和氣食堂 (黃大仙中心南館)

Open Now

Now Closed

之前聽朋友講過呢間好食，所以都想試一段時間㗎啦。以為呢排少咗人出街食飯，點知道呢間鋪頭竟然都係人山人海，未至於排長龍，但成間餐廳都冇吉枱，啲人食完好快會又有下一台客。餐廳好近地鐵站，一入商場就見到位置非常方便，唔一定係街坊，特登去食其實都好近。餐廳裝修雖然唔係好華麗，但都叫有少少裝飾嘅，用嘅燈呢就比起一般嘅餐廳高格調少少。座位未至於非常豐富，但都保持一定嘅距離可以好開心咁樣傾偈，唔會話非常之嘈吵，令人食得唔愉快。今次我哋兩個人食叫咗一個沙律，一個刺身，一個鑽石頭一個小食同埋兩杯嘢飲。份量非常之足夠我哋都食得好飽。安格斯牛扒他他沙律（黑醋）💛💛💛💛💛沙律望落唔大份，但食落其實都好多。安格斯牛扒都有八九塊 ，所以性價比好高。牛扒處理得好好，唔會好乾身，反而好友牛肉味就咁食已經好好味。配上沙律嘅鮮同埋黑醋汁，成個沙律係為你既晚餐展開左好大嘅食慾。係一個非常好嘅開頭。田樂麵鼓燒日本米茄子💛💛💛💛個茄子本身好鮮甜，配上佢嗰個麵鼓別有一番風味。3點刺身盛💛💛💛💛呢個刺身有三文魚章紅魚甜蝦。每樣都有三片。三文魚係厚切，食落去三文魚嘅魚油都係依然可以感受到，非常新鮮。至於章紅魚就係簿切但味道都非常之鮮

今晚同朋友二人在黃大仙搵食，見到一間日式的餐廳的menu異常多選擇，所以決定入去試試。朋友先黎一杯宇冶金時（抹茶），而我選了檸檬藍柑梳打（好大杯😘），一邊飲一邊睇下食麥先。由於sushi實在太多選擇，所以決定叫左個大盛刺身當，貪佢有多款式的刺身🥰，好鮮呀，由其是牡丹蝦，又鮮又大隻，海膽又無得頂。之後來個溫泉玉子牛油果凱撒沙律，攪拌溫泉蛋先食，一流。再order左一個炸雞白咖哩烏冬，這個菜色我都係第一次食，幾特別，表面是白色的cream,但底下是熱辣辣的咖哩烏冬👍🏻👍🏻，新奇的食法令人食慾大增，而且食得好開心，再來個脆脆三文魚皮燒，超脆口之餘又係香口食品，真係無得輸，超滿足的一餐😋😋

上次係沙田食過，都知呢間日式餐廳在水準之上，所以去唔到日本，就心思思想再黎食估唔到係疫情下都仲有咁多人排隊食，可想而知深受街坊歡迎👏🏻👏🏻自己寫底食物的號碼，再比店員落單入到去座底就發現全部都無得搭枱，確保食客之間有一定的距離就算係咁，由我到達再離開，入座率都高達9成，所以正常情況下，晚飯時間應該要等一下先有位電擊雞翼配薯條 + 宇治抹茶芭菲 $72雞翼係凍食的，甜甜地，好香口薯條望落去好一般，但原來食落口會令人食過不停4點刺身盛 $178 四款都仲好新鮮三文魚～ 肥美鮮䲞魚～幾彈牙，比我想像中好食海膽 ～ 濃味，唔臭，新鮮珍寶赤蝦 ～ 爽口彈牙鮮活鯛魚片配鯛魚湯泡飯 $108中間綠色果扎原來係菜心加湯後等D飯吸收一下魚湯先再食，唔夠可以叫店員再加湯我只可以講：從未食過咁好食的湯飯一D腥味都無，仲食到魚的鮮甜十萬個安格斯牛扒他他沙律 配 黑醋汁 $78好食😋牛扒唔會過熟，沙律入面的粟米粒超甜牛油果芒果三文魚pancake $48薄薄的pancake皮配合下，出奇地好味喎芒果少少甜，所以野夾埋一齊口感好好蒜蓉/芝士燒日本廣島蠔 $48味道係好，但太細隻喇所以唔係咁抵食甜品登場 宇治抹茶芭

