和氣食堂 (黃大仙中心南館)

Open Now

Now Closed

最近都在黃大仙番工，就相約在黃大仙中心的和氣食堂食晚餐，好方便又容易找到，食物和服務質素都很好👍🏻👍🏻值得再去火焰左口魚邊牛油果沙律沙律菜十分新鮮，火焰左口魚邊很鮮嫩細滑，配上牛油果更加滋味😋😋燒鱈魚棒細細條而且整得好鬆脆，食到停唔到口啊👍🏻👍🏻👍🏻👍🏻黃金海膽炒飯炒飯炒得好乾身，粒粒分明配上海膽更加滋味十足😋😋😋糯米糍紅豆宇治抹茶牛奶雪糕最後當然唔少得甜品，點左一個share食😋好大杯又好靚，抹茶味香濃牛奶雪糕細滑，仲好多配料，十分美滿的晚餐🥰🥰

係黃大仙中心地下有間日式食店～和氣食堂每次來都好多人食，平日還有人等位添，呢次叫左3樣嘢食 黑松露鵝肝雜菌石頭窩飯 98紋黑松露好香，雖然少少，但食落去果香味充滿成個鼻，味道好正，雜菌石窩飯好有菌味同飯蕉一流 至於到重頭戲鵝肝啦，小女子嘅最愛😍 鵝肝超正，足足有2大舊，估唔到呢個價錢可以食到咁有滋味嘅鵝肝簡直係超值呀，我會再再再*安科*鯛魚湯泡飯 108紋鯛魚好鮮味一流，連個湯都好鮮甜，加飯一起食好夾，無胃口都可以食得晒佢飲晒哋湯總可以添，真係抵食又好味道燒三文魚頭 68紋燒得幾好，味道就不過不失埋單加一 301紋

放完三日假又要返工真係有啲sad,所以放工決定食餐好嘅開心下！😬呢度係我地總共嗌左嘅食物，俾個list大家睇下先🤗 初時嗌完仲諗緊會唔會唔夠呢🤣 但後尾食完真係好飽好滿足！一黎嘅係3點刺身盛！🤩 可能張相影得唔係好清楚，佢呢度嘅三文魚好厚好大塊，一啖食晒真係好正😚呢個唔知係咪期間限定架呢🤔 個雞翼好過癮，一放入口係凍嘅（唔係放得太耐凍左，而係特登整凍），跟住食食下會有少少辣嘅感覺😂個薯條落左啲調味份，食落甜甜地嘅，幾好食！牛油果芒果三文魚pancake呢個湯飯嘅湯好重魚味😙 侍應會將飯上枱先落湯，唔會上到黎已經吸晒d湯牛扒好重牛味，而且相信大家都見到仲有啲鮮嫩嘅粉紅色，唔會整得過熟👍🏻相信$100以下嘅魷魚筒坊間好多地方都有，但份量咁多又燒得咁好唔會燶嘅就未必到到都有啦最後用個甜品作結，perfect池😚

同家姐慶祝生日，5個人食，第一次黎，覺得好多野食想試，刺身就一定要食因為家姐鐘意，叫左個最貴的，有一板海膽同其他款刺身，份量唔算多。另外就叫左2份軟殼蟹同天婦羅蝦卷物（夠熱、好脆）特色高山豬扒飯、鰻魚飯、海鮮蟹肉窩（有2隻蟹鉗）雞、雞翼（凍物）配糖粉薯條（又幾夾）、加埋個綠茶雪糕芭菲。5個人食份量唔算多，訪問番屋企人都要就住食甘，其實可能叫多樣就夠曬，不過媽媽話好似放題抵D，但系我又覺得呢度有水準。

