文鼎壹號 (Closed)

地方雖小，但環境整潔，還有無敵的海景，十分舒服😌雖然隔壁酒家人客較多，兩者吃過對比後，我還是喜歡文鼎，因為我覺得這裏的點心較美味，更合我個人的喜好。有一次無意點了這裡的雲吞，自此就每次必點了，因為它加了枸杞，感覺更滋補和多了一份色彩。而且裏面有大大隻爽口的大蝦🍤海哲青瓜也做得恰到好處，兩者都十分爽脆，有口感。鳳尾蝦炸得剛剛好，香脆可口，賣相吸引！這個蝦餃大大隻，十分爽口，值得嘗試，正價時段惠顧還有機會免費贈送給客人，真令人高興😊至於其他點心味道都有一定的水準，如牛肉球嫩滑，叉燒包軟熟等。

以前陪客戶來吃過晚餐，那時只對超大煎堆超級有印象，本次特登過來食點心，講真，有d失望。我們8個大人五個人小朋友，最後好似收了2-3個小朋友茶位費。個例湯算唔錯，小朋友好鍾意鹽水雞，是個好選擇，唔肥，且鹽味剛剛好～排骨，不過不失雞扎，太大塊，外面一塊牛蒡，味道好奇怪涼菜大家好似都唔係特別鍾意，最後都沒食完還有素餓，應該係我食過最難食嘅，因為好厚身，入面已經無咩味道了～總結一下，夜晚有海景，過來請客食飯，都OK噶～

今晚親人請食生日飯，我起初不知道是有最低消費（因為親人選了窗口位），後來當我知道後都沒所謂！我們先點一些前菜和一個主菜，當我剛開始吃沒有多久，突然有位職員用她響亮的聲音說還有沒有什麼菜要叫因為有最低消費，需不需要比個菜牌妳們（說話態度cool到呢⋯⋯！）後來我們說知道容後再點。隨後我們再點幾様海鮮，服務我們的應該是一位經理，但要乜冇乜最後由他建議另一樣海鮮，當我只回問他一句是否用蒜蓉蒸呀？他的反應居然很不耐煩答：係........呀（拖長版）🤬🤬🤬我心諗收這樣貴的一家店但服務態度超差勁！永不再來受氣🤬🤬🤬

為的是東方明珠而來，朋友生日希望搵個好地方食飯庆祝，千挑萬選黎到呢間.接電話的服務員禮貌很好，可惜一坐底諗住搵人點菜就等左好耐都見唔到侍應，唔止係一次係幾次想叫人都冇晒影！坐到窗邊位，個view確係好靚，諗住搵人幫手影相，搵到個阿姐影又黑口黑面，唔望你會講下123影相之類既說話，但唔係全程都黑面唔講野。食到尾聲安排東方明珠上菜，速度好快，但凍晒！影相真係唔錯但大家也明白煎堆一定要熱食的，凍左既煎堆真係un晒認真麻麻地，我相信付出2百多元的價錢除左影相也需要好味吧！畢竟煎堆成本也只是小數！10點鬆啲侍應已拎張單黎要求埋單，我有啲奇怪下問了一下幾點收工，他們覆我是11點，但好快走返黎話10:45，最後10:30左右已開晒燈提你快啲走咁.埋單17xx, 其實我可以去間更好吧！

呢排懶左好多 食就keep住搏命食 但就懶得打字😂 講返中秋節 同屋企人去左一間簡直係年度中秋做節之選（上年都係食呢間）皆因佢除左有無敵維港海景可以賞月賞埋幻彩詠香江之餘 仲有大大個月亮放喺枱面俾你賞🌕東方之珠 $238 😋：5/10大過籃球既煎堆 一上枱真係好霸氣 仲要識發光 不過呢啲gimmick野就擺到明唔好食架喇 個個影得相黎個煎堆都凍哂喇 相機食完 店員就會拎走剪到細細塊方便大家食 仲會攞埋兩碗雪糕出黎俾你放喺煎埋上面食 講真就真係唔夾架喇 不過一家人影下相 嘻嘻哈哈都幾開心既 尤其老人家見到就最開心 雖然二百幾蚊食個煎堆係好唔抵架喇 但個意義重要過好唔好食啦🤗其他主食都唔錯既 八味豆腐炸得好好味 一口一粒 外脆內滑 一定要叫黎食呀！

