華南粉麵茶餐廳

Open Now

Now Closed

叫咗碗牛腩海粉，一嚟到啲湯已經好少，我叫佢加啲湯，門口呀姐非常無禮貌大叫話加5蚊，我一口拒絕，牛腩一舊都咬唔到，好似牛肉乾，啲嘢食又唔好食，又無禮貌，價錢仲非常貴，一定冇下次幫襯！

朋友話好耐之前曾經食過依間覺得OK，於是打算今日午餐一試，嘩，依度嘅服務質素真係另人大開眼界。我地一共三人，我同朋友先到，門口阿姐知道我地未齊人，即刻聲大夾惡咁話未齊人出去等！出去！我地見果時店內有幾張吉枱無人坐，出邊亦無人等位，於是問可唔可以我地坐低叫嘢食住先。阿姐繼續用好惡語氣同生係額頭頂嘅眼神兇我地話：唔得！出去出去！咁都算，我地出去等咗5分鐘，朋友亦就來到，天氣熱於是我地想入店內企住等，阿姐即刻走過來叫我地出去，我地把幾火話依家得我地兩個人食得唔得，阿姐將d吉枱擺晒留座牌，話：無位，唔做你地生意，走！食物質素我評價唔到，但係就食咗一肚火

食品質素已經差到了一個點，無論叫什麼腩，都係咬唔開。價錢超級唔值，服務態度極差，希望早點收工啦。我已轉食其他店了。舊國泰戲院旁的群記，三十多元已好食過華南多多聲，有心做真係好唔同。

收工去咗灣仔一間叫華南牛雜粉面,諗住求其叫個牛腩河唔會衰得去邊呀 離曬譜嘅一碗牛腩河竟然賣人48蚊 仲要係啲不知名嘅牛腩碎腩食落怪怪哋味道 求其喺街邊買廿蚊一碗都好食過佢 好佩服佢勇氣夠膽收人48蚊 相信佢絕對唔會有番頭客 絕不推介,永遠唔會再幫襯

一排冇黎幫襯衫，今日有機會落灣仔，行左一輪都唔多想食飯，想再食粉麵類，最終由灣仔頭走到灣仔尾，記起有間華南炒麵，於是決定再來一試。一入到鋪內，已被d 呀叔呼呼喝喝，被指派坐位，再坐底又要被人不斷追問食乜。眼見大部份人都叫牛腩，但今日唔想食太多肉，最終決定點了片頭河。食落發覺質數已大不如前，d 片頭超油膩，一嗒食落去感覺成口油🤢. 服務已經一直都欠佳(完全無期望啦)，連食物質數都係咁差，以後再來幫襯都難

我第一次忍唔住寫食評，實在太難食！叫左兩碗粉，一碗雙丸牛腩河粉一碗雙丸米粉埋單要$124，貴唔緊要，但都要好食架！難食到無朋友！先講雙丸米粉，牛丸鞋到過我隻手，魚旦有腥味但都叫旦牙既不過我寧願食唔旦牙但唔腥既魚旦...米粉太硬....另一碗既墨魚丸牛丸牛腩河, 墨魚丸都係麻麻地，牛腩又肥又鞋，河粉還可以的。落單夥計態度差到不得了究竟佢買馬定做野定傾計既？完全唔明點會可以係呢區做到咁耐生意！我一定唔會再黎

陪老公做完嘢已經成11點，雖然未食晚餐，但夜麻麻都不能食得太飽太爆炸。而且又難得過海，老公就帶咗我黎灣仔食佢之前OT的日子的宵夜首選。老公推介必食牛腩，所以我就點咗魚旦牛腩米，魚旦聲稱是自家制的，但就不夠爽口，口感有點糊糊的。主角牛腩就肥瘦得宜，咬落是鬆化的，一點乜不韌，而且十分入味。老公要咗個坑腩牛雜麵，但我無食過就無謂品評啦。另外點了一碟油菜及炸魚皮，正常。2個人食咗2百幾蚊，食粉麵黎講都算貴，但起碼是好食的。

今日帶小魔怪去我以前常去的麵店，帶佢去感受我從前的味道！一入到去就叫左兩碗牛腩米，只不過晚上八點多，就無曬河粉，再黎多碗雲吞麵同紫菜湯，咁先夠飽，HEHE！我諗可能有近廿年冇食過了，味道總是覺得以前好食D！不過牛腩米湯底仍然好香濃，再加上自製辣油（要＄220一罐），味道更加提升！而雲吞麵都不錯，雲吞唔大粒但好香胡椒味，正！紫菜湯亦都不錯，用黎送麵送米粉最岩！也許時日變遷，味道或有不同⋯⋯但小魔怪，我們不是在創造新的回憶嗎？

