Walter Bistro (智選假日酒店)

Open Now

Now Closed

好耐冇食過自助餐🍽️🍴， 見到有優惠就去咗觀塘智選假日酒店既💖Walter bistro ， 而家做緊第二位半價或買三送一優惠。👏❤️同妹妹食自助晚餐，2個人七百零蚊埋單，都算平價 buffet之選。😊餐廳位於酒店一樓，環境幾舒服，佈置清新優雅。🍀頭盤一定要食即開嘅生蠔🦪，入口creamy，海水味重。仲有好多凍海鮮，例如翡翠螺、麵包蟹及凍蝦等。🦐前菜有沙律、parma ham、芝士， 仲有日式壽司刺身🥢每位送一盅燉湯， 食完前菜可以暖胃。熱盤有燒味，烤雞串燒、香煎龍脷柳等。甜品食咗蛋糕仔🥧同埋薑味雪糕🍨。 雪糕嘅薑味幾出，好特別。

來到2022年接近尾聲，要慰勞自己過去一年辛勞的工作，除了買份禮物獎勵自己，也要大吃一大餐好好慶祝下疫情緩和, 最啱一家大細食buffet，今晚同家人去WALTER BISTRO 食BUFFET，有任食生蠔、烤西冷、凍蟹添晚餐入座先送燉湯一客！入口好鮮味, 無味精, 夠火喉蒜蓉粉絲元貝, 粉絲吸收晒蒸魚豉油嘅鮮味, 口感彈牙, 再加上肉質滑一滑嘅帶子, 口感豐富海鮮冷盤有生蠔、凍、青口及鑽石蜆等，生蠔係任食, 海水味濃, 入口滑, 唔點醬都好鮮甜, 除供應生蠔外，當然少不了凍蟹、, 肉質鮮甜, 仲好多膏添喎, 珍寶帶子, 非常厚切, 肉質厚實且呈圓柱形，口感彈牙, 點一點WASABI, 令佢味首更加提升酒店亦設肉扒區，有安格斯西冷牛扒, 西冷油花分佈平均，牛香濃厚突出，肉質嫩滑軟腍。

耐唔耐，都會想食生蠔，知道呢間酒店自助餐有生蠔咁當然仲有其他豐富嘅嘢食啦，咁所以就決定嚟試一試啦生蠔都算新鮮，雖然海水味就唔係話特別濃，但係肉質都幾爽口，我女朋友都食咗好多 凍海鮮呢個價錢嘅選擇來講都算唔錯，分別有螺，凍蝦，麵包蟹，青口。我就好好彩揀到個麵包蟹蓋，好多膏非常豐富刺身都唔錯，當日有八爪魚，三文魚，帶子，吞拿魚揀，我就食左三文魚同帶子啦，不過不失，都係正常自助餐食嘅水準湯品，每人都會送一碗花旗蔘豬骨湯，出面都會有兩款湯可以自己拎分別係中湯同南瓜湯。主食方面，雖然選擇就少啲，但係佢個蒜蓉粉絲蒸茄子好惹味，好好味。燒味就正常水準。燒西冷，如果切薄少少就更加好啦

🎂慶祝朋友生日，book左觀塘Holiday Inn酒店內既walter bistro ，裝修簡潔, 具時尚感。餐廳先來一盅燉湯比客人暖下胃，養生健康。凍海鮮選擇多，麵包蟹、龍蝦、翡翠螺同熟蝦，要回本，就當然係瘋狂食生蠔啦。生蠔🦪海水味重，夠creamy 。✔️師傅在場，即開即洗，無限Refill沙律吧有煙三文魚，巴馬火腿同芝士，味道有鹹香。多款熱盤：南乳豬手，照燒汁雞串，忌廉焗薯和粉絲蒸茄子等，保持熱辣辣。千祈唔好漏咗後面既甜品櫃，內面有好多精緻甜品。最鐘意就係綠茶蛋糕等，仲有多款雪糕無限任食🍦我就喜歡中式蕃薯糖水。餐廳宜家有優惠，第二位半價，4位回顧，一位免費👏

