和氣食堂 (黃大仙中心南館)

Open Now

Now Closed

話說今日星期日晏晝放工，小妹我又去左食日本野啦事因媽媽去左黄大仙買年貨，所以我就出左去搵佢。今次去左位於G/F 嘅和氣食堂嗌外賣，其實喺directory 見到佢，我無諗過佢價位㗎，淨係丼飯張相吸引左我過去啱啱去到三點幾左右，開始左下午茶，都唔少人排隊。話說下午茶有好多款簡，但係因為小妹我好中意刺身丼，所以我就簡左T22 火炙三文魚蟹棒丼 都係$49 包野飲，正呀拎到翻屋企即刻開餐！ 丼入面有兩條蟹棒同兩塊三文魚，仲有大量飛魚籽。下午茶份量黎講都算多飯量亦都十足。

有一段時間無來黃大仙中心, 今日朋友約我去間性價比高的和氣食堂食日式午餐, 見門面裝修得好明亮整潔, D櫈都坐得很舒適。 細看菜牌有很多選擇且價錢好合理, 點餐後以半價轉了兩杯熱的特飲暖下身子, 紫薯鮮奶同宇治綠茶鮮奶很快便送上, 熱氣騰騰, 顔色又靚, 嚐了口紫薯鮮奶, 紫薯味同鮮奶原來好夾, 紫薯味出口感又滑, 而我杯宇治鮮茶我更喜歡, 綠茶味足而且無草青澀味。兩個套餐先到跟餐的木魚湯烏冬, 料幾足, 我的壽司定食A, 足有9件, 面上刺生好新鮮, 表面泛光, 肉質鮮嫩尤其是油甘魚同劍魚油香流溢, 芝士吉列蝦卷剛炸起鬆脆鮮甜, D壽司飯亦都好軟綿, 整體很好。個燒豬頸肉便當都不遜色, 豬頸肉佈滿飯面, 肉質唔錯不乾, 仲送上兩大件嫩嫩的金菇牛柳巻﹑胡麻醬沙律﹑三件壽司又跟餐飲都是$62,真心好抵。點餐還可以特價加點小食, 無奈已勁飽, 只好作回頭再來的原動力啦。

一家人食飯，黃大仙黎講呢間真係算唔錯！首先冷盤－黑松露凍蕃茄沙律，呢個幾好食，重點除左黑松露之外，凍蕃茄味道幾好。之後叫左5點刺身盛，味道好鮮，好鍾意大蝦同油甘魚另外仲有個 mini 手卷，一口放入口，好味道！呢個鰻魚牛油果卷真心好食，好大舊，一人一兩舊岩岩好，而且個鰻魚好厚！！！日本米茄子幾有特色，平時日本店好少見有呢個菜色，但食落唔錯！來到早食，叫左白咖哩烏東，來到白色一碗，第一眼係傻眼了但當撈雲之後，味道一流，濃濃的餸埋炸雞，夾！另一個主食，叫左櫻花蝦泡飯，賣相好吸引，倒d湯落去，拌飯，很好食。有蝦有帶子！最後甜品，叫左兩個雪糕 share，最愛仍是小丸子糯米糍！呢杯是濃濃的咖啡，好有創意倒落牛奶雪糕，有驚喜！其實我已經黎過食幾次，呢度食物真係唔錯，今次特別叫左d唔同ge食物試下，估唔到仍然有意外驚喜！

夜晚行過黃大仙中心見到(和氣食堂)餐廳門口好多人排隊，咁當然要入去試下啦! 餐廳設計柔和好有氣氛，但最重要就係食物的質素，可以帶動到我們的食慾同驚喜。安格斯牛扒他他沙律（黑醋）$75 將安格斯切成薄片，好有牛味再淋上黑醋，口感好 juicy。黃金海膽炒飯$128 份量十足2個人食差D食唔哂，炒飯炒到每粒金黃色好爽口，再配埋鮮甜甘香的海膽，又唔會令人覺得很膩，仲十分配合。帆立貝黃金燒$58照燒魷魚筒$78，濃味燒汁配上燒魷魚，魷魚有鮮味又煙韌，非常有咬口。黑松露鵝肝帆立貝卷三件$68，甘香的鵝肝包喺壽司入面，鮮甜的帆立貝係上面，仲有黑松露，呢個組合比較新鮮，不錯之選。甜品係白玉牛奶雪糕$40，好香牛奶味，份量都好多。

