和道屋

Open Now

Now Closed

一班同事想揾間舒服地方食飯，被和道屋裝修吸引而來，的確裝修好靚一進門就好有和風！服務上有一堆小插曲；A. 每次詢問餐廳員工時,總是回應:“等我問下先!”唔用腦既回應感覺他們可能是 新入職的員工, 完全不熟悉流程。 B. 鄰座兩位客人吃一鍋壽喜燒,而我們九個人卻只有兩個小鍋,這樣的安排實在有點小 家 C. 點餐紙要詢問才能拿到,入座後沒有主動告知!這樣的服務確實讓人失望 D. 要加+$68任飲的話,全桌都必須一 起點,有點不便 至於食物方面,半自助餐的選擇有些奇奇怪 怪,雖然不算名貴食材,但每人限點五樣！規矩要先食完串燒和壽司,然後才能上壽喜 燒。和牛的確好食,吃兩轉後也飽了! 整體而言,食物水準屬於正常水平,但服務態度實在需要大力改善。希望老闆能夠重視這些問題！

今日因為想補返生日飯，專登上youtube 搵d 靚d 好食d 既餐廳食晚飯。搵到依間見佢賣相好似唔錯，環境都有設計（日式風格），所以就好快用openrice 訂左枱。 本身入席時都無咩野，但唔好彩主要serve我地個短髮眼鏡女服務員態度同語氣都好奇怪，一黎唔講清楚menu 上d野點叫，下下要我地問先講，我心諗我地第一次黎，有野唔明問聲都好正常啫，但佢就會用個好似好溫柔，但句句都有骨既tone 應我地，問佢多一兩樣野又黑面又藐嘴，之後又扮返有禮貌咁講野，心諗佢係咪返工返到好大壓力，要攞d 客黎發洩。但都算啦，大家食個飯都係想開心，就唔理佢咁多，但係食野途中，我地傾緊計既時候，佢又會無啦啦插隻手黎收碟，或打斷我地傾計，好似好趕咁，成個傾計咁樣被中斷幾次，咩氣氛都無晒，後尾只係想快食完就埋單走，覺得好掃興，講真俾多少少出街食都係想開心，但食完既感覺係俾錢買難受，仲有少少後悔無當面出聲反映下，雖然d 蟹腳幾好食，但依個服務員令我地成餐飯好唔自在同舒服，好似無時無刻都企係隔離迫我地食快d咁，再加上出菜速度又一般，整體黎講，係唔會再去食，都打comment 係度俾其他想試既人睇睇先做個參考

四個女仔諗住開開心心地食個半放題晚餐成間嘢最可取，就*只有*地下打卡嘅位置（相片詳情請參閱大量好評嘅食評）一上到去餐廳：座位唔太寬闊舒適，覺得有少少窄同隔籬枱相隔可能只有一隻手掌位總之大家講嘢唔同枱都互相聽到完全冇私隱可言Girls talk不能 然後我哋個位真係好大風叫咗幾次職員幫手先校到個冷氣 吹到頭都痛我哋仲有個女仔吹到第二日病住咁去旅行！揀好咗個半放題餐之後（嘢飲/啤酒要再另外加錢之餘，仲要全枱一齊加或者唔加！）先至被告知林林總總嘅「叫嘢食規則&次序」：（1）第一張單：串燒同炸物‼️所有食物不能encore‼️但質素真係好一般，尤其係炸物連雞翼愛好者如我都覺得可以直接跳過（2）第二張單：手握壽司‼️一次過要叫20件 ‼️即係每人要叫五件，但係根本冇考慮食客係咪想叫咁多壽司感覺好似塞飽你食壽司飯，咁你就叫少啲其他比較高成本嘅食物好啦，咁叫夠20件，佢自己又出漏單架到追佢單嘅時候又話整緊 要追兩三次先出到壽司質素：好普通 魚生/甜蝦：新鮮程度一般（3）第三張單：鍋物嘅肉類/飯/烏‼️講到明會自動乘以你人頭數目嘅量咁出‼️但席間有朋友唔食牛/海鮮出多咗嘅食物，如果唔想做大嘥鬼就變相就要其他朋友幫

