和宴

Open Now

Now Closed

今日媽媽生日，午餐我哋帶佢嚟咗呢間佢鍾意食嘅日本餐廳。我哋點咗套餐，入面包含咗各式各樣嘅菜色。第一道係和牛配法包，香脆嘅法包配上和牛，幾特別嘅。和牛煮得啱啱好，口感適中，非常好食。第二道係韓式煎餅，呢個煎餅係搭配咗海鮮嚟煎。海鮮增加咗煎餅嘅鮮味，令呢個煎餅變得好香，味道真係好極呀！呢個細細嘅迷你沙律好新鮮，菜都整理得好乾淨。仲有牛肉配日本蛋嘅。烤好嘅牛肉，散發出濃郁嘅味道，濃濃嘅牛肉味沾埋雞蛋一齊食，有獨特嘅味道，都係幾唔錯嘅。接住嚟嘅係牛舌，烤好之後沾佢哋嘅鹽蔥汁醬料，使牛舌變得更加好食！下一道係宮崎和牛同澳洲和牛，呢啲牛肉嘅厚度啱啱好，唔會太厚或者太薄，烤出嚟嘅口感啱啱好。同時，佢哋嘅豚肉都唔錯，香噴噴，鮮嫩多汁。最後就係海鮮，有海老同扇貝，都好新鮮。我尤其鍾意佢哋嘅扇貝，大大粒，食起嚟好滿足，蝦都係鮮甜又彈牙。後面嘅甜品係黑糖珍珠雪糕，好甜，入口即化，非常軟滑🙌🏻我哋仲為媽媽叫咗Sake【今代司辛口】，非常爽快。媽媽呢餐食得非常開心呀🥰

今晚嚟咗和宴食晚餐，餐廳環境優美，食物高水準，值得推介畀大家【冠軍和牛拼盤】由五種唔同嘅頂級牛肉組成嘅和牛拼盤，每種牛肉都有獨特嘅口感同味道。尤其係西冷牛排風味濃郁而獨特，肉質緊實，食嘅時候好有口感，再加上豐富嘅肉汁，每一啖都非常美味，而且唔會太膩【清酒燒日本真蠔】蠔身雖然細但蠔肉飽滿，海水味、蠔味、甜味配合平均，仲帶有濃郁嘅清酒味，鮮甜可口【炙燒宮崎和牛海膽壽司】宮崎和牛同海膽嘅夢幻組合，入口時會有濃郁嘅牛肉味，之後油脂同海膽鮮味喺口中散發開嚟，引發超香濃嘅味道【韓式石鍋拌飯】白飯焦香可口，配搭韓式泡菜同醬汁，由鍋底不斷向上翻拌，令配料、辣醬同鍋底嘅鍋巴同上面嘅白飯完全混合，味道非常豐富，真係色香味俱全

身為打工仔最愛嘅一間日式老字號餐廳～日式定食葷素搭配，營養均衡，美味又可以填飽肚嘅精緻午餐🤩 呢間老字號門口就非常日式，彷彿穿越咗去日本咁😂每份定食仲包埋：海帶湯➕沙律➕漬物➕飲品或雪糕A5宮崎和牛牛柳定食端上嚟嘅和牛超級誘人！雪花嘅紋路，脂肪分佈均勻🤤 宮崎和牛本身就有住好濃郁嘅牛肉味，輕輕燒過之後脂肪溶化，食落去牛油味充滿咗成個口腔🤩 原汁原味嘅牛肉香氣，點食都正～宮崎和牛特上雪花牛扒肉及澳洲和牛橫膈膜定食同事叫嘅係宮崎和牛嘅其他部位，都非常新鮮😋現烤控制喺五成熟係最嫩口嘅口感！點埋小醬料，更加香滑軟嫩🥹 肉香味同奶香味交織喺一齊嘅口感正到震！澳洲和牛橫膈膜亦都好鮮美，雖然比唔上宮崎和牛，但口感多汁軟嫩無比，帶住唔錯嘅牛肉風味！

