王孖記果子 (Closed)

水蜜桃糯米糍🍑（$18）手掌咁大嘅糯米糍 而且又大又厚 真係第一次見😆個皮好薄好夠煙韌 內餡有成半個桃🍑不過真係唔夠甜😐如果甜啲會更好見到哩間店有其他甜品糖水都只係十幾蚊碗咋😁

儘管熱潮已過，但每次經過荔枝角，食番件「王孖記」的芒果糯米糍仍是指定動作。長洲以外，香港賣芒果糯米糍的店子多不勝數，但有水準的卻不多，而「王孖記」肯定是我的三甲之選。曾幾可時，這裏賣糯米糍要拿籌，現在好多時連隊也不用排了，可見香港人食方面的潮流變化好快。雖然這裏的糯米糍有很多款色，但對我來說還是芒果口味最吸引。它大致按芒果的大細再細分幾款。這次叫廿幾蚊有三件的輕量版芒果糯米糍。好欣賞店家用牛油紙包著長條型糯米糍的做法，這有助其表皮變乾的速度減慢。雖說是輕量版，但份量並不少，而糯米糍表皮薄薄的卻不失煙靱，配合又甜又多汁的芒果，令人滿足。事實上，每次幫襯其芒果質素都差唔多，質素保持平穩，真係不得不讚也。

有日星期六同二位朋友行經長沙灣一帶，見到有間買芒果糯米糍有人排隊，一心諗住買來試試。刊登好多明星推介，主力買唔同種類糯米糍，。招牌我相信係芒果糯米糍，因為我們三國剛剛食完午飯，所以買三個輕量版芒果糯米糍（$24/3qty)，已經足夠😊。幺每一個獨立搵牛油紙包裹，我相信防止黐埋一齊，放便外賣到偏遠地方都不易走様。糯米糍皮好薄，芒果多汁但不甜。我想信季節因素，不時不食呀。份量剛剛好，我唔會覺得好濟。

這間生果店除了新鮮生果，還會賣糯米糍。 其中最出名的莫過於芒果糯米糍了！ 早陣子，長洲芒果糯米糍在香港掀起熱潮，周圍都有賣，而這間水果店的出品更是有錢也未必買得到。 今日經過，可能熱潮已冷卻，門外沒有人排隊，所以立即買了一件試食！ 本來想試珍寶的，但一早已售罄，所以只好買了一個普通版。 雖然只是普通版，但size也不小，有一個手板大。 糯米糍外皮不算十分薄，但勝在煙韌。芒果肉十分鮮甜，明明不是當造季節，但真的清甜多汁！咬下去啖啖芒果肉，好吃！ 個人認為，它比在長洲買的更好味 😍

經過荔枝角，決定順便行去王孖記睇下今日有咩味，不過去到得返芒果同榴蓮，好啦就2件芒果王孖記係我覺得最好食既芒果糯米糍。份量十足勁大條，用紙包住唔會出水，糯米皮好軟熟，芒果又甜，抵食！👍🏻

第3次吃大大粒糯米糍了。但前2次不在這間買，味道都不錯呢。今日食完飯經過王孖記，幫襯之前搜搜openrice，大部分都比like，一於試試。停留了數秒鐘，便有位笑容滿面的伯伯前來sell。看見他的笑容，感覺滿有熱誠，直覺認為這裡的糯米糍會是「老字號」。本來想吃傳統的芒果糯米糍，但他說賣光了，只有蜜桃味及榴槤味。當時是晚上8時多，賣光也正常的。蜜桃味好像不太配糯米糍，於是只買了2粒榴槤味。價值$28/2粒 近$30的價錢其實都能吃個飯了，很肉赤。打開透明膠盒，2件長條形糯米糍，外形好像海參，哈哈哈。吃下去，第一口全是糯米，沒有榴槤肉，差點想罵它之制，再吃一口，滿是果肉。份量還不少呢。糯米味香、口感軟，榴槤味濃，整體來說不錯。但畢竟有點貴…便宜一點的話，我會多買啊。

