和氣食堂 (黃大仙中心南館)

Open Now

Now Closed

平時少去黃大仙食飯，見網上咁多好評就去試下。同朋友叫左豬扒飯、蕃茄烏冬加牛柳粒、燒茄子同抹茶雪糕甜品。飯同烏冬份量都算大份。一見到個吉列豬扒飯外貌已經覺得好吸引，菜絲好fresh，就好似食緊前菜沙律咁。豬扒夠脆肉質唔會太實，配埋滑蛋洋蔥好味。蕃茄烏冬加牛柳粒湯底烏冬都係正常水準，蕃茄湯好濃略嫌少少重口味，但牛柳粒係唔錯，香蒜味同有牛味燒茄子都唔錯，鋪滿蒜所以香味十足，不過就有啲油。最後叫左個抹茶雪糕白玉蕨餅，抹茶味都幾夠。餐廳環境坐得舒服又唔趕人走，好啱慢慢傾計食飯

美食有助消除Monday blue，見到呢間餐廳幾熱門，餐單睇落都唔錯，所以同同事就揀咗呢間餐廳去食晚餐，發洩吓工作壓力。同同事都叫咗唔少野食，包括火焰左口魚邊牛油果沙律 ；大盛刺身丼；火炙鵝肝3點；牛油果芒果三文魚班戟；脆脆燒三文魚皮；電擊雞亦、炸薯；特濃牛奶芭菲；宇治金時；紫薯鮮奶！前菜火焰左口魚邊牛油果沙律，睇落大大份， 左口魚邊的份量都算多，配料有沙律菜、蕃茄同牛油果，淋上黑松露配橄欖油醬汁，聞落好香！食落味道清爽，好適合作為前菜！大盛刺身丼，賣相非常吸引，配料有海膽、帶子、 珍寶赤蝦、三文魚、油甘魚、吞拿魚蓉、魚子、玉子、青瓜，份量十足！魚生厚切食落口感十足，油脂都好豐富，重點係用了非常新鮮，無任何腥味，非常推薦！火炙鵝肝3點，有火炙帶子、火炙鰻魚、火炙三文魚，每件壽司上面都炙燒鵝肝，淋上鰻魚汁作為調味。建議食嘅時候唔需要再點任何豉油，感受下口腔裏面，鵝肝嘅焦香味同入口化開嘅油香，配上本身已經油脂豐富嘅魚生，味道一絕！牛油果芒果三文魚班戟，用班戟皮包住牛油果、芒果、三文魚同蟹柳，上面用沙律醬配上蟹子，整體食落去嘅配搭味道新鮮！脆脆燒三文魚皮，味道似中式炸魚皮，不過因為烹調方式

作為黃大仙街坊，一間性價比極高，亦係我日常和食街坊look都會去的首選日本菜館，和氣食堂，位於黃大仙中心南館，一出站C出口左轉，6:30時到門口已經見到佢嘅人氣滿座，又係平日夜晚都會坐滿哂鋪的旺店。日系和風的裝修，座位鬆動空間感夠大，店員服務貼心，點單到菜收碟時間理想，所以黃大仙同沙田兩間分店能夠保持好評也有原因的。Menu花多眼亂，前菜小食、刺身壽司、炸物天婦羅、丼飯烏冬、雪糕特飲等樣樣齊全，=̶4點刺身盛=̶ $178推介:⭐️⭐️⭐️⭐️3片厚切三文魚、鮮甜海膽、2隻牡丹蝦再加2片是日精選謎之魚，蝦身肥美，蝦頭仍保存著海水味，三文魚足量厚切，海膽無腥味都值得加分，價位中等，期待多人食可以點廣島蠔刺身一嗜。=̶大阪豬扒丼=̶ $85推介:⭐️⭐️⭐️⭐️招牌之一，必飽系到丼飯，大旺麻醬椰菜絲高山作為沙律配菜，中層是滑蛋厚身吉列豬扒主菜，飯量驚人係兩個人先食得哂嘅一款。=̶田樂麵豉燒日本米茄子= ̶$48推介:⭐️⭐️⭐️⭐️田樂麵豉汁燒至茄子乾身吸味，灑上芝麻增其香口感，較其他日本菜館比較特別的一款小食。=̶鐵板煎牛舌=̶ $68推介:⭐️⭐️⭐️⭐️⭐️八大片煎香牛舌CP值極高，蒜香入味，咬口彈牙，略為有少少咸，建議將底下炒過嘅