朋友嘅生日餐請佢食餐勁嘅，一早就喺餐廳book咗位，就係為咗品嚐佢哋最近推出嘅套餐【宮崎和牛海鮮十三品盛宴】🤍 前菜特製宮崎和牛他他配法包：宮崎和牛本身就已經好高質，切成條狀後再配搭法包一齊入口，軟嫩嘅牛肉同煙韌嘅法包，口感十足！韓式煎餅：韓式海鮮煎餅食落去香香脆脆嘅，海鮮分量都好豐富！迷你沙律：新鮮嘅蔬菜澆上酸甜嘅醬汁，食落去超級開胃～🤍 燒肉和牛薄切牛板腱：呢個部位因為含有肉筋，所以口感十分Q彈有彈性～輕輕燒吓就已經可以食，5分熟嘅肉質係最完美嘅，即鮮嫩又彈牙！薄切牛舌芯：薄切牛舌食落去就好爽脆！油脂非常豐富，烤得焦焦嘅帶住焦香味一齊入口，味道更佳！上牛排肉：宮崎和牛嘅上牛排肉！望住嗰個花紋就十分誘人～燒過之後油花溶化，肉質變得更加軟嫩，飽滿嘅肉質喺口入面綻放！澳洲和牛特上牛肩肉眼：呢款都好鮮嫩，豐富嘅大理石紋路望住就好高質！燒熟後散發住濃烈嘅脂肪香味，食落去軟嫩多汁，好正！鹿兒島豚五花肉：五花肉都係名品～食落去一點腥味都冇，反而帶住淡淡嘅甜味！食落去非常爽口、嫩滑、唇齒留香～🤍 海鮮海老拼原隻帆立貝：海老食落去口感爽脆而且鮮香味十足；帆立貝嘅肉身厚實，口感Q彈，食得出係非常新鮮嘅

前幾日同屋企人去咗尖沙咀【和宴】食日式烤肉，雖然係午餐時間，但都食到好滿足。呢度嘅烤肉套餐真係好抵食，食材新鮮之餘，質素又高。先嚟嘅係特製宮崎和牛他他，配埋法包，入口即化，牛味濃郁。之後係韓式海鮮煎餅，外脆內軟，配迷你沙律，清新又開胃。講到燒肉，最深刻係宮崎和牛薄切牛板腱，壽喜燒風味，再配埋生蛋拌一拌，嫩滑得嚟帶少少甜味，好滿足！薄切牛舌芯配鹽蔥汁，鹹香同牛味交融，特別夠味。之後仲有宮崎和牛上牛排肉同澳洲和牛特上牛肩肉眼，口感豐富，有嚼勁但唔會太硬，肉味亦好深。仲有鹿兒島豚五花肉，脂香四溢，好好味。海鮮方面，海老拼原隻帆立貝亦係好靚，海鮮鮮甜，好夠鮮味。最後，黑糖珍珠雪糕甜而不膩，正正好好做咗個完美嘅結尾。呢餐燒肉真係食得好開心，唔係貴得過分，但質素非常高。

話說我自己好想食和宴嘅燒肉套餐，一直都搵唔到機會食，因為最少都要兩個set，所以今次興起約朋友一齊去食。和宴喺尖沙咀入面算係比較高級嘅餐廳，一直都好想試，所以就趁住有朋友陪就試吓呢個日式放題啦！一去到已經見到長長嘅人龍walk in，好彩我哋已經早幾日打電話預約好午餐時段去食。座位方面好闊落，坐得都幾舒服。一開始先上前菜：特製和牛他他配麵包，海鮮煎餅同埋小沙律大部份前菜都切得好厚好大件，絕不孤寒！值得一讚。而且配埋醬汁一齊食好開胃。唔講唔知佢哋嘅和牛真係好好味！顏色呈淡淡嘅粉紅色，而且油脂都好豐富，食落去好香牛味！👍👍👍跟住就係主角和牛燒肉啦！和牛薄切牛板腱，和牛上牛排肉，和牛牛肩肉眼，薄切牛舌芯牛味都唔錯，入口即溶嘅口感，好鮮嫩，油脂分佈平均，燒出嚟香氣四溢，肉質腍甜。點埋蛋汁勁滑，唔使點用力咬已經可以吞落肚。可以請店員幫手燒，因為火喉控制得好好，唔會太生或者太熟。豬肉：五花肉豬肉嘅肉質真係好鮮嫩，中間層油脂比較豐富，燒完有驚喜，有別於一般五花肉，肉質好軟腍，肥瘦分明一層一層嘅特別口感，燒嘅過程鎖住肉汁海鮮：海老+原隻帆立貝海鮮方面入口即溶好鮮味而口入面仲留有海鮮香味滋味無窮，全部都

