和氣食堂 (黃大仙中心南館)

Open Now

Now Closed

這家日本餐廳食物款式多樣化，賣相吸引，除了刺身、壽司，仲有多款日式熟食及甜品，用料新鮮，味道相當不錯，價格亦十分親民，晚餐時段幾乎都座無虛席，遲咗到嘅朋友仔仲可能需要等下位。整體性價比高，值得一試😋溫泉玉子牛油果凱撒沙律 $62 8/10沙律材料健康豐富，有齊曬菜名嘅材料，牛油果熟度適中，一拮開溫泉蛋，蛋汁流曬落去沙律中，撈埋一齊食同樣咁fresh，配合酸甜嘅凱撒沙律醬，絕對清新醒胃😄3點刺身盛 $128 8/10有3片三文魚刺身、6片章紅魚簿切、3隻甜蝦刺身，每樣刺身都非常新鮮，三文魚足量厚切，章紅魚毫無腥味，甜蝦口感軟滑鮮甜自家制芝士厚燒玉子 $49 8/10大大件玉子燒舖滿芝士，一啖咬落去，濃香嘅芝士配上口感軟滑嘅玉子，絕配啊👍大阪豬扒丼 $88 8/10呢個丼好似座山咁大碗，頂上疊起大量加了沙律醬嘅椰菜絲同木魚絲，中間放了一塊塊炸到外脆內軟嘅豬扒，食落爽脆鬆軟，底部舖了海量米飯，撈埋一齊食味道好夾電擊雞翼+薯條+焙茶芭菲 $78 7.5/10雞翼外層有濃厚嘅醬汁包圍，可能係凍食原因，口感偏硬身，波浪紋薯條舖上滿滿芝士粉，相當入味😋最後食埋焙茶味嘅雪糕，配上口感煙韌嘅麻薯，甜度

好耐之前一開嗰陣期待過佢個燒肉飯，見到有好多媒體有關於呢間嘢嘅報導，想試下，入去發現唔單止單品貴，每次食都會肚痾到痴線，前幾次都冇話有咩唔妥，冇太介意，但係有一次同屋企人食，食完去行街嗰陣屋企人突然間肚痛，差啲暈喺條街度，我個肚都好快開始瀨嘢，仲引發腸胃炎兩個人都痾左成日，翻到屋企仲嘔，搞到成晚都冇曬胃口食嘢，成個喉嚨都一陣嘔吐物味，飲水都嘔，食藥又嘔，唔明點解間舖咁多好評，都唔知係唔係打手洗出黎嘅，求其搵間都好過佢，仲咁多人排隊😐

和氣食堂不嬲都係「人氣食堂」，今次黎到就腳既黃大仙中心黎食飯～特登早左黎怕要等位，今次叫左3點刺身盛，香芒鴨胸沙律，大阪豬扒飯，培菜芭菲同埋電擊雞翼+芝士薯條！3點刺身盛有三文魚，甜蝦以及比較清既鯛魚，價錢同份量都係中等，好適合兩個人食！甜蝦都係一樣質素比較穩定既刺身就唔特別講，呢到既三文魚屬於中上級，厚度同油度都好夠，而鯛魚本身唔會淡而無味，能夠食到佢本身賣點所有既鮮魚味！大阪豬扒飯係一個份量好大既don,上面有大量椰菜，食完呢一斟以為下面好少野，點知都仲有一個完整既豬扒蛋花don!係一個balance而夠曬份量既選擇！今次試下佢呢個小食套餐：電擊雞翼+薯條+甜品，食完之後真係覺得物超所值！之所謂全面，就係因為和氣呢到唔單止係常見既日本野，而係包括小食都做得非常獨特同好味！呢個組合每樣野都帶比我新鮮感，首先係帶少少甜既電擊雞翼，佢跪炸得黎一d都無油膩同熱氣既感覺，惹味十足；薯條上面加左好易入口既芝士粉，帶住甜味係一個高端新鮮版既薯條零食！至於芭菲我個人認為係黎呢到必食既甜品，佢非常足料，芭菲培茶味非常濃郁，好正！

去開黃大仙拜神，見到好多人幫襯，裏面坐滿人，走入去一試。午餐，餃子拉麵拼壽司，凍飲。只須$70+。夠飽肚。豬骨湯味夠濃，六粒煎餃，餃子多汁唔乾。一定有下次。順便補相。