自己本身好鍾意食日本菜🤪而今日就同朋友嚟咗黃大仙一間和氣食堂到食日本菜食熱食之前我哋都叫咗少少刺身同卷物開下胃。我哋叫咗啲生虎蝦同白身魚刺身，兩種刺身都好新鮮係完全食唔到任何腥味，融雪方面都做得好好唔會話食到有少少冰塊硬梆梆嘅質感。除左刺身之外我哋都叫咗雙重芝士鰻魚卷，有鰻魚之外，卷物入邊有一舊青瓜玉子同兩種芝士係入面，食落去口感豐富好野味！青瓜清爽咁令到兩種芝士嘅油膩感中和返，配搭得好適當。到熱食方面啦，我哋叫咗個鯛魚湯泡飯，係個飯上菜嘅時候，我哋見到啲魚片係仲生生地咁嘅，之後當好熱嘅鯛魚湯到咗落去個飯面嘅時候，啲魚片開始慢慢地整熟，而啲鯛魚湯都慢慢地比啲飯吸收，最後飯嘅質地變到軟綿綿好似粥咁，非常之入味。最後點少得甜品呢！我哋就叫咗個宇治抹茶芭菲，抹茶雪糕偏甜，唔會話有種好苦澀嘅味道，識落好軟綿綿咁樣，口感都好豐富！

我今日同朋友去黃大仙拜神、祈福、兼求支簽，聽完解籤人解簽都差唔多六點，甘就同朋友去附近搵食，行去黃大仙中心睇下，見到間日本餐廳都好似幾好，一於去試吓我地點左：1. 香芒燻鴨胸沙律朋友想食清清地，但我又中意濃味食物，所以就點左呢款沙律，沙律菜可以中和到煙燻鴨胸嘅濃口味，再配上黑醋汁，非常開胃👍🏻2. 電擊雞翼配炸薯條 我地睇餐牌時，都好好奇究竟咩係電擊雞翼呢，所以係好奇心驅使之下我哋就點左呢個小食，原來電擊雞翼就係雞翼開半，再用蜜糖芝麻煮成嘅，再配熱辣辣新鮮炸起嘅薯條，好快就俾我哋食晒3. 四點刺身盛A 呢款刺身拼盤有蝦3隻、三文魚3片、鯛魚12片、生蠔2隻，最適合就係兩個人一齊Share。刺身非常新鮮，而生蠔有海水味之餘，一點醒味都無，讚👍🏻4. 大阪豬扒丼 呢個豬扒丼上菜時，大家都好震撼，因為佢有一座日本椰菜山系飯上面，名副其實嘅食菜都飽🤣 吉列豬扒配上嫩滑嘅蛋液，真係好食5. 宇治抹茶芭菲 呢個雪糕好eyes-catching, 大家睇下有幾多components，個抹茶雪糕香抹茶之餘，又唔會話過濃到苦。Teatime口痕都可以去食返杯雪糕

