和氣食堂 (黃大仙中心南館)

Open Now

Now Closed

今日同老公帶埋仔仔去左黃大仙買啲野發現黃大仙開左好多食肆咁岩我同老公都想食日本野係門口睇左個menu覺得唔錯就揀左呢間😃原來之前試過佢喺沙田另一間分店感覺唔錯，所以決定食呢間。天氣凍凍地，見到餐廳呢期期間限定呢個喎，覺得好吸引於是就叫左黎試吓啦。雞肉豬肉牛肉福袋菇粟米，仲有好多好多菜，睇落真係勁豐富。一路烚下烚下一路食真係好正👍🏻😆三文魚芝士牛油果卷，芝士味勁濃，食落啲味好夾外面啲芝麻好香👍🏻安格斯牛扒沙律，又怕好嫩，同個汁啲味好夾。如果啲汁多啲會更好，可以撈埋啲菜食🙈額外叫咗三個小食，金蒜燒日本米茄子、鐵板煎牛舌、照燒魷魚筒。除咗茄子啲蒜略嫌多咗啲之外，整體味道都唔錯。手打到庭冷烏冬，好特別有粒生嘅鵪春蛋。不過我唔識生蛋，老公好醒咁將佢放左落個火鍋度煮熟😃糯米糍紅豆牛奶雪糕，我好鍾意食嘅糯米糍所以一定要叫返個有糯米糍嘅甜品 🍮估唔到啲雪糕有好龍嘅牛奶味，紅豆都煮得好淋。好討好好啱女仔食💓

第一次去黃大仙搵朋友食飯，佢住附近實知邊度有好野食啦！一出地鐵站隔離個商場就有好多餐廳，應該都係做街坊生意。呢間和氣食堂平日夜晚七點半已經有幾個人喺門口等位，應該都係幾受歡迎！我嗌左一個白咖喱烏冬，睇相好似幾得意！白色泡泡係唔熱嘅，以為係醬汁會好heavy，點知又唔係喎! 入面咖哩烏冬熱辣辣，好味！👍🏻打開餐牌見到好多卷物，一於嗌一個試吓！揀左黑松露鵝肝帆立貝卷，非常香濃嘅黑松露味😍😍😍鍾意食黑松露一定要嗌！！但好老實，飯既口感麻麻哋，食唔到鵝肝味！廣島蠔寄世鍋，蠔好新鮮，三文魚都好好味！仲有蜆、蝦、菜同豆腐等等熱食既好選擇！餐牌裏面仲有一頁好吸引我，就係綠茶雪糕，梗係要食一杯先圓滿啦！🍦🍦🍦

今日放工要去黃大仙買啲嘢行到咁上下喺黃大仙中心見到呢間日本野都未夠七點已經好多人食緊多人食嘅嘢就一定冇伏所以就入咗去試吓啦一打開個Menu哇勁多選擇又有刺身又有壽司又有魚生飯又有邊爐甚至甜品都有好多款啱晒啲心大心細嘅人呢個麻辣鍋係期間限定但係因為我哋都唔食得辣 所以就冇嗌lu淨係魚生飯都有成七八款甜品menu ar~~~因為我同我老公都係黑松露嘅fans所以就叫咗黑松露香芒甜蝦卷同埋黑松露番茄沙律一個字 正呢個係海膽冷竹炭麵 夠晒健康啲海膽亦都好新鮮廣島蠔寄世鍋D蠔非常肥美 仲有其他海鮮呢個我都幾推介最後整多個咖啡雪糕 熱辣辣嘅咖啡淋落凍冰冰嘅雪糕度非常好味食到咁飽都只係四百零蚊兩個人 真係算係唔錯嘅日本嘢

呢間野自從上次黎過之後已經念念不忘今次難得再去黃大仙梗係不二之選啦==============================呢一期竟然做我女友至愛既味增點可以唔試呢?4點刺身盛B食日本野又點可以冇刺身呢呢到既刺身真係樣樣都好新鮮而且每件都好厚切口感一流特別推介海膽刺身少少咸香，仲有好新鮮既海膽味，仲完全冇腥味，夠晒新鮮而蝦亦都極勁推介好爽口彈牙，最重要係夠晒大隻，口感一流赤味增麻辣鍋然後就係我女友最期待既味增鍋啦個鍋上台已經聞到好香既味增味而雖然佢係話麻辣但食開辣既我就覺得辣度岩岩好得黎唔算太辣食到麻、辣、香之餘又唔會因為太辣而遮左食物本身既味道而佢既火鍋料可以話係非常之足料唔好以為得面頭呢Ｄ入面仲內有乾坤除左面頭既豬牛雞，冬菇同菜之外下面其實仲有Ｄ日式粉絲、金菇同福袋真係超抵食牛肉見到好靚既鮮肉紅色而且脂肪分佈都幾平均最重要係食落牛味好香濃豬肉係黑豚肉黎令佢有好香既油脂味但又唔會有豬騷味嫩滑既雞肉，令人一食再食冇吹水架除冬菇同菜之外下面仲有金菇等等唔同既料架真係夠晒足料黑松露鵝肝帆立貝卷黑松露好香帆立貝夠晒鮮味鵝肝又大舊又香一啖食晒成舊一個字：滿足千回火鳥燒雞翼～我鍾意食～不得不讚

