和氣食堂 (黃大仙中心南館)

Open Now

Now Closed

今日喺黃大仙食好嘢😎😎大板豬扒丼上枱嘅時候就比佢好巨型嘅外表吸引咗 上面有好多椰菜 而椰菜嵌住既先係豬扒 豬扒都唔錯 炸得好鬆脆 個飯嘅份量都好巨型 夠晒兩個人食🥳🥳😂😂牛油果芒果三文魚班戟我一啖將成舊pancake放咗入口 口入面同時有幾種味道有芒果酸酸甜甜嘅味道仲有牛油果嗰種棉滑嘅感覺 食得出有蛋同魚生係入面 層次好豐富👍🏻👍🏻電擊雞翼 +北海道薯條薯條上面灑左啲糖霜 同平時食開嘅鹽味薯條唔同 我第一次食甜甜的薯條 感覺好有趣🤩🤩而啲雞翼係凍上的 上邊有啲蜜糖同埋芝麻 味道不錯白身魚刺身跟刺身嚟咗一個豉油 唔係用平時嘅Wasabi加豉油 感覺好清新 食落好有咬口、好新鮮 完全冇腥味金蒜茄子生虎蝦刺身配左一個酸辣嘅醬汁 而啲虎蝦好通透 甜品焙茶芭菲焙茶味雪糕有濃郁嘅茶味 雪糕旁邊有好多小丸子 下低仲有啲粟米脆片成個雪糕賣相好吸引又有趣卜卜嘅口感配搭軟綿綿嘅雪糕

平時都好鍾意嚟呢度食嘢，😋最近佢好似更新咗佢個餐牌，所以叫咗啲平時唔會叫嘅嘢食。😍果然冇令我失望，係我最鍾意嘅黃大仙食堂。👍🏼1️⃣溫泉玉子牛油果凱撒沙律🥗真材實料，佢俾咗好多牛油果🥑，而且佢啲菜都好新鮮又爽口，上邊打咗一隻溫泉玉子，🍳吉爆佢可以當汁咁樣撈，再加埋本身底部佢有沙律醬，令到個沙律味道更加豐富！😋2️⃣三文魚椎茸燒🐟近排疫情關係都唔夠膽食生嘢，但係又好想食三文魚，所以叫咗個串燒。 🍢三文魚椎真係好正啊！好香又重魚油味。3️⃣鰻魚牛油果班戟🥑包到好似壽司飯卷咁，但係佢唔係用返係用班戟，啱晒我啲減緊肥唔想食咁多碳水化合物嘅人。4️⃣炸雞白咖喱烏冬👍🏼每次我都會叫呢個白咖喱烏冬，佢白色嗰啲係薯粉溝忌廉，將白色嘅薯粉忌廉再溝埋咖喱，個醬超正！🤤5️⃣黑豚肩燒丼😍呢一個意想不到地好食，佢係韓式嘅燒豚肉飯，仲會配上泡菜。個豚肉燒得好好食，啲邊位燒得好乾脆，中間又好林！6️⃣培茶芭菲🍦我上次嚟都仲未有培茶㗎，佢新出左一定要叫黎試吓！個雪糕食落有啲粉嘅感覺，應該係撈左陪茶粉整出嚟嘅。🍵7️⃣燒日本廣島蠔蒜蓉燒芝士燒🧀超正嘅廣島蠔燒！我就係芝士控嚟嘅，超鍾意佢個芝士燒！🧀

一直都有幫襯開和氣食堂，發覺佢係一間好有心嘅餐廳，因為menu會不斷會有新野～～食多幾次都唔會悶～～田樂麵豉燒日本米茄子 - 呢排好hit嘅一種茄子食法，味噌味好鮮好濃，加上雞肉粒，完全將茄子GE鮮味帶出三文魚椎茸燒 - 估唔到係咩黎所以嗌串試下，原來椎茸係日本冬菇，好大塊同好juicy~~估唔到呢個配搭咁夾千回火鳥3隻 - 作為雞翼控覺得呢隻雞翼真係恰到好處，外皮香脆但唔會覺得油膩，而且裡面仲保留住肉汁，高質！3點刺身盛 - 油甘魚、三文魚同甜蝦都好新鮮，解凍剛剛好，唔會有雪味，油甘魚仲另外有個酸酸甜甜GE醬汁，好講究大阪豬扒丼 - D菜多到睇唔到D豬扒XDDD，咁樣食真係好正，平衡左豬扒GE油膩感～～而且飯粒吸收哂醬汁GE精華～檸檬藍柑梳打 - 呢個上到檯忍唔住哇左一聲出黎，超大杯，飲落好爽，有D似波子汽水，但有柑檸個種清爽酸味涷紫薯鮮奶 - 好岩女仔GE唯美飲品～～唔會太甜～～不錯

