和牛燒肉一郎 (百誠大廈)

Open Now

Now Closed

我同女朋友都鍾意食燒烤，尤其係鍾意呢間嘅燒烤。呢度嘅牛肉唔止種類繁多，水準亦都好高，保證你食完仲會再嚟食多幾次。餐廳嘅環境舒適，入面仲有自助Bar，無限提供沙律、汽水同埋甜品。我哋鍾意食呢度嘅Set D放題，個人覺得係最抵食嘅套餐，套餐仲包括日本嘅頂級和牛，真係好抵我哋鍾意食牛脷，通常嚟呢度都會叫唔同款式嘅牛脷，其中包括咗❣️原條牛脷配香水檸檬❣️薄燒蔥花牛脷（鹽味）牛脷有咬口嘅口感，品嚐到油脂之餘，卻唔會好油膩。放喺高溫嘅鐵網上面，即刻收縮緊實，將獨有嘅風味都鎖喺一嚿一口大小嘅牛脷入面，配埋特製嘅蔥鹽，爽口彈牙鮮甜嘅口感令人垂涎三尺，好食到不得了當然仲有一啲其他好食嘅牛肉，肉質嫩滑嘅牛脊肉，口感細膩嘅生牛肉刺身。唔止可以品嚐到高質素嘅牛肉，仲可以品嚐到新鮮嘅海鮮，例如多春魚等等食飽之後仲可以食雪糕，真係好滿足

尋晚去左試佐敦「和牛燒肉一郎」嘅燒肉套餐整晚用餐體驗都好好👍🏻🌟和牛西冷西冷牛肉既紋理清晰肉質嫩滑唔會過肥燒完少少焦香味 肉汁豐富🌟原條五花肉五花肉油脂豐富但唔會膩 肥瘦適中燒到微焦 油香四溢 夠哂香濃🌟原條牛舌配香水檸檬賣相已經夠吸引牛舌好厚身 咬落帶嚼勁加上香水檸檬味道清新解膩 🍋🌟牛里脊肉里脊肉燒到微焦 散發濃郁既肉香口感柔軟 入口即化🌟青口青口好新鮮帶鮮甜味燒到外殼微微打開就啱啱好 🌟多春魚多春魚外皮脆香 魚籽越嚼越香🌟2色蔥花牛舌(鹽味)牛舌鹹香惹味加咗蔥花之後 香味更加突出🌟海蝦大海蝦燒到外皮微脆蝦肉鮮甜嫩滑彈牙成個套餐種類豐富絕對值得一試

都開左一段時間既牛一朗，同朋友食左幾次，好有性價比☺️分別有不同既set不同grading既牛肉，某d set有海鮮，而且牛肉好多選擇。牛舌要讚因為好有誠意，其他地方都只係提供薄切嘅，佢哋嘅厚切牛舌真係比好厚一舊，燒完好香又爽口，一d都唔會韌。寶藏牛肉就岩哂打卡既你哋😆再嚟燒菠蘿，一定一定一定要燒得焦d，水份好爆滿，喺嘴入面水份都爆晒菠蘿汁出嚟。除咗食肉之外，無飯不歡既你記得要試下香蔥拌飯，配埋和牛一齊食好滿足。

Openrice 程式内先購套餐，S2 100分鐘精選牛 97種$288, 已包加一服務費。開頭見傳單有介紹加$8 任飲啤酒，梅酒，清酒，打算去到餐廳再考慮加唔加，但原來經Openrice購買的S2已包任飲啤酒，梅酒，清酒。非常超值牛種類其實不算太多，而且偏薄片，如果喜歡厚切的，可能要選另外的套餐。本身是奔著牛舌去吃，可惜只有兩款選擇，而且薄片，所以有些失望。但員工有禮，收碟速度快，而且又主動留意鐵網需要更換，值得一讚。

最近想搵間日本燒烤嚟食，就喺佐敦百誠大廈嗰度搵到呢間和牛燒肉一郎，有燒烤放題，而且仲係頂級嘅日本和牛任食！價錢仲好公道，真係好抵食！食放題最緊要就係環境唔會嘈雜，然後地方同埋食材都好乾凈，咁樣個幾鐘食落嚟先唔會唔自在。我今次嚟體驗嘅係放題Set E，係648蚊一個人。高達145款食材任我哋揀，最爽嘅係仲有酒類放題，有梅酒、清酒、啤酒任飲。極上厚切牛脷香醇濃郁，有牛脷獨有嘅味道，燒起嚟非常香。黑毛和牛六款各部位嘅肉片都有自己嘅特色，都好好食，大家對牛肉嘅各種喜好部位都有提供。生牛大腹肉壽司非常獨特，生牛肉嘅口感好嫩，然後味道都好香醇。黑毛和牛牛肉角切(一口牛)就瘦肉偏多，咬落嚟比較有口感，一樣都係好香嘅和牛香。今次體驗真係好好，下次一定仲會再嚟食！！