有朋友的同事說：不能錯過的18斬，於是book了星期五晚上七點，準時去到見有五張枱已經再用饍，都不是拍烏蠅嘅食肆，以為靠得住, 點知～環境、服務員嘅態度，都冇乜問題，今次係要講食物；望望餐牌，原來叫18讚，加左價$488都要叫啦，因為話不能錯過嗎！加多個金字塔扣肉，寧波烤菜，螺肉燉湯，青瓜海蜇，炸豆腐拼蝦仁。侍應話食咗啲凍野先上熱野，OK冇問題，18讚上先，咦咁細碟嘅，食咗一舊已經唔想食第二舊，啲味好古怪，就算飲咗茶，怪味在口腔度徘徊不散！另外，寧波烤菜（是滷小棠菜凍食），青瓜海蜇，冇特別，一般；幾經辛苦先食咗一半，職員行埋黎同我地講，話過18讚，用咗18種香料調味，故名18讚不是18斬（以為將蟹斬開十八刀，故名18斬，是錯的）叫佢收咗佢，竟然同我地講，個蟹咁貴，你哋慢慢食啦！😰點呀？！跟住上咗啲熱野啦，螺肉湯清淡似水，扣肉諧霎霎，有一股臭豬味，又放棄咗啦！，豆腐炸得唔錯，但太細粒，放左一陣就林晒啦，蝦仁一股雪氣味！咁難食，快閃去第二度食過啲甜品好過！埋單$1528，呢個價錢去I square 是但一間都得啦，以為我地睇view食飯咩！掃了食生日飯的雅興🤦🏼‍♀️

欣賞完異形聖約閒逛一會就前來晚飯，因為真的沒什麼地方好行，比訂檯時間早了半小時多呢。難得與女友出城活動，當然事先要做足功課，那就百戰百勝啦﹗上網細閱每編食評，食物質素笑面多多，但服務劣評如潮，如洪水猛獸。不過作為一位專業食家必須要有冒險精神，就讓我親身體驗，一探究竟。四眼經理叔叔親切地招呼，還主動提議先起頭盤後上湯，最後主菜。樓面短髮姐姐不時幫我換骨碟及收拾檯面，傳菜嬸嬸及埋單姐姐就嚴肅少少，沒怎樣表情呢。總括服務都廷滿意架喎，埋單 $1400 蚊有找，我還放下 $20 貼士作小小表揚啦。環境嘈吵一點，食客談話聲太大喇。其實我專誠來文鼎是想食東方之珠巨形煎堆的，原來要預訂架 ﹗居然食評中隻字不提，陰功豬咯，無得食！見附近幾檯一個接一個的東方之珠出場，已再沒有播娘爆上菜音樂喇，耳根清靜，好多了。其實我非常想試金牌扣肉架，見照片賣相獨特程金字塔形，顏色晶瑩剔透閃閃發光，但女友不吃肥豬肉的，解釋多次豬皮豬膏已燉到變成?喱狀，滑溜溜的骨膠原，有美顏作用，始終途勞無功。女友突然想食朱古力，但我又對此區人生路不熟，那裡找啊？隱若記得馬可勃羅酒店地下商場有間甜品店，以前層經買過蛋糕的。小禮物意大利米

本身想好好打食評 但係食完真係一肚火吾想評價佢既食物 因為呢間餐廳太吾老實食物係點已經吾重要 我地2個人嗌左4樣野食 買單果時個短髮女人拎住張單 講話$994 我吾明點解佢甘心虛 吾比我睇單我醒起佢放左兩碟所謂既《餐前小食》我地無食 想知洗5洗收錢 於是就話要check單『餐前小食』 係一個花生同榨菜，好細碟就係上面果兩碟佢張單寫$30 我話我地無食過 要取消翻 佢: 你一開始吾要要講，甘樣無得取消我: 你放低一樣我吾要既野，又無講明收錢，依家局住要我比？我地掂都無掂過佢: 每間餐廳餐前小食都要錢嫁啦～ 之後我地好堅持吾比，友人都發脾氣，侍應先黑哂面，好吾憤氣甘cancel 左～翻屋企途中，我睇食評，先發現好多人都有同樣經歷，無提及甘既經歷我相信係佢地無check 單～ 我見到有啲人一開始就話吾要，侍應就話，吾要都要比錢～根本無論點 都要你比 最重要係，有一位食評當中，影到果位短髮女侍應，同我今次係同一個人黎！最後因為果$30前菜錢，我反而無留意check 到其他野有無比佢收多！ 翻到屋企仲係點計都吾岩～ 佢地真係好古怪～ 好市儈 諗住陰啲陰啲係每個客身上呃啲呃啲無人覺～ 無諗過去間