又到食日本野嘅時候好彩早左去排隊好多人等⛱⭕️好多壽司🍣-火炙鵝肝3點-柚于芥末火炙帆立貝-火炙芝士三文魚腩壽-柚于芥末火炙三文魚係咪太耐無食定係太肚餓🤪件件都好好食，咩事🤩入口即瀜感覺，好食😋好滿足🤤⭕️芝士厚燒玉子第一眼睇，好厚丫🤩雖然吾係十分滑，但都正常，好食嘅👻仲要係多芝士，好邪惡😈⭕️蟹肉忌廉薯餅咬落去真係熱辣辣，所以食個時要小心味道都正常💗⭕️黑豚腩燒丼好大碗，其實食完以上都好飽😂最後呢個係食吾哂啲肉都算肥👻 好多蔥👍肉都好大塊外貌睇落係好吸引啲味好濃👍吾差⭕️田樂麵豉燒日本茄子其實呢道餸係最後先上但係已經飽哂，其實係好吸引🙈味道係吾錯，我個人覺得都算大舊入面燒得好淋，好入味，但最後無食個茄皮😂⭕️叫左兩杯飲品🍹分別係💜紫薯鮮奶同🤎焙茶鮮奶 (焙茶無理由吾試🤩）味道都吾錯😆

老婆話想食泡飯，上網就搵到呢間和氣食堂，因為見到佢既泡飯好吸引，就黎試下啦！餐廳既食物種類選擇好多，睇到樣樣都想食，有選擇困難症鹽味燒牛舌牛舌只是用小小鹽調味，再落些小新鮮既檸檬汁，已經好好味。叫左兩隻燒蠔，分別係芝士味及蒜蓉味，蒜蓉味好香口好惹味，d蠔新鮮燒起，芝士仲可以拉絲牛油果芒果三文魚班戟平時班戟通常係甜品，但佢地將三文魚刺身、牛油果、蟹柳整到好似一個壽司卷甘好有特色！到左今日既主角櫻花蝦鯛魚湯泡飯，店員會係面前將魚湯倒入燒熱既石鍋，可能石鍋熱既原因 魚湯好快蒸發左，店員見到我地個泡湯冇哂湯，好貼心咁幫我地加番d湯泡飯吸哂魚湯既鮮甜到最後我地連湯都飲哂👍🏻配料仲有帶子、蝦同菠菜卷宇治抹茶芭菲濃濃既綠茶味軟雪糕配上煙韌既丸子，夾埋紅豆既甜味，效果唔錯，推薦！

香港著名歷史廟宇和旅遊熱點之一的黃大仙，鄰近黃大仙中心， 交通便利，趁假日約埋好友去廟宇參拜和觀賞，之後去食肆林立的黃大仙中心覓食。行過和氣食堂見門面裝潢時尚，餐廳內座無虛席，牆壁上有多款圖文並茂的菜式，幾幅鬼馬日本畫作和漫畫人物公仔擺設。四點刺身盛🈶️鮮甜三文魚刺身、甜蝦刺身、章紅魚溥切和廣島蠔。口感層次豐富的黑松露香芒甜蝦卷，散發濃烈黑松露香味，絕對讓人加分。味道適中皮脆肉嫩的千回火鳥是大大隻雞翼。心思創作的大阪豬扒丼，上層係日本椰菜絲堆砌成，買相似雪糕，底層是肉質嫩滑的豬扒和飯，分量十足。 綠茶味濃郁的炭餅白玉宇治抹茶雪糕，是這噸豐富晚餐的完美終結！

是日提早收工，係黃大仙中心食個下午茶,簡左呢間和氣食堂，大份而且價錢又唔貴。同朋友各自點左2個餐，最後竟然食到唔洗再食晚飯。前菜有香滑既蒸水蛋，滑溜溜又甜甜地。跟餐有個木魚湯烏冬，細細碗加埋一碟炸物：日式炸雞。炸雞炸粉唔太厚，而且雞肉肉質滑嫩，唔會炸到鞋拾拾。朋友就點左黑豚腩燒丼，豬腩片厚薄適中，醬汁亦調配剛好，唔會得個咸字。2個餐都有跟壽司或刺身。魚生好新鮮，同埋大大舊，軍艦壽司人手即包，塊紫菜仲係好脆口。軟殼蟹沙律都好正，一大舊熱辣辣,連埋沙律菜食一啲都唔heavy 。

