侘寂珈琲

Open Now

Now Closed

之前和友人早就想試試這間咖啡店。.終於今次唔駛加班就可以趕得切幫襯！.環境真的不賴！好舒服😌（無吵耳音樂👍先可以好好嘆飲品同個下午茶的嘛）其中更真是有一間好認真既塌塌米和室呢！床之間的位置仲有字畫鮮花香合佈置耶。食物和飲料方面，飲品方面要先讚抹茶Latte （希望無記錯）調得好好，奶夠熱帶到本身甜味（Latte的香甜主要來自加熱了的奶，充得好唔駛落糖)，同時不失茶味和茶香證明用既茶粉質素有返咁上下，平衡做得好。食物點了限定的西京燒魚配白米飯（做到肉滑味香不油膩），友人則點了咖啡奶凍，均有水準之作。最緊要坐得好舒服😌放鬆到個人下次再試下其他咖啡和食物😋😋用腳投票，後會一定有期～

是咁的，以前我一直覺得有好多樓上咖啡室都係大眾餐廳而唔係咖啡室，上到去係食嘢、啲人狂吹水，會嘈到好似街市咁...歷經咁多唔同嘅樓上咖啡室嘅劫數，終於比我搵到呢一間係堅係安靜，連服務員講嘢都唔會太大聲量，有獨立嘅榻榻米房，好寫意同埋有私人空間，雖然如果要訂呢一間房嘅話最低消費一定要$150，不過就算唔訂呢一間房，外面嘅環境依然寧靜寫意，店內有提供雜誌書本可供隨意閱讀，亦都有手製嘅陶瓷杯可以欣賞，好似仲可以買嘅添🤔亦都有一啲限量嘅甜品，食物嘅份量唔大份，建議去嗰度主要飲嘢，因為主要招牌，喺嗰度可以悠然自得咁樣坐幾個鐘，係為自己叉下電嘅好地方(⁎⁍̴̛ᴗ⁍̴̛⁎)

有日落大雨，同事仔話帶我地去公司附近試新野，既然唔洗點擔遮，我地一於跟佢去啦～見到餐牌上既價錢，真係令我地嘩然最低消費都9x，唔通真係好好食？不過坐低左都唔會走，就叫個廚師推介既日式咖喱飯雞肉飯…加埋錢轉杯凍朱古力。個飯到左，我第一個感覺就係黑人問號呢個就係價值9x既日式咖喱雞飯????飯唔夠熱又細份，咖哩好稀，雞肉唔入味，啲薯仔紅蘿蔔好似用水洽完就加落啲咖哩到好失望，我去買盒日底咖啡磚返自己屋企煮應該都好食啲……同事同我comment一樣，都覺得唔值呢個價，有個同事仲叫左貴啲既all day breakfast，佢都話唔掂但要幫cafe要平反既係，野食雖然唔掂，但佢既野飲好掂，我杯朱古力好香濃，同事對佢地既咖啡亦讚不絕口，因為唔係用普通咖啡豆沖，而cafe既咖啡選擇多，店員亦好樂意介紹。

有近一個月不停飛，去下旅行，終於休息，亦睇到外國其他食店之日常。返到香港，有點掛住日本，係openrice搵到呢間，就去試下。先說近公司，唔駛行好遠（得一個鐘食飯嘅人來說很重要）。係工業大廈樓上，一直以為自己去錯，轉彎後見到門口先安心。入到去好寧靜，好與世隔絕嘅感覺，同出面唔同。有一間小和室，坐到5，6個，有自己嘅空間（要除鞋係無錯）。我地無訂位，坐係吧枱都一樣有風味。樣樣都好整齊，好乾淨，而射燈係加強咗嗰種集中感。有日本書籍，好想再返去。本身想食期間限定，但因為去日本個陣無食到蛋包飯，於是決定叫日式all day breakfast。前菜不錯，真係日式嘅，有牛蒡個啲，食落去有啲回憶。湯係洋蔥湯，正常，個人認為渣多咗啲。蛋包飯幾得意，畫咗個樣，味道一般，飯味道係ok嘅，只係唔會「嘩」個種，可能蛋薄咗啲，無乜蛋包飯。朋友點燉牛肋肉飯，味道可以，牛肋煮得淋同入味，但未至於驚喜，有點似家裡嘅感覺。咖啡我地都叫咗signature，再加10元，完全抵俾。店主見我地食哂先整杯咖啡，睇得出好仔細，每次用完咖啡機都會抹一抹。味道唔差，我地兩杯完全滿足我地。我地走個陣人客剛走，影俾大家睇做參考。