是優質的日本藍店～👍🏻壽司同炸雞亦都10分美味雪糕是必要的除了發現碟上有一粒魚子，其他衛生狀況都應該是沒有問題的，和店員說他很快便那個一隻新碟給我😊芝士口燒玉子是我最喜歡食的，雖然吃到中間不知道為什麼會有點苦，但是那個芝士真的十分讚👍🏻要給多一點機會同包容藍圈喔！努力擴大籃圈💪🏻💪🏻支持支持

今晚二人去左黃大仙撐枱腳，<和氣食堂>一直人氣高企，一定有佢既原因，今晚我地都比佢吸引住，好彩等左吾係好耐，十分鐘左右，便有二人枱。睇完個Menu，真係超級勁多選擇，沙律、魚生、刺身、卷物、定食、冷麵、鍋物、甜品樣樣都有，簡來簡去，因為有太多野想試，有選擇困難症既我，都花左少少時間先落到單。<火焰左口魚邊牛油果沙律>沙律用金屬碗上，可以保持冷凍感。牛油果同沙律菜好新鮮。火焰左口魚好肥美，入口好嫰滑，仲帶有魚油味，上面仲有黑松露醬，感覺好清新開胃。<芝士軟殼蟹卷>呢個芝士軟殼蟹卷，上面有好多蟹子，軟殼蟹微脆，放滿整個飯卷入面，仲有芝士同沙律醬配襯，非常好食。<燒鱈魚棒>燒鱈魚棒非常香脆，入口甜甜地，作為前菜，絕對係驚喜之作!!~<珍寶赤蝦海鮮丼>主食叫左魚生飯，赤蝦勁大隻吖!!有成隻女仔手掌甘長，而且肉質夠彈牙，仲好甜好新鮮。其它刺身有帶子同三文魚，同樣鮮甜肥美，仲有爆多蟹子鋪係面。大讚吖!!~<海膽冷素麵>海膽冷麵份量好多，可以足夠二人分享。上面除左有4大片海膽，冷麵下面仲有好多好cream

黃大仙有間食日式的餐廳，食完會encore 的選擇，晚上也有好多人排隊，證明好多人捧場開胃的先來一客《溫泉玉子牛油果凱撒沙律》，先把溫泉蛋攪開，之後和沙律汁配上，味道清新，可以食到牛油果和沙律菜的新鮮味道，牛油果份量好多，入口又林又甜，十分正斗《電擊雞翼炸薯條》令人回味，涷涷的單骨雞翼好好味，外面甜甜的味道包住，咬落好脆口，好好味！炸薯條好有薯仔香味，上面審了白色的粉，味道甜甜的粉更襯托出薯條的味道，真的令人喜愛只一個《網燒美國牛扒》，牛扒燒得香口，薄薄的牛扒入口好林，個燒汁甜甜的，令新鮮的牛味更突出，伴著沙律菜、青瓜和蕃茄，好味《白咖喱烏冬》是我的favourtite! 粗粗的烏冬，入口煙刃咖喱，咖喱醬汁原本已經好野味，咖喱入面仲有一點牛肉碎絲，和烏冬好夾，加了忌廉在面，外表吸引，令咖喱入口更滑！配合香口脆脆的炸雞，入口外脆內juicy, 好味喎《特濃牛奶雪糕》作為甜品一流，雪糕牛奶味道好香濃，入口好滑，原味和綠茶小丸子也好煙刃，配合牛奶軟雪糕更好，綠茶味的甜食也很好吃

已經唔記得係第幾次尼食飯喇～每次都大滿足咁樣走，好似幾個月無尼，好滿意佢嘅隔板，係一塊硬膠，唔係會fing fing下嘅珍珠板，唔會郁尼郁去店員好醒目，好有禮貌，好快尼幫我地斟茶或者攞走啲碗，好好服務（感覺比以往進步左添🤣🤪）鐵板燒一口牛，唔會燒到咬唔到或者乾哂身，不過個汁淡啲啲會更好！火炙丼，材料好足夠好豐富！沙律都係另一個驚喜！溫泉蛋配沙律菜好和諧，又會好好膩，再加埋啲牛油果熟嘅程度都岩岩好，口感好好，所有野加埋好match好開胃！芝士玉子燒，好好食，唔好太漏，好怕芝士太多好濟黑豚肩燒丼，肩肉燒得好香，切到好薄嘅每一塊，加埋個汁，好不自覺咁係咁食🤪🤪😂炸三文魚皮，咸咸地好香口，加埋沙律醬perfect