好耐冇食過日本野，就同朋友嚟到呢間位於黃大仙嘅日本餐廳。我哋大概六點幾到，客人已經幾乎坐滿餐廳。餐廳嘅裝飾都好日系，連餐牌都行漫畫風。由於我哋兩個有啲餓，叫下叫下都叫咗唔少嘢食。香芒燻鴨胸沙律（$68）啲鴨胸好大舊好厚身，廚師將肉十字𠝹開後再燒，口感好特別。再加埋黑醋同沙律菜，好fresh嘅感覺！白咖哩烏冬（$88）開頭望到以為白泡呢層純粹喺蛋白，但係食落有少少薯蓉嘅味道同感覺，撈埋少辣日式咖喱汁好有層次感，將附送嘅炸雞沾上白泡又係另一番感覺，好飽肚！三文魚5味（$78）以三文魚壽司為底，5味包括海膽、牛油果、三文魚、咖哩鹽同芝士，咖哩鹽同芝士下面喺炙燒過嘅三文魚壽司。個人覺得咖哩鹽三文魚壽司幾特別，咸咸地配炭燒味食落唔會太膩。照燒魷魚筒（$85）切得好整齊嘅魷魚筒，新鮮厚身嘅魷魚配埋甜甜地嘅照燒汁，雖然燒過但唔會好乾身，仲有紅蘿蔔花點綴！千迴火鳥（$38）開頭見到名字未必知道係咩嚟，但係其實火鳥即係雞全翼，記住要趁熱食，配埋檸檬汁一流！嶡餅白玉宇治抹茶雪糕（$48）抹茶雪糕味道非常濃郁，好重抹茶味，再配埋味道較淡嘅芋圓同較濃嘅綠茶嶡餅，係一份好balance嘅甜品，好適合鍾意食抹茶味

好耐無食過日本野啦，呢排肺炎，好少岀街，都唔係好敢食生冷野，怕唔衛生。不過朋友帶我黎嘅呢間和氣食堂就比到信心我，因為門口已經擺左消毒劑，而且每個店員都戴上口罩，衛生情況有保證。講返d野食先，最欣賞嘅當然就係個盆刺生啦，日本料理嘅刺生新唔新鮮，最能夠反映到餐廳嘅質素，所以有好刺生嘅舖頭，通常都唔會差得去邊。和氣食堂嘅刺生無一樣係唔岀色，所以大可以放心叫menu其他嘅菜色，一定唔會中伏！而第二樣想讚嘅就係個魚粥，味道清布不淡，每口粥都吸入左魚肉嘅鮮味，就算唔加餐廳配備嘅米焦蔥花，食落都好滿足，加埋口感又再豐富左，令人回味無窮。串燒方面，因為唔係飲酒，所以都無叫太多。主要都係叫左燒三文魚同大蔥雞呢d熱門野。都幾好。總體黎講，市區高質日本野，should go list！

男朋友生日帶佢食好西尼間開係黃大仙中心既餐廳我留意左好耐次次都好多人幫襯睇番個menu又唔算貴但食身品項就好豐富丼飯 拉麵 刺身 壽司 唐揚 烏冬 串燒 芭菲數得出既日本料理佢都有齊咁齋簡直係一個餐廳滿足你n個願望啊既然佢咁多菜式 又難得男朋友生日梗係樣樣都order啲尼試試佢首先就嗌左個溫泉蛋牛油果沙律都幾多人推薦 啲菜好新鮮唔苦同蛋漿撈埋簡直ichiban啦之後嗌左個魚生丼 白咖哩烏冬做主食外加芝士玉子燒 同 軟殼蟹加洲卷魚生超豐富 亦好新鮮 最正係油甘魚油脂豐富又唔腥 海膽都相當甘甜白咖哩烏冬賣相超有gimmick白色既泡泡好似棉花糖咁其實係打發左既忌廉 撈勻底下既咖哩又香又彈牙 跟餐既唐揚雞都炸得唔錯我最中意就係玉子燒同加洲卷玉子燒大大份 調味岩岩好 鮮甜嫩滑加洲卷入面既軟殼蟹好酥脆 又夠曬份量正啊飲品方面我地嗌左紫薯鮮奶同青蘋果檸檬梳打味道不過不失 但造型架勢食到超飽 都係人均200幾蚊整體好滿意～～

