華記潮州滷水車仔麵

Open Now

Now Closed

之前喺社交平台成日見到啊Bob推薦呢間車仔麵，一直都好想試下，前排去開附近次終於有機會食啦！牛雜麵 $45牛雜麵大大碗，配料比到足，超抵食！特別鍾意牛肚，煙煙韌韌口感不錯。麵底仲可以揀爽麵定淋麵，大家可以根據自己嘅喜好去揀。湯底我地揀咗滷水汁加腩汁，係一個唔錯嘅配搭，好入味～三餸車仔麵 $49車仔麵嘅餸我地揀咗豆腐串、雞中翼同墨魚春捲，啲餸同牛雜麵一樣，鋪滿曬喺完麵嘅面頭！湯底揀咗重口味（全部汁）小辣，油麵同豆腐串會索湯汁，香香辣辣好過癮，非常推薦大家試下重口味汁！太陽餅（蝦餅）$40呢個蝦餅好好味！佢係用春捲皮包住蝦滑再炸，所以食落非常香脆，而中間嘅餡料都好扎實～

西營盤潮州粉麵店林立，能在此區立足的也很定是具實力的食肆。華記潮州滷水車仔麵有兩間分店，其中一間就是在西營盤，這次特意一試他們的牛雜麵，果然沒有失望！先說一下他們能提供的選擇，一碗牛雜麵可以先選擇麵條的種類，這次我點的是幼麵。然後是湯汁，我的個人推薦是滷水汁加腩汁,濃濃的香味完全被麵條吸收，真的啖啖滋味😌牛雜有牛肚、牛肺、牛膀和牛腸，可以按個人喜好加減，每一道也非常新鮮乾淨，腍度適中又入味，大推！同場朋友點了三餸車仔麵，餸菜的款式實在太多 😂選擇困難中終於點了豬大腸、牛筋和蘿蔔,同樣以滷水汁加腩汁當湯底，配油麵⋯這個組合真的有經典又完美！牛筋完全是入口即溶，蘿蔔吸盡湯頭的精華之餘完全沒有渣👍🏻老闆還推介了他們秘製的潮州辣椒油，嚐辣的一定喜歡。隨麵食外還吃了魷魚鬚和涼拌生腸兩道小吃，都是開胃爽口，份量也很大，整體而言CP值真的很高！

天氣凍就好想食熱辣辣嘅湯麵，好出名食鹵水車仔麵嘅華記原來喺西環都有分店✨車仔麵鍾意食牛所以揀咗牛腩、牛筋、豬皮、牛肉餅同牛丸牛腩、牛筋同豬皮炆得入味，件件牛腩都有筋膜位爽口彈牙餸菜同麵底份量都好多，平日食車仔麵起碼嗌五個餸先夠飽，呢度三餸都夠食湯底有得揀鹵水、腩汁、咖喱，揀咗「重口味推薦」有晒全部😂米粉吸晒湯底超惹味👍🏻濃味得嚟唔係得個鹹字仲可以加$1多芫茜/蔥，真係好多！芫茜控表示滿足😌✨新鮮魷魚鬚魷魚彈牙唔韌，秘製醬汁甜甜辣辣好開胃✨太陽餅係餃子皮夾住蝦滑，好足料有蝦肉粒粒即叫即炸，炸得酥脆唔太油膩總括嚟講食物質素高，份量多好抵食。餐廳環境企理乾淨，比一般食車仔麵嘅地方坐得舒服。

有朋友喺外國返嚟記憶中每一次同佢食車仔麵佢都淨係叫淨餸所以趁佢返嚟同佢食番回憶嘅味道好少嚟呢頭 印象中周圍都係斜路難得放假諗住去西營盤朝聖飲杯阿正咖啡就決定先食飽飽再散吓步然後坐低傾吓偈今次嚟到華記潮州滷水車仔麵要搵到一個會食而且鍾意食內臟既朋友唔係咁易今次簡直係all試晒豬同牛嘅所有内臟嘅大好機會豬脷豬腸生腸豬肚豬橫脷豬潤豬粉腸豬頭肉豬手豬耳…牛腸牛蒡牛肚牛肺牛舌牛腩…如果嚟到想輕食，可以將面底轉菜底，一會係一個好好嘅選擇我哋分別一個叫咗油麥菜，一個叫咗生菜底啲菜吸晒重口味微辣秘製湯底，正😋湯底食落去有少少藥膳味，喺出邊店舖食唔到嘅味道我哋額外做，每人叫咗個小食朋友一埋位就話要食涼拌生腸個賣相幾吸引隔籬枱個姨姨專登問吓我哋係咩嚟表示想食😝食落去涼拌汁少少酸辣，惹味開胃份量亦非常足夠，$28好抵食另一個必食推介係佢哋嘅太陽餅，用咗兩塊唔知雲吞皮定餃子皮做面，入邊包住蝦滑加墨魚滑，仲食到有咬口嘅粒粒墨魚同蝦，新鮮即做，$40有5塊，好味！聽講除咗呢度仲有另外兩間分店大家可以去試一試！😋😋😋😋重口味人士認證表示飲完湯都唔會口渴😜#香港車仔麵 #車仔麵 #車仔麵菜底 #西營盤美食

