Video
Opening Hours
Mon - Sun
07:00 - 19:00
Above information is for reference only. Please check details with the restaurant.
Signature Dishes
第一次黎，同事推介黎試試，最初諗住係西餐，但原來只係港式快餐雞牛豬魚配意粉白飯，中湯配西快餐，perfect match 啦。舖面非常細，放 3 張圓枱已經無路可行，迫迫地每張都免強迫到 4 個。舖租太貴喇，個個都係同業主打工。例湯合掌瓜湯，味道一般啦，水水地。洋蔥汁雞扒意粉，雞扒煎得有點燶喎，底部有少少燋黑帶燶味。雞扒上半還可以，但肉汁欠奉，下半煎得乾鞋，似乎唔覺意失左手，而且味道略為偏咸。意粉細心地炒過，熱辣辣上枱，依個味道係中式有鑊氣嗰隻炒意粉，高質乾爽有咬口。有趣地洋蔥汁係中式黎架，中式例湯、中式醬汁、中式煮法、西式食材，非常 fusion。試左朋友仔隻燒汁豬扒，質地都幾乾鞋硬噃，揸上手扯黎食會方便好多，味道還可以。個燒汁係廣東紅燒汁黎架喎，好鬼得意！
continue reading
未試過咖啡或者cake通常幫襯早餐同Set Lunch早餐:有d油但火腿肉質唔錯絕不似普通茶餐廳起晒"泡"+有筋個人幾鐘意多士上面的醬Set Lunch:中湯:淡淡地但料足意粉:燒汁好味 肉質真係唔錯,唔會有筋,容易切 薄薄地但夠食(有2塊) 索埋d燒汁味道幾好 可配沙律,但未試過飲品:一般雖然掛名咖啡店但主力似係早餐同Set Lunch總括以言,選料方面係我最欣賞的地方
continue reading
呢間Wall Street Cafe 就在我舊居附近﹐但只曾幫趁過一次。同四個朋友坐低飲野﹐我同3個朋友要熱咖啡﹐另一個朋友就要熱檸茶...試完以後就無再幫趁過﹐因為的確真係唔好飲﹐老實講一句﹐仲差過麥記...又混亂﹐淨係4杯熱咖啡都整到雞手鴨腳﹐我第一個飲﹐差不多飲完﹐第四杯都未黎﹐一班人去飲咖啡﹐分分鐘得啖笑...朋友話杯檸茶就無特別好或差﹐一般貨色。總之要飲咖啡﹐好多地方都好過呢間﹐對於我黎講﹐真係無再幫趁的理由..不過Cafe的生存價值﹐有時又唔係淨係睇杯咖啡﹐地點方便都係一個原因﹐而且做午市套餐似乎都好旺場﹐所以一直生意都唔錯。
continue reading
遠睇好似好有feel o既一間小型cafe, 但一入去就發覺似茶餐廳~ 咖啡同蛋糕都唔掂~ 咖啡無味, 落得太少豆~ German Cheesecake根本就唔係o個回事, 只係一個普通酸酸o地o既蛋糕~ 總之唔掂喇~
continue reading