華記小廚 (荔枝角道)

Open Now

Now Closed

我同女朋友兩個食 一開始呀姐落單 叫咗份牛肉粒同小炒皇 叫咗支啤酒 兩個等咗15分鐘 份牛肉粒嚟咗先最後啤酒飲完餸又食完 同同事講溜咗小炒皇 佢竟然答我今日忙 企我地7點45分 8點30分 仲未有 我第二再問佢 我地唔要小炒皇 因為太耐無嚟 佢地先拎份餸出嚟 4-5個樓面 企定定係到 都唔幫手跟吓 呢啲所謂嘅 做街坊生意既大排檔咁就等佢啲街坊幫襯返佢 我哋都係幫襯返其他舖頭算 由於淨係叫兩個餸 一個小炒皇 一個牛肉丸 無太多食評主要服務質素差到無人有 食物質素：普普通通

咁啱朋友想食酸菜魚聽聞呢間華記小廚啲野食超正就嚟到呢間試下夜晚7:00嚟到已經見到現場十分爆滿見到近我哋幾張枱都有呢個酸菜魚立即都order番一個朋友就唔係好食得辣所以我哋叫呢個係完全唔辣本身都驚唔辣嘅話會唔會冇味冇咁好食但食落都有驚喜而且魚肉份量超多再加埋啲配菜一齊食超好味另外我哋仲叫咗椒鹽魷魚魷魚炸到啱啱好啲粉漿只係薄薄一層食落唔會成口粉呢個蜜糖薯仔牛柳粒都好味但對於我哋5個人嚟講唔係好夠食下次都係要嗌多碟最後嗌多個菜作結尾以5個人嚟講食左7百幾都算ok只係現場環境比較嘈而且會有啲小昆蟲飛下飛下係呢樣扣小小分

抵食港式小炒，仲送藍妹😱 呢間嘢位於好出名嘅愛x生附近，唔使帶排長龍，仲可以預早訂枱。小菜有啲平至HK$68有交易 (例如魚香茄子煲，好大煲，分分鐘抵食過喺茶餐廳食)🥘 個魚香茄子煲絕對有同區大排檔HK$88-108嘅水準，另外有13款佐酒小菜每叫一款就送一支藍妹，例如HK$128半隻家鄉醬茶鴨 (食落去有啲似煙燻鴨)、HK$128霸王辣子大腸🍻 腊味煲仔飯就試過一次，麻麻地，不推薦～ 👍🏻加分位：全日冇收茶芥/加一

朋友介紹下去咗荔枝角道食晚飯，其實此位置都幾偏僻，因附近很多商店及周遭的鐵皮舖仔都關了門，離遠祗見店名及菜式宣傳貼紙外牆，外面根本看不到入面情況，推開門才驚覺別有洞天，幾圍枱都高朋滿座，十分旺場。叫了幾碟首本名菜，炸魷魚伴炸茄子，甜酸蜜桃蝦仁，酸菜魚，麵醬炒蕃薯葉等…… 菜單其多，店內有些推介菜式是叫－碟便送－支啤酒，非常化算的。全場叫了很多碟菜，記不清多少支啤酒，十個大人都不用$2000，真的絕對抵食，最緊要味道又好，份量充足油炸筍殼魚，魚肉鮮嫩軟滑，豉油味道又美味，絕對非叫不可勁辣水煮魚，好辣者必點，墊底大量薯粉，煙煙靭靭配湯十分惹味，搅到大家邊食邊抹汗😅亦有另叫微辣酸菜魚，同様超級大碗，材料豐富，除了軟滑魚片，亦有大量筍片、冬菇及酸菜👍🏻酥炸南瓜牛仔骨，牛仔骨份量都超大，差些以為是牛扒😊此菜館性價比高，值得光顧再光顧，不過真的要先訂座較好，因是晚很多人排隊等進場的。

一班新相識朋友，相約食飯聚一下聊聊天，吹吹水。嚟呢度喺不錯嘅選擇，不限時間，價錢抵食，人多還有包房，可以開懷暢飲，大聲說話，放聲大笑，也不會騷擾旁邊食客！真係食飯聚會好地方！今晚好豐富㗎⋯⋯先嚟炸茄子配魷魚，再嚟炸南瓜配牛仔骨，加上幾支啤酒🍻開開胃口！之後嘅招牌炸子雞，皮脆肉滑！還有華記碌鵝，冰鎮鮑魚，酸菜魚….. 等等都食到停唔到口！份量充足！大家都食得好飽又好開心😁！

好朋友兩個囡囡回來渡假，趁返美國前大家相约出黎，姊妹推介呢間小菜館吾錯，免加一。個名菜"碌鵝”真係好特別，個醬汁好入味，記得訂位時訂定。招牌名菜水煮魚小辣夠香; 本身已有红薯粉係水煮魚入面，但因為個汁太好味，所以叫左兩碗上湯米粉加埋啲水煮魚汁超正。椒鹽豆腐好滑而且细细件易入口。平日晚上都爆哂，建議大家記得先訂位。其實仲有好多小菜都想試，不過太少人食吾到咁多。相信我會再同朋友再去。

