華輝餐廳 (Closed)

依家食雞批，最易入手都係美心聖安娜，但質素差到無朋友，由其係雞批底，完全入哂氣潮哂一D都唔脆，賣得又貴.行過華輝，不經意見到大大個雞批，吸晴力強勁二話不說即刻入去幫襯！一大個雞批當然食唔哂，放心，華輝另外切開1/6件出售.脆，由雞批面到批底都脆口，都唔知有幾耐無食過咁脆口嘅雞批！雞批脆口之餘餡料亦足，不過食唔到有洋蔥，如果有多D洋蔥更理想.食完之后，美心聖安娜果D所謂雞批以後都食唔落.....女友則欣賞沙翁，外脆內軟唔胡口，係另一款必食出品.另外再叫咗個沙嗲牛麵，唔記得叫少湯多汁，攪到沙嗲味淡哂，牛肉嫩口唔柴口,滿意.因為今次揸電單車，買唔到成大個雞批外賣，下次嚟買個大雞批再寫食評.

呢排成日出去大埔墟 原本想上熟食市場 不過醒起 大埔有間好出名嘅蘋果批 就試一試 入邊嘅阿姨全部都好好人 我哋話叫蘋果批 佢就話等一陣有個熱嘅 咁就等下啦 另外我哋嗌咗個常餐 我最鍾意就係飲茶餐廳嘅熱奶茶 同快餐店係爭好遠架 沙爹牛肉麵 就正常水平 等咗一陣 蘋果批終於到 入面有好多蘋果 但係味道唔係太啱我 佢唔係啲好香甜嘅蘋果  係有啲爽 同微酸既 不過十幾蚊都已經比足料  總括嚟講  只係唔啱我口味 唔代表佢唔好 我會再嚟食佢啲茶餐

今日咁啱黎到大埔墟，於是專登早啲過黎覓食，見到呢間嘅蘋果批同雞批幾出名，就決定試下。點知原來佢哋而家唔係日日有雞批😢想試嘅人記住留意下，唔好好似我咁摸門釘蘋果批未至於驚豔，尤其個批皮其實有啲濕同淋，餡本身應該係好食，但就有時會食到苦味，唔知係咪因為蘋果芯？菠蘿油本身都無特別期望，就係好普通一個，個包唔夠熱同脆皮。留意到餐廳姐姐同啲客真係幾熟，係咁閑話家常🤣

人家長途跋涉走去街市熟食中心搵食，竟然都被封鎖，封舖唔封關，做乜膠抗疫都無用！三五成群呆滯阿嬸阿婆加大媽侍應，這裡沒什麼招乎可言。環境陰暗，檯面餐具調味架衛生有待改善，傳統茶記老店格局，廁所放棄唔睇喇！遠望有位地盤感濃厚既叔叔用叉羹食即食麵，用羹拓住再用叉捲成一團享用，好似食意粉一樣，狀甚優雅。廚房大叔無需啤到我實一實既，我帶黑色口罩有幾出奇呢？熱奶茶，幼滑香醇，茶奶味道平均互相配合。凍檸茶走甜，通透亮麗有光澤，清香紅茶點點鮮檸。明顯用熱茶加冰唔夠凍，浪費左杯靚茶。雞批，終於食到傳說中的雞批，期待已久不過強差人意，雷聲大雨點小！是否因為不是新鮮出爐，微波爐翻叮既關係呢？翻叮酥皮有點油膩，微溫入口鬆散碎開，沒有靈魂只得軀殼！雞蓉餡黏黏而漿口，味道還可以，沒有傳聞中的驚世味道！炸乳鴿，設置好有趣，擺盤吸引，鴿頭頸放在中間，賣相好可愛。肉質乾爭爭鞋烚烚硬掘掘，味道偏咸混濁。輕輕一啖後已沒有第二啖的衝動，不想浪費照食吧。炸雞髀，是否翻炸？賣相可怕，皮開肉綻，甩皮甩骨！食左先講，擘大口一咬一扯，乾硬鞋烚烚沒半點肉汁，用盡我的牙力撕開再耐心趙腍吞落肚！味道單調陰沉，只有咸味鹽味，而且油膩感強烈，浪

