偉記燒烤樂園

Open Now

Now Closed

我所知道元朗有兩個燒烤場,但近西鐵站的那個已經是劣評如潮,所以選擇左偉記~個地方都唔算偏僻喎,不過人流唔算多.入口計人頭收費,再派一支水一份飲品券.食物都唔少喎,我地食左: 免費供應 : 蜜糖(又夠結又多仲要比油掃) , 豉油 , 辣椒油, 廁紙, 膠手套 丸類 : 墨丸, 牛丸, 魚片頭, 獅子狗卷, 紅腸, 貢丸, 火腿丸, 燒賣(最唔好食,因為好粉)腸類 : 芝士腸仔, 廚師腸, 司華力腸 (大大碌必吃推介)肉類 : 雞全翼 (邊度仲會比全翼甘著數), 中雞翼 (有幾款味道, 特別辣味一陣就沽清超好味) , 豬肶骨 (推介) , 雞腎(好入味又唔硬), 豬扒, 雞扒, 牛`扒, 牛柳魚類 : 多春魚 , 魷魚 (又是必吃)蔬菜 : 蕃薯 (適合鍾意低糖既人)好得意既係, 會間唔中打鑼原來係有免費野派 ~果晚我地攞左 腐竹蛋糖水, 蘋果同埋雞骨草涼茶 (真係自己煲架 , 仲有渣添) 好suprise ~我覺得呢個價錢幾合理, 而且坐得又舒服

上一次就沒有寫食評，今次補番寫啦﹗因為昨晚天色好好，露天的位置都可以開爐，不用迫在有簷篷的地方坐，所以覺得特別舒服。佢是自助型式的大家可以隨著自己的喜好選擇食物，有雞全翼、半翼亦有兩三種選擇、雞扒、豬扒、牛扒、腸仔、多春魚、羊脾、各式各樣的丸，再包一張水卷及一張汽水卷。亦設有免費迫車方便駕車人仕，加上洗手間都算清潔令我十分欣賞。所以有機會我會再次光顧的。

大班同事約去bbq, 事先已在openrice 搜集資料, 同事亦口耳相傳偉記不錯~所以跟足指示book 位, 留的士收據~由大馬路搭的士去, 只需$24.5, 非常方便.星期日燒烤的人不多, 所以不需等候就可直衝入場.工作人員快手快腳安排我們就坐, 亦快速開爐,大概15分鐘大家就坐定定, 睇電視,燒野食.約每半小時打鑼, 大家出去拿限量涼茶/水果/粟米/蕃薯.不過人龍太長, 有時拿不到.水果新鮮, 涼茶(竹蔗茅根)好味, 只是略甜了一點.bbq材料不錯, 新鮮.大家都想吃粟米和蕃薯,可惜是限量供應.而且燒完, 超級口乾.不過下次有機會, 都會再來.

連續兩年的除夕夜，都是在這裡度過，但人腳有所不同。今年除夕夜入場費每位130大元。預先訂了八點鐘的爐，七點半到達也須排十五分鐘隊才能夠進到場，人流空前鼎盛。六個人「配給」到的是一個小爐。我們的「前、後、左」，也都躋滿了「爐子」。我和身後爐子的距離不到半米。乘著人少的時候，先出去拿食物、烤料吧。找不到「豬脾骨」，原來「豬脾骨」不再是長期供應。食物選擇少了，「蔬菜包」每個要5元正(你都收了我130大元，比平日貴了30大元，這些你都斤斤計較？)。幾十人圍住一個小小的「食物區」，真的很難拿到想要的烤料! 每次有新食品、糖水、涼茶，人群都是一擁而至。看到那人龍便不想去「搶了」!食物質素方面，那些加工食物如芝士腸、丸類，跟其他燒烤場如「好x味」會差不多，但一些生肉烤料如豬頸肉、雞翼，味道不錯。豬扒、牛扒肉質及形狀看得出不是下欄貨食，就是今晚醃出來的效果不好。今年的「橙」很大、很甜、很多汁。差不多10:30pm。全場「爆滿」，是實實在在的「爆滿」; 每當你要去拿食物，去洗手間，總之是要離開你的爐去其他地方的時候，你一定要從其他人的「背脊」名副其實地「擦身而過」。在這個只有一個出入後的燒烤場，躋滿了二