未夠六點店內已坐滿半剩人，疫情下有咁嘅人數應該好食先有咁嘅人流，咁我哋就試下依間，職員遞上 menu 內裏卡通menu很吸睛，好多款式有湯飯，烏冬，丼飯，刺身，壽司，甜品 沙律，炸物，燒物好多款式，一班朋友嚟到各有唔同口味，梗有一款啱你點了菜唔夠十分鐘就送上，黑松露鵝肝帆立貝卷， 呢個不得了極推，好香黑松露味，內裏夾住肥厚鵝肝及帆立貝，大家互不搶味，能食出各自的鮮甜和香醇安格斯牛扒他他沙律，黑醋調得剛好不會太酸很醒胃，蔬菜新鮮爽脆牛扒大大塊很有牛味廣島蠔豉蒜蓉和燒芝士燒，燒香嘅芝士包住蠔一起吃好鹹鮮味好惹味，另外蒜蓉都出色炸得好香大阪豬扒丼，唔知以為送咗一座山黎原來上面佈滿椰菜絲醬汁似大阪燒汁， 忘了影豬扒，有洋蔥滑雞蛋包住大大塊厚肉炸豬扒 相當多汁嫩滑櫻花蝦鯛魚湯泡飯，上臺後職員才倒入鯛魚熱湯，即時令櫻花散發一種香氣撲鼻， 湯很有鮮魚味及飯也吸收曬湯嘅精華好好味食完梗係嗌甜品啦見佢今期推廣宇治抹茶芭菲配電擊雞翼炸薯， 電擊嘅意思原來係辣個名真有趣， 綠茶雪糕不會太甜還配有白玉粟米片同有其它煙煙韌韌嘅物體以及紅豆蓉，淨係食甜品都好豐富 啱曬大人細路食完鋪外食客開始要排隊， 整體唔貴每樣

刷新我對日本菜的印象，原來可以咁難食。是日叫了4樣野，每一樣都似食緊中式菜。首先，鐵板牛脷，因為切得好厚，而且好濕，賣相十足大排檔的炒牛脷。大大舊的牛脷保持了佢原有形狀，導致我一度以為自己食緊未切的原隻牛脷，十分噁心。第二樣，燒海膽左口魚壽司。海膽係有小小臭，飯似中式飯，唔似日本米，而且左口魚燒得太融，好似食緊一舊臭肥膏。第三樣，雜錦魚生飯。同樣問題，飯真係太似食緊屋企飯，唔係珍珠米，而魚生唔係好新鮮，八爪魚硬到似橡膠，唯一好食的係雞蛋。第四樣，鰻魚卷。當晚最正常的食物，只係飯都係太劣質，導致味道大打折扣。如果，佢話自己係中式日本菜，咁其實我都可以接受。但係日本菜，真係不了。

疫情關係冇得去日本 成日心思思想食日料 無他 為左一解鄉愁講到解鄉愁 唔揀番間有水準既日料點得咖我個腦即時浮現既就係和氣食堂menu 包羅萬有 可謂囊括你所有諗到 諗唔到既日本料理由前菜到甜品都一應俱全一間搞掂曬 味道又高汁 你話點可以唔翻啅一如既往 我同男友又係每樣餐品都嗌啲再散嗌少少小食今次就嗌左安格斯牛他他醬沙律做前菜微酸既他他醬配上切件燒牛肉再加新鮮蔬菜 非常開胃！主食今次嗌左兩個 一個係encore既白咖哩烏冬 忌廉薯蓉打發而成既泡沫 覆蓋住彈牙既烏冬 底層係甘甜香濃既日式咖哩 睇得又食得簡直係視覺同味覺既雙重享受另一個係櫻花蝦湯泡飯 今次第一次嘗試 非常有驚喜職員捧上石鍋之後 係我地面前為飯澆上高湯 櫻花蝦既香味隨即漂散開 聞到都食指大動飯上面仲舖上左兩隻充滿蝦黃既大蝦蝦黃隨著高湯蔓漾到每粒米飯 每一啖都超甘香 超出我預期啊！隨飯仲跟左三小碟佐料 是為日本湯飯三食分別係脆米粒 青蔥 同 海苔飯素口感各異 可以選擇全部加入飯一齊食亦可以分開品嘗細味 超有心思 一餐飯試足三種味道！小食方面嗌左 千本手羽 味噌燒茄子同 蒜蓉/芝士燒廣島蠔味道一樣高水準 尤其蒜燒廣島蠔 鮮嫩香口

好耐冇出街食飯，今日去開黃大仙探完親友，便同屋企人去咗南館行逛順便食埋晚餐， 上次你食過一次已經覺得唔錯👍今次同埋阿女一齊嚟食。 晚市時間都算多人都要等位， 不過都係等一陣好快可以入座 呢個大阪豬扒丼睇相好吸引 餐牌食物畀之前來選擇更多 豬扒丼賣相震撼， 上面的椰菜c很多配芝麻醬好開胃 大大塊厚切豬扒汁多軟熟， 炒洋蔥絲亦很入味 刺身盛亦很新鮮， 三文魚厚切肥美， 蝦肉爽滑 另外試咗個白咖哩烏冬配炸雞， 賣相幾特別上面有一層厚厚的蛋白忌廉泡沫 咖哩烏冬的味道易恰到好處 仲有兩隻蒜蓉燒及芝士燒廣島蠔～ 兩款都好好味 最後叫埋個阿法奇朵雪糕。 配埋北海道芝士炸薯條！ 甜薯條第一次食幾好食 沾上啲雪糕一齊食仲正。 呢餐成家都食得好開心😊

