華輝餐廳 (Closed)

話說同行7人叫小菜食，咁唔夠飽加飯食好正常啦。成15蚊一個白飯，冇辦法😮‍💨燈油火蠟都係錢，夜晚10點後加多$3，都冇問題$18一個白飯。咁開頭就叫咗粟米斑塊，咁吖姐就唔知點解寫咗做碟頭飯形式上，但係其他就小菜形式(一開始已經同姐姐講咗我地係叫小菜)好啦咁出咗碟頭飯，咁個姐姐都知衰咗，佢就叫廚房退咗碟白飯，然後佢改單，就以小菜價錢去俾一人份量嘅碟頭飯既餸我地。咁開頭我地一開始已經叫咗6個餸6個白飯，然後再加多4個白飯。諗住買單啦，阿姐已經收咗工，得返個叔叔，因為阿姐總共改過兩次單，張單已經(花呢花綠)(第二次改完單嘅時候，個姐姐睇都唔睇，就咁放咗張單喺我碗飯上面) 咁好啦米買單既時候諗住問下侍應叔叔，啲價錢邊個數係代表啲咩。咁去到粟米斑腩個數目嘅時候，我哋就問點解會寫咗小菜價錢，但係俾咗碟頭飯份量嘅，跟住叔叔打俾姐姐問。呢個時候老闆就出聲，話頭先你哋加咗四個白飯，其中兩個冇收你地錢架。(態度係非常惡劣)然後我哋哦~原來係咁)。老細再講鍾意食就食唔食就走，張單唔使你哋買啦。我就話唔得既，食飯一定要買單。可能係因為我哋討論緊張單嘅價錢，討論得太大聲或者太耐，搞到佢有少少跳掣。同行其中一日問

尋晚入大埔搵朋友 咁夜晚想食啲嘢 就落咗去食宵夜啦 之前食過幾次都正正常常，點知今晚就中伏🥲10:50分左右坐低 見到有宵夜餐 我哋叫咗一個五香肉丁公仔麵 沙嗲牛肉公仔麵 阿姐劈頭落嚟一句就話 「要11點先先有喎！」ok fine點知隔一陣又話「今日冇！🙃星期五六日都冇！🙃」但個牌就括住（假日照常）🙂好啦，咁冇就叫咗另一個辛辣麵餐無啦啦又話10點後要加$3 下？😨👍但個餐牌係冇寫嘅 惡x過啲刀削麵不過坐低咗就算啦 咁嘅價錢 咁嘅服務態度真係搞唔掂 唔係唔想幫襯 但係就好受氣囉 嘢食就冇影啦 總之個面就煮到發脹哂咁 谷x氣 無下次 垃圾餐廳 希望你快啲執笠👏👏👏埋單$119 多謝都無句 當俾你啲員工老闆睇醫生 做生意做到咁樣唔x好做啦

早餐時間如一定要煎蛋奄列火腿通啲沙嗲牛肉麵嘅，嚟到好似呢間位於大埔嘅舊式茶餐廳，食件蛋撻叫個菠蘿油飲返杯奶茶其實都好有韻味。蛋撻同埋菠蘿油都係熱嘅，杯奶茶夠濃夠香夠滑，一個Perfect嘅早上由此開始。

好耐無黎大埔幫襯呢一間名店，今日去食下午茶餐，味道依然好食，識食一定叫蘋果批，仲一定要叫三角批，何解？因為三角批係大蘋果批砌出黎，而大批的餡除咗蘋果蓉之外仲有多D蘋果肉粒，我就覺得味道同口感都要比細Size蘋果批好(細Size的是圓形批)。我記得曾經有一段時間係有蘋果批或者雞批餐，不過衣家無咗了，單點蘋果批$14，抵食又好食。蘋果批之外我仲叫多咗個炸雞脾配薯條嘅下午茶餐，飲品就點了凍檸茶，個炸雞脾咬落去似生炸嘅，唔錯。