成日路經見到都想買，但每次最後都冇買。因為驚中伏。今日經過，見到佢話做緊特價，20蚊有兩件芒果糯米糍，又見唔洗排隊，所以就買咗兩件。＄20就算唔好食，都唔會肉赤呀麻😌俾完錢先發現原來好大舊，正！下午買完後，放左入雪櫃，晚上先零出嚟食。打開後，糯米糍仲係好軟熟，而且無出水👍🏻可能係因為有將牛油紙物體包住舊糯米糍，唔似出面用紙巾包住就算。我覺得從呢啲微細嘅位，就知道店主有用心。切開之後，糯米皮雖然有少少厚咁，但對我來說，糯米皮應該有點厚度才好，否則好像只在吃生果。芒果好甜好多汁👍🏻，配上唔甜又軟熟糯米皮，真係超正😋食完一點滯嘅感覺都無！呢個價錢有咁大舊，又軟熟，芒果又甜嘅糯米糍，真係超值👍🏻值得推介👍🏻👍🏻

好多人排隊呀! 完全唔知要提早嚟去攞籌，好彩我係最後一個，遲少少都無呀 要排隊，好難只係買一個咁少，結果買左一大盒芒果和金奇異果糯米糍，可惜水蜜桃糯米糍已經賣晒，如果唔係都好想試下呀 芒果糯米糍，有北海道3.6牛乳同奶茶皮兩款，兩款都買咗，攞上手足足有手掌咁長， 裏面嘅果肉份量都好足夠，好滿足🏼。咁啱芒果好當造，甜甜地又多汁。不過唔係太食得出北海道3.6牛乳和奶茶皮的分別，糯米皮較普通。至於金奇異糯米糍就細舊咗D，而且唔算好甜 。個人覺得未好食到值得我去排隊攞籌。應該無下次。

同事買黎請全層centre人食!下午茶小食之選~~5舊以上$11一舊,原價$12.盒仔幾靚,每舊都用牛油紙包好,拎上手食都吾會好掉粉,吾會整到周圍污糟曬.真係成隻手掌咁大!!!食評::1.)皮薄吾痴呀有2個同事cool緊牙,原本都驚會痴住個牙cool好難清理,不過我地食完之後覺得個皮吾厚,好好咬,都吾會黏住黏住好似糖不甩咁,所以佢地都食到.不過可能有d人反而鐘意食黏d ge糯米糍,衣款就吾係.2.)皮冇咩味,冇咩特別.3.)粉吾會好厚,吾會食到四維都係,而且張紙夠大可以托住.4.)芒果真係好大舊!!!佢真係望落糯米糍有幾大,個芒果就有咁大,絕對吾會糯米多多聲但食吾到芒果,基本上第一啖就已經食到芒果.芒果好甜,多汁,亦吾會熟到爛.新鮮~~5.)size方面,佢咁大舊係好耐食,細細啖咁食就食極都有,幾正,食完一舊會好滿足,不過有d同事就話太"溜",食吾落其他野lu.$11蚊一舊計埋人工水電煤都合理ge,但吾係話好抵咁囉,不過芒果食得多會濕熱,自己因住啦...

戇居居一個人食晏，經過王孖記，嘩原來咁近新公司㗎？上次仲轉登由觀塘走過嚟排隊攞籌買！咦乜今日一個人都冇嘅？難度熱潮已過？既然冇人，咁就買舊做下午茶啦～綠茶芒果糯米糍($26)：稱住兩個手掌咁大嘅糯米糍返到公司，放喺面前真係好難專心工作.... 到咗4點半忍唔住打開個膠盒聞一聞...... 邊得咁香糯米味㗎....！！！梗係即刻咬佢一啖啦，拎上手係墜手㗎！同平時食開日本嗰啲包裝糯米糍硬掘掘真係冇得比。呢個皮薄滑溜煙韌彈牙有嚼勁，帶淡淡但未算濃厚嘅綠茶清香；新鮮巨型原片開邊呂宋芒果香甜多汁，口感十足。芒果及糯米糍去到口中就會分手各行各路，一邊啖啖鮮甜多汁，另一邊就煙煙韌韌滑不溜口.... 喂你兩個想點呀？我應該吞邊個先呀？唯有一齊吞晒你哋落肚，繼續咬繼續食.... 好好味.....