表姐生日去開生日會，地方大，活動空間非常充足。食物質素高，最愛雞亦、豬仔脾、芝華力腸，特別係所有調味料任加，連粟米、蕃薯都不另收費有得食，可惜我太飽未曾試過，下次一定要食！加上果d冰凍腐竹糖水，唔太甜，涼透心！

好耐無BBQ，上Openrice塭到呢間就一行五人試下呢間(之前去過其他燒烤場一D都唔平又唔好食)打電話留定位，聽電話的職員仲好好心咁問我地識唔識去，又教我地去西鐵站搭的士去(留返收據仲可以減$10)七點幾去到唔駛等就入得，呢到好有規矩要由職員帶位入而唔係自己見位就坐！坐低左唔駛透爐就第一時間去塭野食，選擇種類唔多都係D 豬牛雞扒、丸、腸仔、蕃薯‥‥‥味道就一般。值得推介的係司華力腸同豬仔脾！呢到特別在間中會有職員打哂鑼咁話俾人知拎糖水、涼茶，個個排哂隊咁去拎又幾好玩！燒到飽飽地又可以睇下大電視(星期六日仲有英超睇)，睇波又唔駛另外收費，啱哂一大班睇波人仕！成晚食到兩點先走，$95玩成晚絕對抵哂！P.S 呢到有埋停車場,拍車都係免費的！

偉記就係元朗蝶翠峰隔離, 識行的話, 係蝶翠峰門口落車後, 穿過隔離的公眾停車場就到, 唔識就打的啦, 反正收據可以當十蚊折扣用. 環境 : 地方夠大, 有幾部大電視係度俾大家追劇食物 : 質素好, 雖然選擇唔多, 都係各類的丸, 腸, 豬牛雞扒, 麵包栗米番薯之類, 比較要推介的就有, 雞翼, 司華力腸和尤魚雞翼 : 全翼超大隻, 中翼有多款口味, 無乜味精, 唔咸, 食完唔會口渴尤魚 : 好爽口司華力腸 : 燒好後層皮好脆, 值得燒完再燒中途, 還有職員敲鑼叫大家排隊去拎野, 是晚有雪耳雪梨糖水(多料又唔太甜), 還有凍檸蜜(即製的, 當眾將切碎的檸檬, 蜜糖, 冰, 水 溝勻), 兩款都好好味, 而且職員一邊派一邊叫大家多多支持和俾意見, 工作態度超五星級收費 : 閒日80元, 假日90蚊, 包兩支飲品, 可以玩到夜晚兩點, 燒多幾ROUND肯定回本

屋苑攪燒烤 $40入場 連1支水1罐汽水 仲包來回旅遊巴接送 超筍如果散客入場要 90 蚊一人 一行8人 6:30 到達大家 2話不說 就立即行動各自搵食 款式都算多選擇味道一般 , 最好味都係 雞中亦抽獎時間.... 當然又無我地份啦...為有再繼續食食食 到了中段 再出去攞野食 見到d 尤魚 / 雞亦 / 牛扒 / 豬扒 係水中游水既 ?? 哦...不來天氣太熱 本來冰凍既食物好快竟 溶了冰 個盆變左1個水池咁 好心啦 (哥哥) 將d水倒左佢啦 好核突呀 ! 好彩 我地無肚痛咋 不過真係幾嘔心 尾聲...大家都半放棄狀態 慣例 蕃薯 都會被人遺忙 ~ 結果剩左好多粒 以前去燒烤都會攞走 食唔哂既蕃薯 今次就唔得 因為離開時 有人係門口守住 剿袋 其間見到有班人正在嘈緊 .... 有咩權剿我個袋 , 除左差人之外咩人都無權 , 叫大家唔好比佢睇 報警喎 大家本來開開心心燒野食 最終要報警收場 .... 唉 (有咩畏) 呢 !我去過咁多次 任食 BBQ 從來都未試過剿袋既 ? 包括上次黎偉記都無剿袋 點解而家變成咁既 ?我地都覺得無理由 ! 下次都唔使再幚襯呢間野 lu ~