平時比較少嚟依一區既我，今日去咗黃大仙行街，見到依間日本野就諗起好耐無食，就揀咗依間食dinner。個陣8點幾，都要禁飛排隊，不過好快就有位。佢既食物選擇係超級多，無論係魚生飯、壽司、刺身、小食、吾同類型既丼都有，所以我地揀野食都揀咗好耐。首先嚟既係鰂魚湯泡飯，佢地好細心，會幫我地將熱辣辣既魚湯倒入鐵碗。依個湯飯清清地，好適合我地，因為其他野食都比較濃味，而且佢個湯好魚味，好足料。香芒煙鴨胸沙律，芒果同鴨胸不嬲都好夾，加埋個黑醋真係好醒胃。鐘意食牛既我忍吾住叫咗串燒牛肉，又幾好食喎，燒得岩岩好，吾會太熟，又有牛味。鰻魚牛油果班戟，依個個配搭幾特別，因為未試過班戟皮入面係壽司料，加上個鰻魚都好入味。依個電擊雞翼加芝士炸薯條又係啲好得意既野，個雞翼係凍既，但佢皮係脆既，似係凍咗既糖醬，食落又幾滋味。個薯條都係食完翻尋味，吾覺吾覺會係咁食，因為佢有芝士得嚟又有少少甜。大阪豬扒丼，比佢個外型吸引咗。綠茶芭菲，個雪糕好有綠茶味，而且我係一個綠茶控所以係必叫既。

本身以為黃大仙冇咩好野食，估唔到比我搵到呢間幾好嘅餐廳，餐牌選擇好多，而且好抵！首先，我哋叫咗一個3點刺身盛,意思即係有三種刺身，分別有三文魚、油甘魚、同埋甜蝦，三種都好新鮮！然後我哋叫咗個香芒煙鴨胸沙律，份量好多，而且黑醋汁好開胃，唔錯仲有雙重芝士鰻魚卷三件，鰻魚燒得很香，同芝士係絕配。再有芝士鰻魚鐵板飯，配上咖喱汁，首先鰻魚好大條，咖喱汁係日本嗰種咖喱，甜甜的，微辣，原來同鰻魚都幾夾千回火鳥(三隻)火鳥其實係雞翼，食落都幾滋味，可以加少少檸檬汁落雞翼度先食最後甜品有宇治抹茶芭菲，沒茶味道很香濃，配上小丸子，紅豆和脆脆，正呢間餐廳的確唔錯，下次再嚟試其他嘢食先

之前喺其他地方食過和氣食堂 今日喺黃大仙行過見到 就好想再食多一次 上次都覺得好高質 對呢間餐廳好有信心😎 我地大概六點半坐低 但係舖頭已經差不多七成滿 好彩今日早放工咋😮我地嗌咗以下幾款野食😋安格斯牛扒他他沙律配黑醋 安格斯牛扒半生熟咁都幾好食 沙律有好多粟米 呢個沙律為我地豐富嘅晚餐揭開序幕🤤 海鮮四色丼 我地就係貪佢樣樣有啲 入面有甜蝦 帆立貝 油甘魚 同埋三文魚 甜蝦好大隻 又好鮮甜 帆立貝竟然有四粒😻 飯嘅份量都好多白咖哩烏冬 賣相好特別 好似忌廉烏冬嘅樣貌 但係夾上嚟先見到佢下面係普通咖哩嘅顏色 而面嗰層cream就令到烏冬嘅口感更加順滑 跟烏冬嘅炸雞外脆內軟 幾多肉汁🐥 黑松露鵝肝帆立貝卷 大大隻帆立貝喺個卷物上面 卷喺入面嘅青瓜絲令到個鵝肝唔會好油膩 口感都好豐富😌帆立貝黃金燒 上面有層厚厚嘅芝士 可惜冇影低拉絲嗰一刻😭 入面原來有三隻帆立貝㗎 真係有驚喜🙊宇治抹茶阿法奇朵 小弟見識少 google完先知阿法奇朵係一種意式甜品 傳統係加cappuccino落個雪糕度 不過今次係抹茶口味 所以係將熱抹茶加落抹茶雪糕 令到抹茶味更加濃郁🍵成餐晚飯都好好味 特別鍾意佢個甜品