第二期消費卷到手啦，緊係要四出搵好嘢食下啦😆，今晚約埋阿仔去屋企附近超級人氣嘅和氣食堂，呢間野假期同星期六、日門口都排滿等食人龍，所以我通常都會揀平日嘅日子去食，而且仲要非繁忙時段，咁就可以避開要等候時間🤨。先來兩杯醒神飲品🍹🍹🍹宇治金時 - 一杯綠茶併紅豆飲品，飲落唔甜，綠茶同紅豆不愧係最佳拍檔👍🏻。🍹凍紫薯鮮奶 - 呢杯奶控必點，濃郁奶香，紫薯味亦好出。來個小吃同沙律🥗🥢炸三文魚皮，魚皮好薄，炸得酥脆，蘸些小沙律醬已經好好味😋。🥢溫泉玉子牛油果🥑凱撒沙律🥗 - 新鮮青脆嘅沙律菜，而且份量都唔小。🥢四點刺身 - 三文魚、甜蝦、油甘魚、蠔🦪⋯⋯刺身色澤光亮，三文魚同油甘魚入口甘香；甜蝦蝦頭同蝦身緊緊連接住，非常新鮮，越𡁻越甜；生蠔🦪細細隻但蠔味重。🥢來個飽肚嘅丼飯吧😆 - 黑豚肩燒丼 - 嘩，四塊手板咁大咁燒黑豚，好誇張下😆⋯⋯燒過後更富甘香；飯底有濃濃燒汁，飯面亦鋪滿蔥花，中間更夾什熟洋蔥，增加飯香。🥢泡菜黑豚腩鍋 🥘 - 湯底泡菜味濃，唔會太酸，好飲，豚腩份量都唔小，油脂豐富；底部仲有勁多娃娃菜、小白菜、什菌同粉絲，極之可以消膩嘅湯鍋👍🏻。

住黃大仙嘅朋友通知我，有一間非常好食而且抵食嘅日本餐廳，所以同佢去黃大仙探店嚕～大概6:30嘅時間，已經座無虛席，好彩啱啱都仲可以Walk in入到去～點好單之後，就可以自己添茶添水，我係一個耗水量極大嘅人，非常方便，唔使下下麻煩侍應，產生「唔好意思」嘅感覺。火焰左口魚邊牛油果沙律～左口魚邊口感非常油潤，牛油果同菜類都非常新鮮，加上獨特嘅汁醬，撈勻埋沙律菜，簡直絕配！電擊雞翼炸薯～雞翼係凍食嘅！外層有一層脆脆嘅漿包裹著，非常特別，而粗身波浪薯條沾滿芝士粉，唔需要其他調味料都非常夠味！白咖喱烏冬～白咖喱烏冬既上層，好似一層cream咁，賣相非常吸引！撈勻後兩隻色會融和，烏冬質地非常爽滑，加上香濃汁醬，非常出色！牛油果芒果三文魚班㦸～呢款非常適合夏天食用，口感清爽!裏面有唔少配料，非常豐富！櫻花蝦鯛魚湯泡飯～侍應喺我面前淋上鯛魚湯，魚湯香氣頓時撲入我的鼻，當中有帶子、大蝦、櫻花蝦及菜，旁邊亦有三款配料可拌入飯中，極有風味！培茶芭菲～一般食店食到嘅雪糕，都係非常甜，而呢度竟然有培茶味嘅雪糕！真係喜出望外！除咗雪糕味道吸引到我，芭菲嘅日式蕨餅都係我非常喜愛嘅item！食咁多嘢都係呢個價錢真係非

黎到黃大仙搵朋友食飯佢推薦呢間日本餐廳，一於就去試下佢嘅選擇好多，有沙律，壽司，刺身，熱食，甜品，樣樣都想試，最後每樣叫啲同朋友share千回火烏雞全翼外面燒得好香脆，裏面又好入味，而且肉質仲保持到鮮嫩鐵板霜降一口牛粒一口牛嘅份量都幾多，牛味濃郁，配搭埋鮮菇同洋蔥去炒味道更加豐富白咖喱烏冬呢個烏冬上面係忌廉，撈埋下面嘅咖喱烏冬質感好creamy，就咁食已經好滋味海鮮四色丼四色丼有帶子，甜蝦，吞食魚同三文魚，每樣刺身都好鮮甜嶡餅白玉培茶雪糕一向對培茶冇抵抗力，呢培茶雪糕茶味香濃，連唔鍾意食點品嘅朋友都讚好，白玉好軟糯，配埋雪糕食好滿足鮮奶奶茶鮮奶抹茶茶味濃郁得來又唔會苦澀，抹茶同鮮奶比例啱啱好，甜度適中荔枝梳打荔枝梳打好清新，適合夏天飲用

