和氣食堂 (黃大仙中心南館)

Open Now

Now Closed

前幾日同男朋友去左黃大仙中心食和氣食堂，之前同男朋友都有去食過，今次又再去食。今次我地就試新嘢，食上次無叫的野食，睇下會唔會有驚喜。我地叫左一碗唔知係咪真係大阪嚟的大阪豬扒飯，定係因為用左大阪特有的方式烹調，仲叫左一個鴨胸香芒沙律，同埋我最愛的牛油果做的三文魚pancake，叫左一杯青蘋果奇異果梳打。首先講下大阪豬扒飯，其實份量都幾大碗，上枱時，椰菜絲好似冧山泥咁高，好誇張，不過其實多菜蔬都係好事，唔知椰菜山係咪就係大阪煮法啦，哈哈，但係呢個豬扒飯幾好味，我係略嫌蛋唔夠，有多啲就perfect池。之後係鴨胸香芒沙律，芒果的甜味ok，唔係個種酸酸芒果，鴨胸同芒果都有6片，65蚊抵唔抵食，見仁見智。我反而覺得佢呢個牛油果三文魚pancake都幾特別，一來我孤陋寡聞，唔知有啲咁的鹹點，哈哈，定佢其實係甜點，二來我真係好鍾意牛油果，不過呢個pancake確實有驚喜，真係好好味，牛油果同三文魚幾夾，加上沙律醬少少酸味中和，唔會太單一，而且表面的蟹籽亦帶來口感，的確唔錯。青蘋果奇異果梳打都OK，都好大杯，因為佢的設計，係好似加多支檸檬汁咁，所以飲極都仲有，都叫抵飲，但就甜左D，同男友兩個飲都飲唔晒

今晚唔想煮飯，所以係附近揾野食，呢間日本野之前食過記得係幾抵食，就一於今晚再去幫襯。我地兩個人，叫左以下呢啲，其實好似叫多左😝，但又全部都想試下。三點刺身盛有三文魚、蝦同另一種魚(唔記得乜魚了)，三個都食得出幾新鮮，同埋厚切大件。黑松露鵝肝什菌石窩飯我不嬲都好鐘意黑松露嗰陣香味，呢個飯夠香夠熱又夠大份，配埋鵝肝係香上加香，加什菌食，又健康又好味。三文魚五味即係有五種不同整法既三文魚壽司，我最鍾意係火炙芝士三文魚🥰芒果三文魚蟹籽沙律想叫個沙律refresh下，男人鐘意食三文魚，所以又叫左個三文魚沙律，超大個，份量好足，沙律都新鮮，抵食！牛油果炸蝦卷最後叫多個卷物，大件同埋個炸蝦仲係好脆，唔會得個油字同𣺉晒。嶡餅白玉培茶雪糕叫埋個甜品，好香茶味，不嬲綠茶控嘅我其實都好鐘意培茶嘅茶香，加埋我最喜既嶡餅😋叫左咁多野先五百幾，今時今日係香港真係唔多地方做到。

呢到都算係街坊級壽司～有好多丼飯/壽司/熱食/甜品個menu睇到我眼都花😂😂我地隨意揀左D壽司 一個燒豚肉飯 同埋一份沙律沙律好大份！蟹籽同料都算多～不過不失啦～都係青瓜做個base.而佢最先上既反而係個熱食既豚肉飯～豚肉份量超多😂😂！一個$80既丼飯大概有7-8件豚肉，都算幾抵食！ 仲要味道都唔差～而佢既壽司都係一樣大大件🍣🍣味道中規中矩。不過都算新鮮同鮮味既。可惜既係佢個飯真係好大舊 食幾件就會好飽個種😂😂