#和氣食堂黃大仙正德街103號黃大仙中心南館地下G12A號舖-----黎到黃大仙 B仔決定食d平時係港島食唔到ge野～呢間和氣食堂 見佢個名甘和氣 B仔就決定trytry佢啦！😝首先叫左個雜錦刺身丼（$88）刺身種類算唔少 赤海蝦好鮮甜 個玉子好多汁 但係其他野都係普通料 魚子少少偏鹹 海膽仲有少少腥 不過88蚊 同埋款式都多 只能說無特別失望亦無特別驚喜🤷🏻‍♀️食完個凍ge 就食個熱ge黑豚豬肩飯（$78) 啦～豬肩燒得好香 有種碳燒ge味道 唔太油 醬汁亦都好惹味 加埋d蔥碎 撈飯一流～食到悶時仲可以加d泡菜 由日式變韓式 唯一美中不足ge係d飯煮得太濕太淋 做唔到粒粒分明ge感覺～總括黎講 B仔唔會特登黎 but黎開黃大仙的話 呢間都係一間中規中矩 性價比not bad ge選擇~-----B仔整體評價：7/10個👍🏻B仔抵食程度：7/10個👍🏻B仔環境評分：6.5/10個👍🏻B仔味道評分：7/10個👍🏻B仔回頭機會：7/10個👍🏻-----跟住我一齊吞食香港啦！

閒日同朋友黎食晚餐都好多人，成間餐廳都full曬客😱 第一樣介紹既係厚燒鰻魚牛油果卷，鰻魚真係好厚身，牛油果好軟熟，成啖壽司口感好豐富👍🏻👍🏻👍🏻配搭都十分夾😍成日見人地食，我就自己第一次食「白咖哩烏冬」烏冬口感十分彈牙，咖啡味好香濃，加上面層既cream，好特別既食法👍🏻👍🏻而烏冬亦配送兩塊炸雞，啖啖肉，沾上咖啡醬汁及烏冬，好好食👍🏻刺身盛好豐富，所有刺身、蠔、魚生...好鮮甜🥰🥰🥰👍🏻櫻花蝦鯛魚湯泡飯做得十分出色，個人本身唔中意泡飯，但尼個湯底好香，絕對唔似湯飯分離，成個感覺好夾田樂麵豉燒日本米茄子，咸咸地加上肉粒，茄子軟熟，好特別👍🏻讚黑松露凍蕃茄沙律，酸酸地極開胃🤣🤣最後來個「嶡餅白玉牛奶雪糕」做總結☺️雪糕好香濃奶味，加上白玉QQ口感，成餐飯都極豐富食得好開心，四個人大約食左$750，日本菜黎講 性價比好高～

之前已經試過一次食依間和氣食堂上次係咁岩經過覺得幾吸引就入左去試今次係因為上次試完覺得好出色所以再嚟食過同樣地都係同男朋友黎一齊食上次黎既時候係十二月 掛住聖誕裝飾今次黎餐廳已經換左飾物 添上新年氣氛安格斯牛扒他他沙律安格斯牛扒一片片已經切開 牛肉味濃新鮮沙律配上黑醋汁 好味又健康照燒魷魚筒原筒魷魚直上 份量十足魷魚烤得岩岩好 唔會難咬 加上醬汁燒得好香電擊雞翼 炸薯條雞翼一試原來係涼涼地既 整體鬆脆香香既芝麻伴點甜 炸薯條香脆 帶點芝士奶香 微甜 好特別火炙黑松露3點一上枱已經聞到好香既黑松露味帆立貝 新鮮軟綿 鵝肝唔油 煮得好香 入口即溶左口魚入口鬆化 帶著魚香三款都同黑松露好夾 食完好滿足脆脆燒三文魚皮味道有d似平時食既炸魚片但薄好多 脆脆地又香口黑豚肩燒井豚肉燒得好香 有四大片加上燒汁底下放滿洋蔥 洋蔥好甜 配埋飯肉一口食好味道仲包一碟伴碟泡菜芋治抺茶芭菲抺茶味香濃 雪糕綿綿軟滑 口感極佳旁邊仲伴有三款丸子 三種咬感 好「煙銀」底部仲有麥片 紅豆蓉 配搭好豐富