🍽️ 三餸車仔麵 (+$5 轉撈麵) $54 ❤️4.5/5叫咗重口味撈米線，重口味醬汁類似辣汁一樣，配合米線食落令人停唔到口。五香牛腩脂肪與肉比例十分配合，食落不太韌，冬菇味道濃郁，食落，亦都不會太煙靭，十分推介！瘦豬大腸食落脂肪真是不多，但是味道濃郁🍽️ 三餸車仔麵 $49 ❤️4.5/5湯底叫左腩汁加滷水汁，不會太鹹，配搭河粉，令人回味無窮。而餸方面，五香牛肚十分爽口，不痴牙，滷水味亦都重！牛筋不會太韌，食落亦都感受到豐富嘅骨膠原。胡椒豬肚丸食落不痴牙，豬肉味十分重。🍽️ 涼拌生腸 $28 ❤️5/5 涼拌生腸十分爽口，咬落亦都冇渣。配搭獨有的醬汁，十分好食。作為小食送面亦都係一流，份量超級多！🍽️ 新鮮魷魚鬚 (辣) $28 ❤️4/5 新鮮魷魚鬚份量亦都係超級多，而且亦都有獨有嘅醬汁，十分好食！面頭嘅花生配搭得亦十分好！

今日好想食豬什麵，朋友係西營盤返工，就帶左我黎華記潮州滷水車仔麵食lunch啦。呢到附左有豬什食，仲有生腸，實在太知我口味了。今日我就食左豬什菜底（係丫，有菜底真係好開心，我減緊肥唔食得澱粉質，菜底就啱晒生酮人仕啦！我仲試左重口味湯底，個湯好濃，好正，d什冇腥臭味，洗得好乾淨。朋友叫左牛什麵，件件大大件，好滿足，都好夠林，好好食。另外我仲叫左2個小食，太陽餅（蝦餅）呢個蝦餅好特別，外型又靚，好好食！涼拌生腸，d汁同生腸好夾，好好食，必點！

豬紅大魚蛋蘿蔔油面配咖喱汁(49hkd)呢間我已經食過好多次，大魚蛋好少見，大大粒又彈牙，豬紅畀得好大方，都有成6-7粒，無咩怪味，蘿蔔係超！級！甘！甜！同埋無渣！😆豬什米粉配少辣重口味汁(55hkd)有豬大腸、豬耳、豬肺、豬肝、豬腸、豬肚、豬心等等🐷其實都幾齊，份量幾多，基本上都幾有豬味，但無咩豬腥味，個人黎講最鍾意豬肚，好爽口～涼拌生腸 (28hkd)好爽脆彈牙，酸甜微辣，應該係甜酸醬加少少辣椒油🌶️太陽餅 (40hkd)係脆炸蝦餅，入面食到原隻蝦🦐加上即叫即炸，好有誠意#foodiblum港式

三餸車仔麵係一道香港經典嘅小食，佢嘅味道真係令人回味無窮！我去食嘅時候試咗五香牛腩、五香牛肚同蘿蔔，再加上滷水汁同腩汁，味道真係超級濃郁！牛腩同牛肚都煮到好軟好入味，入口即化。蘿蔔都吸收咗滷水汁嘅味道，口感鮮嫩多汁。麵條方面，三餸車仔麵通常用河粉，佢嘅口感好彈牙，同汁料完美配合。滷水汁同腩汁係麵上，令麵條更加香滑，每一口都係滿滿嘅滋味。配合埋餐廳特製嘅辣椒醬，真係加添咗一份辣味同鮮味。不過，嚟到餐廳環境就更加驚艷！餐廳裝潢得好精緻，燈光柔和，氣氛舒適。坐喺度食三餸車仔麵，真係感受到香港傳統小食嘅文化氛圍。總括嚟講，三餸車仔麵係一道香港經典小食，味道濃郁，口感豐富。加埋餐廳嘅靚環境，真係一個完美嘅享受。如果你係麵食愛好者，又鐘意搵個有特色嘅餐廳，三餸車仔麵絕對係一個值得一試嘅選擇！

行行下見到間車仔麵，入去食野，叫左個4餸車仔麵。估唔到黎到咁大碗，真係有啲嚇親餸的份量十足，對於細食的人黎講一定要扣底服務員態度幾好，有求必應真心推介:豬紅(有少少辣)、雞翼、鮮魷魚鬚，聽到其他客人話豬皮都好食，下次要試下先

12/3 睇完牙醫睇食下野，點知呢間分店真係唔及太子店！舖內裝修、員工態度服務、食物都不及太子！是否同一老闆？食物質素有冇統一要求？好彩第一次係試太子果間，如果第一次黎試呢間，一定no more again!