收工同朋友係附近覓食，好耐無食日本野，經過呢間和氣食堂，雖然只係晚上6點半，但係見入面都準備滿座，心諗多人實無死，一於入去試下！太餓了，忍唔住叫咗好多野食🤤首先上枱嘅係呢個三文魚牛油果沙律，配料有沙律菜、青瓜、粟米、蕃茄仔等等，加上醋嚟撈，作為前菜一流，非常開胃👍🏻嚟日本餐廳點可以唔試吓魚生呢，呢碗三色刺身丼正！魚生新鮮，份量足，無得頂👍🏻白咖喱烏冬配上一份炸雞，烏冬面上嘅白色忌廉上放上黑色嘅芝麻作為點綴，清淡純白嘅忌廉底下係濃郁嘅咖哩烏冬，味道上形成強烈對比，非常特別！鐵板牛舌亦令我一試難忘😋呢道嘅牛舌唔同出面嘅串燒牛舌，呢道嘅係肉感牛舌，唔係爽口嗰種，不過就啖啖肉，朋友食到lam lam脷😋凍嘅電擊雞翼外面用糖包住，脆脆甜甜，配上熱嘅芝士味薯條，簡直係冰火二重天❄️🔥三文魚皮好香口，做小食配埋啤酒一流！抹茶雪糕茶味非常濃，配料有麻糬、白玉、蕨餅、玉米片，煙煙韌韌，又香脆可口，單單一個甜品就有雙重口感，作為呢餐晚飯嘅結尾，為呢餐晚飯添上一個完美嘅句號☺️

早早就訂位于今晚在黃大仙和氣吃堂和兩位好友聚晚餐，女女推介的，話好味新鮮之余價錢亦是合理平民化，今晚一于試試它有幾好味餐廳內企理乾淨，座位寬敞，原來有甘多選擇美食，我地亦豪爽點了不少，因價錢抵食道先來個火焰左口魚邊牛油果沙律，超新羅馬生菜配上左口魚邊鮮味爽脆，加上牛油果沙律醬好醒胃！人氣爆燈的厚燒鰻魚牛油果卷果然無介紹錯，鰻魚的厚度有返上下足料肥美，淡淡鰻魚牛油果好好味，好友都話好味還有熱辣辣盛上的日本清酒石鍋煮蜆，賣相已經好吸引，蜆肉鮮甜爽滑還有清洒配合更突顯它的鮮味，最后連湯都清曬不得不贊的黃金海膽炒飯，份量十足，海膽是上乘的，鮮味十足，飯粒爽身金香配上海膽惹味誘人推介推介👍芝士厚燒王子亦做得不錯千回火鳥做得好出色，皮燒得外脆肉嫩，最後甜品是糯米紅豆培茶牛奶香糕和雪餅白玉培茶牛奶雪糕，十分之特選美味雪糕🍦好好味和滿足，今晚我地吃得好開心，拍下許多美食和好友開心時刻

行行吓街好想食日本野，黃大仙中心都有唔少日本餐廳，個人就唔係太鍾意連鎖嗰間元X壽司，見到和氣入邊都高朋滿座，仲有唔少人等添，心想排隊餐廳應該都唔會太伏，所以就試吓啦！大概等左10分鐘左右，就順利入座。餐廳差唔多坐左九成人，侍應都好忙碌。下午茶時段都有好多選擇，有壽司、拉麵、 飯，仲有一啲追加選項，可以單叫一啲小食同壽司，啱晒一啲人少但係又想食多啲唔同款式壽司嘅客人😆😆💕凍奶茶 熱柚子蜜跟餐叫咗兩杯飲品，凍飲加$3，仲有一啲特色飲品例如梳打。💕下午茶壽司烏冬餐$48 有六舊壽司仲配上一碗熱湯烏冬，真係好抵！啲壽司仲要大大嚿，超多蟹子（冇影到烏冬，味道都唔錯）💕灼燒三文魚蟹柳魚生飯 $49因為呢個係下午茶之選，所以比較細碗（見到隔離枱叫午餐既魚生飯都大碗，見到餐牌大約貴十幾蚊左右）不過下午茶來講，細細碗啱啱好啦，加上魚生同蟹柳都各兩件🤣🤣好正！💕追加之選：三文魚刺身、炸蝦壽司、炸薯角呢三款都係追加嘅食品，大概一款$10左右，出奇地出色。三文魚刺身都好厚身，10幾蚊來講有兩件大大件三文魚抵過隔離元X壽司多多聲啦！👍🏻之前食過好多炸蝦壽司入邊嘅蝦已經淋晒，炸蝦壽司入邊嘅蝦係脆嘅！係脆嘅！係脆嘅