Saturday night 梗係要同朋友出嚟飲酒食飯鬆一鬆啦，今日就嚟到呢間燒肉放題餐廳，睇openrice評價都唔錯就book位嚟試吓。⭐成間餐廳環境都算闊落，一點都唔會逼，而且仲會提供圍裙可以避免整污糟件衫👍簡約嘅日式風格同其他燒肉店風格唔同，睇落去幾高級~ 聽店員講星期五六日夜晚仲有炸物任拎，抵食！⭐Menu都幾簡潔，有A-F set可以揀，唔同價錢除咗和牛款式之外，任食時間都有分別，我哋今次就揀咗E set⭐除咗黑毛和牛之外，特選牛質素都唔錯，普遍都有A4至A5，仲有牛肉刺身同埋壽司添！豬肉、雞肉、海鮮仲有蔬菜總共有145款俾你揀，任你食餐飽！🥩黑毛和牛六款，手切嘅牛肉片紋理清晰，每一塊雪花牛都好吸引！喺燒盤度拎起嚟嗰陣仲見到滴緊嘅肉汁，入口即溶嘅口感配埋滋滋嘅油香真係食到我哋停唔到口😍🦑原隻魷魚筒、青口、海蝦，隻魷魚仲大過我隻手！雖然係燒肉店但係老闆一點都唔馬虎，海鮮每一款都肉質鮮美，最正係完全冇腥味，好新鮮！✅評分：味道 ： ⭐️⭐️⭐️⭐️【4】環境：⭐️⭐️⭐️⭐️⭐️【5】服務：⭐️⭐️⭐️⭐️【4】衛生：⭐️⭐️⭐️⭐️⭐️【5】抵食：⭐️⭐️⭐️⭐️⭐️【5】整體評分：😋【笑】

我都嚟食放題啦，揀咗個SET D，係咁多SET入面最中等嘅，可以食120分鐘，仲可以加錢飲梅酒、清酒同啤酒。頭盤可以食到黑毛和牛同海鮮，黑毛和牛嘅肉真係冇得頂，烤到焦香焦香，一口食落去仲保留住好多汁水，而且都唔需要點咬，感覺就融化咗。原隻魷魚筒係可以整隻攞或者剪成細部分再攞去烤，整隻好大個，新鮮同Q彈。我有去蔬菜區攞咗啲翠肉瓜嚟烤，搭配住M9薄炙牛里脊肉一齊食，咁樣食先唔會膩。每一片都超大塊薄切嘅脊肉，脂肪均勻，有牛肉味，又唔膩，我真係好鍾意食醃製過嘅牛肉。鍾意食明太子嘅朋友絕對唔可以錯過福岡明太子卷，滿滿嘅明太子再加上壽司飯，真係好好食。牛脷都有好多選擇，我揀咗薄燒蔥花牛舌，鍾意食鹹味嘅朋友必叫呢款，每一片都切得好平均，燒起上嚟好快熟，驚太un嘅可以點埋醬汁食，包你唔會後悔，食落有新鮮牛肉味又有少少脆口。炙燒牛外橫隔膜都非常值得一試，只需單面煎烤，當牛肉表面油脂滋滋作響時，即可將牛肉捲起上碟。牛肉本身嘅熱力會將另一面焗熟，避免過度烹調。咁樣，牛肉口感更加鮮嫩多汁，原汁原味得以完美保留。

朋友聚會就一齊嚟佐敦嘅和牛燒肉一郎食日式燒肉放題😋一早就預約咗，所以所以要嚟記得要Book枱！首先就嚟一碟M9薄炙牛里脊肉‼️牛肉薄切，炙燒後香氣四溢，入口即化，肉質鮮嫩，味道一流， 朋友個個都大讚好食😀開胃小食就一定要叫味醂魚乾，挑咗最新鮮嘅魚乾，加上味醂嘅甜味，好滋味好特别‼️青口同黑毛和牛🐂4款（肉眼、牛肋肉、肩胛肉、一口牛）都係必試之選，每一款牛肉都各有特色，肉質鮮嫩，燒完之後香氣四溢，真係令人食完仲想再食😋‼️接住就必須試下海蝦🦐，鮮甜多汁，燒完之後仲保持住海鮮嘅鮮味，一試上癮，好好食‼️再嚟就係香蔥海苔溫泉蛋拌飯🥚🍚，溫泉蛋嘅滑溜同溫熱嘅飯粒結合，加上香蔥同海苔，滿口都係香味，越食越過癮，真係喺燒肉中的一大亮點‼️🍦最後梗係唔少得雪糕，清新嘅口感，甜而不膩，為呢個燒肉放題畫上完美句號😍‼️呢到無論菜式多樣還是服務態度都係非常好，再加上食物味道出色，絕對值得一試🤩‼️