今天和久久未見的閨蜜來到黃大仙，她曾經來和氣食堂吃飯，表示性價比非常高，於是再來吃吃！疫情關係，店家除了在合適距離加上透明板外，還提示食客於進食前才脫下口罩，已盡量保護食客的安全和衛生，值得一讚。黑豚肩燒丼黑豚肉燒得焦香，配上特製醬汁，而且大大塊豚肉，非常足料！而且丼飯有甜甜的肉汁和燒汁，配上洋蔥，味道有層次。培茶芭菲培茶雪糕非常有口感，內裏有茶葉的濃香，而且有點點雪沙的狀態，特別。而甜點亦有綠茶軟糕和糯米小丸子等等，吃起來口感十足，底下還有紅豆和粟米片等，正。白咖喱烏冬這咖喱很特別，還是首次吃到，淡淡的咖喱香，配上烏冬，非常彈牙，味道清新！果真不錯。溫泉玉子牛油果凱撒沙律材料豐富，沙律菜很新鮮，而且大大粒溫泉玉子攪拌後，沾上牛油果來吃，滑溜溜的，加上有沙律醬等等一起拌來吃，份量適中，只是$59，性價比非常高呢！

今日同屋企人夾好左假期一齊去買野之後就行遠少少覓食去到黃大仙中心見呢間和氣食堂就一齊食🤣食日本野一定要黎個刺身先，呢個4點刺身盛有三文魚腩、劍魚腩、甜蝦、鰤魚，仲附送兩隻生蠔，超抵！🤩幾樣野都好新鮮同冇乜腥味，最正係三文魚超厚切，食落好滿足🥰之後我地仲食左呢個辛味吞拿魚牛油果卷，佢入面好足料、餡料切到大大舊，牛油果唔會太生或太熟～😛外皮嘅芝麻都超級香，配埋上面嘅沙律醬同秘製辛味醬，好味！😋呢個電擊雞翼配炸薯條係創意料理，雞翼食落口係凍冰冰嘅，夏天食好啱，而且係單骨雞翼，食落口好方便～😋而炸薯條就係甜嘅😳好surprise呀好似蕃薯條咁嘅味！

#和氣食堂 #黃大仙今日同媽咪黎到黃大仙中心行街買新枕頭，晚餐都喺南館度揀咗間餐廳食。我揀咗和氣食堂。🍜 白咖喱烏冬 （$88）白咖喱烏冬上枱嘅時候只見一碗cream狀物體，夾開先知原來就係咖喱烏冬，都幾特別！佢另外仲內兩舊有返咁上下大嘅炸雞添，好味！香芒燻鴨胸沙律（$68）沙律比想像中大份，而且芒果同鴨胸都各有五舊咁多，沙律有加啲黑醋，特別香☺️一口炸芝士 （$42）炸芝士超級邪惡但勁勁勁好食，好推薦！甘粟薯餅 （$28）廿八蚊嘅呢個紫薯薯餅都算抵食，入面嘅紫薯好多！培茶芭菲 （$72）芭菲入面好多材料！有麻糬、小丸子、紅豆、粟米片... 仲有最重要同最好味嘅培茶雪糕，好清新好fresh，唔會好甜，好鍾意💛

大排長龍，終於都可以一試和氣食堂。除咗經典嘅壽司之外，我哋仲試咗呢個咖喱烏冬😇睇落白雪雪好吸引，但係食落係咖喱味嚟㗎 ！好有新鮮感，食落好creamy，味道就同一般日式咖喱無異，而且烏冬嘅份量都好多，配合埋炸雞一齊食，都係唔錯嘅配搭。但係我嫌炸雞嘅皮林晒，如果可以脆啲就更加好啦。

