華昌粥麵燒腊飯店 (Closed)

真係超差呢間野，食物差服務差價錢貴。要知道打工仔得一個鐘食飯，我落完order，我足30分鐘先有得食，隔離枱點同一樣追order,我地又追，答案係廚房準準整架啦個湯勁鹹，原本唔想飲，但餓到死只好飲住來頂肚。涼瓜班腩飯，料超小係我人生中食到最孤寒架炸粉飯，個魚厚粉到係9成粉一成肉，魚肉薄到指甲一樣，刀工真好不得不讚一下，食緊成塊炸粉，涼瓜好得3塊，見到不勝稀虛。呢個中午set $57蚊，仲要唔包野飲架。催左幾耐，上得黎5分鐘要爬曬個白飯撈油。

於鰂魚涌工作大大話話都有兩年，茶仔其實都有好多間，但係、我仍然心繫我嘅華昌每次去到華昌門口一定有大批人等位等外賣今次去發現整咗個等候區，可能華昌嘅魅力實在太勁每次嚟華昌都係指定動作肥叉切雞米但今次反一反傳統食呢個炒嘢就係呢個豉椒鮮魷炒面同行5人，三個華粉都叫你就知佢幾大吸引力華昌除咗肥叉，炒嘢都係信心保證，但係等候時間真係好長長長一點四入座，催咗一次，搭8先到不過味真係值回票價最怕炒面底唔夠脆，華昌夠鑊氣完全冇呢個問題汁夠多，成碟清曬仲有汁汁剩不忍心浪費，昆咗同事意粉沾嚟食，都非常美味肥叉，睇嚟下次先可以一親你嘅香澤啦

粥裡有蟑螂！食物不錯吃，所以雖然服務不佳還是光臨，前幾天居然在皮蛋瘦肉粥裡面撈出來一隻大蟑螂！向店家反應也不驚訝，看來是見慣不怪...希望店家改進衛生及服務，否則一起抵制。

Quarry bay番得工既人應該都食過華昌嫁喇每日lunch都會大排長龍如果第一次黎 我實會推介46蚊既單拼叉燒飯 (唔包野飲 仲要加一蚊茶錢) 燒味之中我最中意就係叉燒呢到既叉燒真係每一次都冇失過水準味道調得好味 唔會太甜最神奇係連瘦叉都可以煮得好味 唔乾又唔韌！唯有呢到真係不過今次白飯就偏爛同軟 可惜>< 另外果兩條菜就不嬲難食 好似唔熟咁 冇一次滿意lunch 就冇乜服務可言嫁喇每次落單食都會叫佢俾碟姜蓉 每一次都會話好 但冇一次有拎so sad

可能男仔都比較鍾意食硬野，午飯時間硬係覺得食麵或者其他譬如三文治都係夠飽嘅(可能我比較大食XDD )所以我係lunch time 比較鍾意食飯，而喺鰂魚涌返工嘅我就推介呢間乾淨企理嘅sort of茶餐廳。每一次來到其實我都淨係會點一樣野，就係呢度嘅海南雞飯(個人喜歡走翼，因為唔鍾意食雞翼尖)。佢個海南雞飯其實好似一個套餐，係會包埋一碗次次不同的靚湯(我覺得應該冇味精)，而今日呢個湯係合掌瓜瘦肉南北杏。勁鍾意飲中湯嘅我覺得：個湯一啲都唔肥又足料，超好飲！睇相就知道隻雞都好肥美同埋都幾多雞(可能有半隻添)，碗油飯亦都會裝滿滿，所以整個海南雞飯個份量都幾大。而我食過咁多年，除咗佢冇辦法一定要加價之外，所有環境同食物質素都一直冇乜點變，午飯或者晚飯嘅時間個餐都係同價，的確抵讚同值得推介大家。如果大家都係附近返工，可以喺呢度食lunch，不過記得要早少少，如果唔係就要排隊，因為除咗海南雞飯之外，佢嘅炒野(個人覺得星洲炒米都好正)同粥麵都好多人食既，所以work days lunch time 一點鐘左右會有一條幾長嘅人龍。海南雞飯一直係我嘅至愛之一。另外我亦都發現將軍澳那邊新開左一間海南雞飯好正