午膳時間隨同事外出用餐，發掘了一間隱秘「蛇竇」。華南粉麵茶餐廳位處譚臣道 (近修頓遊樂場)，正舖屬街舖，裝潢與一般粉麵茶記差不多。多行兩步上樓，則可達「副舖」位置，因地方隱秘，食客沒有正舖般多，坐處較闊落舒適。從同事口中得知，餐廳的牛腩頗為出色，當然要試試。 這碗牛腩河粉，一碗約有六七件牛腩，選材偏瘦，肉質紋理清晰明顯。一如預期牛腩擁有濃郁的牛香，口感帶點嚼勁，與偏瘦的選材不無關係。湯汁混入牛腩精華，口味泛甜，夾雜少量蔥段品嚐味道更愜意！ 雖然 $45 一碗腩河不算便宜，但可考慮再次光顧。

在我公司附近的一個小巷內有一間不起眼但又很有名的粉麵小店，很多名人也來光顧。有一次我也遇上杜汶澤。他們的崩沙腩，牛雜麵非常受歡迎。而我則較喜歡他們的魚蛋河，他們的河粉又薄又滑，很少麵店有如此質素。魚蛋亦非常彈牙，魚味十足。我亦很喜歡他們用腩汁煮的通菜，他們的腐乳味道濃郁，混合腩汁非常好味。可能這小店已太有名，不愁生意，所以服務態度略為欠奉。如果這家小店加多一點人情味，多一點對客人的熱誠，那就完美了。

而家想食好味嘅牛雜粉真的不易！間間都話老字號，沒有華麗裝修，但算得上乾淨。講返味道，華南真的保持水準。牛雜香到不得了，非常入味👍魚片不是一般只有彈牙，真的有一種說不出的舊時味道😋河粉滑、米粉爽，還有我喜愛的瀬粉。不夠飽更可加件多士。唯一要彈的，就算非繁忙時間，很多吉枱都總要指揮怎樣坐😂

喺親戚屋企無聊玩手機，隨便一刷，刷到全部都係野食，竟然睇到餓曬，直接就著鞋出門啦~~~華南粉麵喺銅鑼灣地鐵站附近，門口可以見到好大個招牌。環境系好傳統兼懷舊嘅茶餐廳，覺得特別有味道！！牛雜米，料好足，個湯底夠曬清淡，完全唔會搶咗牛雜嘅味道，而且都好大碗，我一個人喺絕對食唔曬嘅...雲吞麵入面嘅雲吞，佢嘅肉餡比較爽口，不過相比起牛雜嚟講就會少啲。檸啡~~記得我第一次飲嘅時候就覺得佢嘅味道好特別，所以一直都好鐘意！覺得檸檬同咖啡味道嘅碰撞，邊個都搶唔到對方嘅味道！！一遍食野嘅時候仲可以一遍廳老細將去泰國旅遊嘅事，不過店入面喺唔可以外帶飲品嘎！！

係灣仔返工已經超過15年, 一直都有去食, 其實已經發現佢地係舊年開始, D客已經越來越少, 開頭以為佢地不停加價啫, 點知今年D食物質素1次比1次差......牛太差....其實好早已經係....點知尋日去到, 諗住仲有魚旦好味D啦, 點知出晒事, 又腥又林.....直頭冇晒口感.....只有服務態度得以維持囉....(出名勁差...即係...粗聲粗氣黑口面....比錢仲要比人鬧嗰隻)....我真心覺得, 南記好食過佢好多!

十幾年前灣仔做野，午餐有時都會去華南食。那裡D員工太冇禮貌，我仲記得有次果個女伙記，個客唔聽佢話坐在未滿的一枱就講咗句操口，所以我之後没有再去。今次經過灣仔便再光顧看看有没有改變，但結果另我更失望。食物水準下降不講，連食物價錢都貴到離地。一碗牛什面要42,雙拼就要62，一支细可樂14，纸巾要5蚊。好食都話，伙記又串，D人叫佢跟下單就話D野做緊，等吓啦！再追就話唔等得就可以走。D態度認真一流。以後都唔會再去！

見到門口貼着一張報紙推介，邊抱重一試的心態價錢普遍偏貴双丸牛腩面 （$65），买相是不錯的，可惜牛丸老，魚旦腥，牛腩嚡而不入味，又肥双丸，（牛丸、魚丸） $53據說是三代人的努力，有大排檔做到店舖。但結果是令人非常失望。