘都略帶酸味，味道好普通。拎到返去已經散咗。。呢個質素唔值得專登去食，寧願去長洲食平記芒果糯米糍。

意外驚喜!~ 之前食過糯米糍好味，除咗甜品原來 #王孖記果子 的飯都唔錯又抵食， 香燒雞捲 配 黃薑飯 $36 @ 荔枝角小店。一打開幾香，都幾香，雞捲帶微焦香吸引， 燒雞捲 口感不錯幾嫩滑，沾少少泰醬好味道。 #黃薑飯 都差不多一碗，味道剛好不會太淡，飯質有點濕如乾少少更好。份量不叫十分大但女仔食一定夠飽。來到都有約10 人等緊，有6款飯選擇我就買了一盒回公司食。加錢仲可加配包裝飲品和串燒。小店除了黃薑飯仲有椰香飯，等我下次試吓先。

最近有間外賣店擺滿哂mirror既周邊，非常搶眼，走埋去望下佢地個餐牌，先知原來午市主要賣黃薑飯，今次我試下佢地招牌台式豬肉卷黃薑飯，原來都非常搶眼！首先講下佢個黃薑飯先，佢個黃薑味係非常入味，唔會話淨係得個色水。至於佢個雞卷就相對味道較淡，個人建議要配埋佢地自家製既沙嗲醬。雖然係咁，但佢真係大大件好抵食，平時肚餓一定會再叫呢個飯！另外，我特別鐘意佢自家調製，令個醬既花生味十分之濃郁，加上有少少辣味，好好食！

呢間得外賣，沒有堂食。好耐之前試過佢地D糯米糍，今次試下佢既飯我叫了｜燒雞脾黃薑飯 套餐包野飲 $40｜（Rate:7/10)$40 一個餐有雞、有飯、有啫喱做甜品、有野飲，其實真係好抵食😋😋份量都唔細！- 先講講雞脾，佢有切件同原隻比你揀，我當然揀切件啦😛唔洗咁麻煩嘛。雞脾切件都唔會話縮左水，有三大件，每件都好厚肉，皮脆肉嫩，雞皮都燒得幾香，不過雞肉略嫌醃得唔夠入味。佢配左個沙嗲辣醬，可以揀唔辣添架。- 薑黃飯出面好少有，未食都聞到好香，味道好夠，不過飯就有少少濕，整體都唔錯，雞脾肉送飯一流！- 啫喱係柚子菠蘿味，應該係店家自己整既，淡淡地都幾開胃😋$40一個lunch，咩都有齊，好抵食！

呢日行過茘枝角，諗住去四喜買包，經過王孖記，見到好多人排隊，又見到佢個lunch 餐牌好吸引，之前亦都聽朋友講話佢lunch好味又抵食，成日都好快賣晒。咁難得黎到茘枝角又係lunch time，所以一於買返黎試吓😋等咗大概5-8分鐘就已經有得拎，好快。一個lunch set 連紙包飲品加一杯仔啫喱，只係$40！我哋叫咗燒雞髀薑黃飯同沙嗲豬肉串薑黃飯，佢啲薑黃飯好香薑黃味同埋原來仲有啲椰香味，上面仲有啲薑蔥，好好味！😋😋佢嘅燒雞髀啲肉好淋👍🏻不過豬肉串啲肉就硬咗少少。而佢嘅沙嗲汁好好味，好香沙嗲同花生味，汁入邊仲有啲花生粒粒！成盒飯都好大份，好好味！忍唔住食晒，所以超飽🤣🤣！下次如果經過又係lunch time嘅時間一定會再買其他款試吓！

之前成日睇左黃店有咩月餅推介 好多人講王孖記但知道要訂就懶 無搵到資料點知今日路過 多口問句 竟然有現貨 太好彩了吧睇介紹已經幾吸引$190 有8個冰皮  4個口味 每款2個有一個靚靚黑色冰袋裝有埋介紹同燈籠仔送SIZE算係迷你裝 但都算幾抵 平均唔洗$25一個最重要係香港製造 食得安心好多味道亦係好創新 出面比較少見-斑蘭脆脆冰皮-棉花牛奶冰皮-烏龍珍珠冰皮-桂花桃膠冰皮我暫時只係食左2款 味道唔錯 真係唔係好甜食多少少都唔覺太漏棉花牛奶冰皮 有好香牛奶味 中間餡料食落真係有D似棉花糖 軟軟的烏龍珍珠冰皮 有陣陣烏龍茶味 加埋真係咬到好多珍珠 好特別 冰皮同烏龍都真係估唔到會夾整體都唔錯 性價比算高食用餅都可以試下小店  支持小店!!

💛 王孖記果子 💛..............................某一日係社交平台見到呢間王孖記果子發現賣開芒果糯米糍嘅佢地原來有做飯餐😳睇相睇到忍唔住所以就去買嚟食😋😋.🔅想知黃店原因請Pm💛..............................🍽豬頸肉黃薑飯 配 微辣沙嗲醬 $38。跟餐送紙包飲品（👏🏻9/10）.飯餐就有得揀燒雞髀或者豬頸肉🐷豬頸肉份量都唔少 差唔多有一隻手板咁大塊肥得嚟咬落唔油 食落好爽口 好好食😋個沙嗲醬好香花生味 仲食到少少花生粗粒🥜買親佢地個飯都要叫老細多多多汁😂配料就會有少少炸乾蔥 食落都幾惹味黃薑飯就食落正正常常 無特別重薑味整體嚟講好高質 個汁同豬頸肉都要拍手畀佢👏🏻但缺點就係只可以外賣同埋好快賣晒😳而家大家應該無所謂 外賣仲好😆.提提大家 最好前一日whatsapp老細訂定先因為基本上3點前飯餐就會賣哂💛..............................🎈 王孖記果子 (荔枝角)荔枝角青山道475A號地下A舖..............................

