華南粉麵茶餐廳

Open Now

Now Closed

趕時間見附近周圍好多人，於是走進巷仔隨意食一間速食。見到粉麵，相信貴極都係$40。點知一碗嘢要$50幾蚊。...噢...好啦...可能好好食呢..儘管試吓...嘩...最後..................五十幾蚊一碗平平無奇的牛什麵牛肚、豬腸勁哽，不易咀嚼。叫飲品要散叫，加廿幾蚊。一個叫難食的麵加埋成80蚊。這個價錢已經可以去食日本菜。最重要是很難食！不知所謂～街邊店$12粉麵店分分鐘仲好味！

評語都說貴與難食，我就係要試一下先知道事實真相。雲吞牛腩河 = $66雲吞都算正常，沒有什麼好與差！那麼我們就講下華南的招牌牛腩。如果你喜歡超瘦叉燒那種肉質超韌，有如柴皮一樣的感覺，那就非到華南一試不可。 每咬一口，都花你力氣去 咀嚼。吃後無聊，還可以花你一點點時間把牙縫的牛腩渣慢慢地挑出來。還有那碎碎的河粉，真是讓你們練習用筷子的好機會，因為你要好俾心機先可以夾進口裡去。我應該不會再去，咁你又會唔會勇於去挑戰下呢？

諗住灣仔譚臣道死角位老店，咁耐都生存到，唔會差得去邊，點知係伏，垃圾中之垃圾！店外故意唔放價錢牌（蠱惑招)，入到去先發覺價錢奇高（$73細份量坑腩撈），又唔好意思走，老闆阿叔又力sell馳名牛腩, 心諗會唔會係因為食物質素好而價錢高呢？所以都硬着頭皮一試. 真心講，牛腩味道唔係差，做到正常水平，不過唔係呢個價錢囉！個湯一味死咸冇鮮味！配兩細塊最cheap嘅椰菜，菜心都冇條！我話牛腩怕肥，要瘦啲，佢話冇問題。點知上碟嘅時候發現啲牛腩肥到阿媽都唔認得，肥肉佔咗一半以上，問返佢，佢話正常係半肥瘦（😤咁點解佢又話比瘦啲位我嘅？&*^#x）衛生方面就唔講太多，大家都明啦。阿叔攞碗麵嚟嘅時候隻手指係掂住啲麵。睇返2019年啲餐牌價錢，原來依家仲貴咗兩成😱，看來真是疫情中的另類店，大家切記切記唔好去呢一間！！！或許係自己鋪，唔怕冇客，有客中埋去就劏下。坦白講，咁樣做生意執咗佢啦！比啲有幹勁嘅餐飲業人士做啦！

見到有人喺youtube推介，睇食評似乎都真係食牛腩嘅。所以特登嚟試一試。叫咗兩碗粉。一碗「坑腩」片頭米粉，另外一碗係普通「牛腩」牛肚米線。就係想特登試一試坑腩同牛腩嘅分別。唔試猶自可，試咗真係幾唔得。一開始先黎碗坑腩片頭米粉。個坑腩尚算普通，真係唔可以講到話超越同行水準。講真真係非常普通。如果你有期望而嚟，咁就必定失望。基本上係只可以形容為一碗普通牛腩米。坑腩普通，米粉普通，湯底普通，魚片頭係拎返嚟嘅。溯價$88，價錢反映碗大小。係大碗嘅！一定食得飽！但係除此之外，別無可取。再試一試玩普通牛腩牛肚米線。真係可以講話超唔得。嗰碗牛腩硬過柴，根本就係成碗牛腩都係「趙」唔落去。最奇怪嘅係，我叫碗牛腩牛肚米線。唔淨止啲牛腩好硬，竟然連啲牛肚都係硬骨骨嘅！成件事基本上就炆唔林！ 總之呢一間舖頭，一定冇下次。

以為係灣仔老舖，食物水準應該唔差得去邊，坐低叫左牛腩面加芥蘭，俾張牌寫住 78，嘩咁貴！？一上面，嘩！垃圾到呢！又老又咸又鞋又硬又有渣，我本人未試過咁差嘅牛腩，湯底死咸，福字面既湯都好過佢，上埋碟菜，嘩！又係老遠，呢間野憑咩收呢個價？垃圾中嘅垃圾，奉勸大家千其唔好試，一試就胃痛到宜家

首次登記開open rice 評論，(希望大家勿中伏)首先中午時段，灣仔好多人排隊等食飯，因為我趕時間,見這間冇人排隊!諗住入去簡單食，之後走人。(第一，職員冇禮貌，第二店舖舊，以上已冇理會。)睇左餐牌叫左自制魚蛋米粉$46雙蛋出前一丁($45) 魚蛋好咸，湯水不掂(如果後加湯，加錢)收費$46完全冇質素食之前叫佢拿水(用作洗餐具，佢哋话冇茶水提供，又話餐具已洗乾淨，但我餐具有污跡，叫佢哋再換餐具比我)再望住餐牌，(寫住冇水，冇茶水提供)最平魚蛋粉收$46其他要牛腩粉(60-70)🥴如果檸茶，水等饮品，熱饮加$22即約90元 消費店舖舊!!冇禮貌!!而且好多野加錢(例如難飲的湯水)(最重要食物冇質素，連自制魚蛋也咸到死!勁重味精，價又貴(衰過$25元碗魚蛋粉)，明騙灣仔有錢上班族，或者好似我這一些第一次去〈冇下次>)繁忙時段無人排隊真的有原因