我同老婆都好耐無來過觀塘，轉變得太大了，裕民坊無了，工廠區的食店又轉了好多，同起了左好多新商業大廈、酒店、翻新工廠大廈等等。近巧業街附近原來有間新酒店，裡面夜晚都有自助晚餐，之後入去了解一下先，到最後見它價錢不算好貴仲要有生蠔任食，所以入左去試下。室內環境寬闊開揚，燈光又夠柔和，內裡主打菜式法國生蠔、麵包蟹，大蝦等，雖然不是大酒店那麼多野食，但都能盡情享用美食。入到去坐底無幾耐，店員會送上每位"花旗參燉雞湯"，花旗參味濃，雞湯味香濃，又可以增加抗氧化及抗衰老功效。不錯!!熱盤有蒸魚、燒腩仔、金牌燒鴨、蔥油雞、南乳豬手、南瓜湯等，冷盤有刺身壽司、沙律、生果、甜品。【麵包蟹、凍大蝦、翡翠螺】麵包蟹厚肉又多膏，蟹膏質地紮實鮮甜，非常似鹹蛋黃一樣。凍蝦非常大隻，爽口彈牙又鮮甜。【帶子、八爪魚刺身】帶子厚肉極富彈性，味道鮮味甘甜。八爪魚肉質爽脆有嚼頭，不錯。【法國即開生蠔】生蠔體型不算大同厚肉，但真係非常鮮甜，帶點海水味，又有人即開，每次一碟得兩隻生蠔，但至少無限量供應。【烤牛肉】烤牛肉肉質嫩滑，肉味濃郁。【甜品】甜品都多選擇，有蛋糕、雪糕、生果、蛋撻仔等等。Fruttato雪糕真係未食過，內裡

好耐冇食洒店自助餐 上網見近近地 係觀塘巧明街98號有間叫做*Walter Bistro* 又係新開嘅 所以約了朋友試一試 同埋現在光顧有8折 我地約左19:00 入到去大堂 幾乾淨 幾令 上去1/F 入到去坐埋一邊 一生低佢哋比咗雪耳燉雪梨湯🍐1️⃣呢到係任食生蠔 🦪每次每人拿2隻 雖然細隻但係都好有蠔味 同埋有螺 有蝦2️⃣任食刺身 有三文魚帶子吞拿魚🍣3️⃣任食麵包蟹 呢度啲麵包蟹好多膏同埋好有海水味4️⃣烤西冷牛扒5️⃣雞 燒鵝 鷄肉串燒6️⃣有蜆 麵包布甸 7️⃣豬手 西蘭花8️⃣仲有糖水綠豆沙 甜品芝士蛋糕🍰 9️⃣仲有生果 西瓜 🍉菠蘿🍍 🔟南瓜湯 總括而言買單之後每人都係三百幾蚊 環境舒適食物都幾多選擇 又抵食 又舒服

今天約了一位在附近工作的朋友吃晚餐，大家想平時少去吃的地方，不如酒店自助餐，上網見這間環境不錯，放工又近大家，晚餐決定這間吃壽司類:三文魚，蝦，北寄貝每款都好有鮮海味，好爽口滑加州卷，玉子，大卷每款好嫩滑，新鮮爽脆田螺大隻，彈牙，入口好有咬口感熟蝦好鮮海蝦味貝殼蠔蠔細細，也好有鮮味蟹大隻，好厚肉同爽滑生蠔大隻，特別好有新鮮鮮蠔味刺身類:三文魚，油甘魚，帶子八瓜魚每片厚身，好有鮮味，有咬口感燉湯盅入面有雪耳同肉，好清香鮮甜串燒類:雞肉，豬肉2款厚肉，也特別香肉串味鴨皮脆，入口好香鴨肉味南瓜湯好有南瓜香甜味豬手細細隻，好有咬嘴嚼感雪糕杯滑身香曲奇味，甜度適中炸魚柳炸得好脆同好有魚柳香菠蘿入口多汁，特別新鮮鮮甜