一開始賣果時，勁多人排隊。最近無人排，放工經過仲有好多，就試下啦。平時食佢既芒果都覺得普普通通。 但今日買左個密柑同福岡士多啤梨就真係食到好失望蜜柑： 只係一舊柑剝左皮，就咁用糯米皮包住。舊柑有渣，又唔甜。糯米皮好厚。福岡士多啤梨： 超酸。。同個皮完全唔夾。。45蚊。。唉無人排隊，係有原因的

太座知道我要去荔枝角辦事, 叮囑我要去王孖記買特別味道糯米糍 ~中午時候遇見有兩三個顧客在購買糯米糍, 而我偷看見屏幕後有職員在包糯米糍 ~所有糯米糍是看不到原貌, 因為已一早放在發泡膠盒裏只可以從貼在雪櫃上的「是日精選」裏挑出心頭愛, 價錢以2件起計太座要求的特別味道糯米糍只得牛奶皮或益力多皮, 而且只有芒果餡, 我買了一盒益力多皮 $24 兩件回家後拿出來看, 益力多糯米糍有膠盒的長, 但細心的看其實只是把糯米糍的頭尾拉長, 芒果餡放在中央, 裁有半隻手掌的長, 有幾分的薄 ~   益力多皮即是帶酸味, 芒果餡重果味, 太座卻說芒果好酸 ~韓國蜜柑糯米糍  $20 兩件原個蜜柑去皮, 用糯米皮包著, 蜜柑不甜, 有渣, 太座說糯米皮有一些苦 ~是有不同的生果餡, 不過再買的機會不大 ~本篇完 ~

想試 王孖記 嘅糯米滋好耐，今日咁岩經過就試下去到門口有個大雪櫃，入面有好多盒糯米滋。無人龍唔駛等~大芒果糯米滋 - 手掌咁長，雖然芒果係甜，但欠缺芒果味奇異果糯米滋 - 成個手榴彈咁，原隻奇異果包，無乜特別可能期望太大...

王孖記果子!! 芒果$24/盒(2pcs) 奇異果$20/盒(2pcs)8/10這裏的糯米糍味道眾多, 有芒果、奇異果、水蜜桃、菠蘿等。之前賣過的綠茶糯米皮最近不再賣了, 但聽說晚上會有益力多味的😂😂😂長身的糯米糍份量頗大, 薄薄的糯米皮軟糯煙韌, 用上3.6牛奶製的關係, 還帶點奶香!!😍😍😍 糯米皮緊緊的裹着大塊果肉, 毫不吝嗇, 多汁而甜美, 十分好吃!! 👍👍👍

跟老公二人分別攞到6個籌~每人可買一盒時令限定水果糯米糍……平日一定好早派晒~但星期六中午冇人排隊~就非常興奮立即排隊…… 店員態度差~盡快買完盡快走~望入去一眼都話~一行埋去要即講出買邊款~ 搶走你手上100蚊就叫下位~行埋一邊等……最後~買左兩盒限定~ 水蜜桃~ 柿~及兩盒普通芒果……賣相~ 正常 味道~ 3款生果完全未熟~ 極硬~ 芒果極酸糯米皮太薄…… 當入面生果太硬~外面太薄~一咬下已經爛了~ 當然明白沒有一定甜的生果~但明顯店主因量不夠已把未熟生果照製作甜品……加上服務差~一次就夠喇……再睇睇 facebook~ 原來好多客人投訴……希望店舖改善呢……