由於友人們準備下午到獅子山遠足，來了黃大仙 就帶他們吃了飽飽的午餐，介紹他們去和氣食堂。中午一點左右，等了30分鐘終於可以入座。午餐的確很多選擇，忘記了影餐牌。食物：追加的小食：關東煮，不幸地佢地話食物無味😓以後不吃。點了套餐配有炸雞，烏冬正常好食一口牛套餐令朋友失望了，佢地話太熟太韌。3文魚套餐，滿滿的3文魚 很飽 正常推介！套餐送有茶碗蒸，很滑有雞肉有菇，好吃友人點了刺身套餐，他們覺得卷物比較鬆散 不夠口感，刺身正常。最後是我最喜歡的綠茶雪糕，追加的，滿滿的綠茶味很滑，不會很甜，推介還有餐飲凍檸茶的沒有特別，不影相了😂最後，我覺得雖然質素不是最高，有要求的友人覺得不好吃😂但我覺得性價比還可以啦😂$100不能吃最靚的食材，還有很多食物正常啦😂不過人太多食物質素下降了。

好有驚喜嘅日式料理😍😍鰻魚飯刺身飯玉子燒正正常常唔講咁多個電擊雞翼真係電親我🤣🤣🤣本身唸緊有咩咁特別姐 最多咪又係蜜糖多多嘅甜雞翼～點知！原來係凍嘅🤣🤣一掂到個嘴就有觸電嘅感覺😂（誇張左）食食下又辣辣地甜甜地 幾得意另外個北海道芝士薯條都好得意🤣又係甜甜地凍凍地嘅🤣🤣

最近因為放假，又唔想自己煮野食，於是同朋友就去左附近搵野食，自從番左工之後都好耐無試過同朋友一齊食野，所以我地決定食都食好啲，日本野我地就最鐘意，而家無得去旅行，就當食日本菜回味番下~ 芝士厚燒玉子燒 我地兩個都係芝士控，必點呢個芝士厚燒玉子燒，厚厚嘅玉子燒，配埋上面塊芝士，好夾呀~ 食落先有好濃嘅芝士味，再有甜甜地嘅蛋香，超級好食，而且食得出係即叫即做，啲玉子燒口感仲好嫩。溫泉玉子牛油果凱撒沙律食又想食好野但又怕肥，咁就一定要點個沙律食下，瘦身必選，大大盤沙律，兩個人先岩岩好食得哂，麵包粒仲係脆卜卜，好新鮮，沙律夾埋溫泉蛋，口感更加滑溜!牛油果軟殼蟹卷物 近排牛油果可謂當紅人物，變咗人人都鍾意嘅大熱之選，就算配係壽司到都唔會失禮，軟殼蟹卷物比人感覺會太單調同油膩，但加左牛油果之後，成個感覺都清新好多，毫無負擔，好好味，啖啖牛油果加埋炸到香脆嘅軟殼蟹，令人回味無窮呀終極罪惡鵝肝飯 終極鵝肝一定要做到油香豐富、入口即溶嘅狀態，呢到嘅鵝肝好香好鬆化呀，油香滲透咗入飯，加埋啲煎得好香嘅雜菌，令到個飯成個味道都變得份外豐富，啖啖都係香濃嘅雜菌同鵝肝味。我地兩個都好鍾意食呢間餐廳，選擇又多又好食

今日心情唔靚，唔想係屋企煮飯所以決定出街食好野平衡下，之前聽過有人介紹和氣食堂性價比高同好食，所以今日第一次嚟到，本身其實無咩概念佢係食咩，一打開餐牌先知原來係食日本野，仲要係各式各樣嘅日本野，姐係唔係話得刺身壽司或者只有定食，而係兩樣都有，食物嘅款式真係算好多，所有第一印象唔錯咁我地就生嘅叫d熟嘅叫d，睇下邊樣出色首先嚟到嘅係刺身飯，佢其實仲有好多款刺身嘅配搭比你揀，淨係打卡都值回票價，食落刺身好新鮮，肉算幾厚，係唔錯嘅，同一碗有咁多款刺身，好滿足跟住落嚟就係三文魚頭窩，我真係好鐘意食三文魚頭，食盡不同餐廳嘅三文魚頭，e間都唔錯，算多肉，再配埋個湯，係唔錯嘅另外驚唔夠飽，我地仲叫多咗碟壽司，同埋雞翼，整體嚟講好滿意，無介紹錯。