朋友介紹，鍾意試食既我地，當然要去試下喇，點不知係極之失望，一定唔會有下次．六個人俾兩包炭，要多包就要俾$15，唔係卦．．．味道：無味，野食款式又少．丸類爛溶溶，扒類味道還可接受，雞翼淡而無味，番薯好水，唔靚．環境：位與位之間好迫夾．地方與世隔絕都唔緊要，係ｄ指示完全唔清唔楚．服務：一般喇！衛生：無幫襯過，唔清楚．抵食：$90俾埋ｄ咁既食物，食十碟都補唔番條數．

睇左之前D人既食評都唔錯，今日同老婆去完濕地公園，順路去呢度試下點樣打鑼打鼓送le送lo法～我地6：10p.m.去到已經好多人，唔知係唔係早場果班人未走，不過都有好多位任揀（個場都幾大），一坐低已經有人幫我地開爐，好快手，加分！出去攞野食啦，都叫不過不失，大路野，最特別係有司華力腸（我鍾意呀），其他野就一般，冇咩海鮮食（呢個價錢你仲想點呀！）～食到咁上下，真係有條友仔出黎打鑼打鼓話有糖水送，大家就一齊走晒出去排隊，幾好玩呀！又唔會好混亂，幾搞笑～ 如事者又送蕉又送凍檬蜜.... haha! 真係識做生意，個個都開開心心咁排隊。總括黎講，食物真係一般，不過都ok! 又有野送下咁，氣氛好，我地會再黎既～

識黎呢度BBQ都係靠OPENRICE既網評, 雖然遠就遠左啲, 又唔知claim的士$10係有時間限制(十分鐘內)結果誤時ｃｌａｉｍ唔到， > , ok 啦! 總結:1.一般bbq燒得既野呢度都有得燒,款式算多2.呢度有蒜蓉牛油, 豉油, 酸甜醬, 蜜糖任用3.中段有員工仲打攞打鼓送紅豆糖水, 送香蕉, 又送涼茶, 大家好踴躍甘排隊幫親員工仲不忙教導大家:　我地文明啲，要排隊，排隊呢度．．．大家就秩序井然跟住排隊員工仲自言自語籲大家繼續俾意見．．．一個力求進步既員工，你老闆有福了！4.尾段又有員工拿住一大籃有機菇，向每個爐派兩隻（ｓｉｚｅ有直徑４”）友人說道:　Ｃｉｔｙｓｕｐｅｒ賣嗰ｄ菇．．．．抵呀！成爐人用左十幾廿分鐘玩嗰兩隻菇，有趣有趣！小事一則：　話說隔離爐既人要離開，員工們要清理個場地，佢地食剩既野，俾我見到其中一位員工把佢地食剩既食物收回入廚房既位置，心裡一沉，如果他們每天都把客人食剩既食物循環甘用，那晚我吃下既那件豬扒會否在前晚某枱既鐵盤上出現過？在此呼籲大家食幾多要按份量拎，從來自助式就是浪費，大家都要環保及珍惜食物！　