琴日夜晚四個人去食自助餐, 餐廳話而家已經冇咗Main dish, 係full buffet。但係得好少嘢食選擇, 同埋嘢食都非常麻麻。每位 $398 連加一都好唔抵, 都唔係價錢問題, 係食物質素問題平心而論, 南瓜湯係好飲嘅, 車厘茄係甜嘅, 薯仔沙律ok, 蒸魚還好。但係…原本openrice個廣告話: 「半自助餐餐廳，海鮮生蠔任食，主菜有幾款肉扒，包括M6和牛都有得揀，甜品則以花系做主題。仲有每人送半隻波士頓龍蝦。」點知縮皮冇咗, 而訂位嗰時冇同人講話冇main course同冇龍蝦送。希望佢可以收返啲假廣告, 唔好觸犯商品說明條例沙律吧嘅選擇唔多, 得兩款菜, 同埋唔係特別新鮮。法包疏氣, 焗完都唔香。燒肉嘅皮係淋嘅, 啲雞有雪氣味, 咁都好意思拎出嚟:0生蠔好細隻同冇鮮甜味仲有少少腥。凍海鮮得3,4款, 蝦唔甜, 啲翡翠螺有沙, 凍蟹同長腳蟹各一細兜剪到碎晒, 凍蟹望落霉霉哋唔敢食芝士就得一款。壽司大部分都係垃圾加州卷, 用假蟹柳, 三文魚又唔太靚咁, 壽司飯好似隔夜咁。西冷扒冇咩牛味同鞋, 食肉獸都唔想encore雪糕又話有Movenpick, 點知得本土品牌Frutta

我想食生蠔好耐 知道觀塘呢一間holiday inn有自助餐可以任食生蠔 而且價錢只係四百蚊左右 所以就同男朋友嚟咗呢度一坐低侍應就會送上每人一盅花旗參豬肉燉湯 非常暖胃 而且帶有淡淡花旗參味 幾好飲 不過可惜冇得添飲生蠔雖然唔係好厚肉 但都算鮮甜有海水味海鮮都有好幾種種類 包括翡翠螺/凍蝦/麵包蟹同青口 翡翠螺都幾新鮮彈牙 凍蝦既肉都結實鮮甜 麵包蟹我好好彩拎到蟹蓋 好多膏好滿足 沙律就正正常常 都算乾淨新鮮 而且麵包粒仲有啲蜜糖係面另外出面熟食唔算多 亦認真來說唔係好豐富 我比較鍾意食佢第一輪出嘅燒牛肉 中間啲肉都仲係粉嫩唔會太熟 食落唔靭有肉味另外甜品有香港品牌嘅Gelato同埋一啲簡單嘅蛋糕 唔係十分精緻但係都可以過下口癮 水果就有哈密瓜/西瓜/菠蘿如果你食自助餐係鍾意食熟食嘅話 呢度選擇唔多 但如果你係主攻凍海鮮類嘅話 呢度不失為一個選擇

很久沒有吃buffet ,今晚突然心血來潮在家附近搵到一間新開酒店buffet ,星期六日都有85折優惠，折完每人才$400多，還有即開生蠔任食，超抵吃呢！酒店離APM大約5分鐘左右，地點方便，而且比較少人知道，所以環境相對寧靜，可以靜靜地一家人邊吃邊傾談。餐廳位置不算太大，但空間感都非常足夠，食物方面冷盤，前菜，熱葷應有盡有，雖然食物不算太多款式，但最回本啲凍海鮮區域真的幾吸引。餐廳每位食客都會贈送燉湯一客，今晚有人參雞湯，人參味甘香味濃，雞湯清甜可口。每次第一時間必定主攻凍海鮮，呢度有齊凍蝦、青口、翡翠螺、仲有平時很少見到的麵包蟹、法國即開生蠔🦪,凍蝦肉質鮮甜彈牙，翡翠螺爽口脆嫩，不得不讚麵包蟹已經預先拍碎了堅硬的外殼，方便食客進食，而且蟹膏甘香鮮美，蟹肉鮮甜多汁，生蠔全部新鮮即開，生蠔雖然細細隻，但肉質肥美，入口creamy 。刺身款式有三文魚、吞拿魚、八爪魚、帶子等，帶子鮮味十足，軟嫩鮮甜，八爪魚爽口又有嚼勁，越咬越有鮮味。熱葷有燒鵝、蔥油雞、蒸魚等，還有是日精選燴牛肉，最喜愛蒸魚，魚肉鮮嫩滑溜，豉汁濃味恰到好處，燒鵝肥美厚肉，肉嫩多汁。南瓜湯入口creamy，濃郁芳香，不知不