平日都好少去黃大仙，咁啱有朋友近黎搬左去黃大仙，housewarming 後就喺附近㨂間餐廳食晚飯，朋友一向都好識食，佢推介呢間和氣，大家當然冇異議，一眾人浩浩盪盪咁入去。店內裝修好有特色風味，而且服務員好有禮貌，亦都可介紹好多不同菜式俾我哋，我哋揀咗以下幾款：蒜香/芝士焗蠔本身不是好喜歡食蠔，因為怕腥，但係呢個焗蠔一啲都唔腥，而且蠔味好香，又熱辣辣，仲有兩款口味，任君選擇，正鰻魚壽司嘩~~~好香鰻魚香氣，而且大大件，每粒飯粒粒鮮明，鰻魚好鮮好香，加埋蟹籽，又有口感味道又夾，一流！燒原隻魷魚魷魚筒好新鮮，亦都好彈牙，燒到啱啱好，外層好香口，而最好味就係個醬汁，能夠提升魷魚筒嘅鮮味，令整個菜色更為出色牛肉壽喜燒牛肉係肥牛，質素與一般肥牛差不多，其他配料有豆腐，都好滑，仲有娃娃菜，好索湯底，仲有粉絲，吸收整個鍋的精華，又有口感，不錯餐廳食物整體質素非常高，而且服務很好，店員效率高，又有禮貌，環境又好舒服，非常推介，一定要再去！

今晚同呀媽岀街食，近近地就去和氣食堂。之前食過一次，覺得多選擇，好想再去。今次七點半到多，都幾多人等位，好彩我地等左5分鐘就入得。間野好爆好多人，有地叫左安格斯牛扒他他黑醋沙律，啲牛好味，之後仲有黑松露香芒甜蝦卷。好香黑松露味，蝦好鮮甜主食見到有個新野係櫻花蝦鯛魚湯泡飯，個湯係另上既，一淋上去就听到咋咋聲，先飲啖湯，仲以為係好味精，點知好有驚喜，真係有鮮魚味，好鮮甜，值得推介！入面仲有帶子同波菜，真係好好味，食完暖立立。我地仲叫左個小食魷魚筒，食落唔會好乾，肉質適中，加埋個汁一流！仲要價錢唔貴！最後叫埋個甜品作結！決餅白玉綠茶雪糕，真係好似日本食既，唔會好甜但好夠綠茶味，好正，加埋白玉，好煙un!成餐飯都係4xx，真係好抵食既日本野！

最中意食三文魚親子丼平時食個d就算過百蚊碗通常比好少三文魚子 我見呢間平平地$78碗都無話抱太大期望但黎到又估佢唔到喎！圖文不符喎！拿你睇下張圖明明係三文魚佔太多數黎到究竟係三文魚子估大多數！！食落三文魚子仲要鮮甜！！魚生份量真係好多！！平時食丼要好好分配d魚生費事食到最後得番d飯但我下次再食呢碗我真係要好好分配d飯！！因為我食到最後係仲有三文魚同三文魚子剩太過分喇！！抵食得太過分喇！！！！！！！！仲要可以用app拎位雖然要等但係可以行住等去附近買下零食呀咁樣好方便 又抵食

平日晚餐去食的, 大約7:00. 都坐滿, 不過未至於要等位. 叫咗個魚生飯. 大約100蚊. 成個飯唔喺好多. 男仔應該食唔飽. 魚生感覺都ok lah, 普普通通. 只喺價錢有少少唔值, 都唔飽. 侍應好足夠, 上菜又快. 另一個好處喺任坐, 坐得都舒服. 食完飯都仲可以吹好耐水. 餐牌choices都幾多. 有魚生飯, 咖喱飯, 又有火鍋, 冷麵同烏冬. 如果對食物要求無話好高, 純粹想一大班人食餐飯, 吹下水, 都算喺一個唔錯既地方. 起碼超近黃大仙地鐵站.