是日星期一，長假期之後的平日。難得2個人自由自在，燒烤最好不過。本來想燒日場，但原來平日只有夜場。係西鐵坐的士到，$20有找，記住印單，拿取$10折扣優惠$80/位，1支水1罐汽水。夜場6:00pm開始。好似第6次黎呢度燒，所以程序頗熟，好快用個鐵盤攞食物，個盤幾細，加上我得2個人，每樣食物我都己是取數量2，但都不能拿很多款。食物款式都是一般種類，今次有豬脾，上次食唔到，今次食左2隻，唔"鞋"口，幾好味架。中翼有2款，我就食唔出2款係咩味道，但見到有一款有香茅，味道就真係唔出，但肉質很滑，唔係"梅"口，雪左千年的雞翼，另有全翼，同中翼一樣，冇味冇道，但唔算難食的。丸類:牛丸/火腿丸/豬肉丸/牛丸/黑椒牛丸/墨魚九/八爪魚丸，都是一般燒烤材料，不過不失。腸類:芝士腸，廚師腸，有珍寶腸。另有:豆卜/燒賣/多春魚/豬頸肉/鴨腎，魚蛋角扒類:雞扒/牛扒/豬扒/豬脾蕃薯/粟米/麵包。醬料:泰式甜酸醬/茄汁/辣椒醬/豉油除左豬頸肉/豬扒粟米，太飽已經食唔到，其他每樣食物都食過，比較喜歡魚蛋角，爽口，雞翼雖然冇味，但肉質好滑。以前燒豆下好脆，但今次燒左好耐都唔係咁好食。下次自己選擇到任食燒烤場日子，

從開飯喇網頁揾到呢個場, 抱住元朗區無嘜值得去嘅場心態!一行八人就去試吓兼迎接2010年到臨!! 一去到真係人山人海, 我都已打電話預約, 但都要等!!(不過好快有位), 在等候期間見好多人鼓噪(因未有位), 但見閘口位招呼客入嚟嘅女工作人員仍好有禮貌及笑面迎人(比我就黑面)咁講解好快有位, 真係值得一讚!! ；第二讚就係D場務員(大部份後生仔), 人山人海又嘈D人又多要求, 但佢地仍擺出一副敬業樂業嘅精神, 未聽到一句怨言(係其它場就試過)!! gd^^ 講到食物算唔錯!!自助形式任取, 唔似得某D場要配給, 要多D又有面色睇 ；至於場內氣氛又好!! 場主好識搞氣氛, 每個爐一支花炮, 到倒數時全場人一齊發炮...正 最後佢地仲有的士津貼, 我地搭咗十二個幾, 佢都比番十蚊雞(要有的士收据, 限時八分鐘內)!! 不過我就唔知係未最多比十蚊喇!!但扣少十蚊都唔錯啦!! hehe^^

聖誕當日同一班朋友仔去左元朗偉記燒烤樂園慶祝, 呢個燒烤樂園係另一朋友仔介紹呢, 朋友仔推介佢地既食物味道醃得唔錯, 地方夠大, 呢個燒烤重提供糖水同生果比客人享用聖誕當日我地由晚上七時左右BBQ到十時左右呢, 環境都可以, 不過如果光猛返少少就更加好呢個燒烤場既人好細心, 除提供好多醬料給客人外, 重自製左牛油蒜蓉給客人塗麵包燒黎食, 味道唔錯呢, 最後我地一致認為除雞翼(其中一款味)醃得麻麻地外, 整體上其他食物都好好味呢

上網看到這一間的食評不錯，於是和朋友試試。一行12人選擇了夜場(6pm-1am)，人很多，不過地方不見迫，唯一不好是我位置於室內，有點焗。現場氣氛都唔錯，STAFF服務態度很好，可以吹得下~拎蛋糕時仲主動問我地要唔要過D新ge碟，good！是晚仲有糖水涼茶同橙送，由於係限量，朋友們都一排再排，笑死我!!!打攞幾有特色，第一次果時唔知發生咩事，呆左。第二次知啦，見果個人一出黎就即刻走去排隊，而且我地個位最近，第一時間可以衝上去。d野食幾好味，特別鍾意雞中翼, 雞腎，當然其他都好正~咁ge價錢，咁ge質素，抵啊!!!可以再黎~