威風百麵

Open Now

Now Closed

呢間戚風百麵成日都好多人排隊，間鋪唔算好多位，所以前面就算得幾個人都要等一段時間，佢主打性價比好高嘅便當同麵食。我哋入去試吓必點嘅自選車仔麵，佢比起其他車仔麵嘅特別之處係湯底可以揀兩種（我揀咗腩汁加沙嗲），餸就揀咗瑞士雞翼同埋牛腩，好入味，同埋份量都叫幾足！但可能因為揀咗兩款湯底，同埋餸原本都有自己嘅醬汁，食得耐會有啲鹹，大家就唔好好似我咁貪心揀兩種重口味嘅湯底🤣佢跟餐有自家製嘅酸梅汁可以選擇，每日限量30倍，如果係夜晚去，有機會賣哂，佢唔會係一味加糖，保留到酸梅汁原本嘅味道。同埋有五款甜品可以跟餐送，焦糖燉蛋就要加錢。我揀咗椰皇奶凍，佢分咗上下兩層，椰子浸味都幾出。大家如果經過都不妨試一試～

威風百麵@紅磡🪡紅磡湖光街1-7號聯盛大廈地下10B1號舖💰$50-$80私心收藏既車仔麵，每次嚟都係要排隊，不過你試過就知係值得嘅，價錢超合理，味道好食，最重點係連甜品都好高質，推薦推薦！🍜威風百麵Menu有唔同配搭選擇，威風百麵應該係最受歡迎的，入面有紅燒豬腩肉，豬大腸，墨魚丸，魚腐，糖心蛋，冬茹，雞翼。份量超級足，配料新鮮同入味，配搭埋油麵先係最正既車仔麵。🍜自選車仔麵食車仔麵最開心係可以揀自己鍾意既餸，難得地見到車仔麵有得揀豬柳，味道同M記豬柳包一模一樣，墨魚丸彈牙。湯底方面好多選擇，推薦腩汁+瑞士汁，試過返唔到轉頭。值得一提木糠布甸味道一流，仲要係自家製，仲要order套餐就送一個甜品，食完大滿足。

回頭度🍪8/10｜人均消費💰~$40-60-呢間車仔麵出名抵食又好食🍜仲有免費甜品送🤩味道仲要唔錯又多款式有牛乳奶凍、椰皇奶凍、木槺布甸等等仲可以加$5轉焦糖燉蛋🍮想試呢間好耐 但竟然畢咗業先第一次去食 雖然等位等咗十五分鐘 但絕對會吸引我再去🥰-🤍威風百麵 $59因為有太多餸想試 所以就點咗呢個招牌款😋呢款麵有豬大腸、腩肉、墨魚丸仲有冬菇、溏心蛋、魚腐、時菜所有餸都好好食😍特別係腩肉🐽同瑞士雞翼🍗醃得好入味醃製過嘅溏心蛋都好高質 蛋黃蛋味都好夠重還原到日式拉麵嘅溏心蛋🍳湯底仲可以揀汁 腩汁好夠濃味🐮$60有七個餸認真抵食🥳仲有甜品送🍮係滿足嘅一餐！！！-味道🌕🌕🌕🌕🌑抵食🌕🌕🌕🌕🌑

有幾間車仔麵店一直想試，呢間係其中一間，今次lunch嚟呢度食，中午時間都幾多人排隊，要門口等咗近10分鐘先有位。餐廳除咗車仔麵仲有飯餐，揀咗威風百麵($59)，已有選好咗既餸可以每樣試啲唔洗諗，另外加錢要咗杯凍酸梅湯($8)，盛惠$67。威風百麵($59)：每樣餸都好味，可惜雞中翼只有一隻。湯底可揀咗兩款，揀咗秘製辣汁(大辣)同瑞士汁，大辣辣汁幾惹味，唔算十分辣，瑞士汁太甜，覺得呢個唔太啱我。凍酸梅湯($8)：好解渴，甜度適中。甜品：食完麵記得同店員講要甜品，黃色牌甜品係免費送既，揀咗椰皇奶凍，細細杯，有上兩層，好味

紅磡一帶咁多小店嘅食肆，咁多選擇都有一定嘅人流，一定有佢嘅過人之處。 平日夜晚8:00去到，前面都排緊五六個人，不過等咗10分鐘左右就有位喇！ 我就嗌咗自選嘅車仔麵。呢一間嘅麵選擇多少少，我揀咗寬粉紅薯粉配咖喱豬皮、瑞士雞翼同埋麻辣豬腩片加瑞士汁同麻辣汁個湯濃味得來唔會太鹹咖喱豬皮冇晒毛非常好瑞士雞翼滷得入味麻辣豬腩片就略嫌唔夠麻辣味好味指數： 🌕🌕🌕🌕🌑另外嗌咗杯酸梅湯，自家製果然係唔同啲，完全唔係出面超市買支裝嘅味道，生津止渴。好味指數：🌕🌕🌕🌗🌑最驚喜嘅係，食完麵係會送個甜甜品，我哋嗌加錢轉咗要法式焦糖布甸冇諗過做車仔麵嘅甜品都可以咁好食！ 好味指數：🌕🌕🌕🌕🌑