lunch 定食 睇menu唔覺得好多 但原來超級豐富!!!第一個定食係試和氣特盛定食($138) 另一個係雜錦刺身定食($92)呢兩個定食都有跟飲品同前菜 日式蒸蛋除左蛋仲有少少其他配料eg冬菇滑得嚟咸咸地和氣特盛定食除左個蒸蛋仲有1)細黑豚腩燒丼呢個丼好似都係呢間野嘅招牌雖然係細丼 但黑豚腩嘅份量都好多 少嘅係飯 黑豚腩有少少脂肪 上面淋有燒汁 同飯一齊食 正!!另外仲有個2)軟殼蟹沙律成隻軟殼蟹炸左 夠脆可以全部食哂 最後係3)壽司 有6件唔同款 不過不失至於雜錦刺身定食有1)揚物 係炸雞 少少地 有3件做side dish 多汁，唔會炸到乾哂2)沙律軟殼蟹卷3件 滿滿嘅蟹籽係外層 入面包蔬菜同軟殼蟹 上面再加沙律 味道層次豐富~~3)日式木魚湯烏冬 個湯底濃濃木魚味 烏冬唔知係咪讚歧 但都係好滑同彈牙4)刺身壽司 都係不過不失2個定食真係太多 食到勁飽 大滿足~

朋友家住黃大仙，趁朋友新居入伙，順道幫襯下黃大仙區既餐廳. 今晚朋友帶我地去呢間區內人氣日本菜，位於黃大仙中心南館，佢話佢自己經常光顧幫襯，因為覺得餐牌提供既食物款式多又新，而且價錢亦唔算太貴，亦可先行用手機app拎定飛先，免卻在店外等得太耐雖然今晚是平日，但係我地6:45到餐廳，已經有八，九成入座啦，好彩等左一陣就有位一坐低急不及待翻開menu, 嘩😲真係好多好多選擇呀!先order兩杯野飲先宇治金時，即好似緑茶紅豆冰熱紫薯鮮奶，好香好滑火焰左口魚邊牛油果沙律，左口魚好鮮甜好滑，牛油果夠新鮮，配上黑松露醬，必食推介😋👍🏻👍🏻👍🏻千回火鳥，即燒雞翼珍寶赤蝦海鮮丼，刺身夠新鮮櫻花蝦鯛魚湯泡飯，記得趁熱食呀，如果唔係D湯會俾個熱鍋蒸發曬呀啦😆我地就係冇趁熱食，好彩侍應生再幫我加D魚湯金蒜燒日本米茄子

今日嚟黃大仙接個朋友放工就喺呢個商場附近食嘢我哋好早嚟到餐廳都未我們但係好快發咗一陣就坐緊曬原來咁多人食呢間餐廳我哋叫咗一個刺身三點盛 一份雞翼 味噌燒茄子 一個大陂豬肉丼 兩個甜品同埋兩杯飲品刺身三點盛有三文魚章紅魚同埋甜品 算新鮮唔錯 一客兩隻芝麻雞翼 熱辣辣咁 夠脆口味噌茄子 有味噌濃香配淡味茄子 燒完多左重香味 好食個大阪豬肉丼一上枱就嚇親我哋竟然真係同幅圖一樣咁高 啲大阪豬肉好嫩好好味 上面嘅椰菜同埋飯都好多兩個甜品分別係一個抹茶雪糕配厥餅同埋牛油果芒果三文魚班戟抹茶雪糕非常之濃嘅綠茶味 厥餅同埋其他配料好味道 特別令我哋有驚喜係個班戟 估唔到牛油果配芒果加三文魚做甜品可以咁好味 甜甜地又有三文魚嘅爽口 班戟皮夠軟 估唔到個配搭咁唔錯

