華記潮州滷水車仔麵

Open Now

Now Closed

最近好鍾意食呢間既車仔麵🤤🤤餐廳主打以秘製潮洲滷水汁熬煮車仔麵配料～食物選擇多，大份又抵食！！佢地既滷水汁同辣椒油都好出色，黎到一定要試試❤️❤️🍜牛雜麵 $45✨揀左要滷水汁同多芫茜，賣相吸引🤩🤩裡面有牛肚、牛腸、牛肺、牛膀等配料～份量好多，全部都好入味！！我就最鍾意牛肚🐂，口感爽口、有嚼勁！而且清洗得好乾淨，冇乜異味👍🏻👍🏻佢地既湯底都好濃郁，麵條Q彈掛汁！再加少少自家製辣椒油🌶️，好惹味呢🔥🔥🍘太陽餅 $40✨呢個係佢地既招牌小食，必試～～用雲吞皮包住鮮蝦同蝦膠🍤，炸得好酥脆！蘸泰式辣醬食更開胃😋😋

食物份量足，但係味道一般，無乜大驚喜，最差要用QR Code落單，程式指示唔清𥇦，搵員工唔識答，搵收錢阿姐問十問九唔應，直情唔so 你，最後要自己花時間研究，超趕客。

喺西環諗緊食咩嘅時候經過呢間車仔麵，見入面都幾滿座又多人買外賣，鍾意湊熱鬧嘅香港人就梗係要去試下😆.佢係一間超乾淨企理嘅車仔麵店，亦有多款特色小食提供！我入座咗五分鐘已經聽到幾次”真係好大份啊”呢個comment，搞到我真係好期待😹😹.車仔麵主食有8個麵底同5個菜底可供選擇，麵底亦可以揀爽麵定淋麵，而配料有成43款可以揀，真心大癲！.我地各自嗌咗個三餸車仔麵($49)，真係好大份啊😹😹 佢係每樣配料都超大份，我嗌咗冬菇、鮮魷魚鬚同牛筋撈粗(+$5)，牛筋超有有膠質好正！友人嘅咖喱豬皮、豬肚、瘦牛腩河粉入味索汁，牛腩又滑又腍，大推👍🏻小食我地嗌咗一人份嘅滷水蘿蔔牛雜($68)，份量我認為二至三人share都得😳 佢有牛膀、牛腸、牛肺同牛肚，牛肺超爽口好正，蘿蔔清甜無渣！涼拌生腸($28)甜甜地非常爽脆！

路過正街，時間有限，食車仔麵應該最快。用QR Code自助落單，清楚快捷，食材款式選擇多，主打牛豬內臟，上至豬橫脷、豬心🫀下至牛小腸、牛膀都有🫁點咗碗兩餸麵($42)，’’豬膶豬大腸油麵配滷水汁加腩汁多蔥多芫茜’’🌿🌿豬大腸有正常版同瘦版2個選擇，正常版夠晒油脂，厚身，冇尿押味😀豬膶爽甜，質地爽脆，幾得👍🏻湯底正常，都係車仔麵精粹味精湯啦！可惜油麵唔靚，質地過硬，變相完全唔索湯，口感爭啲🤨如果再嚟應該叫米粉⋯

🌟餐廳：華記潮州滷水車仔麵📍地址：西環西營盤正街40號地舖💰價位：～$50⏰營業時間：星期一至日 11:00 - 22:00📱電話：6564 3399西環一向都有好多中式及潮州粉麵店~難得今日去開呢頭附近，就等我中午揀返間特色既粉麵店醫下肚~今次去左呢一間「華記潮州滷水車仔麵」，主打潮式牛腩牛雜及車仔麵，價錢出哂名親民！———————————————————🔹牛三寶(牛筋，牛腩及牛肚)呢款牛三寶份量認真充足~牛三寶有齊牛筋、牛腩及牛肚，而且仲配埋幾件大大件既白蘿蔔，超正！幾款牛既部位都炆得夠淋又夠入味，我最鍾意牛筋，滷水味濃而不咸，膠質豐富，口感十足，食落好滋味！餐廳仲可以比我地選擇多蔥花及芫茜，搭配一齊食，更加惹味~———————————————————🔹新鮮魷魚鬚超惹味既小食~魷魚鬚大大碟，夠哂豐富，抵食！！入口新鮮爽彈，搭配餐廳秘制辣汁，微微辣食得好過癮，必試之選！———————————————————🔹自選車仔麵 (油麥菜底 配 牛肉餅，魚片頭，牛丸，豆腐串，春卷，雞翼)呢度既車仔麵性價比極高，我地忍唔住叫左超多餸~我地揀左油麥菜底及滷水汁湯底，冇咁飽可以試多幾款餸haha！每