同朋友係黃大仙區行開街，想食日本野又唔想去咁遠，就決定係商場揾下啦😌結果行行下發現左呢間和氣食堂，係沙田圍食過佢嘅分店幾好印像，就決定入去試試佢啦！首先座位光猛且闊落，兩個人坐得好舒服。食物種類亦繁多，同朋友諗左好耐先決定到食咩。首先叫左個沙律，黑醋汁安格斯牛扒他他牛扒煮得全熟但都保持鮮嫩度，配上青瓜，車厘茄，粟米，生菜等蔬菜同黑醋汁感覺清新，作為開胃菜一流！小食叫左帆立貝黃金燒，厚肉帶子鋪滿洋蔥芝士同沙律醬拎去焗出黎好惹味如邪惡，同朋友一人一半都覺得唔夠。然後叫左數樣刺身，甜蝦三文魚肥美鮮甜，最有驚喜係海膽，冇出面食開嘅咁腥，清甜而不膩，夾埋青瓜食更fresh 。主菜就叫左櫻花蝦鯛魚湯泡飯，我同朋友都覺得意料之外咁香濃，店員會付上一壺魚湯等客人自由加落飯上，配菜有大蝦，帶子，菠菜等，亦有數款味素可以自由加上湯飯中調味。最後叫埋甜品宇治抹茶阿法奇朵，將一小杯微熱嘅抹茶倒上抹茶雪糕上面，作為抺茶控嘅我地完全冇殺傷力！特別欣賞抹茶雪糕唔會過甜

今日同友人經過黃大仙，佢話想食日本野，咁岩見到呢間和氣食堂，就入去試試！我個朋友就叫左牛肉壽喜燒定食，睇落都好正下，佢跟餐會送埋一個芝麻豆腐。芝麻豆腐口感幾好，食落幾軟滑，而且雪得夠凍，配上芝麻醬味道一流😁。而牛肉壽喜燒份量都算幾多，牛肉大大片，食落唔係劣質肥牛，脂肪同肉比例岩岩好，抵讚😄壽喜燒湯汁甜甜地，配飯食好開胃💕最後朋友都同我share食左，哈哈。而壽喜燒精華係隻蛋，甜醬油加蛋係最完美既配搭💕呢度壽喜燒出品唔錯，建議大家黎試下！我叫咗個和氣極強定食，成個套餐好豐富，有六件壽司，黑豚腩飯，紫薯鮮奶，仲有沙律配蒸蛋。個六件壽司嘅食材都算高檔，有海膽，牡丹蝦，鮮魚子，鮮帶子，油甘魚同燒左口魚，都好新鮮好鮮甜，壽司飯又唔會好硬，一齊食好夾，更突出食材嘅新鮮。😍😍我自己就鐘意鮮魚字壽司，鹹鮮味十足，融入曬飯到，食落去好貴滿足。另外個黑豚肉飯都好正，肥瘦剛剛好，黑豚肉獨有嘅油香滲透曬落飯度，令我大有食慾。最後再讚下個紫薯鮮奶，可以飲得出係真材實料，紫薯味好突出，甜度剛剛好，同鮮牛奶好夾好好味。💕💕總既黎講，呢間日本野性價比實在好高，每人$100就食到超飽超滿足，香港難得有間咁抵食又好味既日