今次唔評食物，只想講前線員工真係會影響客人對餐廳嘅觀感事緣嗰次去食飯下晝時間嚟，下午茶啲時間入去叫完嘢食等等了又等，等咗好耐都未有嘢食正常一定係向侍應問吓催吓落單係個女人嚟，問返佢就話睇睇之後就無理我哋隔離枱遲過我哋叫，但仲快嚟過我哋再問另一個侍應，佢一check之下話根本未落單呢吓已經嬲嬲哋之後聽到原本幫我哋落單嗰個女人話唔係佢幫我哋落單聽到真係好嬲，開頭同我哋講嘢嗰個莫非係鬼嚟？之後第二個女人幫我哋再落單都等咗一段時間先上枱等咗9個字先有得食前線員工真係會確確切切影響觀感有一個員工服務差(相嗰個)，我真係要blacklist佢！

今日因為開會嚟到黃大仙, 好想食日本野, 係門口見到餐牌厚厚的, 平日8點餐廳入面坐無虛席安格斯牛扒他他沙律, salad有成十幾舊牛肉 白身魚新鮮同有光澤, 質素唔錯鰂魚湯泡飯個魚湯好香，waiter將半壺湯加入鍋飯中，因石頭鍋好熱, 咋咋聲。飯粒吸收濃湯，仲有三種飯素多重口感。推薦焙茶芭菲糯米糍, 入面仲有煙煙韌韌嘅蕨餅同小丸子配料, 焙茶ice-cream味濃郁又無苦澀焙茶鮮奶同芭菲一樣好濃茶味。餐廳平民既價錢性價比高

【和氣飯堂】正宗日本菜餐廳，位於黃大仙中心，南館地下，乘地鐵交通方便餐廳的環境座位寬尚，陳列出超時空公仔，有時代創新活力色彩，還有牆壁上繪畫可愛裝飾，頗為有特色特別~青蘋果奇異果梳打特 ~清香蘋果味和微酸奇異果加梳打，味道非常配搭好清香又開胃~ 紫薯鲜奶（熱）~紫薯味道濃郁，加入鲜奶，帶出香滑清淡感覺兩款飲品都吾錯👍😋~ 海膽拖羅蝦戀 ~三文鱼包住吞拿鱼蓉/有 醋味壽司飯/ 三文魚面還有晶瑩魚子/新鲜海膽和鲜味甜蝦😋~ 章红鱼海膽花戀 ~醋味壽司飯面，鋪上大大片章紅魚和鮮味嘅海膽😋這兩款有海膽鲜味而有創意壽司直得一試米茄子 😋這茄子做法有點特別，茄子面加上甜味原肉粒麵豉，又吾咸又幾濃味又有咬感吾錯班戟~薄薄的雞蛋班戟內包有 香煎蜜味鰻魚件，厚片 牛油果，蟹柳和蛋，班戟面層加上新鮮魚仔粒，吾錯😋這豬扒丼送上時，有點驚嚇，誤會以為什麼東東? 表面出切幼椰菜絲堆座成雪山，周邊加上醬汁洋葱絲，尖頂佈滿木鱼片，內隱藏著蛋/吉列豬扒件，肉質軟嫩滑帶流出肉汁，還有珍珠飯包底，份量十分足夠爆滿客人等候排隊，平民價錢高質素日本餐廳，相信熟客都吾少😋💪