閒來無事，上網睇資訊，無意間見到觀塘一間酒店提供半自助 buffet，價錢相宜，不過重點並不是buffet 本身 ，而是網友提及的任食生蠔。火速訂位，不過我們所訂的日子卻剛好改為 dinner buffet，主菜欠奉，需然有點失望，不過保留實力主攻生蠔也不錯。餐廳位於酒店一樓， 環境寬敞開揚，夢幻泡沫型吊燈，燈光亮麗柔和， 襯托著綠松石顏色牆身，米白色座椅，白色雲石餐枱，氣氛優雅高貴。透過一排落地玻璃窗 ， 望住對街 簇新 宏偉 的玻璃外牆商業大廈 ， 感覺猶如置身中環商業區。我們被安排坐到窗邊位置 ， 卸下行裝後， 速速視察一下食物區。 沙律區除了沙律菜、 新鮮配菜、 任君配搭外，還有已拌好的薯仔沙律和蘋果沙律 ，個人覺得蘋果沙律最好食🍎，沙律醬比例剛剛好，蘋果粒粒大細均勻，爽脆清甜，配菠蘿、紅菜頭粒 ，味道清新又健康。  海鮮區 有麵包蟹、翡翠螺、 青口、凍蝦、還有我最喜愛的生蠔。 生蠔每碟兩隻，雖然體型不算大， 郤鮮甜無比，帶有海水味，專人即開，無限供應， 簡直吃得暢快。 麵包蟹 是場肉第二受歡迎的海鮮，消耗快不過補貨速度也不慢。 蟹蓋內的蟹膏可謂深藏不露， 越掘越有， 質感、硬

今日來到觀塘，有機會見到觀塘竟然有不少酒店，就望一下。原來裏面有間餐廳有自助餐，所以就入去了解一下又上OpenRice望一望。見到食評不錯所行了一轉見到食物種類繁多，有基本自助餐的食物，最特別之處，竟然現有即開即食生蠔。所以朋友喜歡蠔，就決定留下今晚食佢！其實食物範圍不算太大。但是區域分得很清楚。有沙律吧，也有熟食，最吸引之處就是有海鮮區及刺身區。最後就是甜品區。而海鮮區海鮮也有很多選擇，有翡翠螺，大蝦，青口，新鮮即開生蠔，非常鮮甜， 好有海水味。 也有麵包蟹！只食海鮮已經飽了一大半。跟住就是刺身區，刺身款式有主要有幾種，三文魚，墨魚，吞拿魚….都係即叫即切。而cold cut 區就有Parma ham,cheese, 餅乾…另外Parma ham 也可以配以哈密瓜一起食， 再行前少少,就是熟食區。熟食區域分有中湯及由西湯以及麵包類。也有燒腩仔亦有麵飯。另外有我最喜歡的燒牛肉鮮嫩。肉汁香濃。所以都是不錯！最喜歡它的炆豬手及燒肉！燒肉肉質分明，層次夾有肥豬肉及瘦肉，皮非常之脆。而最後就是甜品區，甜品區有不同選的雪糕，也有cheese cakes 啫喱及不同蛋糕的款式。最細心之處就是每一樣

觀塘工業區現在多了很多食肆朋友告知現在觀塘連酒店都有還有不錯的半自助午餐這間酒店裝修簡潔明亮，座位不多，但坐得舒舒服服。自助餐退在正中間，方便客人取食物。午餐客人可選一款主菜，在自助餐驅除食物主菜有蔥油雞飯、海鮮烏冬、漢堡包和牛扒等等，自助餐退有多款新鮮材料例如蔬菜南瓜蓮藕雲耳紅腰豆蕃茄仔等等可讓你自己做個健康沙律亦有冷盤凍肉和芝士。自助餐區不缺壽司，雖然壽司款式沒有魚生，但味道ok。熱食有燒雞、魚柳、蔬菜和薯仔等等，又有甜品生果。我們叫了海鮮炒烏冬和漢堡包薯條，兩個主菜都不錯，海鮮炒烏冬炒得很惹味，有蝦有青口，漢堡包熱辣辣，薯條炸得香脆！總括而言，這個百多元的半自助餐，食物種類和味道對🉐️起個價錢