疫情關係好耐冇見朋友，佢想係黃大仙區附近食日本野，諗起之前食過呢間唔錯就決定再去。溫泉玉子牛油果凱撒沙律溫泉蛋煮得啱啱好，凱撒沙律用料新鮮，用咗超多牛油果，仲用咗好多不同嘅配菜，例如粟米、蕃茄仔、生菜、紫椰菜等等，香脆嘅麵包糠配合蛋汁食非常開胃👍🏻牛油果芒果三文魚班戟平時日本餐廳多數食用飯包嘅卷物，呢個係pancake包，第一次試咁特別嘅做法，面頭嘅蟹子配合日式沙律醬再加上班戟入面牛油果芒果三文魚以及蟹柳，估唔到居然出奇地夾，個人認為冇咗飯反而口感更加好添😋廣島蠔寄世鍋成個鍋嘅海鮮好豐富，有大蜆、松葉蟹鉗、廣島蠔、海蝦同三文魚鰭，食材新鮮而且個鍋湯底味道適中，下面嘅粉絲同菜都唔會好咸，熱辣辣嘅鍋物就算夏天食都一流😝手打稻庭冷烏冬呢個食得出好傳統嘅日本味道，稻庭烏冬幼而扁身，因為係手打嘅所以特別滑，配菜有生嘅鵪鶉蛋、香蔥、薑花、脆脆片加埋烏冬汁，同我係日本食嘅冷烏冬簡直一模一樣🇯🇵宇治抹茶芭菲配電擊雞翼、炸薯條每次都一定會叫呢個推廣set, 因為$72太抵食。我勁鐘意食凍冰冰嘅單骨蜜汁炸雞，味道甜甜辣辣又唔會好似普通炸雞咁熱氣，配上充滿北海道芝士粉嘅炸薯條，幼身薯條炸得金黃香脆而且熱辣辣

一餐美味豐富嘅晚餐可以彌補我哋一日工作的辛勞⋯⋯會令到我哋充滿活力！🥰叉滿電之後又可以迎接下一日！😍每次嚟到呢間餐廳都會全場爆滿🤩所以今次我哋好醒目book咗6:00晚餐🥣🍣🍣和氣食堂🍢🍡三點刺身盛油甘魚肉質細緻甘甜，配以特製嘅醬汁⋯⋯鮮味突出🤩三文魚肉質非常光澤，鮮甜無比！甜蝦刺身肉質都非常甜美！而且好大隻⋯⋯火焰左口魚邊牛油果沙律不負眾望份量超大⋯⋯左口魚邊燒過後甘香油脂慢慢滲出⋯⋯超甘香！配以冰凍爽脆的沙律菜丶牛油果🥑、粟米🌽⋯⋯仲有我最愛嘅黑松露醬和特製沙律醬汁！超正🥰日本廣島蠔🦪蠔味非常濃郁，肉質鮮甜😍蒜蓉味非常香口，芝士味非常creamy😋鹽味燒牛舌口感軟脆，加上檸檬汁感覺爽口，肉味濃厚⋯⋯黑豚肩燒丼飯粒晶瑩有咬口！黑豚肩肉質上乘⋯⋯味道鮮甜美味！加上大量蔥花和秘製醬汁！好味到停唔到口！😋😋電擊雞翼配薯條電擊雞翼是凍食的！雞翼外層香脆又香甜！啱晒夏天食！不得不講佢嘅炸薯條🍟超香脆⋯⋯仲有好香嘅芝士粉包裹着😍🤩食到最後仍然係脆嘅🤩石狩鍋豬骨湯底有超大件嘅三文魚頭和三文魚鮫經過香煎非常香口！肉質嫩滑😋而且有大量黃芽白丶金菇丶粉絲配以香濃嘅豬骨湯底！🤩😋宇治抹茶芭菲嚟到呢度如果唔

