華爾街咖啡室 (Closed)

呢間Wall Street Cafe 就在我舊居附近﹐但只曾幫趁過一次。同四個朋友坐低飲野﹐我同3個朋友要熱咖啡﹐另一個朋友就要熱檸茶...試完以後就無再幫趁過﹐因為的確真係唔好飲﹐老實講一句﹐仲差過麥記...又混亂﹐淨係4杯熱咖啡都整到雞手鴨腳﹐我第一個飲﹐差不多飲完﹐第四杯都未黎﹐一班人去飲咖啡﹐分分鐘得啖笑...朋友話杯檸茶就無特別好或差﹐一般貨色。總之要飲咖啡﹐好多地方都好過呢間﹐對於我黎講﹐真係無再幫趁的理由..不過Cafe的生存價值﹐有時又唔係淨係睇杯咖啡﹐地點方便都係一個原因﹐而且做午市套餐似乎都好旺場﹐所以一直生意都唔錯。