切餅蘋果批$14有完整一個同切餅簡。我簡左切餅，因為個餡好似會多d。個餡超甜，甜得過左火🙈🙈有d似爛蘋果咁。內有🍇乾🤔？佢會叮反熱比你食，算不錯服務之後叫左西多，炸得唔脆，好淋。唔好食花生醬好少。🙅🏻‍♀️🙅🏻‍♀️咁就$24😨另外叫左個椒鹽豬扒飯，幾好食。$55包湯。

晨早入來大埔先來食個早餐，就揀左喺火車站行10分鐘就到嘅茶記，佢嘅新街市對面，好易搵$32 三餸粉麵都OK，揀左煎蛋腸仔魚腐，居然有魚腐！！啲魚腐唔好期望同啲魚蛋粉麵茶記有得比，不過都OK嘅～早餐配杯熱奶茶不過不失，但有啲唔太飽，我係女仔都唔太飽，就諗住叫個蛋撻試下諗住問下有冇酥皮蛋撻啦，個伙計好似聽唔明咁呆左陣，可能冇人咁問過佢？不過佢有行返過來同我地講全部蛋撻都係酥皮，咁好啦，我地一人叫左個點知⋯⋯個蛋撻係曲奇皮嘅⋯⋯個蛋撻唔算特別香，OK啦～

每次來到大埔，甫踏出大埔墟火車站我已經會立刻到大埔墟街市對面的這家茶餐廳除左因為電影《那夜凌晨我坐上旺角開往大埔的紅van》有喺呢度取景外，仲有因為它的雞批和蘋果批都太好吃了😋-先講雞批，🐔佢有兩種批揀嘅一種係平日喺普通麵包舖買得到細細個圓形嘅雞批一種係一大個批切開一楷楷嘅雞批我就叫左一楷嘅雞批，貪入面嘅餡料會多啲果然沒有失望！佢嘅雞肉係瘦肉，所以唔好油淋淋，醬汁亦好好味-蘋果批都好好味！🍎蘋果肉大大粒咁，食得出蘋果嘅鮮甜味道個牛油曲奇酥皮雖然唔係好脆，但係勝在好重牛油香味！

第一次嚟食早餐。墨魚餅沙嗲牛肉太陽蛋通粉，有2片墨魚餅，咬落幾彈牙，牛肉都好滑，不過冇乜沙嗲味，通粉亦唔會浸到爛。$32連飲品不貴，但係食完之後好口渴會狂飲水，廚房落味太重手了，應該都唔會再去。

黎食下午茶因為見佢既蘋果批同雞批超多推介。但因為行完山肚餓，雞批蘋果批又無下午茶餐，所以先叫下午茶餐打算食完找數先去買雞批外賣。朋友叫左牛柳絲炒河（$38），我叫焗海鮮飯（$38）。牛柳絲炒河實在一般茶餐廳水準以下，奉勸大家別試 ；焗海鮮飯味道雖然一般，但算抵食多餸夠飽肚。食到中途，見隔離枱既雞翼薯條（$38）賣相相當唔錯又多薯條，唔怪得價錢同炒粉麺一樣，寫低記住或者下次有機會可以試試。朋友食完炒河就叫蘋果批，點知已經賣曬，只剩迷你雞批，大個切開既雞批都賣曬，所以靚姐主動叫我地想要雞批就咪等埋單要叫定，無幾耐重自動幫我地攞埋黎，強調否則遲少少就賣曬。到我地 5點零出去埋單，靚姐所言非虛果然所有批都已經賣曬。夜晚 9點幾肚裡個焗海鮮飯雖然未落隔，但悶悶地心思思都忍唔住要叮熱個雞批，叮唔使一分鐘已經香噴噴。。。咬一啖果然皮薄餡靚，批皮鬆化牛油香，裡面充滿有雞味既雞肉，$14 完全值回票價，大埔名物名不虛傳 雖然牛河勁伏，但雞批同靚姐親切既服務完全可以扳回分數，所以個笑分同味道 4星主要俾靚姐同雞批既，好似牛河呢d唔開心既野呢個時勢要儘量抹左佢。

自從紅van電影後，令這家原先已很出名的小店人氣再上一層樓，而他的名物蘋果批更成為No. 1人氣食品。蘋果批有兩款，細批和大批，細批細圓形，大批大圓形，不過可以切開一件件叫。兩者最大的分別就是餡料，細批的蘋果會比較蓉，而大批的餡料則會有大粒的蘋果肉，我自己就比較鍾意大批，因為有大粒的蘋果肉咬下好似開心D，叫的時候記住講清楚你要大的三角批還是自己食晒成個細批。