差不多成年冇去，今日難得得黎灣仔，想食食灣仔比較好味粉麵，咁十二點左右，嘩，人影都冇個，印象以前依d鐘數，實大把人，坐滿人點完餐，腩什河加菜，狠狠的91蚊嘩，好似貴咗。。。印象以前好似冇咁貴的架依個時勢食碗粉麵啫，成百蚊，誰會來公平d講，味道還可以的，係比一般店好，但其實唔太值，貴到咁，服務又係一向的普普，一年，係可以來食一兩次嘅。。。我食完1230左右，還是小貓三四p.s唔知依間野咩顏色食野都要講良心

崩沙腩變咗崩沙皮囉，10舊皮先得1，2舊肉，收71蚊崩沙腩撈米，我其他粉麵檔食崩沙腩撈米真係有腩加；可能我之前食嘅崩沙腩唔正宗啦，今日終於見識到正宗崩沙腩，即係崩沙皮，比D咁嘅出品，真係要識食嘅人先識欣賞。崩沙腩唔係每間粉麵店都有，我慕名而來，真係想試下唔同嘅崩沙腩，點知人生第一次預上崩沙皮，希望唔會再遇上人生第二次嘅崩沙皮撈米，只希望全港粉麵店，止於華南粉麵店先有。唔知有冇其他人識欣賞呢。如果唔識欣賞，只可以講句：如有雷同，實屬不幸。我相信再幫襯嘅機會比較微。

Bought the most expensive thing on the menu: beef brisket duo of two types 坑腩 and 崩沙腩, which have a large amount of sinews, fat and soft meat of the brisket. I imagine it's the equivalent of the "point" or "deckle". Soft, fatty melt in mouth with strong pungent soup flavor. For a bowl of specialized brisket, $230 is not cheap although you can get a bowl of beef brisket with noodles for about $60. We ordered for takeaway and only wanted the meat. If you eat on site don't expect a cosy affair, ju

從前，有風味，有水準現在點解變成如此？點解？$60一碗坑腩米，有圖，自己評評吧!!$60一碗坑腩米，有圖，自己評評吧!!這個價錢，我就會對佢有要求唔想再提☹️☹️☹️

由細食到大, 愈食愈難食都算. 每隔幾個月都會想比次機會佢. 對上兩三次都問老闆娘點解d牛腩咁瘦咁un. 佢都話d貨差左, 有機會都想入番d靚貨. 我表示體諒今日新年佢地開番, 入去整個坑腩河, 叫佢唔好比咁瘦我, 上幾次都好瘦好乾. 個阿叔居然再問我要肥定瘦, 我話半肥瘦, 佢話「咁你要講清楚嘛」我黎幫襯果陣你都未嚮度做啦, 未訓醒就訓醒先幫人落單講番碗河. 個湯正常水準. D所謂半肥瘦坑腩...垃圾, 真心垃圾. 點解可以咁垃圾? 我今次真係無說話好講, 因為佢真係明顯地比左d坑腩我. 但點解d肉可以乾過牛肉乾. 坑位明顯, 連住果層衣都正常, 但一去到舊肉就清一色厚切牛肉乾. 極度垃圾果一刻我決定同呢間由細食到大既粉麵店永別. 我加左好多好多羹辣椒油連埋d渣, 將個湯一飲而盡. 同佢黎左個goobyekiss不再見, 永久blacklist

在灣仔福臨門在後巷, 是我第一份工作常去吃早餐的地方, 轉工後很少經過這裡, 多年重回舊地, 改變不太大, 華南粉麵依然車水馬龍. 這裡的牛腩牛雜河價值七十多元, 可以和九記媲美, 但前者則較為低調. 湯頭清澈而沒有漂油, 味道濃香不死鹹, 還有微微的甜美. 崩沙腩上的橫隔膜十分彈牙和爽口, 牛什則是十分入味而乾浄, 品質上乘, 對得起其價錢.

地踎鋪，餐廳價🙄$66 牛肚河，$78牛腩撈粗，$3多蔥😳物價真係好貴😅辣椒醬 $280/樽，有客買2樽！我真係好窮😜有朋友話佢 Keep 到以前嘅水準，又有朋友話唔夠以前好食，特別係D牛丸

黎到灣仔搵食，諗住食個Quick lunch 咁就決定食粉麵🍜貪佢夠快。決定黎到譚臣街呢邊，因為有一堆粉麵店。 咁吾諗咁多是但搵一間入去，因為食飯時間吾多，咁就入左去華南。一坐底見到牆上一堆明星照，咁多數賣會好貴。點知，望望餐牌，平均一碗粉都已經40 蚊起😟，而我地怕羞又吾好意思走，店員又係咁問食咩食咩，咁就叫兩碗粉吧🍜牛什米（HKD 53)：公道講句，牛什每個部位都比一舊最少，咁的確吾錯，而且洗得乾淨，無怪味。😋但可惜米粉既份量少，而且好似淥吾淋咁，仲有點硬🤨湯底吾算油，係普通牛肚湯。雙丸（魚蛋，牛丸）(HKD 64)： 咁就60 多元就睇下有幾大碗，點知係個碗大，份量少食完好似食空氣咁，牛丸濃味有胡椒粒係入味，夠彈牙，而魚蛋都係調好曬味，普通。留意番，兩碗都係單點吾包野飲🥤，而飲品無得跟餐，要飲就24蚊起。見人地食炸魚皮咁滋味，叫一碟，25 蚊，份量真係少，但味嘅吾錯，脆身，炸粉薄。總結：價錢貴 份量少 吾值對面街食碗粉連飲品都吾洗60 蚊不會再光顧

自己伙計落錯單，之後輔返兩隻餃原來收番我錢，感覺非常不舒服，有啲好似俾屈。咁多年介紹唔少朋友去幫襯食宵夜，依家覺得有啲白費。算吧返正一向喜歡的韮菜餃水準下降了，以後少了一個宵夜的選擇有點可惜。