下午茶時段去，叫了一個越式金菇豬頸肉炒麵，等了差不多半個小時先得食。半個lunch既時間就浪費左響等野食。期間嘗試問侍應問我碟野得未，待應好串咁話你叫炒粉面預左耐，要快就叫燒味飯 (但菜牌上並列明等候需時既字句，好似預左我會知咁)。碟野黎到，因為賣相與我期望落差很大，所以我問侍應呢碟係咩，佢極不耐煩咁答我"呢個咪5號囉" (仿忽覺得我知道5號係d乜野)。係一個無金菇既金菇豬頸肉炒麵,因我趕時間並無同侍應反映，但此炒面為炸面餅底再加極濃稠醬汁，如果唔係我等左咁耐肚餓都唔會想食。另外此餐廳會另收1元茶介，但其茶水比清水更淡，但當清水黎飲就會嫌有怪味。收1元茶介並唔係問題，但好歹都比正常既茶客人飲。收銀態度亦惡劣，禮貌地問佢可唔可以分開比，佢有理無理收左大數，亦都無回應我。一間餐廳由食物以至服務都保持一貫既質素實在不易。

是日午飯仍在太古區搵食, 有咩好食?  老實講...呢區如果budget係打算只用幾十蚊的話, 真係無咩好食! 因為我honey成日笑我大洗, 所以我近來都好收斂, 盡量維持幾十蚊一餐, 好又一餐唔好又一餐 ...(尤其是無論你係食三十零蚊的"大家獲"定四五十蚊的茶記, 都係填包個肚就閃, 坐多幾分鐘都俾人眼超超, 所以我唔會放太多budget响午餐) 華昌好耐無嚟喇, 因為印象中食物一般, 招呼其差, 木口木面以及叫極唔啋, 但裝修完咁耐無幫襯, 可能有改善呢?  試吓至講...今日同以往一樣, 都係由門口等籌開始已經係"我哋好爆, 最好你唔好幫趁"格局, 無問題, 我預咗係咁, 隔咗十分鐘, 有位入坐, 餐牌都係四十零至五十零蚊的午餐, 有啲餐跟中湯, 有啲餐跟熱飲, 我鍾意食涼瓜, 見有涼瓜牛肉飯餐, 唔駛諗就佢啦!  一如所料, 涼瓜唔錯, 有涼瓜味無煮到林pat-pat, 但唔算多, 又切得細件, 可能苦瓜好貴?  我寧願多涼瓜少牛肉, 因為望見碟飯咁多牛肉都唔慌好嘢....果然, 一試無估錯, 係無牛肉味的所謂牛肉, 真係搵次唔好俾人估中得唔得呢?!  我寧願你俾少啲牛肉,

服務很差, 每次問野個服務員總會搵野頂返你句句甘口咁串非常不要得. 態度差服務差速度慢, 劣.雲吞麵, 雲吞細面少味道差, 麵唔彈牙. 叉燒燒肉飯, 叉燒又瘦又乾, 燒肉皮唔脆又肥. 裹蒸粽, 飯多料少當然不好食. 牛肉粥, 牛肉太軟沒有味, 粥也不入味. 其他食物都不合格.

提到華昌相信太古城嘅坊好少唔知，一向以粥粉麵飯為主打，出品一直有好多街坊支持。 好一陣子無幫趁過佢哋，店外店内都換過裝煌，入時加一點優雅。今次叫咗粥、麵和飯才為午餐。鯪魚球豬潤粥  粥底煲得夠火候好香米味，鯪魚球細細粒有D硬，豬潤呈淺色爽身。 水餃雲吞麵  湯好香麻油味，水餃同雲吞都係細size，皮薄見到餡但料就普通D。叉燒潤腸飯  原先叫油鴨脾乳豬飯，但是日唔乳豬所以叫咗叉燒同潤腸。叉燒份量都幾多，肉鬆軟連住少少肥，燒得唔錯但味道扁重。 潤腸唔肥都幾香。整體ok 啦。

好日都唔寫下食評 但係呢間野既服務真係差到唔可以唔話俾大家聽夜媽媽想食燒味飯係呢區其實都冇太多選擇一行四人7點幾落到去竟然都要等位等左三個字終於話我地聽有位其實張枱上一手根本都未埋單 簡直好似迫人走咁到職員汁野既時候 有杯水倒瀉左我請左職員黎兩次但係佢地都係選擇左傾計結果D水滴晒落地 職員都係求其抺兩下走左去食物方面叉燒燒肉飯40幾蚊食碟叉燒燒肉飯 諗住水準都唔差可惜叉燒又瘦又乾 燒肉皮唔脆唯一可取既係份量算叫多裹蒸粽大係大 不過入面冇乜料蛋黃都只係得半隻牛肉粥一野牛肉醃既時候那到林晒唔講以為自己只係食緊有味粥順帶一提,D職員可以係另一張枱面前交換兩個汁碟用既TRAYD污糟水FING晒落地下,嚇到張枱個女仔呆晒收得咁既價錢 食物質素都做唔好既時候好心改善一下員工既服務態度啦..