放左工約朋友係附近食個晚飯我地最鐘意食日本菜所以就睇下有咩日本餐廳🇯🇵見到附近有依間好有人氣嘅和氣食堂又睇下人地影嘅相咁吸引就決定係度食😛.🌟火焰左口魚邊牛油果沙律  ($72)為左飲食均衡健康d 我地點左個沙律share🥗估唔到依個沙律用左黑松露醬做調味新穎得黎原來都幾夾左口魚邊輕輕燒過 所以維持到爽口彃牙加埋creamy嘅牛油果🥑同清新嘅沙律菜非常開胃.🌟3點刺身盛  ($118)食日本菜當然唔少得刺身啦🍣呢個set有三文魚、甜蝦🦐同白身魚食落都好有鮮味 尤其係三文魚好肥美 有豐富油香餐廳仲附上左蔥花柚子醋 所以我地都冇用壽司醬油.🌟鰻魚牛油果班戟  ($55)依個鹹味班戟意想不到地夾同好味😳有少少似平時食嘅卷物但係紫菜就換咗做班戟包住材料有鰻魚、蟹柳、甜蛋同牛油果 仲有沙律醬同蟹籽係面.🌟鹽味燒牛舌  ($45)呢串燒牛舌有炭燒味 而且仲煮得夠腍果然簡單嘅鹽味最能帶出食材嘅滋味.🌟白咖哩烏冬  ($88)上菜嘅時候見到賣相已經好吸引🥰有一層好似雲咁厚厚嘅cream☁️底下就係咖哩烏冬🍜忌廉溝埋咖哩令到味道同平日食開嘅日式咖哩唔同 食落俾較甜同冇咁油膩 仲有2件炸雞 撈埋落咖喱汁度更

今晚趁屋企人放假，帶佢地去食好西。呢間和氣食堂長期晚餐都好爆，今晚特登早啲七點泥拎飛，好快就入得。要左個香芒鴨胸沙律配上黑醋汁，酸酸甜甜夠開胃。鴨胸都夠多肉，份量好夠。又點少得要叫刺身，要左個四點刺身，包括有三文魚、章紅魚、廣島蠔同甜蝦刺身，咁多款都只係178!好抵食，刺身大大件，夠新鮮！再點了個燒茄子，呢個必點燒物，無得輸，茄子加上蒜茸，好香同惹味，完美既配搭！佢個大阪豬扒飯，份量驚人，成座山咁，岩哂大胃王食。厚切既吉列豬扒，肉質腍軟，再配上雞蛋同大量椰菜，送飯一流！成餐飯味道高質，仲點少得甜品，必點既日本牛奶抹茶雪糕，一次過食哂兩個味，再加上有白玉同厥餅，夠哂煙韌好食！真係值得再幫襯既餐廳

準備又再返工喇，約咗朋友喺黄大仙見面，黄大仙中心南館，北館，邊度有好嘢食，又方便傾偈呢，唔使商量，大家好一致諗起呢間D嘢有新意，價錢又合理嘅『和氣食堂』。聽從中醫朋友之勸，適當地點咗刺身過吓瘾，咁『4點刺身盛』係最好嘅選擇，有章紅魚8切，好鮮甜，食得好滿足；三文魚3切，一貫地好味永遠食唔厭，廣島蠔刺身2体，大大隻，勁濃郁海水味；甜蝦刺身3体，好大隻吖，鮮甜彈牙，正。『黑松露鵝肝帆立貝卷』黑松露配鵝肝好正路再加埋幾厚身的帆立貝，好食到舔舔脷吖『田樂麵豉燒日本米茄子』的矮身茄子第一次食，好腍，用麵豉燒又好香口;『干回火鳥』燒到皮脆肉滑也不錯;推廣嘅『特濃牛奶芭菲』配『電擊雞亦』和『炸薯條』牛奶味濃郁，仲有我喜歡的蕨餅，和果子配襯，靚得來又好食，實在令人回味無窮。

