偉記燒烤樂園

Open Now

Now Closed

總結: 價錢係貴左少少，食物質素都係一般燒烤場質素，還可以，因為你其實唔會點同員工交流，好多野都係自便，所以無所謂。唔浪費時間，簡單重點：- $220 人頭包一支野飲一支水，加$60開爐費（包爐面炭+一包），有的士單減$10- 錫紙，蒜蓉醬（但有免費蒜蓉牛油），網架，要另外買。- 食物：有咖喱魷魚，一件件嘅茄子，一件件嘅翠玉瓜，一嚿嚿嘅粟米，用錫紙包好嘅番薯，多春魚，有麵包，豬仔脾同基本野- 衛生 : 一邊有5格廁格，男女share ，另一邊有男廁。唔係酒店式乾淨，不過你急既將就下- 環境: 大部份有頂，附近總有把風扇吹。（不過也因為咁，你既炭燒得特別勁特別用得快，就住用（我燒到白曬加3-4 舊）5點燒到10點都唔洗特別買炭- 服務 : 門口個收銀果個都係黑黑地面，野飲部既都係正常人，所如果同食野有關既員工都係正常，如果無關既就黑黑地面串串地。- 方便: 個位置係麻麻地，去既最好一班人的士(元朗站$30左右) ，走既一係call一係係門口等，間中都有的士經過

第一次黎食，這裡有免費停車場，帶老人小孩開車過來會比較方便，但收工時間好塞車囉！🙄 可能我地坐的位置帶上蓋關係，空氣麻麻，感覺比較焗，食物方面全部打開晒就咁放係到俾你攞，櫃子又沒有蓋，唔係咁衛生，食物味道上，所有的醃肉都完全唔夠味，拿了點燒烤粉回來，結果連它都是沒味的, 唯一好食既係蕃薯，超甜，尾聲先來食，明明都已經好飽，但都甜到食左兩隻。😂

超唔老實，小朋友唔夠高，又想收錢！老人家比完正價錢，忘記比老人咭，之後補番個老人證又話唔得！book嗰陣時就講$200去到話收$260中秋節！book嗰陣時你已經知係中秋節㗎喇!!!冇下次🤬🤬🤬

網上book定位夠鐘就可以入去，平均每人200幾蚊就可以燒到凌晨一點👍🏻啱晒一大班人去燒，環境又夠大，食物種類都好多，應有盡有，食物質素平平常常都係咁，不過佢地個到會有啲夾公仔機幾特別🤣

本人在大年初二同十幾位家人去元朗大堂偉記燒烤場燒嘢食，有兩位長者，我忘記咗有長者優惠俾咗正價價錢轉頭返去同佢講番佢話出咗單冇得退返長者優惠價錢，本人覺得我唔記得講有兩長者係有責任，但係你作為負責人收錢嘅見到人哋長者或小朋友你係咪應該提一提人哋有長者優惠呢，如果正常係你有呢個優惠俾人哋你係有責任去提一提所有入場人事有呢個優惠囉，唔係要客人自己去記得或提你有呢個優惠囉，既然你唔係有心去俾啲優惠人哋嘅，咁你不如刪除佢啦，所有人一個價錢就OK啦👎👎👎👎👎

之前又俾人book 位，去到 一D management 去無，五點去到話book 左一樣要等，同無book 一樣，無位就唔好俾人book 啦，要扮大方，1-12pm 任食，又唔做好management ，一係就限時，一係就分時段，唔好又book 又無位，真係落雨一D 應對不如去其他地方，去屯門都好過佢，落雨的管理都好D，方式都無，不如俾人落著雨燒啦，D野又麻麻，服務態度又差，下次唔會再去。BBQ佢算最差management 。

今天是Boxing Day ，本身約了三五知己聚首一堂 ，天氣又凍 ，所以便來到燒烤樂園打算BBQ 順便玩埋交換禮物，但到咗之後要排隊不特只 負責人更我哋說無法保證有位俾我們入座，對答服務態度又差，如果無法保證入座的話為什麼打電話去預座時又這麼口響承諾有位呢？ 真係好生氣無辨法接受這樣的安排，餐廳既然接受了客人的預約就要考慮好惡劣天氣下可以怎麼安排，這樣要客人不停等等等等的安排真是谷鬼氣，本來開開心心的聚會就這樣被搞到冇哂mood 同朋友玩

元朗站📍偉記燒烤樂園-平安夜今晚去左Bbq，唔想去好遠，就簡左近近地嘅偉記。早幾日book左位，$200一位，開爐費$50，免費泊車，大概有50幾個位，先到先得。老闆話如果搭的士入憑的士單可減$10。先講場地，個場唔算好大，每台之間間距唔算太闊，但平安夜今晚都全場滿座！再講下野食，基本丸、腸、豬牛雞扒、魷魚、多春魚、金沙骨等等都有。蔬菜方面就有青椒、粟米、茄子、翠玉瓜。野食選擇唔算好多，質素一般般，不過平安夜大家志在一眾，$200貨仔都算係咁。入場包一枝水同一罐野飲，蜜糖任添，但好稀好水，冇乜味。蔬菜冇甘菇🤯後來燒燒下加左個網，承惠$50，連埋一個鉗。到8點幾9點有人出黎打響銅鑼，原來有糖水同埋桔派，好多食客都出去拎。糖水係腐竹白果糖水，糖水夠甜，免費滋潤吓喉嚨都唔錯😜現場都有唔少遊戲機比小朋友玩，都係個家長燒錢、小朋友放電嘅好機會🤩廁所都係女士最關注嘅地方，可惜佢係男女共同share，有5-6格，我就入左痞廁😟不過原來都有坐廁，但沖廁就手動係水缸拎水沖。