男友上星期五生日，諗住佢平時辛苦，想帶佢去食啲好嘢獎勵佢對我咁好！我問咗我個好姊妹有咩好介紹，佢介紹我去佐敦嘅和牛燒肉一郎食燒烤。我就決定帶男友去嗰度食晚餐。啱啱好今日星期六，呢到原來星期五六既夜晚會係自助區多咗炸物，真係太開心喇！我哋兩個人揀咗F餐，係可以任食19款日本黑毛和牛，真係勁抵呀！首先，佢哋送咗個海鮮頭盤卑我哋，有【原隻魷魚筒】，好大隻魷魚，而且仲好新鮮，有彈性，男友食得好爽！仲有我至愛嘅【特大越南大虎蝦】真係好大，我第一次見過咁大隻蝦，而且好多汁，真係好正！【甲羅燒】特別鮮甜，仲帶有蛋香，整體嘅口感都好好。仲有重點菜品【黑毛和牛六款】，碟入面裝住滿滿嘅牛肉片，每一塊男友都燒得特別香，太好食喇！最令我哋驚艷嘅係【極上夏多布里昂】，有厚厚嘅肉，咬落去特別滑軟，非常美味！嚟日本餐廳梗係唔少得【福岡明太子卷】好開胃！我哋兩個食得好開心，男友都話呢個係一個難忘嘅生日！

每月必到嘅一郎燒肉，我又嚟喇！原本打算星期四就去，但老公提咗我星期五先會有我最愛嘅炸物自助。今次叫咗SET E，呢個set就會有黑毛和牛6款可以食，只需要$648，真係好抵！特別推介我每次都會一直refill嘅菜！【2色蔥花牛舌】本身一邊係鹽同黑胡椒醃製，一邊係蔥花芝麻一齊燒，所以食落同其他普通嘅牛舌好唔同，會有蔥花芝麻，鹹辣黑胡椒嘅味道。【牛舌】好有誠意，其他地方都只係提供薄切嘅，佢哋嘅厚切牛舌真係畀得好厚一嚿。再嚟【菠蘿】一定一定一定要燒得焦啲！焦邊嘅菠蘿加上佢哋提供嘅菠蘿質素唔係平嘢，水份好爆滿，喺嘴入面水份都爆晒出嚟。覺得淨係食肉，無飯不歡嘅一定一定要試吓【香蔥拌飯】。呢道真係唔可以錯過，喺其他地方單點一碗應該都要幾十蚊，呢度可以無限食，再配上無限嘅牛肉/豚肉/雞肉😘，但我更加推薦同【香草雞肉】配住食會更加絕配！香草嘅香味同香蔥嘅味道完全蓋住咗溫泉蛋同海苔嘅鮮味，唔鍾意蛋味太重嘅一定一定要咁食。老公呢更加鍾意【福岡明太子卷】，佢話燒肉嘅各種重口味配上簡簡單單嘅明太子卷先至可以更加容易突出嗰啲和牛嘅味道。

今晚同屋企人一齊去試下呢間燒肉放題，之前聽朋友講好似好正咁，今次特等登叫左屋企人一齊試下先，食完先知原來佢哋嘅燒肉真係好好食，種類豐富，環境簡潔，職員服務周到，成個氣氛都好舒服黎到呢度就簡係要試下燒肉啦，今次我地揀左首選既牛五花，揀左辣味噌醬，個肉質食落去嫩滑，辣味噌醬嘅香氣滲入每一吋牛肉，烤到微焦嘅時候真係好好味，啖啖都好满足！牛後腰肉芯既肉質鮮嫩，入口即化，配上燒肉醬汁，食落去d肉好濃郁，呢度既和牛燒肉切到好好，廚師既刀工真係一流，每一舊切到岩岩好薄炙蔥花牛舌我揀左鹽味，牛舌薄而彈牙，鹽味嘅調味正好突顯牛舌嘅鮮美，再加上蔥花嘅香氣，簡直係一流，仲有燒肉醬味既薄炙牛五花，燒肉醬汁嘅甜香滲入牛五花，烤到微焦，邊緣有少少脆咁，食落去超juicy香草雞頸肉食落去嫩滑多汁，配上香草嘅香氣，真系好正