我人生最愛就係食日本野，之前係沙田食過和氣食堂一直念念不忘，今次拉埋係九龍灣番工既朋友黎到黃大仙分店再encore，食物水準依舊 真係平價兼好食平時好驚食熱氣野所以唔敢叫炸野，但今次店員極力推薦呢個電擊雞翼，個名咁得意就儘管試一試 ；結果非常驚喜，事關蜜糖味好入味，好似韓國炸雞，不過感覺冇咁熱氣，可以放心食多隻 壽司都相當唔錯，食得出原材料好新鮮，特別係帆立貝，我同朋友食完都念念不忘；另外海膽拖羅蝦戀都好正，必試 ！成餐飯又點可以冇菜呢，我地點左另一個店員話受歡迎既牛扒他他沙律，咁就夠哂健康啦千回火鳥3隻，唔係話唔好食不過比起其他野就冇咁出色另一驚喜之作，朋友一向中意食魚，今次叫左鯛魚湯泡飯($108) 店員會慢慢將湯倒落去鯛魚度，夠哂熱辣辣，而鮮甜魚湯送飯真係食多兩碗都冇問題 之不過我地最最最期待既一定係舖頭招牌甜品宇治抹茶芭菲（$72），因為之前睇其他人食評時已經覺得好好食咁！結果。。。比想像中仲要高水準，其實蕨餅，綠茶雪糕加脆粒呢個組合好完美冇得輸，而且插係旁邊既蛋捲竟然係芝士味，雪糕本身奶味好重，所以唔會太苦  要左咁多高質日本野埋單都唔使五百，絕對可以再encore！

住黃大仙既朋友一定識既日本料理餐廳，勝在性價比好高，就算疫情期間都可以全場滿座，仲要等位tim，可想而知佢有幾好食安格斯牛排他他沙律 $78(美味指數: 😋😋😋😋)唔好見佢好似黑蚊蚊甘🤪，上面係黑醋汁，酸酸地好開胃。而牛排他他係半生熟既牛肉😊，好嫩滑3點刺身盛 $118(美味指數: 😋😋😋😋)三文魚好厚身，鮮甜肥美，甜蝦新鮮彈身大阪豬扒丼 $85(美味指數: 😋😋😋😋)豬扒飯好有份量，一上枱已經聞到好香既木魚香味😍，飯上面鋪滿清爽既椰菜絲，燒汁、沙律醬同蛋汁混合埋一齊，撈飯好正🥰。豬扒厚身肉質軟實牛油果芒果三文魚班戟 $48(美味指數: 😋😋😋😋)未見過班戟皮做壽司👍班戟皮有淡淡蛋香，包住牛油果、芒果同三文魚宇治抹茶芭菲 $55(美味指數: 😋😋😋😋)抹茶雪糕好香濃順滑😆，配搭埋煙煙韌韌既小丸子同粉粉嫩嫩既糯米糍。底下仲有紅豆蓉同脆片😋整體食物質素：4 / 5💰性價比：4 / 5👍推薦指數：4 / 5

第一次黎呢間野,叫左個主食,櫻花蝦大蝦帶子鯛魚湯飯,有好多櫻花蝦蝦米,兩隻大蝦,一粒燒得焦香既帶子,同好多健康既菜。鯛魚湯底好濃,所以呢個飯既味道好豐富,有層次。叫左幾個串燒,有三文魚串,三文魚燒到好香,見到一層層魚肉,仲有D蔬菜梅花間竹咁,好味!個土雞串既汁正!亦都有菜,汁既味似炭燒雞,好味!仲叫左串炭燒和牛,好高級咁,口感好,要高質既和牛先有呢個口感。飲品叫左杯得意既野,係藍柑白桃梳打,意大利製,藍色好有海洋既感覺,打卡一流。白桃味好開胃! GOOD!呢度有唔同類型既食物,有串燒,甜品,刺身,主食,壽司,種類多,味道都好,日本野黎講唔特別貴。店裡有勁多得意既FIGURE,環境令人好開心呀!