諗住地方大去下bbq，好早見得一枱，無話要坐邊到，點知越嚟越多人，佢為咗方便自己執嘢，將D人全部放同一區，仲要突登加檯放埋同一區，問佢可唔可以分散D人坐，仲要聲大夾惡，話不嬲都係咁，大佬依家咩時候，諗住你空間大先嚟，點知仲衰過喺餐廳食，早知唔去哩間，嘢食又唔係好過人，D炭又快燒完，要比35蚊包灰，加網要比50蚊都算，仲要自己去攞。服務態度超差，好似求佢咁，個個唔願做，不如唔好開啦，打死下次都唔去囉

1月16号6点-同老公買定大虎蝦🦐🦐搭的士去偉記BBQ!門口買入場卷(包兩包炭,2款飲品)出示的士收據可當十元👍🏻自助食物櫃非常多款式及不同味道的食物! 連茄汁，辣椒醬 ，蒜蓉 ，牛油都提供我覺雞全翼，中翼'豬扒， 魷魚 '牛扒最好味👍🏻!越夜越多人來🍴🍴九點零! 場內的工作人員推了大鍋及碗叫出來拎，老公就排隊🤗🤗!真窩心❤❤ 原來係熱辣辣白果腐竹雞蛋糖水!👍🏻 超多料好味 👍🏻可加添環境舒適~ 食物好味~

夏天好多人怕出汗，但係夏天唔係正正就係一個享受流汗嘅季節咩！我用呢句說話說服左我嘅朋友陪我係中午時分去偉記燒烤場盡情甘BBQ！💕一開始以為偉記好遠要行過去好辛苦（事實上都係離市中心一般距離xd），但係我地竟然係網上發現，搭的士去偉記係可以claim番錢！佢會係入場費度扣俾你🤡（當然係有上限嘅～）不得不提嘅係，呢個燒烤場好有大自然嘅感覺～食物嘅variety就同其他燒烤場差唔多。呢次都算係同朋友一個唔錯嘅體驗～ps 係燒烤場燒野的確方便過去郊野公園燒～價錢都唔會差好多

難得可以約埋一班同事聚會，就一齊去咗偉記燒烤樂園燒烤。朋友介紹話呢間嘢食味道都唔錯。晏就去到人唔多，可以自由簡位。我地12個個人，原本只肯比一個爐我地，要我地逼，我地唔肯先比多個細爐。呢到食物選擇唔多，但係啲質素都幾好。雞翼大隻，都算新鮮，唔係雪得好耐。每人包一支野飲同水，會比張卷你去換。如果要買，就10蚊支，都好貴下！啲丸都好大粒，我特別中意食貢丸！呢到貢丸多菇係入面，又帶少少甜味！雞翼有幾隻味簡，全部都算入味，又大隻多肉！呢到環境幾又，又夠大。岩曬聚會！

2017年尾，約左朋友去bbq倒數，好彩有提早預訂座位，見到門口長龍，可能要排隊由2017排到2018，地方不算很偏，朗屏站有小巴到，行路約行20分鐘跟朋友去到時已滿座，很多人排隊，幸好朋友早有訂座因為有朋友早到，去到爐已弄好，燒就可以，入場費每位220，包有一張飲品卷，不能外帶飲品，現場買飲品也不算貴，食物選擇也不少，羊架，金沙骨，豬扒，魚肉腸仔牛肉粒牛扒等等，都是已淹料淹好，基本有的都有，我就燒都在燒羊架，羊架淹好沒騷味，算可以，當晚場地氣氛廷好，有舉辦免費送啤酒活動，但先到先得魷魚還算可以，一般冷藏貨，要燒較長時間倒數時刻，老闆免費送小禮炮，夠鐘全場一齊放炮，甚有氣勢氣氛，非常熱鬧，這老闆很有心思很好玩，非常值得稱讚

中秋節正日, 返工成日就係等放工, 正當我一條友諗緊吾知放左工返屋企定去邊好嘅時候, 突然收到老友whatsapp話去玩返晚, 心諗: 吓!? 兩日前先燒完, 吾係呱! 又嚟!? 不過, 反正返屋企又無野做, 算啦! 嚟咪嚟! 問吓價錢, $200 任食, 唉! 都知乜料, 不過, 去到重點當然吾係食啦! 而係睇下有冇靚女嘛! 我第一時間check下谷歌地圖, 嘩! 原來都吾近西鐵(元朗) 站嘅, 我喺荃灣西過去兩個站心諗搭的士應該$100到ok啦! (因為我成日搭去美孚都係$50到, 可惜, 事與願違, 係要$185, 点解呢, 因為過條大欖隧道要收成$44, (sorry! 我第一次搭去新界西吾知訂!) 過左隧道, 我先知原來已經入左新界! (因為所有的士已經由紅色變左綠色!)      雖然無乜点塞車(係入去偉記燒烤樂園嗰條路塞左一陣), 但都用在成20分先到, 不過, 好彩我係直接搭的士嚟而吾係喺元朗站再轉綠的, 因為聽D friend講剩係喺站頭都等左成半個鐘! 入到去仲要排隊買飛, 都排左成3, 4個字, 好在我D friend 已經入左去先, 我就可以優先入場! 買完飛,

已經幾年年尾都會bbq咁過 第一次係偉記到b係元西飛的入30蚊唔洗 去到已經超多人排緊隊等入去200蚊/位 包左一支水同一罐野飲野食唔算好多 但叫做入味 仲會有糖水食 最好食係個椰皇布甸 $70/2個 夜晚倒數個陣仲有比埋禮炮我地玩個feel好正