在這間和牛燒肉放題，品嚐到的每一片和牛都讓人驚艷。肉質鮮嫩油花分佈均勻，烤至微焦後更添風味。自助吧的選擇多樣，除了新鮮的海鮮和蔬菜，醬料也能隨意搭配。環境舒適，服務熱情，無論是家庭聚餐或朋友聚會都非常合適。甜品也是不可錯過的亮點。

真係太鍾意呢間燒肉店，簡直就係肉食者嘅天堂！唔單止服務好好，食材仲好新鮮，環境仲好闊落，約會聚會都好適合👍重點係佢哋嘅燒肉，品質超高，超正！Menu都有好多種套餐選擇，因為我哋第一次嚟，就揀咗S2試吓味先，100分鐘任食97種菜品，我哋都已經覺得好夠食！🔥薄灸葱花牛舌（鹽味）牛脷本身就已經好夠牛味，再經過簡單嘅調味，薄薄嘅牛脷炙燒之後咬落去好有嚼勁，鮮嫩飽滿！🔥薄炙牛五花牛五花肉本身就已經有好多脂肪，炙燒過後嘅牛五花有淡淡嘅焦香味，而且仲好鮮嫩多汁！點少少燒肉醬更加添風味～🔥香草鷄腿肉雞腿肉經過各種香草調味過後，同雞肉嘅味道完美融合，口感嫩滑，仲散發出淡淡嘅香草味！🔥宮崎南蠻炸鷄卷呢度都可以食到壽司，甜鹹嘅南蠻炸雞配搭上紫菜包飯，好惹味～🔥菠蘿我朋友突發奇想攞咗菠蘿嚟燒烤，估唔到意外咁好食！燒熱之後嘅菠蘿更加香甜多汁，咬落去仲會爆汁

姐妹約我出嚟玩，但姐妹嘅口味都唔同。一個話要食日料，一個話要食燒肉，而我唔想食飯...咁...放題啦！食得又痛快又滿足大家嚟啦...第二個問題，我哋今次講好今日節目係budget @@就咁啱畀我睇到一郎放題嘅廣告🤩 只需15分鐘路程就能到最平只需要$198就可以食到放題，又得100分鐘，我哋都覺得好OK喎但朋友就分析只需多加100蚊就多咗24款嘅特選牛食，梗係揀Set S2啦食物好多元化，唔同嘅醬料，甜品，飲品，小食，前菜都可以任拎。吧枱都擺放得好整齊衛生👍配料refill都係用qr code落單，好方便！所以同朋友爭取時間，一個負責點菜，一個負責去自助區掃食物，一個負責燒烤。特別推薦～牛五花，鹽味蔥花牛舌,肉眼上蓋🥩肉切得薄薄嘅，燒起嚟脆脆焦焦嘅，好香！好有牛味！呢兩道淨係續咗幾盤都已經回本咗！而且燒唔同嘅熟度，口感都唔同，牛肉本身嘅清甜香味都唔會因為燒咗而流失宮崎南蠻炸雞卷，我嘅最愛，整體唔會好油，而且外皮好脆。點自助區唔同嘅醬料食，可以食唔同嘅味道。我嗰個想食日料嘅朋友，話一定要推薦大家福岡明太子卷and香蔥海苔溫泉蛋拌飯！質素堪比omakase高級日料店嘅味道！兩道菜都唔會太乾

星期五晚上放工，跟一班同事去呢間【和牛燒肉一郎】happy hour，食吓高級日本料理嘅放題，其 中一個女仔特別興奮，因為佢話佢好早之前就一直想嚟呢度食，不過一直約唔到人一齊食，所以 一直安排唔到。我哋係5個人一齊嚟食，叫嘅係放題Set D，只係538蚊而已，然後有百幾款食材任食。啱啱嗰晚因為係週末所以仲有炸物自助bar，睇住真係好惹味，然後真係好好食!炸物食到爽!黑毛和牛4款有肋肉、肩胛肉、肉眼同埋一口牛，每種部位嘅肉都有自己嘅特色，油脂分佈都好均 勻，油而不膩。仲有同事食咗好推薦嘅薄灸蔥花牛脷(鹽味)，肉非常鮮嫩，然後調味非常濃，好食到爆! M9 薄灸牛裡脊肉睇住肉色就感覺同一般牛肉唔同，味道都好香醇，真係好正! 我哋喺度用餐，食得好開心，我自己本身非常推薦呢度畀大家!!