唔係第一次食IG介紹嘅嘢然後覺得中伏，但今次真係好明顯係水魚Feel所以忍唔住寫Review，香港IG foodie 可唔可以俾少少良心_(:з」∠)_居酒屋就係想飲酒盡興傾偈，半放題套餐係冇包飲品，焗你要加錢任飲。啤酒係幾快上，泡泡比例都不錯，其他梳打就真係放題質素。座位好迫，同隔籬枱勁近，從隔籬張枱嘅距離係一隻手掌（而家講返出嚟都有少少荒謬到覺得搞笑）。我係可以完完全全聽到隔離講緊咩，好似同台食飯咁。$388 套餐會跟一個刺身塔（拖羅蓉+切條的刺身，成個塔細過拳頭）& 五款自選食物。諗住唔可以重複order嘅食物應該好高質啦😂？結果佢係真心放題質素：公道啲講句，其他串燒類是不錯的，特別個牛係幾好食：但真係唔係「不可再Order」嘅質素，炸物真係可以pass，仲要得一件⋯⋯任食嚟講，豚肉湯底真係冇乜特別，牛同豬都薄到分唔到，理解唔到點解啲人講到好好食😅 另外任食壽司都不錯嘅，不過得11款（其中一樣係加州卷🙃）食到10件已經好叻仔，完全覺得佢係想質飽你⋯⋯但係重複講多次，壽司係好食的。埋單成千蚊，可以叫食嘅嘢極少！質素亦都唔值！Overall嘢食唔係難食 但成件事真係好呃錢呃感情Fee

見呢排openrice做緊discount，晚上八點半入座有優惠，所以就黎左同朋友食生日飯。上到去都見到頗滿座，keep住有客人入座，就知應該唔伏！Overall覺得刺身、煎炸野比串燒出色，刺身好大件，夠新鮮；西京燒比目魚🌟🌟🌟、炸豬排、芝麻雞翼都幾出色，好juicy😋 but 串燒就不過不失，有d略為太鹹服務態度方面，店員服務好好，有耐性又好nice！！

經過尖沙咀， 有間裝修特別嘅日本餐廳 ，午飯時間入去試下， 餐廳提供唔同嘅特色😋午市套餐 ，今次我哋兩個點咗，安格斯肉眼壽喜燒 ，呢個湯底好出色，一向鍾情壽喜燒 ，肉眼好鮮嫩滑， 配料有好多金菇，冬菇，紅蘿蔔 月及娃娃菜配料， 餐點有提供 白米飯， 麵豉湯 ，甜點及小吃，CP好高。💖另外點了 特盛海膽三文魚子丼飯， 大大碗激多海膽呀， 海膽有匙羹咁大塊，啖啖鮮味， 三文魚子入口卜卜，口感中足，同樣地，餐點有提供 麵豉湯 ，甜點及小吃，好滿足呢。💖中午時段人流多，上菜時間都好快，店員有禮，坐等舒適，下次同朋友再來試其他餐先。

一打開門入到去就見到好日式風嘅裝修，仲有無臉男坐係度歡迎你😆餐廳有HKD388半放題set,仲有另一個HKD498 嘅set ,前者自選5個日式小食/炸物，後者就係自選5款浜燒海鮮，由於今次主要係想食壽喜燒，所以就揀咗HkD388 果個。一坐低，店員已經主動介紹menu,態度好好，唯一要彈係個位有d 窄，放題嚟講坐得有d 唔舒服。講下HKD388 有咩食先，先嚟嘅係沙律同刺身塔，沙律夠汁，蔬菜亦新鮮。刺身切成條狀，有帶子，三文魚等，最底係吞拿魚溶，味道都唔錯，食得出唔係一般放題嘅cheap cheap 刺身，刺身上枱時温度亦適中，無話溶曬雪/無解凍嘅情況。----之後就到自選嘅5款小食/炸物，我地揀咗甲羅燒，燒蠔，海膽大葉天婦羅，和牛粒。最後一款我揀左芝士年糕，男朋友揀咗炸蠔甲羅燒偏甜，味道ok,多士略嫌唔夠脆唔夠熱。燒蠔明顯係燒過，唔係求其整熟整熱就扮燒咗，生熟度岩岩好，蠔亦鮮味，正❤️海膽大葉大婦羅炸得幾好，上枱係熱嘅，麵皮亦好薄，但海膽唔係特別甜，食完對海膽無乜印象，反而對個麵皮有正評😂和牛粒都係必揀，有好香嘅炭燒味，牛肉粒質素幾好，食到牛味加小小和牛香芝士年糕同炸蠔就一般日式放題