香芒燻鴨胸沙律（黑醋）都幾大盤下，份量都幾多，個芒果好甜，成個配搭好開胃鰻魚牛油果班戟( 2件 )特個我覺得比較創新，第一次試用班戟包住喱啲野食，覺得幾特別，亦好食。推薦大家試吓！4點刺身盛A 佢就有三文魚刺身3件、甜蝦刺身3件、章紅魚刺身7件同2隻蠔佢有特登配左個蔥花豉油比我地，我覺得不過不失。櫻花蝦鯛魚湯泡飯佢係用個石鍋飯拎到過嚟先再加湯既，之後再有3個調味料比我地加落去。加左個3款調味我覺得口感豐富左好多，有啲脆卜卜 嘅口感。個湯亦絕對唔 係味精湯，應該真係佢哋自己熬出黎。我覺得喱個真係唔錯，推薦推薦～凍焙茶鮮奶 檸檬藍柑梳打兩杯都不過不失，個人比較鍾意檸檬藍柑梳打整體喺黃大仙黎講都算唔錯，價錢算平民，環境都吾錯。個人比較推介鰻魚牛油果班戟同櫻花蝦鯛魚湯泡飯~menu：

休息咗一段時間，來少咗黄大仙，來緊又會多D來喇，先約下黄大仙友聚吓舊，吹吓水，吃吓嘢，10個有9個都話來『和氣飯堂』，於是乎，呢一日就約朋友來，有個溫馨提示畀大家，可以的話早少少來，6點前來就比較鬆動，唔係嘅話，你就諗住要排定隊攞飛等位囉。3點刺身盛定價118蚊，有三文魚刺身，章紅魚刺身，甜蝦刺身，全部極新鮮，味道十足。軍艦5點定價98蚊，分别有蟹膏帆立貝、蟹膏甜蝦、三文魚籽、海膽及香蔥拖羅粒，其中海膽，三文魚籽最得我歡心。日咖喱烏冬定價88蚊，面頭D嘢好白好creamy，咖喱又香濃，係我吃過日式咖哩最好體驗之一。田樂麵豉燒日本茄子定價45蚊，茄子燒到好腍加上少吃的田樂麵豉，真yummy。干回火鳥3隻38蚊，皮够薄够香脆，亦係好食之選，鍾意吃揀多幾隻更加抵吃，5隻收62蚊，8隻收98蚊。最後嗌咗55蚊甜品培茶芭菲，完美的ending.

和氣食堂呢間野全港得兩間分店，之前去過沙田圍食過一試難忘，驚訝咁好食嘅餐廳竟然開得兩間分店啲連鎖垃圾就開到通街都係嬲好食嘅野當然唔介意搭幾個站去呢日約咗FRD子食飯，安排大大張卡位黎，坐得超舒服溫泉玉子牛油果凱撒沙律前菜食下草先，凱撒沙律好食指標:沙律菜新鮮、麵包粒鬆脆 (好多餐廳都係淋架:@) 、適量沙律醬~我宣佈呢個沙律達爆曬標，仲伴有熟透嘅香軟牛油果，蕃茄仔同玉子咁多配料個價錢仲好抵食，痴咗線雙重芝士鰻魚卷見唔見到舊鰻魚大到就黎遮曬舊飯又厚肉又新鮮，仲炙燒咗芝士喺面溶溶下鰻魚香，芝士軟滑混合軟糯壽司飯同爽脆青瓜、玉子味道是有層次的好想試埋其他款壽司!!電擊雞翼&炸薯條FRD子以前食過呢個，同我講話個雞翼係唯一覺得有待改善嘅食物我話想食薯條就任性地點咗，順便試下是咪真伏薯條真係最愛，芝士粉+唔會炸到過份油膩的薯條，食唔停至於雞翼，佢係凍盤黎嘅，味道無想像中伏，但就唔多似雞翼味，更似係中式嗰啲汁燒豬肋骨條咁美國安格斯牛肉鍋永遠食日式野，幾飽都好都會啪到多個鍋物因為個甜豉油湯底實在太好食!!而呢個更加係高一層次，因為佢安格斯牛係真材實料大大塊，入口超嫩，牛味香濃，一食就知同出面啲垃圾有