牛摩+ (新都城中心二期) (Closed)

凍凍地想打邊爐，近近地去左新都城間牛魔食放題，用下果個每月任食$999 E-Pass優惠，因為呢個美國IBP件板腱只需加$39。呢間放題間中都會食，佢既牛質素好高，而且其他配菜比之前有更多選擇。今次揀左美國IBP 牛板腱套餐。牛板腱同肩胛位都屬於脂肪少既部位，唔係sell嫩滑，但我鍾意佢夠肉味同彈性，食多兩碟都唔怕肥，瘦身／增肌人仕啱晒。另外牛舌同羊肉都值得一再encore. 自取區有蔬菜/菇菌類/丸/麵/沙律，擺放都乾淨衞生。除此之外，QR code落單仲有好多小食，個人推介必點有牛摩飯、溫泉蛋、青口、帆立貝、魷魚仔、迷你甜薯同炸餃子。炸物特別出色，夠熱夠脆又唔油。甜品必食一定係自助乳酪味雪糕。值得再一提係牛摩較早前有個好抵既優惠，唔洗1千可以1個月內任食牛板腱餐放題，仲可以每次按需要加錢升級更高等級放題，夠晒彈性，同行朋友仲有折扣優惠，抵到爛。無論食量如何，食5次已經回本。不過唔知12月會唔會再出，一出必買，買到賺到。當日所見，都幾受大食既學生哥歡迎。