燒海鮮麻麻😞生蠔亦都唔太新鮮😳係燒好拎出嚟，唔係即場係你面前燒🤨蟹肉同蝦都無乜味，比較韌，唔係鮮甜嗰種各款壽司亦都唔係好味，好普通嘅貨😓爭鮮或者超市買到嗰啲可能仲好食😓唯一比較好係壽喜燒鍋同牛肉牛肉算係最靚最好食架啦呢個質素嘅食物，相比價錢就係略貴餐飯唔值得呢個價錢就算任食部份，食完第一輪除咗牛肉之外，都無咩食物值得再去叫多一轉嚟食😫如果呢個價錢，直接去食燒海鮮仲好可以食到真係新鮮嘅海鮮

香港都有好多日式居酒屋🏮但放題形式就真係少見！之前有朋友推介尖沙咀呢間居酒屋話佢哋有半放題優惠❗️見到佢哋午市都只係$268😳即刻嚟試吓佢😛一入門口就見到大大個無臉男👻餐廳裝修好有心思！以木系為主 和風設計頭頂上仲吊咗好多燈籠🏮主打各款日式料理🇯🇵半放題可以任食鍋物肉類同埋串燒❗️🇯🇵和食半放題ʜᴋᴅ 𝟸𝟼𝟾（午市 / 𝟿𝟶分鐘）ʜᴋᴅ 𝟹𝟾𝟾 （晚市 / 𝟷𝟸𝟶分鐘）鍋物可以選擇壽喜燒或豆乳豚骨湯底🍲今次就揀咗壽喜燒湯 甜甜鹹鹹❤️本身鍋已經有豆腐、葛絲、蔬菜等等之後就可以選擇兩款肉類❗️日本A4和牛、北海道米豚、廣島牡蠣（任食）本身怕肉類質素麻麻地估唔到A4和牛有啲驚喜！肉質好軟嫩 有油香🥹高質和牛自己冇食豚肉 就揀咗廣島蠔隻蠔好肥美 夠鮮甜！手握壽司（任食）手握壽司都係任點任食🥹仲係即叫即做用日本直送嘅刺身夠哂新鮮！除咗基本嘅三文魚同吞拿魚推介！左口魚裙邊😍必叫🍣估唔到呢度都有得食❗️明太子沙律都好好食唔係出面嗰啲明太子沙律醬咁真係一粒粒明太子喺面生燒即做串燒/料理/天婦羅（自選5款）一人可以自選5款！有成20幾款可以揀簡直會選擇困難症😆串燒即叫即燒火喉控制得幾好 食材唔會乾身！最鍾意明太