今天母親節10:25致電訂窗口2位，佢話早上無得訂，要先到先得。15分鐘後我們行到入去得兩枱客，大把窗口位，佢話所有窗口位要一早訂，依家無。不單要坐近牆邊，還要無人招呼冲茶，老人家都忍無可忍佢真係睇人囉（會日日來常客）掛，雖然我次次不只兩人去食晚飯午飯，我覺得你好先從將軍澳過來飲茶睇景享受一下啫，呀姐你想趕客走不如掛在門前話「無訂枱不招待」唔想做野就唔好做喇，好過浪費我d時間。睇死老人家唔去得邊，所以我最後行去格離江順河鮮，魚鮮粥好味有服務呢d先叫做專貴食府

慶祝朋友生日，特意選左佢最鍾意既中菜，今次挑選左間環境比較舒服既中菜廳，入到燈光比較暗，有少少景觀，感覺還不錯，我地叫左幾款野食 ，最驚喜既係佢招牌菜"煎堆波"，有閃燈咁攞出黎，仲要唔係得個樣，好味〝估唔到配雪糕食幾夾

呢間野最搶眼梗係巨型煎堆舊野大過個人頭呀！食落去都脆既影相呃like就梗係好啦但230蚊一個煎堆值唔值就各下自理！但想食既記得要預約其他食物就無乜特別味道都係一般～

琴晚訂咗窗口位，每人最低消費$380。雖然落微雨，但夜景都算清，可以睇到對面海前菜叫咗個四喜烤麩，好食！海哲好爽口，陳醋都好香。湯就叫咗花膠老鴨湯，好好飲！好香好入味！湯料又多，淨係飲湯都飽仲食咗個風沙雞、小黃魚同酒糟芥蘭。風沙雞上有薑絲，第二食覺得幾特別。小黃魚比起其他餐廳整得更香更有口感。酒糟芥蘭就甜咗啲。至於服務方面都ok, 雖然最後甜品漏咗單，但個個侍應反應都好快，又有笑容，冇其他食評講到咁差。可能因為琴晚星期二，個場唔full所以侍應冇咁忙啦。呢到價錢唔算平，但坐得舒服，有夜景睇，食物質素又好，值得再去

服務員態度超差。先黎問茶， 問有咩茶可以叫， 答「都係果啲啦」。 再問， 先死死地氣答我。送所謂小食來的另一位服務員， 「板」起塊面， 話你唔要， 佢都要收錢。架下乜消費者無得揀？ 即係放一碟你無叫嘅嘢， 然後夾硬收你錢？仲要收完塊面勁黑。 經理都回應到不知所謂！

上菜超級丶超級慢，等個炒飯等左成個鐘，最離譜係叫左2碗翅鹹到想死，waiter 全部反應慢幾拍，服務拍得住大陸！絕對唔會再黎！一間不知所謂的餐廳，垃圾中垃圾！！！

坐低見到枱面放咗一兜車厘茄做前菜，係我一向不吃的，所以請侍應收走，聽到佢問另一侍應得唔得，佢話「由得佢」。之後點心嚟到，樣樣都熱辣辣又好味，唯一係個叉燒腸粉嘅皮比較厚。埋單走嘅時候見張單照收咗前菜錢，同該侍應講話我地退咗冇要過，佢話都要照收錢，友人唔想麻煩所以照俾算，我明呢d係口同鼻拗嘅問題，所以最後只同該侍應講聲，叫佢地交帶同事以後客人唔要前菜應講明照收錢，佢答唔知頭先邊個同事負責就算，食物係好味，但真係一肚氣咁走...