話說有一晚我去買外賣，個四眼長髮收銀呀姐問我要唔要蔥？我就答：唔要呀之後俾佢大聲爆我話「張紙呢到有得tick，你又唔tick！！」我又唔係喺到做，點會熟讀你張紙呀大佬超嬲但又勁蠢繼續買跟住碗野等左勁耐，我問個呀姐有未，佢叫我企出面繼續等。眼見後面既單都拎左，我叫好人啲既後生肥仔check，佢話原來一直喺入面無人拎出嚟真係好激氣個收銀呀姐係老細既話，希望大家以後唔好課金俾佢！我睇食評發現唔止我一個可憐蟲受佢氣。如果你係真正老闆，又睇到篇野唔該教育下你啲員工or轉人，唔好有更多無辜既食客受佢氣！

果日又去西環整D 嘢, 同朋友搞掂時已經有D 夜, 於是立即睇吓附近有D咩食，見到附近有間車仔麵店，仲要寫住係潮洲滷水，好似幾特別咁，又好耐無食車仔麵，所以就立即決定試吓呢間～～ 入去到舖頭，裝修簡約整潔，坐位都舒服，一邊係架位，另一邊就係4人枱，落單就係用QR code落單，好方便，可以一次過睇晒有咩餸先慢慢揀，唔怕叫錯或叫漏，同埋一定可以揀走蔥走荽等等，因為平時我成日都會唔記得走蔥，同朋友研究咗一輪之後，好困難地揀咗4個餸，因為款式好多之餘，樣樣都想食，同朋友每人叫唔同既餸，咁就有8樣餸啦 車仔麵我一定要叫油麵，因為覺得油麵係最夾車仔麵既，餸就叫咗牛肉餅、豬大腸(瘦)、春卷及滷水豆腐，湯底揀咗重口味小辣；另外一碗就係豬手、巨型魚蛋、豬紅及鮮魷魚鬚，配滷水汁湯底。 我食車仔麵就最歡叫傳統既餸，豬紅同魚蛋係每次食車仔麵都必叫的，呢度既豬紅好入味，而巨型魚蛋係長洲魚蛋，彈牙有魚味，不錯，至於個滷水汁湯底就幾特別，因為平時都係食開腩汁既，滷水真係第一次試，一上枱就好香花椒八角既滷水香味，湯頭清甜又唔會太鹹，配麵剛剛好 🫶🏻 試咗朋友既豬大腸（瘦）及滷水豆腐，不得不讚店舖係細微之處好窩心

入到去，坐定定后，強迫客人用手機下單，牆壁上有一張張照片，問有沒有實際餐單可提供，四眼阿姐只是不斷叫客人用手機落單，無視客人的查問，又聽到她細細聲說我們很難招呼，其實成間舖頭得一台客，佢連招呼我哋都不想，只想我哋手機落單他就不用理我們，佢又給了我們一張落單紙，我寫好後，她又拒絕落單又要我們再用手機下單，為何她要給我點餐紙呢？她又說你應該用手機下單，我說找不到雞翼尖，如何下單，她說找不到即是沒有。最後我都放棄了下單，因為他們餐廳的程式真是莫名其妙。

3點個陣去買外賣，諗住入去叫既時候，個員工叫我用佢地個app叫外賣，講真如果你專叫人用app落單既話唔該就整好啲啦，頁面多餘又複雜，落完單之後無耐個員工同我講，話我落單落左去太子，我心諗，下？咁點啊？員工: 你再落過單啦我地整唔到架 (已經唔好態度)我: 我比左錢啦喎員工: 無啊咁一係你自己去返太子拎，一係再比過錢係到落單我真係呆左，咁嘅建議佢都可以比到，我喺附近過嚟買個外賣佢叫我去太子度拎，好野👏🏽 咁既情況我相信會有更好既解決方法，但佢無做到，唔緊要，就以後唔會去食，會叫埋身邊人唔好幫襯啲咁既舖頭👍🏽