唔食唔知咁驚喜😝呢個半放題餐有兩款1️⃣一個係午市90分鐘 $268/晚市120分鐘$3882️⃣一個係午市90分鐘 $388/晚市120分鐘 $498大家都有任食手握壽司🍣宮崎A4和牛/廣島蠔/北海道米豚壽喜燒🍲溫泉蛋紫菜飯/烏冬♨️而且套餐都有包沙律🥗同雪糕🍧唔同嘅係💁🏻‍♀️1️⃣每位附送刺身塔🤤同5款自選串燒/料理，選擇好多都好正😍有鹽燒和牛粒、甲羅燒、海膽大葉天婦羅🐣芝麻雞翼🧀芝士年糕等等⋯⋯2️⃣每位附送日本A級海膽蟹肉甜筒，同🖐🏻5款大漁浜燒，包括有：北海道帝王蟹腳、鹽燒牡蠣🦪黑松露燒牡蠣🦪金蒜芝麻燒帆立貝、鹽燒大蝦🦐🍻另外加$68仲可以暢飲日本啤酒同其他冇酒精飲品🥳壽司飯細細件，用咗赤醋🍚大推油甘魚同火炙左口魚邊，都好好鮮味😋🫵🏻如果鍾意食蟹、蠔嘅話，建議同我一樣揀2️⃣餐，帝王蟹腳啖啖肉勁鮮甜🤤仲有兩隻燒蠔都好正😚完全唔會Overcooked！數到我哋全晚不停追加嘅🐮就係A4宮崎和牛啦🤗真正和牛質素都有得任食，真係回本位🈹個壽喜燒湯夠甜都好正！整體食物水準真係有驚喜，唔係一般放題質素，價錢亦公道，環境仲好乾淨坐得舒服☺️真心值得回頭👍🏻

間歇性就會想狂食一次就會諗起堆平民放題 但質素真係麻麻 唔想犧牲食物質素之餘又唔想食咁貴 半自助放題幫到我地😂😂🍱半自助放題($268/午餐)半自助當然有啲食物唔係任食啦 冇得任食嘅包括1️⃣和風沙律2️⃣雪糕球3️⃣日本直送刺身塔（+HK$88 香蔥拖羅火山配秘製"榨 柚子"）❤️5款即做串燒/料理/天婦羅選擇超多不能盡錄 以下節錄嘅係對我黎講較吸引嘅幾樣🤓最好嘅地方係可以重覆 5碟要同一款都得 例如可以5個甲羅燒 實行甲羅燒吃到飽😋😋🍢日產串燒鹽燒和牛粒/ 明太子雞腿串/鹽燒雞腎/千歲米豚腩片/🥟日產料理：甲羅燒 / 鹽燒三文魚頭/ 明太子雞翼/燒牡蠣 /味噌田樂茄子燒/吉列廣島蠔🍤日產天婦羅任食部分包括🍣即做手握壽司：加州卷、三文魚、油甘魚、火炙三文魚、火炙左口魚邊、香蔥吞拿魚蓉、八爪魚、飛魚籽、海膽魷魚、青芥辣八爪魚、明太子沙律🍚任食野菜盤、溫泉蛋紫菜飯、溫泉蛋稻庭烏冬🥘任食日本A4和牛、北海道米豚、廣島牡蠣（壽喜燒/日式豆乳豚骨湯底)📌晚市任食以上三款📌午市每款追加一次雖然午市係追加一次 不過過來人表示 我係食唔曬嘅 所以午餐食都夠曬了 可以抵啲🤗豆乳湯底好香甜 肉類質素高 可以任食嘅感覺

Went to the restaurant after seeing the reviews online and also the photos. However the actual food and quality is totally different from what’s shown on the menu. I ordered a few sushi set (I.e., 12 sushi set, 6 mini dong etc). All of which are not fresh. Cannot even taste the sushi itself literally no taste at all. Even the rice itself not proper sushi rice but more like home cook steamed rice. The only acceptable dish is unfortunately the miso soup and the mochi. For the mini dong, the tuna a