尋晚去黃大仙探完朋友， 就落去附近商場行下， 行行下又肚餓， 所以就揀咗呢間餐廳嚟醫肚。芝士厚燒玉子賣相相當吸引，蛋配上芝士就更加惹味，蛋香又滑，不能錯過。壽喜湯火鍋， 火鍋用料豐富， 除咗有牛肉之外，仲有豚肉同雞肉，亦有大量蔬菜， 好似金菇、娃娃菜、冬菇等等。 火鍋湯底偏甜， 非常啱我口味， 煮滾後牛肉同雞肉令我食起黎更覺口感肉質彈牙。厚燒鰻魚牛油果卷，鰻魚超級肥美，汁燒後更香，加上鰻魚汁，非常入味，仲有裡面既牛油果同壽司飯味道相當夾，食落一啖過，細細舊易入口。照燒魷魚筒，係有質素的燒物，醬汁非常香濃，魷魚非常新鮮，肉質爽滑正。櫻花蝦鯛魚湯泡飯，上板時滋滋聲，因為加左鯛魚湯，飯味超香，配上櫻花蝦食落完全不同，熱辣辣既泡飯同海蝦撈埋一齊食真係不得了，係冬日必選。最後仲有燒日本廣島蠔，蠔味夠濃郁係我鍾意既味道，每一啖都係蠔香味，加上蒜蓉燒同芝士燒兩種味道，喜愛食蠔朋友不能錯過，肉質夠彈牙既廣島蠔，蒜味味道突出，芝士味夠襯，夠晒暖胃，實屬唔錯。

星期一晚餐廳都好full, 好在等咗唔洗五分鐘，就有位坐。順帶一提，侍應好有笑容同有禮貌。見到餐牌好多選擇，沙律、壽司、刺身、主食等每樣都好多得揀！香芒燻鴨胸沙津（黑醋）沙津舖滿在芒果同鴨胸，個底就係沙律菜。芒果好甜，唔會好酸。鴨胸有煙燻味，但又唔會好燶，面頭在黑醋，酸酸甜甜，一啲都唔漏，好開胃！香芒海膽帆立貝卷一啖食，舊飯唔會一夾就散，口感好豐富石鍋鰻魚炒飯雖然話係炒飯，但一啲都唔油，入面有啲切細的鰻魚。份量十足！兩個人食，每人分到三大碗飯！仲有，佢用石鍋上，食到尾都仲好熱，好啱依家天氣咁凍食。清酒石鍋煮蜆好多蜆。成個石鍋都滿哂！湯底好香清酒味，食完忍唔住個湯都飲多幾啖。個湯仲有少少菜同菇，吸哂啲湯，食落好好味。又到甜品時候，好多選擇，好難揀最終揀咗阿法奇朵affogato 即係咖啡加雪糕。雪糕係云尼拿味，好滑，好有牛奶味，溝埋熱咖啡，甜味中和完，兩者加埋好夾！

朋友之前講過話黃大仙都有間日本野幾高質，仲要價錢唔貴，咁就決定一齊試下。上網睇左openrice，都幾高人氣喎！雖然係平日既晏晝，但店鋪仍然係好旺好多人。☺️一入去就覺得呢間鋪頭一定出品唔錯。同朋友睇完menu, 決定我地一齊叫兩個定食share試，咁可以試多幾款唔同既野食呀。我地叫左個特盛定食$138😍入面包左好多款唔同既野食，包括六件壽司、迷你燒肉飯、軟款蟹沙津、蒸蛋～平時如果係元氣食幾舊壽司可能已經$138🤣🤣真係好抵食仲要壽司質素好好，有我最愛既海膽同三文魚子。😍海膽食落好鮮甜，三文魚子大大粒，但完全唔腥。友人食左個燒左口魚背都話燒得好香～呢個質素同咁既價錢，第二間鋪頭都好難搵到！而我地都叫左個燒牛肉定食，包左牛肉，薯仔沙津，大大碗白飯，同埋芝麻豆腐。牛肉食落好有牛味，又唔會太老，燒得岩岩好，拎黎送飯一流。呢個$70幾蚊既set lunch都好豐富。我同朋友都差d食唔曬，因為兩個餐實在太多野食😍野飲方面，我地叫左個紫薯鮮奶同抹茶鮮奶，兩杯野飲都好香，紫薯味飲落都幾濃，抹茶亦分分鐘比得上大型連鎖咖啡店既出品～大家可以試下☺️總既黎講，呢間店性價比高，壽司同定食出品質素高，值得一試😊😊