和氣食堂 (黃大仙中心) (黃大仙)火焰左口魚邊牛油果沙律-魚油香左口魚，配上牛油果及黑松露，一改以往清新沙律嘅感覺.海膽刺身盛- 被板海膽吸引住而叫，另外仲有大蝦，三文魚，帶子，仲有紫菜比你捧住海膽食.白咖哩烏冬-一層白雪雪忌廉係面，入面咖喱烏冬，少膩好滑口.黑豚肩燒丼-其貌不揚以為普通丼飯，但黑豚肩肉入口半化，如果多點燒汁就好.電擊雞翼炸薯條-雞翼係凍嘅，脆卜卜但係硬硬地，可能因為佢雪過啲肉比較實淨，炸薯條成個都鋪滿芝士粉.芝士厚燒玉子- 甜甜的蛋，包住芝士，甜中帶鹹.泡菜黑豚腩鍋- 海量嘅娃娃菜喺底，加上酸酸辣辣嘅泡菜湯，再加啲菇菌類同埋豆腐糯米池紅豆宇治抹茶雪糕/ 宇治抹茶芭菲.我就不太喜好甜品，不過純粹係女朋友同埋佢屋企人鍾意，個人覺得牛乳雪糕比較好食.和氣食堂 (黃大仙中心) (黃大仙)黃大仙正德街103號黃大仙中心南館地下G12A號舖.

和氣食堂 (黃大仙中心) (黃大仙).呢到係男朋友成日好喜歡食，男朋友成日上黎我屋企食飯，今日帶埋我屋企人黎試下佢喜歡食嘅餐廳.🔹海膽刺身盛🔹.呢到嘅刺身好抵食，二百零蚊已經有幾款刺身，當初包括我屋企人鍾意食嘅三文魚🍣一版海膽，肥美嘅帶子以及大蝦，刺身每款三件.🔹火焰左口魚邊牛油果沙律🥑🔹.左口魚好好食，油脂香，上面仲有啲黑松露，成個沙律唔係清新而係比較香.🔹白咖哩烏冬🔹.呢度都係呢度嘅主打菜式之一，雪白嘅忌廉覆蓋係面，然後一撈起係金黃嘅咖哩汁烏冬，少膩但好creamy.🔹黑豚肩燒丼🔹.呢個飯我地四人一致讚好，唯一係個汁唔夠多，但黑豚薄片好惗身入味，加上好多葱，好食！.🔹照燒魷魚筒🦑🔹.爸爸開頭望落覺得好似好韌，但食落完全唔會，汁燒夠香.🔹泡菜黑豚腩鍋🔹.呢個好好食，個底有粉絲同埋有大量嘅娃娃菜，泡菜湯索曬係啲配料到，入面有豚肉片，泡菜冬菇豆腐等，唔會好清淡，少少惹味得黎感覺又多菜健康啲🔹糯米池紅豆宇治抹茶雪糕🍦🍵🔹.呢度有好多招牌甜品，主要都係以宇治抹茶為主，都鍾意個宇治抹茶再加上牛奶雪糕，側邊仲有煙人嘅糯米糍同埋勁甜嘅紅豆，抹茶推紅豆真係一個絕配，紅豆嘅甜中和左抹茶嘅苦澀—————

一到餐廳門口已經好快有位俾我哋，坐底發現佢嘅防疫做得唔錯，隔板不但枱與枱之間隔，連凳都隔埋，然後我地叫左6個餸，首先第一個餸黎到，係白咖喱烏冬，呢個烏冬咖喱味好濃，配埋烏冬非常好食，而烏冬係用 稻庭烏冬，另外佢再加配兩舊炸雞，第二道菜係溫泉玉子牛油果凱撒沙律，佢用既菜非常之甜，而且牛油果新鮮，最正係佢隻溫泉蛋，篤穿之後，蛋汁浸滿成碗沙律，之後黎嘅就係刺身，佢竟然有我鍾意嘅海膽同大頭蝦刺身，大頭蝦蝦肉鮮甜，再啜埋佢個頭既蝦膏簡直一流,最值得一提係佢嘅電撃雞翼，雖然係涷食，但佢個味道甜甜哋，非常開胃，到最後上埋個甜品，作為一個完美嘅結尾，係一個抹茶做主題既甜品，佢有抹茶雪糕，同小丸子重有我食到停唔到口既抹茶草餅，煙煙韌韌，非常好食，整體來講，呢間餐廳性價比高，食物新鮮有創意，如果想同朋友去食日本野，不妨一試