星期日當日突然好想食車仔麵，當日下午一點半來到，等左大概十分鐘入得。坐低用QR code 點餐，我點了威風百麵，要沙嗲醬，沙嗲醬味濃，如果可以再重啲花生味會更加好，麵底揀薯粉，入面啲餸有幾多下，有三舊豬大腸，兩舊豬腩肉，兩舊冬菇，一個順德魚腐，一隻一開二的溏心蛋，一隻雞翼，仲有幾條菜。溏心蛋好好食，真係做到流心口感，雞翼同冬菇都係好驚喜，好入味，特別冬菇，炆到好淋。加$8 要了一杯冰凍酸梅湯，入口感覺好開胃，好適合夏天飲。👍👍👍👍凡點麵或者飯餐，都會送一個小小的甜品，我當日揀了木糠布甸，正常發揮。下次會再試下叫另外的餸。🫢🫢🫢🫢

#威風百麵 @waifung_noodles今日同同事嚟咗呢度食車仔麵，本身依間報嘅上一手都係食車仔麵，佢哋冇做之後我就冇再嚟，唔係話生依家唔好，而係經常都會排長龍😅今次都唔例外喺門口等咗陣，平時會散叫，可能今次我得滯決定揀佢嘅套餐「豬仇家」😁每次食車仔麵豬紅豬大腸都係至愛，呢個餐就加埋貢丸同腩肉，真係同豬有仇🤪$52，指定要油面同沙嗲汁。嚟到都幾大碗，最欣賞係豬大腸大件又好食，同事對佢嘅腩肉都評價好高，另外公園同豬紅都係正常水準。沙爹汁比較驚喜，好似係沙爹醬咁樣，湯底比較濃。份量都夠飽，最驚喜係原來仲有甜品送，真係估你唔到👍原來都有唔少網紅介紹過，不過真心嘢食出品係做得幾唔錯。@foodiehck2022 #港飲港食平靚正 #車仔麵 #豬紅 #豬大腸 #豬腩肉 #貢丸 #油麵 #沙嗲汁 #木糠布甸 #午餐 #紅磡 #排隊

這間威風百麵位於紅磡，這間很好味的車仔麵店，我覺得真係要推薦一下令到更多人認識🤣其實我估計在區內的街坊，一定是他是一間很好吃的車仔麵店，而且經常排隊。之前這間店舖是一間小店，結業咗一段時間時，在同區位置開了一間大店。日日都全場爆滿。有時候甚至要等位。好食的地方在於每一個配料都是用心製作，選擇種類多，而且最吸引的地方，就係每叫一個面，當會送一個小甜品。我每次都會叫木糠布甸。，很好吃的。。我見有些人都會叫焦糖燉蛋，加幾元就可以。總結而言，希望這些小店可以一路繼續👍🏼👍🏼

威風百麵在紅磡區來說都是有點名氣的餐廳，主打車仔麵，人氣高企的她在食飯時間一直都有一條長龍。平日的晚上近九點餐廳大約有七、八成滿，入座以後內進的客人仍然不斷，大概算是幸運了哈哈。餐廳面積就是不算大，檯凳也擺得有點密，當客滿時應該坐得不太舒服，但環境尚算企理整齊。餐廳的其中一個賣點就是點主食會奉送她們的自家甜品，門口前的雪櫃就是存放了不同款式的甜品、飲料。餐廳採用QR code自助落單，我選了三拼車仔麵，有牛腩、蘿蔔、腐皮蝦卷、腩汁、沙嗲汁和油麵，總共$51。牛腩帶有點牛筋和筋膜，不會如一般吃到的那麼黏牙，件數多滷的味道也很入味；蘿蔔有大有細，但有六、七件來說都算是大方，味道帶點清甜沒有渣；腐皮蝦卷則是普通供應商交來的貨色，加上只有兩條大家可以轉試其他配料。檯面上有一瓶菜脯，循例試試，味道正常；相信很多人吃菜脯都是喜歡它爽脆的口感，但這裡是弄得很碎細的所以不如一般吃到大大粒脆脆的口感，個人還是比較喜歡大粒的餸著麵食。經過一輪選擇困難症後我選了很久沒吃的木糠布甸。想不到她們的布甸奶味濃郁，小小的一個甜品真的不夠喉啊！餐廳無論是筷子還是甜品兜都是使用即棄的，實在是不太環保 在這個世代下，希望