好耐未食過車仔麵，但係滷水車仔麵都係第一次食，呢一間華記潮州滷水車仔麵睇個名都知道佢哋呢度出名嘅係滷水，所以今日就試吓呢一間，我哋嗌咗兩碗車仔麵同一個小食🍜三餸車仔麵$49: 第一碗車仔麵係五香牛腩，蘿蔔同埋春卷既滷水汁米粉，佢哋嘅春卷係魚肉春卷，裏面嘅餡料豐富，魚肉非常爽彈，而蘿蔔因為吸左滷水汁嘅湯底，咬落去嘅蘿蔔非常入味，煮得又夠淋，而五香牛腩小辣，佢嘅脂肪唔多，肉質都係炆到好淋，好重牛肉味😍😍🍜三餸車仔麵$49: 而另外一碗湯麵就係大腸，鮮魷魚鬚同埋滷水豆腐既滷水汁油麵，本身自己都鍾意食大腸，但唔係間間都會食，呢一間嘅大腸比較乾淨，唔會有浸味，咬落都幾爽，另外一款係魷魚鬚，佢會分開小件，食得出新鮮同埋爽口，另外滷水豆腐比滷水汁長期浸住，豆腐皮都染咗深深嘅顏色，食落有香濃嘅滷水味，湯底都好香濃，而麵嘅份量適中👍🏻👍🏻🌞太陽餅$40:另外呢一款係店主推介嘅太陽餅，其實佢係蝦餅，將兩塊炸到鬆脆嘅皮，包住裏面餡料，之後係用新鮮嘅蝦，再沾上甜酸醬汁，口感層次更加豐富，而佢哋炸到外皮啱啱好唔會過窿，咬落都唔會好多油，所以呢份太陽餅好相當吸引

華記開到黎過海，今晚特登朝聖下。特別試下個重口味推薦湯底（就係混合曬滷水汁，咖喱汁，腩汁) 加小辣，味道濃郁又唔會過鹹。配料方面叫咗：🔸春卷：夠脆身，足料🔸豬大腸：有得揀肥瘦，我揀咗瘦，肥膏係少啲同埋都幾入味🔸蘿白：份量好大舊，夠清甜🔸牛筋：好淋同入味朋友健康啲就叫咗個菜底，牛肉餅、牛脷？豬橫脷加滷豆腐，滷豆腐好扎實入味，其次朋友大讚個牛脷軟焾出色！牛肉餅我偷食咗啖，好香牛味！本人鐘意食芫茜，所以專登叫咗多芫茜，果然真係俾好多，份量十足同埋係好新鮮嘅！其次仲有個牛三寶，牛腩、牛筯同牛肚，超大碟，可以一次過試晒，個汁幾出色！環境好寬敞，有卡位，台同台中間有足夠活動空間。大家唔會坐得好逼。

西營盤新開潮州滷水車仔麵💓✨🦥滷水與車仔麵的結合，喜歡吃滷水的朋友，又喜歡吃車仔的朋友，一定要到這餐廳呢！✨👍🏻有超級多款的滷水食材，不論是豬雜、牛雜，都多種多樣，任君選擇，總有一款是心水！此外，餐廳的小食亦很吸引，價錢亦很相宜，性價比極高！《四餸車仔麵》$58第一碗先以河粉為底，可選扣底或加底，食材方面選了牛肉餅、生腸、咖喱魚蛋、牛丸，湯底選了腩汁，另可選多芫荽（不用加錢），咖喱魚蛋是長洲大粒魚蛋呢！牛肉餅很獨特，像一般蒸牛肉餅那種，小塊形式，牛味香。《四餸車仔麵》$58第二碗選了米線，同樣是扣底，可選淋麵，滷水汁加腩汁，湯汁完完全全滲透米線，很惹味！食材方面選了滷水豆腐、豬耳、油麥菜、豬手，多蔥多芫荽。豬耳很爽口彈牙，豆漿滷水味濃，豬手大大舊啖啖肉。《菲菜豬紅》$40超級大碗的菲菜豬紅，辣辣的，不吃辣的朋友要留意呀！總結：超抵吃的滷水車仔麵！