溫泉玉子牛油果凱撒沙律🥗超級大既一碗，醬汁、牛油果都好香，除咗新鮮沙律菜外仲有香脆麵包塊☺️ 好滿足千回火鳥估唔到燒雞翼都可以燒得咁好食！香得黎又充滿肉汁，推薦！廣島蠔寄世鍋材料好豐富～好多海鮮🦞，食落都好夠飽。湯底都好鮮甜👍🏻，鍋下面有少少菜同埋粉絲大阪豬扒丼超級大既一碗滑蛋豬扒飯，味道比較濃，豬扒幾軟易咬培茶芭菲好豐富😆 抹茶味道都幾香，但係啲丸子就唔算好彈牙阿法奇朵可以倒上適量嘅咖啡汁☕️都幾香

餐廳：和氣食堂(黃大仙)地點：黃大仙正德街103號黃大仙中心南館地下G12A舖和氣食堂在黃大仙街坊都幾高人氣，每到午市晚市都必定要等位。星期一晚接近20:00都一樣要等位，人氣真係不容忽視😌透過手機scan QR code 落單，係全場爆滿的情況下，食物都好快逐一送上👍🏻👍🏻🎀芒果三文魚加州卷$62芒果唔算好甜，但連三文魚一齊食的口感真係好鬼夾😋🎀3點刺身盛 $128🎀厚切三文魚+甜蝦+薄切油甘魚三款刺身都非常新鮮·甜，亦都食到少少油香味🤤🎀溫泉玉子牛油果凱撒沙律$62牛油果🥑& 麵包糠都唔少，好大兜，份量十足👍🏻🎀大阪豬扒丼$88嘩…..賣相好浮誇😆滑蛋豬扒上放滿勁多椰菜絲，夾起d椰菜絲有一大碗咁多😂。豬扒厚薄適中，唔算太多炸粉，味道我覺得幾好，但朋友就覺得唔夠醬汁，因為大部份醬汁係椰菜絲上面。所以真係人人口味不同，好難一概而論😜🎀培茶芭菲 配 電擊雞翼+薯條 一set $78 抵食之選❤️賣相好靚，雪糕幼滑，茶味香濃，亦有好多 厥餅、紅豆、粟米片、小丸子等配料……作為飯後甜品簡直冇得彈😍😍🎀電擊雞翼 ～ 有5支單骨的甜辣凍雞翼，味道有幾盞鬼喎👍🏻👍🏻👍🏻🎀薯條 ～ 熱辣辣的薯條上面灑

平時係黃大仙行街，都會見到和風呢間餐廳有好多人排隊等位，今日終於得閒有機會去試下😋溫泉玉子牛油果凱撒沙律 $62沙律好大碟 落咗好多材料係裏面 有牛油果、羅馬生葉、洋蔥、麵包粒同溫泉玉子🤩入面有好多牛油果 粒粒都好大粒，而且又唔會太生/太熟，啱啱好。加埋溫泉蛋撈埋落去，成個沙律都變得好滑更香。另外，佢仲有啲沙律汁，每一啖都充滿咗沙律味，所以好正🤤麵包粒仲增加左呢個沙律既口感，整體嚟講都唔錯焙茶芭菲配電擊雞翼炸薯條$78呢個雪糕都幾大杯，同朋友一齊食就啱晒啦🤩焙茶雪糕質感幾creamy，仲有淡淡既焙茶味。旁邊仲有啲糯米糍、紅豆同蕨餅，味道冇咁出既糯米糍配埋焙茶雪糕一齊食就好fit，幾好味。加埋紅豆一齊食，甜甜地更好味😋雞翼味道都唔錯，唔會落咗太多調味料。而且仲係單骨添，食落好方便，仲啖啖肉🤤而薯條係即叫即整，所以熱辣辣、脆卜卜。三點刺身盛 $128有三文魚、甜蝦同章紅魚刺身三款🤓 三文魚厚身，新鮮，而且都幾肥咖🐟 甜蝦大大隻，口感軟糯，蝦頭有膏，仲要係甜身，無腥感🦐 章紅魚刺身滲出淡淡魚味，清新，可以加啲柚子豉油一齊食😗牛油果芒果三文魚班戟 $50我勁鍾意呢個pancake,有齊我嘅喜好

平時很少會到黃大仙，因為朋友在付近收工，為了方便朋友就找到這間日式餐廳餐廳的菜式選擇也比較多，有魚生也有熟食，十分適合不吃魚生但朋友喜歡吃魚生的組合芝士厚燒玉子味道正常，甜甜的，但略嫌不夠芝士味而且中間有點硬，可能是煮焦了。鰻魚牛油果班戟有點像加州卷但轉成了有少許香甜的班戟皮和加了鰻魚，配上沙律醬值得一試。而且没有飯不會很飽膩，可以吃多幾份黑豚肩燒丼忘記了拍照，但也十分推介豚肩的肉比較瘦，喜歡吃肥一點的可以選豚腹。最開心的是可以選多汁所以吃到最尾的飯仍然有醬汁焙茶芭菲本身打算吃抹茶的但已經沒有了，幸好茶類的甜品我都比較喜歡焙茶我也喜歡，芭菲有玉米片，紅豆，丸子，和一些類似麻薯的甜品。比較特別和好味的就是抹茶蕨餅，雪糕也挺香的，份量也不少，可以兩個人分享