王孖記果子，久仰久仰，估唔到第一次幫襯唔係買芒果糯米糍，而係食黃薑飯。黃薑飯有蜜燒豬頸肉，燒雞肉串，燒豬肉串，燒雞髀四種口味，本來想試豬頸肉，點知十二點開賣，一點鬆啲就只剩番後兩者，唔鍾意喺屋企以外嘅地方食雞髀，怕食到一手一口都係油，最後唯有揀豬肉串。黃薑飯果然名不虛傳，色香味俱全，配埋面頭嘅炸蒜片，齋食飯都好好味；沙嗲醬微辣，椰香同花生香都好吸引，唔錯；反而個豬肉串就有少少失望，燒得比較燶，肉質亦有啲硬。下次要早啲去試下個豬頸肉。

舖頭細細，但生意超旺既荔枝角小店。平時主力賣黃薑飯同芒果糯米糍。過時過節會推出節慶食品，今個新年就出左4款賀年糕點預訂，短時間內已經full哂無得再加單。第一款，黃絲蘿蔔糕，同傳統蘿蔔糕既顏色唔一樣，係因為加左黃薑製作，簡單切粒煎香已經好好味，而且食得出好足料。最推薦呢款！第二款，良芝麻糕，唔係普通用芝麻粉製作，而係親自磨碎芝麻加工而成，超濃芝麻味，凍食一流！第三款，齊齊奶黃糕，味道唔算好濃，但非常好味。而且攞貨果陣仲會溫馨提示埋食用期限，因為全部都無落防腐劑，所以唔可以存放好耐，一般10日內就要食哂佢。第四款，香芒加柚糕，就是芒果柚子糕。四款入面，反而覺得呢個相對普普通通，芒果同柚子既味道都岩岩好，略嫌味道偏淡。糕點既份量大概係一個250ml既紙包飲包咁上下大小，姐係一人份量，當一個正餐咁食都幾足夠。

沙嗲醬好香，真空包裝可以微波爐叮800w 6分鐘或者蒸20分鐘。我懶，用微波爐，意外既係叮完雞肉都唔會柴！不過可能因為用叮既，啲汁感覺叮完唔太夠，咁香口，再多少少撈飯一流呀！疫情期間，安坐家中有串燒食真係正🤤

有事黎到長沙灣，最近當然要支持黃店啦朋友推薦黎王孖記睇到佢張相既雞脾真係流曬口水去到鋪頭， 有多款飯同甜品諗左下都係買左黃姜雞脾飯配沙爹汁（中辣）送左紙包飲品同柚子蜜果凍先講沙爹汁 有花生味 夠香 我算食得辣，中辣黎講有少少辣味我覺得下次可以叫大辣雞脾唔算大隻 但炸得金黃 皮香脆配埋少辣既沙爹汁超開胃黃姜飯又香又夠味 淨飯我可以黎多份送既甜品夠曬驚喜 果凍充滿柚子味店舖唯一缺點係不設堂食因為我係路過唯有去公園就腳TAT

呢排唔少人都跟住啲黃色經濟圈嘅apps去搵嘢食，作為一個正常嘅香港人，當然亦都要支持小店，咁啱喺荔枝角附近嘅工廠區，見到呢一間王孖記果子店，由一對公公婆婆同埋一個後生仔打理，相信應該係佢哋嘅屋企人啦。一般嚟講喺香港搵到啲三四十蚊嘅午餐外賣，都已經算係幾平幾抵食，估唔到呢間舖頭竟然低處未算低，最平嘅飯係23蚊起，味道都唔錯㗎。不過我今次食嘅呢一個黃薑雞髀飯，雖然要40蚊，質素同價錢成正比之餘，最重要嘅係佢支持年青人，願意捐錢支援香港嘅後生仔，淨係呢份情，我都已經好感動，當然要幫襯一下佢。40蚊一個飯盒，跟嘢飲同埋生果杯，仲要捐多五蚊出去，真係良心價。而且雞髀燒得好香好好味，沙爹汁少少辣，但都好惹味，黃薑飯亦都好香，絕對係誠意之作。而且水果夠新鮮夠甜，亦都唔會因為係送嘅，而用啲唔靚嘅生果。絕對支持良心小店！！！！

今日，同事買來一盒東西，話要給大家驚喜。打開一看，原來是糯米糍。目測這糯米糍如成年男人的手掌般大，size上確實有些驚喜！切開一半，點解裡面唔係花生或芒果肉，而是白色的東西？不用走近，我聞一聞已經知道這白色的東西就是日本水蜜桃！糯米皮又薄又彈牙，吃到人嘴唇都沾了糯米粉。它包著的水蜜桃，爆晒汁，非常清甜，體積之巨肯定至少有四分之一個水蜜桃！芒果糯米糍我吃得多，水蜜桃糯米糍就真的是第一次試。平時一個日本水蜜桃都要40-50元，今次人手加工變成糯米糍後，竟然只需18元，真的是一大驚喜價，抵食！