作為香港日式燒肉的先驅，和宴 Wa-EN 的 宮崎和牛海鮮十三品盛宴，以相宜價錢享受「日本一」宮崎和牛料理，絕對是性價比之選。由前菜 宮崎和牛他他 開始已經教人驚艷，將頂級宮崎和牛切成細絲，與生雞蛋拌勻，保留肉質口感同時，更突顯宮崎牛的鮮甜味道。燒肉部分包括 特上肩肉眼、上牛排肉、薄切牛舌芯及鹿兒島豚五花肉，其中更提供稀有的 宮崎和牛牛板腱，每頭牛只有少量可取，特別珍貴。經店員席前代燒後，以壽喜燒式食法點進日本蛋和壽喜燒醬汁中，油脂分布均勻，入口香濃嫩滑。加上各種燒海鮮、主食 韓式海鮮煎餅、盛岡冷麵 及 甜品 黑糖珍珠雪糕，無論是和牛愛好者，還是追求高品質用餐體驗的食客，和宴 Wa-EN 都能滿足您的味蕾。Wa-EN presents a great value with their upgraded 13-course Tasting Menu. Starting withMiyazaki Wagyu Beef Tartare, finely shredded wagyu mixed with raw egg balances texture and flavor, enhancin

好正啊食日本野我哋自己比錢食和牛十分好吃，肉質好肥美，細滑入味我哋食左好多添肉質唔會好硬十分豐富呀！保持多肉汁，又十分，厚身呀！呢一間餐廳環境質素10分高，唔使等好耐已經有得食，仲要係服務質素好好佢哋好好人問啲咩佢哋都即刻答返你價錢適中又唔會話太貴嘅，但係環境真係好好呀我同屋企人食咗兩個鐘都覺得好物超所值，完全唔會催人手仲有啊我覺得食日本嘢特別係和牛牛嚟講呢間都真係幾唔錯，有機會好想再嚟食呀位於尖沙咀好近呀

店內嘅裝潢好靚，好適合同家人一齊食晚餐。我哋點咗幾道菜，食材非常新鮮，味道亦都好啱我哋嘅胃口。和牛盛盤：一次過體驗五款唔同嘅和牛部位，真係太爽啦！每一款牛肉嘅色澤都係粉紅色嘅，脂肪分布均勻，燒完之後仲可以食到油脂嘅香氣，滑滑軟軟，一個字，絕！清酒燒蠔：呢個係我見過最大嘅生蠔！蠔肉非常彈牙，咬落去好有嚼勁，仲可以食到鮮甜嘅肉汁，配埋清酒嘅香氣，簡直係人間美味！沙律：沙律嘅份量好大，食到特別滿足！蔬菜非常新鮮，咬落去好清爽，加埋醬料嘅調味，味道更加豐富！和牛海膽壽司：和牛非常肥美，加埋甘甜嘅海膽，使壽司嘅口味層次非常豐富，加上份量好足，真係爽到爆！和牛溫泉蛋丼：和牛配熱辣辣嘅溫泉蛋真係絕配！蛋香包裹住鮮嫩嘅牛肉，味道特別香濃，加埋其他配料嘅獨特味道，整體嘅口感同味道非常正！