今天在【華記小厨】家庭晚餐，華記小厨位于深水埗荔枝角道203-207地下。經常坐車經過見到門口貼滿各式各樣的川菜/中菜的圖片，還編好套餐，小菜的價格，圖文並茂，被圖片所吸引，所以今晚 是特意來試試的。來到服務員帶我們進去，環視四週，己坐無虛席，上二樓其中一間房，房中衹有3張枱，兩張已有人。剩下一張4人枱，服務員指示我們座，還提示8點30分前要交枱。我看看手機已7點，餐牌也是圖文並茂，非常清晣，迅速點了5道菜。等了一會，第一道菜【幹煸四季豆】$78，上桌熱辣辣，香氣撲鼻，四季豆飽滿翠綠，爆香的蒜茸肉碎帶出四季豆的香口，爽甜多汁。跟着【凉拌海蜇篙笋絲】$78，海蜇爽口，夲人認為味道過咸，家人也有同感。【清蒸沙巴仔】$168，蒸的火喉剛剛好，肉嫩鮮甜。【紅燒BB鴿】$48，皮炸得適中，不過火，皮酥，肉嫩，香口不油膩。【家鄉樟茶鴨】半衹$118，皮炸得金黃，皮簿沒油，肉實，有嚼口，韌香，煙熏味濃但稍偏咸。藍妹啤酒1支，是持式小菜贈送同房枱巳離座總的來説，色香味俱全，很好，出品實在，價錢合理，免茶，免收服務費，下次會再來，但要記得帶現金，不收電子貨幣

位於太子與深水埗之間，兩邊都要由地鐵站行大概10-15分鐘路程。。。行到大汗淋漓，好彩小菜館冷氣尚算足夠。椒鹽鮮魷拼豆腐魷魚較薄，唔夠咬口。豆腐切成細細粒，一易入口，外脆內滑水煮牛小排果然比平常的水煮牛肉出色，牛味濃，肉身滑，食唔停配料亦相當有份量，好入味。分別有芽菜、青瓜、荀、豬紅、薯粉，驚喜萬分炸子雞要預早訂的，皮好脆，肉汁較多，不會炸得過老，沒有雪藏味涼拌窩筍絲爽甜，不醬汁較濃。辣子雞雞粒較細，味較濃油浸筍殼魚好味，魚質嫩滑，魚骨炸得剛好，豉油淡多啲啲就完美

酸菜魚好食，魚夠多酸菜就又夠多。佢個蝦好正唔使剝殼，啱晒我呢啲鍾意食蝦但係又懶剝殼嘅人，隻鵝好鬼入味，又夠冧，我食左3舊，好快比朋友清晒碟鵝😆真係手快有手慢無！下次再嚟試佢其他野先

今日朋友生日，見咁耐冇食水煮牛肉同酸菜魚，第一時間梗係諗起華記嘅酸菜魚，我自己都食過幾間，覺得華記嘅水煮牛肉同酸菜魚真係冇得輸，魚又夠，大大盤，幾個人都夠食！今次仲係咗隻碌鵝，保持一貫水準，味道真係好正！鵝肉好林、完全入味！👍👍叫咗其他餸，都好OK，所以大家如果有興趣嘅記得提早訂位，因為佢有時都full booking!如果下次有機會再去，想試吓水煮魚，因為平時都係食開酸菜魚，行過見到都幾多人叫水煮魚，所以都想試下！

當初試過華記既酸菜魚便愛上了💓魚肉好滑 無骨 份量仲要好多👍配上酸菜竹筍 好開胃😁可選擇加薯粉一齊食 辣度有大中小🌶️可自由選擇😋其他小菜同樣出色 價錢仲非常親民👏難怪餐廳晚晚都爆滿😗

長沙灣呢區有一間咁出色嘅水煮魚真係好難得！！之前仲以為執咗原來係搬咗舖，好懷念係佢哋舊舖食過嘅水煮魚。水煮魚夠正宗之餘，魚肉夠滑同埋完全trap住到個熱力，好鮮好美味。另外佢哋嘅小菜亦都好有鑊氣，尤其係啲椒鹽炸物，送啤酒一流！推介炸茄子🍆🤤🤤

我們家樓下的小廚從旁邊搬到對面，才剛6點，我們是第一枱～明爐烤筍殻魚（$298） - 上桌好大一鍋！應該是川菜的樣子，好多配料，爐一開都滾很快，魚都黏了，只好開一下關一下的。魚本身有沾粉炸過，味道很好，而且剛好熟的，魚肉都非常滑！值得一讚的是魚鱗都處理得非常乾淨，我只在鰭位吃到一小片（個人非常討厭吃魚有鱗！）以上是魚本身，已很好吃，沾上辣後只添了辣，還可以接受。配菜有冬菇、筍、菇、大葱、豬紅、金菇、芽菜、葱、芫茜和一個不知名但非常好吃的粉。那個汁很多辣椒籽和一顆顆小小的原粒像黑椒但不是黑椒的東西，汁很好味但也好辣！那個好好吃的粉灰色透明，像河粉但很Q很煙韌的，煮好了沾了汁超級好吃！（但我要先用水洗一下，太辣了）清炒窩筍,（$78） - 好好吃！跟上次吃的味道一樣都是很特別的味道！怎麼自己弄都不會有那個特別的味道呢？這東西究竟要怎麼煮才對？這個很清，也很爽很解辣！辣子雞（$128） - 吸引我的是非常多的辣椒！太誇張了啦！本來好像是叫田雞，然後來的應該是雞，雞肉炸過，味道偏鹹一點，也帶一點辣，但明明這是大辣，卻比魚的小辣差很多！這個辣度我是剛剛好，魚的汁那個真的不行！一提，上面的腰果也好