本來諗住應該唔大，點知勁大份！味道仲好好食！d豬頸肉多到不得了！金菇肥牛卷好好食！！好推介！真係好底食！最抵食嘅地方係佢無限添加小食！如果唔夠飽真係可以叫小食食到飽！又大份！絕對適合比較大食既人！

屋企附近既商場有一間日式既餐廳，以日本菜黎講，價錢好抵，所以我同屋企人間唔中都會黎呢度食飯，次次都幾多人。我地今次點左好多野食啊！首先，我地點左個鯛魚湯泡飯，上菜時，鯛魚刺身放喺飯上面，侍應再將熱湯倒入石鍋碗入面，等熱力煮熟左啲鯛魚，同時又唔會過熟，肉質嫩滑！清甜既湯泡飯都好正啊！我地亦都點左個黑松露凍蕃茄沙律，呢個沙律好新鮮，蕃茄上面有黑松露醬，好吸引。另外，仲點左牛油果芒果三文魚班㦸，呢個班㦸入面有齊三樣咁好食既野，層次豐富，正！燒物方面，呢個照燒魷魚筒燒得好香同惹味！主食仲點多仲個手打稻庭冷烏冬，幼幼既烏冬好彈牙，配埋烏冬汁一齊食真係好好味。最後，呢個甜品亦都係高水準之作，宇治抹茶阿法奇朵既濃郁，雪糕有勁香濃既抹茶味！

之前黎黃大仙見到這間和氣食堂幾多人排隊, 質素應該好有保證最近少咗人出街，但呢間餐廳都依然好有人氣，唔少人食。門口放左消毒啫喱比食客使用，坐位與坐位之間都有距離, 食得放心雖然是weekday夜晚，下午六點已開始有人吃晚餐，我今晚早點出動，可以有個corner位。地點位置在黃大仙巴士總站，行入黃大仙中心，一直往前走便搵到餐廳。Menu實在太多選擇，所以我哋決定嗌多沙律, 飯, udon, 炸物嘅嘢食share三文魚, 油甘魚, 牡丹蝦新鮮同肥美肉厚 粘粘的口感 由上嘅光澤可以知道fresh 嘅程度, 唔錯火炙左口魚黑松露醬好大舊，所以好飽肚。黑松露鵝肝Scallop 卷份量好大，直頭可以三四個人份最後就食返個正餐，白咖哩烏冬, 第一次吃，烏冬上鋪了厚厚fluffy既白色一層，軟棉棉有薯香味, 拌入咖哩汁更加香滑。烏冬的口感也不錯，外層炸粉脆卜卜唔算厚，食到停吾到口檸檬南柑梳打 特別係檸檬同埋南柑嘅酸味嘅混合加埋有氣泡感, 今晚食左好多澱粉質, 要飲下清涼解膩

今日喺黃大仙呢頭做完嘢，諗住食埋嘢先至返去，見呢個商場都幾多嘢食，就揀咗呢間和氣試吓。一入到去都好闊落，間舖都幾大間咁店舖嘅裝修同配設都好日式，睇得出喺細節位上都幾有心思無諗到一上前菜嘅時候碗沙律原來可以咁大碗，而且好好味。牛油果亦都係大大片咁上，如果可以落多幾塊牛油果就可以再滿足啲啦之後就到主食白咖喱烏冬，一睇個樣已經見到落料好足，有種軟綿綿嘅感覺夾起仲見到啲咖喱！黃黃啡啡嘅就係啲薯仔嘅粉，成碗都好重咖喱味！烏冬亦都好煙韌，呢個滿分💯另外，呢個白咖喱烏冬仲會配上兩塊炸雞🍗，啲炸雞好嫩滑，唔會炸到太老，幾Juicy!!之後仲有呢個鰻魚牛油果班戟🥑！牛油果愛好者表示好鍾意呢個！成個卷落料好足，個卷咁大個但係都捲得好好唔會太易食到散哂。啲鰻魚亦都好出色，食完呢個之後飽腹感大增然後仲有呢個刺身呢，食材好新鮮，啖啖鮮甜，生虎蝦可以見到廚師整得乾乾淨淨先至送上比大家食。另外，仲會送上秘製漿汁㗎最後就梗係唔少得甜品啦。我哋叫咗呢個宇治抺茶芭菲，雪糕嘅抺茶味好濃，真材實料入到嚟食呢間和氣完全無後悔，下次會再嚟食！！