前幾日同朋友去咗【和宴】食晚餐，呢間係日式燒肉店🎏氣氛好chill🪄一邊燒肉一邊傾偈🧸好輕鬆。我哋叫咗燒肉套餐🍽️啲嘢食好快就上枱唔使等好耐。首先食咗特製宮崎和牛他他配法包，牛肉好嫩🥩配法包一齊食落去好有層次。之後有韓式煎餅，係海鮮餅🦐🦀🐙🦑外層煎得香脆，入面啲海鮮啱啱熟，唔會過火。🔥燒肉🔥宮崎和牛薄切牛板腱（壽喜燒風）係點日本蛋食🥚肉質好嫩滑，蛋液令到味道更加豐富。薄切牛舌芯配鹽蔥汁，食落去有嚼勁，唔會太硬。至於宮崎和牛上牛排肉同澳洲和牛特上牛肩肉眼，油脂分佈均勻，燒完無筋。鹿兒島豚五花肉嘅肥瘦比例啱啱好，燒到金黃脆脆嘅，好香口。仲有海老拼原隻帆立貝，蝦同帆立貝都好鮮甜。🍧甜品🍧食完燒肉我哋叫咗黑糖珍珠雪糕做甜品，唔會太甜，珍珠好彈牙。仲有迷你雞肉烏冬，細細地啱啱好填飽個肚。🍹飲品🍹飲咗熱生薑柚子茶，暖胃又解膩，朋友就飲咗波子汽水，懷舊feel十足🥤。成晚都好滿足，食材新鮮，推介畀大家嚟試吓！🔥

朋友上次放我飛機，話要請我去和宴食燒肉，我聽咗當然即刻答應佢!我哋點咗$498 Tastingmenu嘅配套，非常掂食!前菜嘅牛肉好鮮甜，放喺法包上面食，香脆滑嫩，正到爆!仲有韓國風味嘅海鮮 煎餅，脆脆地，仲有海鮮帶嚟嘅甜味，真係食到停唔落嚟!燒肉有好幾種，兩款薄切嘅牛板腱同牛舌芯。牛板腱配蛋係日本人鍾意嘅食法，牛肉甜美，沾上 蛋非常香濃滑順!而牛舌芯有非常特別嘅鹽蔥汁，喺口中爆香，味道甜甜咸咸，好有滋味!仲有 我最愛嘅兩款牛肉，上牛排肉同牛肩肉眼。上牛排肉比較有嚼勁，咬起嚟好彈牙，而牛肩肉眼就 比較軟嫩，兩個唔同口感嘅牛肉一齊食，非常鮮甜，簡直係人間美味!牛肉食多咗，仲有五花肉同海老拼帆立貝換換胃口。五花肉有住濃郁嘅油脂香氣，味道鮮甜，令 人回味無窮!仲有新鮮嘅海老拼帆立貝肉質厚實，非常多汁，正!燒完肉仲有甜品黑糖珍珠雪糕，冰冰涼涼，同Q彈珍珠一齊食，更加香甜!波子汽水飲住清爽，食 完燒肉嚟一杯非常解膩!仲有乳酸梳打，特別能清涼解渴，仲可以幫忙消化啱啱食嘅燒肉，真係 好飲品!朋友請嘅燒肉真係好好味啊!下次換我請佢!

假日帶來港親戚食晚餐 一行人點了套餐 來試試不同餐點餐前法包法包以和牛來做搭配 非常獨特 味道不錯韓式煎餅混合了大量海鮮 味道香噴噴迷你沙律店員還送了我們一道迷你沙律 沙律菜非常新鮮 處理得十分乾淨牛肉搭配日本蛋牛肉烤過之後沾蛋非常好食 大家都讚不絕口牛舌配鹽蔥汁牛舌切薄片 沾了醬汁令人食到停不了口另外還有大家期待已久的牛排肉、上牛肩肉眼和五花肉所有肉的厚度剛剛好 我們稍烤了一會 肉的熟度剛好 肉質滑嫩還有肉汁另外的海鮮有蝦和扇貝蝦非常新鮮 扇貝亦非常大粒厚肉 鮮甜多汁熱食-雞肉烏冬味道香香的 份量剛好甜品為搭配了黑糖珍珠的雪糕 黑糖味道香濃 令雪糕味道更上一層次所有餐點都非常精緻 份量又大 吃得捧著肚子離開