Lunch食滯咗, 放工冇咩胃口, 路過華昌粥麵, 入去食碗麵當晚餐... 海南雞飯--已經去骨, 食得好盡興, 3隻醬(豉油, 甜酸醬, 蔥油)都各領風騷, 好快就點晒, 雞油飯好香, 例湯比以前更味精... 牛筋腩雲吞瀨粉--美味不再!!! 雲吞好硬, 冇鮮蝦味... 牛筋冇以前咁好味, 但仍然OK... 牛腩好失望, 真正嘅牛腩只得1cm * 1cm * 0.5cm咁大, 而大大舊果舊, 口感完全係煲完湯嘅廋肉... 曾幾何時, 一星期食幾餐華昌, 愛死佢嘅鮮蝦雲吞, D蝦又鮮又甜又大隻... 可惜... 一切已成過去... 不復再... (本人未食過華昌雲吞之前, 勁HATE食雲吞) 現在份量明顯小咗, 價錢明顯貴咗, 座位明顯窄咗... 唯一可取嘅係, 食物多完化咗, 而家多咗小菜同炒粉麵, 不過, 呢個可能會成為令佢食物質數下降嘅致命傷, 因為廚房要處理嘅材料多咗, 就會冇咗之前剩係整幾款粥麵嘅專注力...

最近很幸運, 去邊度食飯都剛好有位, 今次亦一樣. 突然很想很碗雲吞麵, 又很久沒有到華昌, 一次過完成兩個心願吧.點了一共五款食物:鮮蝦雲吞麵不錯, 麵不會有大多鹼水味, 雖然湯較濃, 也沒太大影響, 雲吞大小適中, 有蝦有豬肉, 很好.鯪魚球粥很足料, 一碗有六大粒乒乓球大小的鯪魚球, 不過粥很漿口... 粘粘的...油條翻炸的, 碟底很多油... 而且太脆...油菜很好吃, 芥蘭甜甜的, 很新鮮牛肉腸粉中規中矩吧... 和粥一樣, 很粘口, 米漿出現問題 埋單只用 $111, 其實一點也不貴, 在太古城, 欠缺一家粥麵家的地方, 也只有這裡可以食到比較似樣的粥麵...

早兩日師傅忽然間近近地黎個快食叉燒飯, 但喺呢個環頭選擇真係唔多, 諗到腦都爆之際, 突然間想起呢間食店最近新裝修過, 之後仍未試過, 於是師傅決定比次機會佢, 睇下裝修後有咩改變先?時間比較早, 所以食店內並唔算多人, 侍應查問下就安排座位, 呢個招呼未裝修前肯定冇的, 所以感覺尚算良好! 坐底後即刻睇下個餐牌, 發覺食物款色和種類冇咩點變, 變得最多一定係價錢! 諗左一陣最後決定要碟叉燒紅腸飯, 點解要諗? 咪就係單拼同雙拼, 單拼三十八, 雙拼四十, 反正都係爭兩雞, 雙拼就雙拼啦!落完單, 等左一陣就有得食, 等嘅時間又唔算太耐, 接受到! 叉燒紅腸飯賣相都幾吸引, 齋睇樣都幾好, 仲有幾條菜心伴碟, 於是師傅先試菜心, 未知菜心未熱身定怕生保, 入口發覺佢勁新硬, 基本上一啲都未準備好, 差! 而叉燒真係燒得幾香, 肉身鬆軟但外邊頗硬, 有少少燒過龍, 所以較乾身, 可幸味道有蜜味, 香香甜甜但唔會太甜, 接受到; 至於紅腸切得好薄, 所以感覺好似份量好多, 紅腸肉質幾硬身, 又唔香, 好一般! 值得一提係呢度辣椒油都幾香辣, 辣皮油都幾有水準!總括黎講叉燒紅腸飯質素一般,

I have not been writing any food comments for quite long. I've been so busy with work, so sometimes when I had some great (or bad) dining experience I would take their biz cards and hopefully I would get to write about it some day... well... some day. Tonight, AS SOON AS i finished dinner and on my way home, I already have the content of this comment in my mind. Why? Bcos it has been my worst dining experience at Wah Cheong and I will not go back. I grew up in TKS and Wah Cheong used to be a hum

華昌裝修左成個幾月。呢間鋪今次終於大變身。殺左一半卡位，棄置了用左十幾廿年的圓枱八仙凳，改成好似坐得舒服實在唔舒服的現代設計。可能現代設計的目的是客如輪轉，不要再坐一會。講到老板伙計的面口呢......多年如是，習慣矣。太古城西食店的食物一向麻麻，華昌尤甚。鹼水味、味精味無處不在，甚至菜肉雲吞也不倖免。麵唔彈牙，粥無米香。燒臘有時早上送到佢未開門，班大哥就放響門口，所以我從來唔食佢的燒味。唔幫趁？我都想，不過唔多得喎。城內街坊食店買少見少，重得佢開到十一點。