我同我個朋友都係好鍾意食日本野，咁岩係日本去完旅行番黎，仲係對日式料理念念不忘，之前黎呢到食過覺得幾好，於是我就同我朋友黎左呢到再次光臨~黎到大約20：00左右，入面已經爆場，同之前一樣咁受歡迎我地兩個人咩都想食，於是由前菜到甜品都分別叫左少少先上嘅香芒燻鴨胸沙律，一片片嘅燻鴨胸下墊上芒果同沙律菜燻鴨胸夾上香甜嘅芒果肉一齊食，呢兩樣眼睇一啲關係都無嘅食物放埋一齊，估唔到有意外驚喜，一甜一鹹嘅配搭，味道非常匹配，睇得出餐廳都花左唔少心思係設計配搭上，沙律菜亦都好新鮮，為我地呢一餐開始左一個好嘅開頭，對之後啲美食更加充滿期待。黑松露香芒甜蝦卷香濃嘅黑松露味道，配上香芒同甜蝦，味道鮮甜可口，一口一件，好滿足喔~到左冬天試問有邊個唔想食火鍋呢，冬日期間限定-赤味噌麻辣鍋，包括安格斯牛肉、黑豚肩肉、土雞、福袋、雜菜等，非常豐富，見到有咁多野食，都忍唔住流口水唔好比佢個名嚇親就以為佢會好辣，湯底甜甜地，就算唔食得辣嘅朋友仔都可以食我地先落左雜菜吸收湯底嘅味道再慢慢品嚐肉類，安格斯牛肉雪花分怖平均，淥8秒左右就岩岩好，肉質嫩滑，好香牛味。黑豚肩肉同土雞都非常有彈性，土雞仲用左黑椒等香料調味，更加香口

咁岩經過黃大仙先知原來都幾多唔同小店，我地就入左和氣食堂食日本野先！我地叫左個鴨胸沙律、鯛魚泡飯、3個小食同1個雪糕。依個香芒燻鴨沙律十分之大份，每塊鴨胸都拌住一大片芒果，2個夾埋一齊食好滿足！D生菜、蕃茄、青瓜都好新鮮，我就最鐘意個黑醋，酸酸地，好開胃。依個燒三文魚皮燒得好香口，亦都食到陣陣既三文魚香！日本清酒石鍋煮蜆用左好多日本清酒去煮，所以個湯飲起上黎會重多少少酒味，個人幾鐘意。個蜆都唔細隻，而且數量都幾多，好抵食，食個陣連埋少少清酒咁食就最perfect！最後一個小食就係麵豉燒日本米茄子，依個我個人都推介！茄子皮燒得好脆，但係裡面就好淋，個麵豉真係精髓，添左份鹹味，同個茄子好夾，同女朋友爭住食！鯛魚湯泡飯真係無叫錯！好值得試！個飯原本係未落湯既，鋪滿鯛魚，跟住職員就會落個魚介湯落去，魚香味真係噴鼻！個泡飯湯好鮮甜唔鹹，所以我地都飲晒個湯，鯛魚好嫩滑，連平時唔點食魚既女朋友都話要食多幾塊。最後叫左個嶡餅白玉宇治抹茶牛奶雪糕，嶡餅有淡淡既抹茶味，個抹茶雪糕好滑，而且抹茶味都幾濃郁。埋單幾莫$300，食物水準好高！

今日約咗我嘅最愛一齊去黃大仙下午茶， 搵咗間性價比超高嘅日式居食屋。間鋪位置於商場裏面， 就算係下午茶時段你都會見到一大班人喺門口度等位， 淨係見到呢個景象你都已經會對呢間舖頭充滿信心。舖頭裏面放咗好多日本漫畫人物嘅figure， 格調主要係走昏暗路線， 入到嚟 就係一種輕鬆嘅感覺。等咗一陣終於入到鋪頭， 翻開menu， 突然下午茶都有好多唔同款式， 又刺身飯， 湯麵烏冬類， 亦都有定食同埋小食嘅選擇， 可以話係花多眼亂琳瑯滿目。呢度落單係要自己寫落張紙度， 然後交畀侍應落單。上菜嘅時間就耐d， 等咗十五分鐘， 不過就慢工出細貨， 首先嚟嘅大阪燒做得好出色， 味道同造型都絕對拍得上日本嘅水準， 塊餅唔會粉亦冇煎得太燶， 外脆內軟口感一流。 配上沙律醬，係色香味俱全之作。另外就嗌咗個青魚定食， 青魚一放喺枱就即刻散發著一陣油香，配上隨碟附送嘅酸汁， 恰巧地中和咗青魚嘅油份， 令到成件事油而不膩。咁其他嘅下午茶一樣， 都有趣餐奉送飲品。 宜價錢 都係大約40蚊一個餐左右， 可以話係平到爛！ 如此水準如此味道， 你冇可能唔試番次。