嚟到大埔，好多人都會慕名而來一間蘋果批，雞批，好出名嘅餐廳。今次我食嘅係蘋果批，一定食大件嘅。蘋果餡料十足酸甜到剛剛好，好醒胃🤩個曲奇皮脆卜卜，好正呀❤️快啲試吓啦

大埔墟，歷史悠久，說這一個生活小區的飲食，上至酒樓，下至茶餐廳小食店，大排檔，都充滿了老字號同吸引到人冒名而來的名店。說茶餐廳，位於鄉事會街的《華輝小廚餐廳》，早在被借用場地來拍電影已經充滿名氣，而他們的名氣就是一個大埔人引以為榮的蘋果批同雞批。這一天，我一個人來下午茶，就特登來，食一個批，食一個炸雞肶，再一次感受一下 "Taiporian Pie" 的滋味。在餐廳門口的櫥窗櫃內，擺滿了各式各樣的餅點、批點。批，有分大的同細的。多人一起吃，外賣回家的，好多時都會選擇大批；堂食，一個人食，就會選擇細批，不過，也有些人，會喜歡切角的大批，所以，堂食批時，要向店員說明啊。我的是日 "Taiporian Pie" 是雞批。一個人食就要了一個細小的整個版。一拿上手，就感覺到雞肉批的香同酥香。切開，雞肉加了一個很 creamy 的醬汁，而批皮就非常酥香，咬入口，有爽爽的感覺。整個香噴噴的口感，整個批的內至外都有，每咬的一口都感覺到，這就是這批耿馳名港九新界的其中一個原因。我來這兒的目的，其實是為了下午茶。我點的下午茶餐是一份炸雞肶沙律。沒有粉，生炸的雞肶十分之可口，而雞肶就充滿了豉味，也許，這就是

知道呢間的蘋果批好出名，但一直都無機會試。今日終於都去買左嚿來試下本來想堂食，但因為lunch食得太飽，食唔落，為有外賣。以為外賣得圓型小批款，但原來大批款切件都有得外賣，實在我自己覺得批款會好味啲，而且買嗰時仲微熱我買左一嚿批款，係成個批的1/6。你都可以成個大批買。個餡有一片片的蘋果肉同提子乾。唔甜又唔酸，個餡的味好淡。但好飽滿的餡做得最好的係個皮好鬆夠薄買嗰時仲熱熱地，好想再食丫。不過如果個餡有啲肉桂味就好喇

來到大埔，當然要試一試當地道美食啦。 聽很多人介紹華輝餐廳的蘋果批和雞批好好味，今日就一於試一試。依家好少餐廳做傳統蘋果批了。 佢哋嘅批有分大批同細批，大批一件切開8分，細就係正常蛋撻size，我當然要試大批啦。蘋果批外皮焗得金黃香脆，有一陣陣的牛油香味，啖啖蘋果肉酸酸甜甜幾清香。蘋果餡夠哂軟淋， 食得出一粒粒的口感，再加上提子乾甜甜的，好味！雞批的餡料好多，有雞肉，火腿，青豆，洋蔥粒， 忌廉汁。同蘋果批一樣咁出色！

一直很喜歡吃蘋果批，最近看到之前有報館報導過這間的蘋果批遠近馳名，便特地前來。以為有報章報導過的餐廳一定會大排長龍，但今日午市時間去到，餐廳都幾清靜，只有一兩枱客，本來打算堂食，點知見到原來佢地都只係用微波爐幫食客翻熱，咁我不如帶翻屋企清清靜靜咁食了。餐廳職員服務不能說很殷勤，但比一般茶餐廳已算好了，沒有粗聲粗氣，知道我是外帶，還提我一聲回去用微波爐叮熱即可。買了一個大批，蘋果餡料酸酸的，似檸檬批加蘋果批咁，香嘅，批皮都香牛油味。不能說敗筆在蘋果酸，因為可能有些人喜歡酸的，而我本人就還好了，就是下次經過會買，但不會特地去買。反之，順道買的雞批餡料足，牛油皮香，較蘋果批更出色。早知買個雞批大批，蘋果批切件仲好😂