今日早少少放工，舖頭已經好多人好在等一陣就入得，一睇到個餐牌真係心多眼亂，勁多頁勁多選擇設計得好吸引！每樣都想叫黎食最後簡左一個有優惠既 電擊雞翼+ 薯條 x 培茶芭菲 $78 勁抵食溫泉玉子牛油果🥑沙律黑松露甜蝦芒果反卷三點刺身盛同埋 三隻燒雞全翼首先個電擊雞翼，幾開胃，係酸酸甜甜類似蜂蜜醬汁既雞翼，冇expect過佢係涷的，果然夠衝擊，食落又幾正，好有韓式雞既feel 。 薯條上面有d甜甜地既粉，好似食緊番薯條咁。溫泉玉子沙律， 勁多牛油果🥑，好健康， 沙律茶好fresh，食完都幾飽肚。醬汁落得岩岩好， 酸酸地幾開胃，撈完個溫泉蛋 蛋漿滿哂成個沙律🥗！黑松露甜蝦芒果反卷勁推介，甜蝦係面，有好多黑松露醬，好香，岩哂我呢d勁中意黑松露既人。芒果好甜， 呢個配搭好襯， 三點刺身盛， 有三文魚🍣、甜蝦同油甘魚，好新鮮同埋厚切三文魚，紋理好靚， 油脂分布平均燒雞全翼都係勁正， 燒到岩岩好，外皮好脆好香口，入面好多汁好juicy， 配埋檸檬🍋 吊味， 師傅功力唔錯唔怪得間野咁多人幫襯，果然係性價比幾好，最後一人埋單$200 左右。 食埋個甜品芭菲，好滿足， 個芭菲雪糕勁多配料，

之前去過兩次沙田食佢，今次就朋友，第一次食黃大仙呢間。對我嚟講感覺佢哋最大既分別就係面積，同埋黃大仙呢度有甜品食，但沙田分店就冇。佢地兩間既食物水準，我覺得有少少分別。先講下刺身併盤，佢既選擇好多，同埋刺身既size都唔細件，件件都係厚切❤️，又無雪味，新鮮既😍但美中不足係個海膽比較唔新鮮，無腥臭味，但係亦無鮮甜既味，扣左分。我最喜歡的吞拿魚蓉呀加少少豉油真係無得輸咖呢個勁正呀，件炸蝦係勁新鮮，又脆口！加埋面頭啲蟹柳碎同埋芝士食，口感勁豐富，又好夾味😁芥辣八爪魚角切魚生飯，帶有少少攻鼻，係爽既玉子稍微有啲老，唔夠嫩呀，但整體性價比高，收貨呢個貪得意叫既，Pancake 皮包住芒果魚生，都幾特別既，味道都可以，不過可能我食唔慣呢種感覺，加上覺得呢款性價比馬馬地😂下次唔會考慮再叫呢個令我失望既係佢個芝士厚玉子燒，因為明明沙田食既係勁多芝士，覆蓋住啲玉子，而玉子又好濕潤，好香蛋味，夾埋半融既芝士堅正。不過！黃大仙呢間完全做唔到呢個效果！呢間既芝士勁少，蛋又唔夠濕潤，整體來說都幾差。呢個電擊雞翼併薯條，再加埋個甜品係一個推廣set黎既，點都抵過分開叫，但下次唔會再叫呢個，因為佢個閃電雞翼完全凍曬

黃店值得食今日叫咗忌廉咖喱烏冬，牛油果黑松露左口魚沙律，海鮮三色丼，雞翼薯條配芭菲套餐忌廉咖喱烏冬上面係口口嘅忌廉有薯仔味下邊係咖喱烏冬有少少肉絲，原來忌廉配咖喱係咁夾㗎Menu上面冇寫到牛油果左口魚沙律係有黑松露，你都勁多黑松露醬超，左口魚邊有被火槍燒過入口即溶雞翼薯條配芭菲套餐薯條脆脆甜甜地好好食，雞翼好特別因為係凁嘅雞翼，好似有啲堂將包住脆脆地甜甜地，好似食緊冰鎮咕嚕肉咁培茶芭菲好有驚喜培茶味香濃，有好多菓子同厥餅，好正想食嘅朋友記得早啲排隊出邊好多人㗎

今次再encore門口經常大排長龍嘅和氣食堂😋😋😋照舊點左一個黑松露左口魚邊沙律，黑松露味好香，左口魚邊有炙燒過，再配合埋沙律醬同唔同款式嘅沙律菜，夠哂大碟，啱晒同朋友share一齊食！壽司照舊叫咗三文魚、帶子、軟殼蟹手卷，全部都有水準，係平民價餐廳嘅一個唔錯選擇。甜品方面，宇治抹茶芭菲都值得推介，抹茶雪糕唔會太甜，又唔苦，配合埋煙韌嘅芋圓一齊食，層次感分明，味道再次昇華。