今日lunch又去試新野，觀塘區工廈食肆眾多，今日就揀左呢間侘寂珈琲。進門有個書架，店主想必係個愛書之人，喜歡閱讀，更想分享閱讀。店舖面積不大，但設計很有心思，很舒服。看一看Menu，第一頁介紹了侘寂的意思和餐廳的理念。午餐時間有lunch set menu，價錢約$90-100，可加錢升級飲品和甜品。點餐係出櫃檯點的，我點了店長推介的和風燉牛肋肉飯+Piccolo Latte。牛肋飯味道很好，汁醬配飯很好吃，咖啡也是不錯。朋友點了的和風朝食。肉醬意粉。輕盈早餐。咖啡Dirty。整體來說，食物環境不錯，定價雖然有點高，但可以係繁忙中靜靜的享受午餐，跟朋友喝著咖啡慢慢的閒聊，暫時遠離煩囂，也很值得。

「侘寂」一詞係日文，意指平民，簡單，低調，缺陷美，係一種日本美學，以簡單僕實嘅傳統日式佈置，令客人可以喺平靜祥和嘅環境下享用食物，達至心靈嘅寧靜。嚟到呢度，你就好似與世隔絕一樣，走入一個充滿日式禪趣嘅世界，靜靜哋一個人享用簡單嘅食物，一碗平凡嘅素雜菜湯，一碟炒日式雜菜，一個蛋包飯，一杯紫薯拿鐵，最原始嘅味道帶畀你心靈無限嘅平靜，好耐冇試過咁寧靜享用一頓午餐，單身嘅你都應該洗滌一下心靈！

侘寂一詞係日本的，我用最簡單去解釋就係（平民，簡單，低調，缺陷美），我一直都覺得不完美的完美才是美，亦都係工廠大廈有cafe，係一件好有趣的事，正如我上到去全層有好多搬運師父在開工，但在角落有間不食人間煙火一樣，用簡單的木門做門口，推門入內好像另一世界，正正依種反差我真係好鍾意門內的確簡單的日風設計，有一間和室係到都幾有趣，可能我唔係食飯時間去，成間cafe得我一個，唔知係咪要跟番個名，明明係日風設計，但食既係英式既all day breakfast,其實依食依樣野我一直覺得好文青，唔係文青其實做乜夜晚都仲要嘆早餐我就叫左個份量少點，同聽聞咖啡唔錯，但又唔係好識所以問下有乜介紹，咖啡師就推薦左杯picolo latte我飲，一份簡單的早餐好快就到，而且因為得我一個人，慢慢聲播住鋼琴演奏聲，的確我嘆更食早餐獨有個份安靜，放低部電話享受一刻的寧靜，食完忍唔住都再要個搽茶mousse,去得cafe咖啡可以唔飲，但甜品緊係要食，平身想食豆腐味，但係和風的鋪頭中，好似選擇搽茶會岩數點，的確唔錯mousse茶味夠，而甜味就交俾紅豆，兩樣配合的岩岩好，唔會雙方互嗆平時我食飯係好快就食完就走，但今餐我

聽聞有不少cafe 開在觀塘工廠大廈，咁啱今日來搵米奇長老，就搵一間試試，「侘寂」這個名很特別，是日本美學，有不完美的意思（係老闆話我知的）裝修很日式，環境寧靜舒服好悠閒，食物種類不算多，但飯，意粉，包同cake 都有咖啡好飲迷你玉子burger 造型可愛，熱辣辣的，好香蛋味carbonara 較為乾身，味道還可以

觀塘有不少工廈食肆，是日尋覓新地點，來到這間位於毅力工業中心的侘寂珈琲午餐，地點也不算太難找。Menu非常精緻，不過食物以簡單為主，選擇雖不算多，但基本也俱全，有意粉，All Day Breakfast，咖哩飯等，其中和風式蛋包飯每日限定10份。幸好10份也未賣完，即點了試試，和風式蛋包飯/$78，有日式煮物及雜菜湯。先說雜菜湯，味道十分淡，加點調味會較好。日式煮物賣相不太吸引，是由菇，蘿蔔等做成，味道不討好。而主角蛋包飯，蛋薄身，而內裡飯粒粒分明，不過味道就偏淡，唯一覺得好吃就是有茄汁那邊甜甜的，整體大失所望。

禮拜四 walk in 過來Lunch，間店係觀塘既工廠大廈，細細間位置幾隱蔽，原來唔少人係book台既，好彩仲有位。個裝修係日本風格，令人感覺好平靜比較舒服，適合慢慢嘆還有傾下計。叫左Regular All Day Breakfast, 免費升級黑松露炒蛋，火候味道都剛剛好，加配名叫Dirty既咖啡（其實唔明點解叫Dirty🙊），第一啖係有丁點酸澀，咖啡味較濃，之後每飲一啖個口感都唔同奶味越來越濃，整個感覺係唔錯既。