溫泉玉子牛油果凱撒沙律集齊我最愛嘅食材於一身，沙律菜好新鮮，牛油果都好足料，炸麵包粒好香口。 略嫌凱撒沙律味道好濃，唔算好食到溫泉蛋蛋香。三點刺身盛三款都好新鮮，三文魚厚切肥美，作為喺屋村商場嘅日式餐廳黎講好有驚喜。白咖喱烏冬本來睇相都好卻步，感覺為噱頭求其加啲忌廉係面、九唔搭八咁。 估唔到幼滑嘅忌廉原來係調咗味嘅薯仔蓉，撈埋底下嘅日式咖喱汁超級夾，好味到連汁都飲埋。 炸雞唔使講就係新鮮炸起好脆口，成個組合性價比超高。電擊雞翼炸薯條知道為左脆口嘅感覺，雞翼係雪凍左嘅，不過入口嗰刻都係有少少衝擊。 調味甜甜地好開胃，外層亦的確好似脆皮雪條咁香脆，不過個人覺得熱食會更好味，薯條亦係誠意之作。串燒叫左鹽燒安格斯牛肉串、三文魚椎茸燒同地雞大蔥燒，典型居酒屋嘅水平，呢個價位己有驚喜。 幾款之中最推介鹽燒安格斯牛肉串，好juicy。培茶芭菲茶味香濃，甚至見到點點培茶粉，比起培茶綠茶雪糕專門店更加滿足。

之前食過一次和氣食堂, 對呢道印象好好, 食物出色, 服務態度良好, 不禁激起我再次光顧嘅衝動烏冬本身已經好滑, 加咗綿滑嘅忌廉更加係不得了, 咖喱亦唔馬虎, 唔係稀Liao Liao, 除咗咖喱汁之外, 仲有些少肉絲在內, 少少辣, 唔食辣嘅都可以一試!上次食完呢個電擊雞翼之後一直念念不忘, 今次一於再encore雞翼依舊外面用糖包住，脆脆甜甜，薯條都有驚喜! 今次應該都加咗幾多蒜粉, 蒜味好重, 仲有少少辣, 唔鐘意食蒜嘅, 啲薯條就未必適合啦~個飯成座山咁, 上枱嗰陣真係嚇一嚇🙈最上層係木魚絲同高麗菜, 以少量沙律醬作點綴, 中層就係葱, 滑蛋同埋炸豬排, 除咗沙律醬之外, 仲有燒汁, 十足十食緊章魚燒, 再加上底層嘅珍珠米, 非常有日本嘅感覺🇯🇵刺身新鮮, 兼大件夾抵食, 果然係平民飯堂

之前嚟過一次印象好深刻，價錢合理之餘，款式特別有別於一般日式食物，好有fusion 既感覺🤩今次同朋友再encore呢間平民日食，疫情期間都滿曬座，依然冇令我失望👻香芒燻鴨胸沙律(黑醋) ($68)作為前菜嚟講都幾清新，配埋黑醋酸酸甜甜好開胃，青瓜芒果鴨胸連埋一齊食好match好有口感。焙茶芭菲+電擊雞翼(5本) + 北海道Bang Bang炸薯條 ($72)餐廳最近做緊既優惠，72蚊有咁多野食😋焙茶芭菲超好食！！！次次食日本野都食抹茶味，第一次嘗試^_^焙茶味。雪糕一入口即有淡淡既茶香，少少既甘味，旁邊有蕨餅同小丸子，下面仲有啲粟片，為口感增色不少，必食之選😋😋而其他小食方面，雞翼凍得嚟有啲蜜糖味，薯條都偏甜，有啲似食緊蕃薯條🤩唔太中意食甜既話可能會有啲唔慣。白咖喱烏冬 (附香脆炸雞) ($88)白色個層望落似發開既蛋白，食落有少少奶味，似薯蓉感覺。底下既日式咖哩唔會太辣，入面都有啲肉粒同洋蔥粒，兩層一齊食好有平衡而柔和既感覺。火炙黑松露3點(鵝肝、帆立貝、左口魚邊) ($78)一上枱已經聞到濃濃既黑松露香味，每舊都比想像中大，鵝肝仲係熱辣辣，配埋食冇咁膩😚牛油果芒果三文魚班戟(2件