很久以前從朋友口中已聽聞這店的雞批不錯呀！今天在大埔途經此店，終於有機會試這店的出品了。～雞批原來這店的雞批有分大和細size的；我估計大的應該餡料多些，適宜分享來吃，而小的應該較脆口，屬一人份量。最後我選擇了兩個小的。雞批皮有一定的厚度，而且脆口。餡料吃起來啖啖肉，還有我喜歡的洋蔥。汁料份量適中，既不糊口又不會乾瀝。～沙翁因不是即時吃，所以吃的時候，沙翁外皮的沙糖已有點溶了，但又沒有影響其味道。沙翁味道適中，完全不會過甜。這真材實料的沙翁炸得外脆內軟，並不是空心的，好吃！

半夜想食宵夜竟然比朋友搵到呢間會開24小時既茶餐廳，竟然夜晚十一點幾都仲營業一入到餐廳就比裝潢吸引住，仲要每一枱都有客人，原來都有人同我地一樣會半夜口痕食茶記😆一入到去緊係order名物蘋果批，但店員同我地講一早已經賣晒，雖然係咁但店員都推介左其他菜式比我地，服務唔錯🙈茄汁焗豬排飯🍅🍚店員表示呢個係招牌，當然要試一試啦，一上到枱已經覺得好舊香港，同一般連鎖快餐店既焗豬好唔同，醬汁微酸但惹味，配上炒飯底，粒粒分明好惹味，豬排好大塊，就算焗左都有香脆既口感

一心諗住嚟食三個蘋果批竟然賣晒，真係令人傷心，不過既然坐低咗就費事行嚟行去，試吓食其他嘢啦，事關次次黎親呢一間茶餐廳都係淨係食蘋果批。雖然冇蘋果批但係侍應姐姐話試唔試吓佢哋嘅雞批，咁又試吓啦，都係三個批，嚟到嘅時候少少暖氣，味道都唔錯，入面嘅餡類似白汁雞皇飯嗰啲白汁雞皇。另外就叫咗一個下午茶餐，食西多士飲熱檸水，西多士熱辣辣好好食，佢用呢隻韓國糖膠都唔錯，冇太古嗰隻咁甜。塞翁失馬，焉知非福。

雞批同 蘋果㧗都好少有得餐廳食lo🙈今次去開新界就入大埔回味下雞批上枱已經暖粒粒頭面鬆化入面就係白汁雞皇飯黎🤣當然走飯啦蘋果㧗同雞批皮一樣鬆化不過就凍左入面有一片片既蘋果肉，提子乾無味🙈放左陣 有位姐姐問我我話 蘋果㧗無味可能凍左她就話幫我整反熱(當然係 微波爐)熱左之後 正👍🏻蘋果肉軟琳 又夠香甜😯p.s.要多謝那位 男仔頭髮既姐姐熱奶茶水準之作一點都不苦澀香滑就算不加糖都入到口👍🏻🤨結: 雞批➕蘋果㧗都得🉐👍🏻不過前題要熱🤣奶茶 👍🏻#雞批#蘋果㧗#華輝餐廳

☘️下晝先同個friend 響大圍嗰間華輝小食試手撕雞腸粉，夜晚約咗班舊同學響大埔嗰間 食晚飯，點知去到佢竟然裝修冇開門，最後住大埔嘅同學就提議去華輝茶餐廳，話佢啲小炒唔錯，真係巧合，不過兩間係冇關係嘅！☘️間茶餐廳係好舊好傳統嗰隻，睇怕係開張到而家都未裝修過😅 不過對我哋嚟講都好有親切感，兒時回憶返哂嚟。☘️講返食物，都係一般懷舊家常小菜，魚香茄子煲我嘅至愛，不過呢度整得唔夠香口，咸魚香唔夠仲有啲淡口。 個椒鹽骨味道可以，但係肉質有啲淋，唔知係咪怕鞋所以用咗梳打粉，定係雪藏肉嘅問題。 另外叫咗個蒸龍躉，呢個味道唔錯，幾新鮮👍 仲有個小炒用鱿魚仔乾炒，都幾香可以餸飯。☘️晚餐食物整體水平係中規中矩，冇乜驚喜同特別！見食評都介紹佢個蘋果批，所以估計佢可能日抖生意會好啲，下次嚟開大埔一於嚟試吓先😜