今日下午陪呀媽去黃大仙還神，完左之後諗住近近地去格離的黃大仙中心食晚飯，發覺餐廳原來選擇都不少，行下行下見到呢間食日本野有好多人排隊，我地見有時間，就一於排埋一份。軍艦五點（$98），有甜蝦蟹膏、帆立貝蟹膏、三文魚子、海膽及蔥吞拿魚，款款都鮮甜味美。安格斯牛扒他他沙律（$75），安格斯牛肉質嫩滑，沙律配上黑醋汁，十分開胃。四點刺身盛（$168），分別有甜蝦、三文魚、油金魚及生蠔，刺身食得出非常新鮮，生蠔肥美飽滿。牛肉、豚肉及雞肉壽喜鍋（$128），呢個鍋十分之豐富！除咗三種肉類之外，蔬菜及菌類嘅份量也非常多！壽喜燒湯底味道濃郁！千回火鳥（$62），呢個燒雞翼辣辣地，外皮燒得脆口惹味，內裏肉汁鮮嫩，非常好吃！一定要讚呢個魚生飯！有齊海膽、帆立貝及甜蝦，每一款刺身都係我嘅至愛！牛油果軟殼蟹卷蟹膏蟹棒壽司原來佢嘅甜品都非常吸引，選擇很多！我哋最後揀咗呢個糯米糍紅豆特濃抺茶雪糕，食埋呢個甜品真係大滿足！

好少會嚟黃大仙食飯，今次就試下呢間長期排隊嘅日式餐廳啦！裝潢都是充滿日式的感覺，而且晚飯時間已接近爆滿了，果然是黃大仙區之霸先來個頭盤，香茫燻鴨胸沙律。鴨胸非常厚，而且都唔會好乾，鮮有會香茫配鴨胸的，果然是特別的油脂比例平衡嘅鴨胸食落又有口感但又有少少肥，呢個感覺係最好嘅！接著就是厚燒鰻魚牛油果卷。唔好睇佢好似好細咁，一啖一口剛剛好，鰻魚味道可以取代了平時點豉油，而牛油果可以吸收晒鰻魚的味道，所以好正。另一個必食小食就係麵豉燒日本米茄子。茄子味道好濃，平時食過係會好咸的，但呢度又唔會，反而味道剛好。麵豉醬燒過有香香的焦味。串燒的部份點了三文魚椎茸串。三文魚燒過的，沒有很特別，反而中間夾住的應該是菇？口感很像但又吃不出，不過非常好食，因為吸了三文魚油的味，同時也吃到燒過的味。點了一串鹽燒安格斯牛肉串。雖然是鹽燒，但也不會太咸，反而牛肉味道很重，所以很易拌飯。主菜來了，就是鯛魚湯泡飯。賣相非常吸引，而且以鯛魚刺身呈現，之後店員會慢慢倒入魚湯，以熱鍋配上熱湯的力，令魚刺身慢慢半熟，魚肉就會有鮮味，同時唔會過熟。這就是魚的半熟狀態。真係又鮮味而又正呀！不得了。最後當然要一個甜品作結，這是抹茶雪

今晚約咗朋友喺黃大仙食飯，地膽嘅佢介紹咗你食呢間日本野，呢區唔熟就由朋友話事啦大大個推介，轉頭就叫你安格斯牛肉他他沙律，個牛扒燒得恰到好處軍艦5點，$98其實真係好抵，特別有蟹膏同海膽黑豚肩燒丼，燒到勁香口，送飯一流推介出場，份量都幾多喎個湯底非常之好4點刺身盛，特別推介佢個生蠔，勁新鮮呀千回火鳥，好味！呢個壽司飯簡直係超值之選，$130蚊食得到呢個水準仲可以點，啲刺身新鮮到暈，就算系日本閑閑哋都2000幾啦兩個雪糕都好好味呀，配埋啲糯米糍煙煙銀銀，正！

和氣食堂🇯🇵～～～～～～～～～～～～～～～～～～燒黑豚腩丼（$68）唔算好特別，飯有D淋，燒黑豚腩薄切，上面D燒汁同芝麻好香，唔會太咸。壽喜牛肉鍋定食（$78）同幅圖有D出入，牛肉量都算多，側邊仲有紹菜、金菇、冬菇，驚喜嘅係個底仲有粉絲。～～～～～～～～～～～～～～～～～～