未去日本已經掛住壽喜燒😋，見到呢間半放題有壽喜燒，加埋刺身、壽司、炸物半放題，所以約埋朋友黎試Openrice book枱有88折😝，揀左90min和．食べ半放題 ($388/位)，可以任食日本A4和牛、北海道米豚、廣島蠔壽喜燒、即做手握壽司、野菜盤、溫泉蛋稻庭烏冬黎到無卡位坐，枱唔算好大，叫完小食其實都唔係好夠位擺🤣。不過好彩3個人所以未至於好逼～店員有提醒我地30min前截last order，計埋食前菜小食時間其實唔係食得好多轉肉，所以都拿拿臨食完order定壽喜燒🔅和風沙律🔅日本直送刺身塔3個人食就無咁浮誇既刺身塔，不過都ok🔅日本串燒/料理/天婦羅每人自選5款🔸鹽燒和牛粒🔸明太子雞腿串🔸焦糖菠蘿🔸鹽燒三文魚頭🔸芝士年糕🔸炸大山雞塊🔸日式雞軟骨🔸千崴米豚腩片🔸吉列廣島蠔🔸鹽燒雞腎🔸芝麻雞翼🔸甲羅燒無平時出去食嗰啲甲羅燒咁靚既，不過唔使加錢食到都好滿意🤭🔅壽喜燒以為係平時食壽喜燒勁大片既和牛加壽喜燒汁，但原來唔係🤣，同朋友覺得係壽喜燒湯既邊爐。和牛肉質就正常，唔算太油膩～豚肉反而幾嫩唔鞋，不過幾薄切下，蠔就正正常常，不過每次要問staff拎紙再落單幾麻煩🔅脆烤日本甜薯配雪糕抹茶雪

同朋友去咗尖沙咀呢間居酒屋🏮食午餐，一入去就見到「無面男」呢個打卡位，忍唔住要同佢影相📸️，裝修佈置好有心思 ，亦有唔少日式榻榻米坐位。我哋食 90分鐘半放題 （午市$268/位），一個價錢可以食到壽喜燒、刺身、壽司、串燒、料理等，包括：🌸日本A4和牛、北海道米豚、廣島牡蠣🦪壽喜燒（午市每款可追加一次）🌸每位一客 和風沙律、雪糕球、日本直送刺身塔，另外+ $88 可以升級「香蔥拖羅火山」🌸每位自選5 款 即做串燒/料理/ 天婦羅🌸任食11 款即做手握壽司🍣🌸任食野菜盤、溫泉蛋稻庭烏冬、溫泉蛋紫菜飯🌸+$68 可以任飲啤酒、無酒精飲品食物豐富，質素亦很好，有幾款特別推介：🔶壽喜燒（可選壽喜燒/日式豆乳豚骨湯底）湯底調味適中，和牛油脂平均入口即化，北海道米豚肉質柔軟美味，廣島牡蠣🦪肥美鮮嫩。🔶甲羅燒：蟹膏醬偏甜味配多士幾好味🔶燒牡蠣🦪：肥美鮮甜🔶明太子雞翼：雞翼好香脆啖啖肉，釀入明太子沙律醬增添鹹鮮味。🔶焦糖菠蘿：呢個燒菠蘿好香甜美味🔶溫泉蛋稻庭烏冬：冷吃的烏冬，溫泉蛋汁令烏冬質地更加滑。

早幾日一家三口去產檢，完咗之後去尖沙咀度食lunch，俾我哋發現到呢間餐廳！門口有好靚既打卡位，經過樓梯上到去餐廳，牆上貼上唔同和式海報，環境唔錯！午市餐牌好齊全，有海鮮定同熟食定食，唔食魚生嘅朋友仔都啱。特盛海膽三文魚子爆丼（大）睇到都流晒口水啦！海膽好新鮮唔會望落去一pat pat咁，而且份量好足，加埋爆漿嘅三文魚子一齊食真係好正啊！呢個價錢真係唔貴！銀鱈魚西京燒定食銀鱈魚好香，真係啖啖都食到魚香味！調味唔會好濃，銀鱈魚皮煎得都幾脆，加埋沙律醬一齊食好正！自家製吉列千歲米豚稻庭烏冬聽講呢度既炸豬扒都唔錯，所以就叫咗嚟試吓。佢哋嘅烏冬比一般嘅烏冬幼身，所以烏冬好入味，炸豬扒份量都幾多，唔油膩之餘仲幾脆，嘅欣賞佢唔會做到炸漿同豬扒分離，而且火候控制得足幾好，豬扒唔會好乾🫶🏼白燒鰻魚串本身都覺得佢有啲貴，但係食落就覺得值得，因為佢真係好厚身，肉質好彈牙而且多汁，連平時唔食鰻魚嘅食到唔停得口