出去揾客戶食飯，客戶話哩間和氣食堂午市定食好抵食，當然要試試啦。我們揀咗豬軟骨拉麵定食同小柱貝粒粒海鮮丼定食。豬軟骨拉麵定食包埋三文魚壽司，玉子壽司同加州卷各一件，海鮮丼包埋一份關東煮同炸雞，加埋飲品都是80HKD有找。海鮮丼都好大一份，有三文魚，帶子，油甘魚，青瓜同雞蛋等。料好豐富，刺身新鮮，但未話特別高質，以這個價格黎講算PASS。關東煮細細一份都有4種配料，雞蛋喺最好味，但是唔似日本蛋，應該都喺用左本地雞蛋。炸雞已經食左一件才影相，面衣不算厚，食落都算香口，唔錯。客戶啲拉麵都話好好味，睇落果樣都唔錯。最後叫埋杯熱飲，哩個套餐真是抵食。

同男朋友收工好想食日本野，屋企附近快靚正一定係和氣，先點左個3點刺身盛，三文魚非常肥美，入口好重油脂味，脂肪分佈平均，甜蝦好大隻，味道十分鮮美，唔沾豉油就可以完全試到佢種鮮甜味，鯛魚片清清地，有檸檬汁調味，3樣都好新鮮，大阪豬扒丼超級大碗，豬扒炸得香脆，肉質鮮嫩鬆厚，有埋沙律醬更加好味，千回火鳥係燒全翼，外皮少少焦，好惹味個燒汁，熟得剛好，甜品方面白玉培茶雪糕係男朋友最中意既甜品，香濃綠茶味，奶味都好重，係口感豐富既雪糕，我揀既阿法奇朵則係咖啡味既牛奶雪糕，同樣好creamy，而且咖啡淋落去會結冰變脆片，好得意好好味😜

好耐無同波友食飯，黎到黃大仙和氣食堂。可以約到朋友6點食飯真好。環境和風設計，作為動漫迷既我幾鐘意尼度，墻上🈶唔少動漫figure 帆立貝三文鱼丼賣相靚麗吸睛，粒粒魚子晶瑩剔透，旁伴綠葉。帆立貝爽口彈牙，三文魚肥美。大阪豬扒豬扒丼面上鋪上絲絲椰菜，揭開面紗，即見炸豬扒，豬扒肉嫩，珍珠米飯粒韌韌地。燒日本廣島蠔芝士和蒜蓉味各一，蠔夠肥美，蒜蓉香噴噴。照燒魷魚筒如果妳中意食軟d,尼款魷魚會幾適合你，燒得微香。柚子檸檬梳打柚子味加檸檬，微酸，柚子香好聞，味道好喝。 荔枝梳打可以聞到荔枝味，清香，甜度剛好。最後叫了甜品焙茶雪糕🍦完結，甚是滿足，雪糕茶味夠，質地夠軟滑。整體而言，食物多選擇，味道整體滋味，環境舒適，日本菜好選擇。

日本嘢食深受女士愛戴，今次我又嘗試咗新嘅餐廳喺黃大仙叫和氣食堂 。入到去，店員就介紹位置，服務幾友善有禮。地方都坐得幾舒服 ，一睇menu你就會覺得好多好多款式，所以都睇咗幾耐㗎。最後決定咗食三文魚芝士牛油果卷，豚肉生薑燒丼同金蒜燒日本米茄子。三文魚芝士牛油果卷上碟先，好大舊， 佢將三文魚芝士同牛油果包埋一齊，而出面嘅飯也痴有蟹子 同埋芝麻，所以食落呢口感豐富，而且味道都好夾幾好食。之後金蒜燒日本米茄子，將茄子切成4份，當中加左好多蒜頭，好香又 惹味，茄子勁大件，日本的真係大d嘅，用嚟燒一流。豚肉生薑燒丼又係好大碗最後才上呢碟，面頭有隻溫泉蛋，之後豚肉同好多洋蔥， 豚肉分量好多，應該係煎過嚟，好香，另外醬汁亦甜甜地，飯應該係日本嘅珍珠米，夾埋味道幾好，美味！整體都幾好，而且價錢大眾化， 款式又多，值得推介。