西營盤魚蛋粉、牛腩麵有幾間，車仔麵則較少見，直到最近才在正街開了一間。第一時間去嚐新，車仔餸和小食的選擇好多，樣樣都想試，份量非常足，差點食唔曬。小食類：🔶蘿蔔豬紅（$40）🔶太陽餅（$40）🔶煎釀三寶（$28）🔶腩汁通菜（$20）特別推薦蘿蔔豬紅，大大碗份量十足，下層有五大件燘得非常入味的白蘿蔔，面層鋪滿豬紅，少辣，好正。難怪見不少街坊來外買加餸。太陽餅是雲吞皮夾着爽口香甜的蝦肉，外脆口內彈牙。煎釀三寶有七件之多，又係好抵食。🔶四餸車仔麵（$58）牛腩、牛筋、豬肚、豬手冬菇、豬脷、牛肉餅、豬大腸車仔麵除了有好多餸可揀外，最驚喜是可以選多蔥多茜。湯底選擇也有幾種，由清湯至濃湯重口味（滷水加咖哩汁）已分幾級，全部QR自選，總有一款啱你。

見到正街最近有新開的餐廳，門口亦不乏人龍，難得今天有空，🌶📝便決定一試。坐下後，上網搜尋才知道這間算是有人氣的車仔麵，總店在太子。-__________🏖餐廳環境🏖___________ 餐廳細細，店內只得大約十張枱，當日中午十二點多，已經有數人在排隊，但餐廳做法是，不論多少人數都會自己坐一張枱😅這做法有好有壞，撞正午餐時段，店內一半四人座位全部都只坐了一個客人，不少客人都因此而放棄了。最後🌶📝等了大約等了二十分鐘，安排坐在廁所旁的枱。- _____________🍽食物🍽_____________🐮潮州滷水牛雜粗麵配(多蔥多芫荽)$ 45推介指數 ■■■■■上枱非常壯觀，被份量嚇到😳共有四款內臟：牛胃、牛肺、牛腸、牛肚，每款有大約五到六大塊，基本上餸的份量可以把麵完全吃完，甚至會餘下數件，而且牛雜已有滷過，本身味道足夠而且香口，湯底選擇了重味少辣，超級惹味但不會咸，叫了多蔥多芫荽的我，真的很滿意他的份量，圖片解釋一切。唯一可以挑剔的就是粗麵比較厚身，口感不好。-🐮 牛肺+牛脷油麵配咖哩湯 $ 42推介指數 ■■■□□咖哩湯比較淡口，不會很辣，所以重口味的🌶📝比較推薦湯底選擇重味。牛肺

好耐冇食過一個咁地道滿足嘅車仔麵這一間新開的車仔麵店鋪首先一定要大贊特贊嘅係個河粉下一爽滑好味夾落去一條一條非常清晰依度嘅所有粉麵底都係一絕再配上唔同嘅湯底，滷水 清湯 腩汁辣同埋不辣 芫荽多少這些都係本地香港人靈活變通嘅一貫做法隨你鍾意不同選擇豬腸爽滑清潔，分量十足配上唔同嘅汁更加好味牛肉餅啖啖肉夠晒彈牙 肉味香濃咖喱魚蛋大大粒長洲size兼且外面炸得金黃色非常香脆牛丸 同樣地，夠晒口感另外一個米線，滷水豆腐 非常入味，唔係一夾就散又有口感，又有咬口豬耳 卜卜脆一條一條食得好過癮，油麥菜 完全將湯底嘅精華素到入去食落去美味濃郁豬手 真係非常巧豐富，完全入嚟一咬即溶，唔需要晒任何牙力冇得頂辣味韭菜豬紅這個必要叫因為豬紅夠晒味道有晒口感 大量韭菜，將醬汁朔到入去 一咬落去全部中心流出來，一啲都唔誇張呢個一定要叫所有餸菜嘅份量非常非常多包你食過大滿足先至離開店舖我大膽講句係附近最好味嘅車仔麵