同事介紹下，近近地試下來這個地方。一入門口，感覺是地方雖小，放著輕鬆音樂，氣氛雅緻優柔。剛坐下來，店主已拿來menu, 介紹我們每天有不同的優惠。eg 星期四食all day breakfast 可以免費upgrade 黑松露炒蛋。偏偏我想食飯，所以order 了忌廉鷄皇飯，咖啡問了店主推介，似乎piccolo latte 唔錯。不久我的飯來了，汁和鷄份量很一般，不吸引。Piccolo Latte牛奶比例只有Latte的一半。由於少了奶，能突出咖啡豆的原味，如果嫌Latte太多奶，又未能飲甘澀的Espresso，這是不錯之選！果然，味道很突出，令人難忘。與友人坐了近2小時，不太嘈而店主也沒有趕我們走，實在係忙裏偷閒之選。

「侘寂」一詞來自日本，我用最簡單去解釋就係（平民，簡單，低調，缺陷美）。我一直都覺得不完美的完美才是美，亦都係工廠大廈有cafe，係一件好有趣的事，正如我上到去全層有好多搬運師父在開工，但在角落有間不食人間煙火一樣，用簡單的木門做門口，推門入內好像另一世界，正正依種反差我真係好鍾意！其實食「All day breakfast」，我一直覺得好文青，唔係文青其實做乜夜晚都仲要嘆早餐呢～哈哈～ 我就叫左個份量少點。再者，聽聞這間咖啡不錯，但又唔係好識飲，所以問下有乜好介紹啦～ 咖啡師就推薦左杯Picolo latte我飲，一份簡單的早餐好快就到，而且因為得我一個人，慢慢聲播住鋼琴演奏聲，的確係我嘆食早餐獨有個份安靜，放低部電話享受一刻的寧靜～甜品的確唔錯！mousse綠茶味好足夠，而甜味就交俾紅豆，兩樣配合得岩岩好呀！

工廈之中有很多臥虎藏龍的咖啡室，侘寂珈琲是其中之一，聽名字，就知道咖啡室走日式路線，果然不出所料，與友人點了蛋包飯來試試，蛋不是那種嫩滑多汁的口感，倒是比較＂實淨＂，勝在蛋味香濃，配上拌勻了茄汁的米飯，酸酸甜甜幾開胃，拌碟有類似關東煮的食材，包括：蒟蒻、牛蒡、紅蘿蔔等等，隱約地滲出陣陣昆布香氣，連平時對這類拌菜無興趣的小妹，都忍不住食左幾舊，至於碗湯就比較遜色，清得沒得一點味道，彷彿有點在飲帶着油的白開水一般。因為友人勁鍾意食山葵，所以特別叫了山葵醬拌蛋三文治，師傳整得好有心機，將麥包皮切掉，再烘到兩邊都脆脆地，中間夾上ｗasabi蛋，小妹一邊食，一邊泡眼水及狂咳，皆因實在太攻鼻，只好不停喝水!!! 感覺自己好似玩緊"辣辣壽司"，另邊廂友人卻吃得津津有味，不禁感歎太厲害了吧。女孩子總有第二個胃，留來吃甜品的，栗子Mousse是店裡的限定甜品～細細件，夠的骰，栗子味不算太濃，但質感幼滑，不過不失。如果想在鬧市中尋找一片寧靜，來這邊歎杯咖啡，食件蛋糕，真的是不錯既選擇。

位於觀塘工廈，寧靜又不會太偏辟，遠離觀塘市中心的喧嘩！寫上祝福的木牌日式設計佈局，簡約不浮誇。還有一間小房食物選擇不多，一本書加上咖啡，也可消磨一個下午。hot dog $45樣子像和風味道，下午茶之選！Hot mocha $20（跟餐價）咖啡同朱古力味道平衡。Wasabi Egg sandwich $48中文名系秋葵蛋三文治三文治有別的用多士爐烘烤，水㤋仍保留不會太乾身。初點以為系一條條常吃的秋葵，其實系wasabi，每囗亦帶點刺激！Hot Sweet photo latte $30（跟餐價）甜度適中的紫薯latte，如果紫薯昧多一點會更好！靜靜的一角可以享受咖啡香，看書也好，發白日夢也好，可讓腦子叉叉電！

今次我去到又飲咖啡，今次叫左一杯咖啡和蛋糕。坐左2小時，靜靜聽下音樂的確吾錯。Single origin selection(limited time only)Guatemala santa ，每款都有詳細資料Process:washed，Roast level: lightTaste: cranberry, plum, dark chocolate……因為我自己鐘意厚身口感加酸度麻麻，佢就介紹這款，飲落微酸但可接受，還有少少朱古力香，幾特別同飲得好舒服。芝士蛋糕$40…佢自家制，食落芝士味濃而香，仲要好滑身，醬好多生果，微酸又大粒，這價錢都合理價。最後都忍吾住買左包Brazil ipanema dulce 100g $59，佢地自己焙出黎，而佢都係有詳細資料Process: natural，Roast level: city+，Taste: red grape, nectarine, honey, chocolate……買左大約一至二星期一定要飲晒，又到自己磨咖啡豆的日子了。