打風嘅一日，係林記食完點心，買埋大埔名物蘋果批就閃返出市區🙈講返個蘋果批，應該係岩老一輩嘅人食….牛油皮比較淋身，蘋果味道亦都唔算突出！友人話下次食返最多人讚嘅雞批把啦！

下午茶時間叫咗個西多士同埋一件蘋果批，個蘋果批真係好好食，雖然係用微波爐叮返熱，不過個批皮同埋D餡都唔錯，批皮夠鬆，餡就有蘋果蓉加大粒的蘋果果肉，酸酸甜甜，有一種好Raw好天然的感覺。提一提大家痠情期間只有星期二、四、六及日有做蘋果批。西多士都好食，其實熱辣辣就好食啦，舊牛油溶下溶下咁，好正，不過在呢D舊式茶餐廳食西多士特別有風味，如果用埋太古出品的糖漿會仲有feel，佢地衣家係用緊一隻韓國出的糖漿。

今日見到華輝有$28外賣優惠，之前也在這餐廳吃過晚飯，份量可接受，味道又唔錯，今晚買$28回家享用，點了一個咖喱吉烈豬扒及秘製怪味雞，意想不到的是份量超迷你，鷄不入味，豬扒只有雪味，完全不可接受，若果以原價$60和$50惠顧此兩道菜，實在非常不值，建議餐廳若果以外賣優惠價發售，一定要以味道取勝。

入大埔梗係食華輝，食華輝梗係食蘋果批，食蘋果批一定要三角批(大批切三角形)，因為細蘋果批入面的蘋果餡料以蘋果蓉為主，反之大批入面的餡料會有大粒大粒蘋果肉(始終大批入面的空間大D)，所以我自己覺得叫大批切件(三角)上好味過細批。記得以前有蘋果批同雞批餐，好似係$28連杯熱飲，不過衣家就無咗了。另外佢地衣家好似唔係日日都做蘋果批，所以如果你真係一心入黎諗住食，最好打電話問下先。

阿姐推介蒸魚，她説魚身比較大，送餐時看見魚身其實一般，以 $52 蒸倉魚餐來說，可以接受，但並不是阿姐推介魚身較大。撥開魚肉看到比較灰暗色，再試一口，真係好難食，魚肉都是霉爛的。我和太太不想浪費，兩人嗱嗱臨盡量食完條魚便走。冇下次🤬🤬🤬

一早知道大埔有間茶記食蘋果批出名，不過一直都冇機會食，難得復活節有時間就入去試下，下午茶時間3點鐘左右去到，見到入面好多人，為自己著想都係外賣安全啲，由於唔熟路，就求其買完近近地行去後面開餐，只係1分鐘左右就食得，買左一件蘋果批，一件雞批，從外表睇係分唔到嘅，要食落去先知，蘋果批微暖，蘋果餡唔出，得少少酸味咁，好杰身，牛油皮個味就好出，所以食落去得牛油皮味，一啲都唔似蘋果批，我係蘋果批控，連鎖店蘋果批，自助餐嘅蘋果批金寶，凡係蘋果批我都岩，不過呢個真係唔得，批皮個果搶哂，唔岩我口味，至於雞批，係凍嘅，完全少少微暖都冇，凍冰冰嘅餡加凍冰冰嘅皮，一啲都唔吸引，物價上脹，14蚊一件都真係唔平，不過都冇下次啦