鯉魚門紹香園合桃果子專門店 (淘大商場2期)

Open Now

Now Closed

冬去春來，新年伊始，二零一九年頭一個月已經過左一半，換言之好快就會到農曆新年同情人節喇，你地又諗好左送咩比親朋好友同女友未呢？今期小編就搜羅左多款城中精選禮品同你逐一介紹，總有一款會o岩你心水！小編就發覺近日有一間老字號餅家賣緊西式既馬卡龍，店員介紹就話呢款馬卡龍口感比一般既香脆，但依然甜到入心，而且價錢只需要$88/盒，非常抵買，於是小編就買左盒返去試試！入邊總共有六種唔同味既馬卡龍，分別係橙味、玫瑰、朱古力、焦糖、伯爵茶同埋綠茶，睇返紹香園既FB介紹，原來呢款咁特別既馬卡龍係由Agnes b既前甜品師主理，佢將曲奇同馬卡龍奶油既香脆同甜美揉合埋一齊，就創造左呢款咁好食既『曲巧奇』喇，下個月情人節買黎送比女朋友就最岩喇！

以前如果想食紹香園嘅合桃一定要去到鯉魚門先買到嚟食！！不過其實去開嗰頭就話姐！！如果專登去真是費時失事！！但係依家不用啦！！鲤魚門紹香園合桃果子專門店已經開左成三十幾間！！想買嚟食真係話都無咁易！！今日係淘大商場嗰間買左媽咪至愛之一嘅皇牌蜜糖合桃！！佢話好好食喎！！香脆之餘又有蜜糖味！！細细粒容易食！！連老人家都好啱食喎！！雖然佢係間小食店舖但舖面夠晒大間，多款小食任君選擇！！

情人節同小情人肥髀去淘大商場逛街，行過見到呢間涼果店，肥髀曾經食過呢間嘅無花果，都幾喜歡！唔係成日有貨）店內地方幾大，放滿了梯形涼果櫃，款式好多，近新年好多應節食品，好似油角之類！入內去櫃臺直接問店員有無紫無花果！買三盒會平啲，所以要了3盒，店員問咗我有環保袋就好爽比咗3盒我，然後先收錢（自己覺得咁樣係一種信任！）天然紫無花果乾（$120/3盒）比2016年我買嗰次貴了！（物價漲了）簡單透明膠盒包裝，打開見今次嘅無花果乾一樣咁深色，好似黑蒜咁，外皮黏黏的，咬落煙韌，味道清甜唔假，一粒粒嘅種子卜卜脆有咬口，味道好味！店員姨姨爽手！喜歡涼果嘅一定有啱食嘅款式，價錢偏貴