店名：西環華記潮州滷水車仔麵地址：西營盤正街40號地舖相信係香港人都一定會認識依間華記潮州滷水車仔麵，車仔麵黎講絕對稱得上係佼佼者，無論係份量，味道，定食物質素都係高質👍👍同朋友附近做野做完咁攰，又唔知食咩好既時候，過黎食碗車仔麵搭配返1，2個小食就絕對唔會錯😊😋😋今次同朋友就每一叫咗碗3餸麵，再加2款小食。我自己本身鍾意食魷魚，所以就嗌咗個魷魚鬚試試😋三餸車仔麵（五香牛腩、五香牛肚、蘿蔔，滷水汁加腩汁 河粉）華記既牛腩可以話係必點食物之一，牛腩軟熟，一口咬落去有種感覺好似置身係軟綿綿既草地一樣😊牛腩脂肪同肉既比例非常完美😋😋牛肚口感一流，加埋吸晒湯汁既蘿蔔，真係好快就食完一碗麵呀！因為好味呀嘛！😁三餸車仔麵 （豬皮、豬肚、雞翼尖、全部汁 米線）多芫荽加$1多咁多芫荽，真係好抵呀！簡直係芫荽山！芫荽迷必加！！！而豬皮、豬肚，雞翼尖都好入味，米線都係我心目中既淋度😄絕對可以再encore！新鮮魷魚鬚、涼拌生腸兩款小食都係涼拌，都係用咗同一種醬汁😋，甜甜地，唔會太辣，配埋脆卜卜既花生都幾開胃👍而且每款小食份量都好多，好抵食！如果細食既，可能只需點一款就夠啦，個人黎講鍾意魷魚鬚多啲，大大條，

因為食咗下午茶，所以揀菜底，菜底份量很足夠，辣椒油好香口；重口味之選真係好好味，食完重要唔會太口渴，驚豔到我涼拌豬耳嘅醬汁比較甜身，個人更喜歡醋底嘅涼拌汁，呢個不過不失，下次可以試下其他涼拌蔬菜間唔時食啲重口味食物人都開心啲

餐廳特色係將潮式滷水融入係車仔麵到，價錢定位主打親民，食物選擇巨多，所有野都可以tailor-made咁！但食完發覺係唔貴既，係可以醫飽肚，但稱唔上好味，重量不重質，食完夜晚肚仔仲要唔舒服🤢🥢三餸車仔麵揀左巨型魚蛋，牛丸同五香牛腩🐮魚蛋大大粒又好彈牙，好似係長洲街邊賣個啲，牛丸有牛味，平時食開個種滑牛丸，不過份量慷慨，牛腩就難食到飛起，要左瘦肉真係零脂肪，仲嚡口到好似湯渣😢至於麵底揀左爽既油麵，鹼水味偏重，又索唔到腩汁。料多但質素真係好一般，點解大家會吹捧？😫🥢四餸車仔麵車仔麵最緊要係湯底，揀左滷水汁加腩汁，淡茂茂，得色水無味道，偏滑身既米線都掛唔到湯。另外叫左牛筋，豬大腸，五香牛肚同魚片頭，牛筋尚算炆得夠淋重滷水味，膠質豐富，豬大筋正正常常，肥膏較多，但唔入味，牛肚同魚片頭就一般麵檔貨色。經過可以一試，但特登過黎排隊就不了😮‍💨📍華記潮州滷水車仔麵西環西營盤正街40號地舖

在上環番左一個月工，第一次食華記真係覺得好好味特別係d蘿蔔，但成日都好多人排隊都唔係成日食到，對上一次約前一個星期，已經冇咁好食可以話不過不失，今日去食直頭失望！首先去到我地5個人佢要我第四位一坐，另一個自己住坐，問佢3個2個得唔得個呀姐話唔得要留位比其他客， 跟住餐廳內冷氣口漏水同佢講佢話係咁架啦， 我地話吓係咁就算？ 佢叫左個呀姐攞之野黎抹，仲要唔服氣咁話自己未講完，佢想講係咁啦叫人抹，講慢左。食物先最過份，D蘿蔔咸到咸過咸蛋白，我朋友叫蘿蔔底根本上成碗嘢唔食得，我地好大聲講D野咸，呀姐就時運高聽唔到，呢間野真係冇下次

第一次食。Qr code 應該分開2間分店code。非常唔清晰。比多份錢無所謂。但唔好食 搞唔掂。食材唔新鮮 用滷水包想冚嗰啲味無下次 希望租約完見唔到你地。得幾個明星仔食過 唔識食既都