由於平時排隊非常多人，之前食開都係買外賣算，難得今日落雨唔算太多人排一陣就可以入去食環境：雖然搬咗新舖大咗，但係店內都唔算好大，坐得都比較迫，不過就勝在乾淨企理，冇異味上菜速度快，服務員雖然好忙都好有禮貌，真心值得一讚食物：車仔麵靈魂一定要食油麵，滷水餸好入味，唔會太韌又唔會太淋，口感適中，份量都算好多，基本上一個人食都夠飽，最欣賞嘅係流心蛋，做到流心口感啱啱好總結：呢間麵店都算喺紅磡幾出名，就算搬咗新舖都保持到質素，不過就比較多人，排隊要時間，經開紅磡值得一試

啱啱去咗食一間話題滿滿嘅車仔麵店，真係開心到夜晚都仲係咁開懷！佢哋個招牌麻辣豬腩片車仔麵，真系勁！豬腩片煮得啱啱好，入口即化，帶啲微微嘅麻辣味，啱晒啱喜歡刺激嘅我。而嗰啲米粉嘅，Q彈得嚟又唔爛，吸晒啲湯汁，每啖都咁滿足！對面仲有一啲瑞士雞翼，食落去皮香肉嫩，鹹香得嚟層次分明，真系一流！面上擺咗啲生菜同埋燒汁雞軟骨，增加咗唔少鮮味同爽口感。講真，呢間嘅車仔麵真係正到冇得輸，份量、味道、啱晒巷坊平民嘅口袋。最後仲送我個焦糖燉蛋，甜度啱啱好，完美結束我嘅美食之旅。去到家，個肚仲系回味無窮，要係唔介意等一等，真是值得一試！🍜👌🌶️

威風百麵價錢💲: $51/ $58好味程度😋: 4.4/5服務🍴: 3.7/5環境🗾: 3/5性價比🥢: 4.4/5回頭率😚: 4.4/5-一路都bookmark左呢間車仔麵，係佢地轉左大舖之後終於有機會試試。平日夜晚都要排一陣，就知好高人氣！最特別係佢哋最後會送一個甜品仔，有布丁/燉蛋等選擇，令人開心曬😝 -✅✅蘿蔔+金錢肚+鮮蝦水餃+瑞士汁+秘制辣汁幼麵。蘿蔔必叫，清甜好嫩，仲有小小薑味，驅寒。切到一口size，方便食用，超級正‼️ 金錢肚好淋，入哂滷汁味，唔會有渣，必叫‼️水餃都多餡，食到粒粒🦐肉，但相比下正常。呢個湯底配搭好出色，偏甜口味，小小濃味得來唔鹹，辣汁夠香，好好味😚-✅✅咖喱魚蛋+手撕雞+麻辣豬腩片+豆卜+麻辣汁+腩汁+油麵。咖喱魚蛋睇顏色都知好夠味🥳大粒又彈牙。手撕雞撕得幾幼，但無可避免比較鞋，有d肉渣咁🤔麻辣腩肉片薄薄的好入味，肥瘦適中可接受，要叫‼️豆卜要來索湯only。油麵好滑，一定要食！麻辣湯底味道好重，麻多過辣，幾刺激😎-✅Oreo木糠布丁+椰青奶凍。木糠布甸係正常味道，都足料。椰青奶凍甜左小小，但個人幾鍾意椰子所以都ok😋-送的甜品正常，但有呢個idea真係幾

紅磡宵夜之選😋🔸威風百麵 $58乜餸都有啲，唔洗諗系列。餸份量多，湯底濃！🔸自選3餸車仔麵 $48秘製辣汁正，好濃好夠味，餸同麵嘅份量都多！另外，會送甜品食。我地叫左木糠布甸同焦糖燉蛋（加$5）強烈推薦焦糖燉蛋！好滑好好食！

土瓜灣眾所周知有好多車仔麵雲集 咁啱經過見到呢間好似開咗唔係好耐嘅車仔麵🍜坐低叫咗🐠魚蛋 雞軟骨 日式拉麵 辣汁中辣 首先講🐡魚蛋 有五粒 算係有啲魚味 唔係太大牙嗰隻（小編鍾意既😋）都算大粒👍 然後喺車仔麵入邊勁少有嘅雞軟骨 見到都覺得幾特別 份量都幾多 味道就正正常常啦😌 最後就係拉麵 車仔麵嘅拉麵當然就唔係「真」拉啦 有啲似台灣麵 整體都好食嘅 辣汁都算係重口味🤣 小編鍾意⭐️最後 都係最特別嘅 就係會送甜品 有好多種 例如木糠布甸 牛奶布甸 焦糖燉蛋等等 小編揀咗oreo 雖然冇飲品送 但食完有個甜品💯

今次試新嘢➡️ 寬條紅薯粉之後有食過紅薯粉，但無食過呢個形狀，所以想試吓感覺如何，佢口感似煙韌的河粉😆腐皮蝦卷➡️腐皮幾脆口，蝦肉彈牙，唔錯👍🏻豬皮和咖哩魚蛋，入味和味道正常。繼續有甜品送，揀咗椰汁奶凍和另外加💲5試吓法式焦糖燉蛋。覺得略甜，都係奶凍啱我啲😜