一日下午，我與朋友放假，約了對方聚聚舊見見面，再去逛街。我們好鍾意吃日本菜，之前我在網上找到了幾間不錯嘅日本餐廳。今次就決定帶朋友嚟呢間日本餐廳食午餐。一入到店，可以看見到好精美的日本風裝修擺設，好多地方佈置得漂漂亮亮，最鍾意餐桌那邊，很高級似的。我點了石鍋拌飯套餐，非常豐富，包含好多食材，特別鍾意上面的溫泉蛋，煮得剛剛好。我攪拌住食，攪拌嘅時候，各種配料同石鍋嘅加熱，好誘人，真係令我流口水。攪拌好之後，全部食材混住食，口感非常豐富，非常美味。朋友沒那麼餓，就叫咗和牛，跟我一起吃。牛肉有一定厚度，好誘人。放上去烤的時候，散發出濃濃嘅香味，吃的時候更加不得了。厚厚的和牛，香味撲鼻，咬勁十足，鮮嫩多汁，真的超線棒。套餐入面還有小菜，包括海帶湯、迷你沙律、日本漬物。另外仲有水或者甜品，可以選擇咖啡、茶或者雪糕。整頓好滿足又開心，下次有機會還會再來午餐。

今日星期五，就打算同朋友去位於尖沙咀嘅食午餐慶祝周末嘅到嚟。我哋最中意嘅就係lunch set，除咗燒肉，仲有海帶湯、沙律、漬物同咖啡/茶/雪糕，真係特別掂食！呢度嘅環境非常日式，用嘅都係木系嘅設計，非常簡單好睇！我點咗上牛扒嘅套餐，牛肉切得啱啱好，燒起嚟有住非常香嘅牛肉香氣，肉味濃郁，口感細膩，令人食到停唔落嚟！仲有海帶湯入面都係滿滿嘅海帶，非常新鮮爽脆，熱辣辣非常暖胃！朋友點咗雪花牛扒同醬汁和牛橫隔膜嘅定食。牛扒有住非常靚嘅雪花，燒後嘅油脂香氣撲鼻而嚟，鮮嫩多汁，非常好味！仲有和牛橫隔膜有住軟嫩嘅口感，脂肪分布均勻，入口即化，配上醬汁獨特嘅味道，味道更加濃郁！我同朋友都食到非常愉快，非常期待周末嘅到嚟！

自從畢業後就好少同同學一齊聚會，中秋節個體就約咗呢間同學介紹嘅「和宴」一齊食烤肉。我哋揀咗佢哋嘅Testing Menu，前菜就有韓式煎餅同埋特製宮崎和牛他他配法包，佢哋嘅和牛他他整到非常好食，雖然醃漬過，但係仲食到牛肉嘅香味，同法國麵包一齊食真係好好味！迷你沙律就普普通通，但係食材係新鮮嘅。韓式煎餅煎到好脆，但唔係硬嘅，沾上佢哋韓式醬料真係一流！ 佢哋嘅燒肉種類太多，唔知從邊隻開始介紹，但印象最深刻嘅係宮崎和牛薄切牛板腱配日本蛋同埋宮崎和牛上牛排肉。牛板腱口感真係好正，搭配個新鮮日本蛋食真係人間享受，牛板腱厚度適中，所以食落口好滑嫩，夾埋蛋，香！ 佢哋嘅上牛排肉啲油花好靚，而且非常香牛油香味，搭配青辣椒食，好好食啊！鹿兒島豚五花肉肥肉唔會太過肥，係啱啱好嘅，所以食落口唔會覺得好油👍 佢哋嘅海鮮有海老同埋帆立貝，好新鮮，原汁原味嘅鮮甜，而且好大隻，個個肉都好飽滿。唔少得甜品黑糖珍珠雪糕，蛋糕唔系好甜，我好鐘意。飲品我就試咗熱生薑柚子茶同埋坐隔離個同學嘅沖繩四季柑薑味汽水。因為我覺得好凍，所以飲熱生薑柚子茶係最啱我，飲落去整個人直接溫暖返，而且柚子嘅酸味啱啱好可以卑我refresh嚇。四