雲南桂林過橋米線

Open Now

Now Closed

呢間已經榮升做小編最鍾意食嘅酸辣粉，薯粉夠煙韌，而且酸度辣度啱啱好，如果大家鍾意偏酸嘅酸辣粉可以去試吓，一定要揀佢哋嘅重慶酸辣粉🥘，又平㗎抵食，唔使$40已經食飽，味道亦都幾正宗

好耐冇出旺角，突然之間想食熱拌紅薯粉。今次揀咗腩肉蘿蔔冬菇熱拌紅薯粉。每一樣配料都做得好好，腩肉甘香入味、蘿蔔清甜冇渣；冬菇，看似平平無奇，但好多米線舖都做得好求其，就咁烚熟就算。但呢間嘅冬菇好厚身，咬落啖啖肉，最重要係炆得非常入味（應該係用豉油/蠔油炆）真係好有驚喜！簡單嘅食材，愈做得出色，就愈見到佢哋嘅用心。個熱拌汁都好惹味，完全呈現到香麻辣嘅特色。成碗紅薯粉份量好足👍🏻👍🏻另外叫咗個涼拌青瓜，青瓜係清爽嘅，味道就不過不失啦！下次想試金湯系列😄今日出旺角見到好多餐廳都執咗，搵食艱難，覺得要多啲分享用心製作食物嘅餐廳！！！

今日出旺角上堂，上之前去咗附近嘅雲南桂林米線🍜，叫咗小酸辣紫菜米線。好耐無去過雲南桂林，確實有啲懷念。不過今晚嘅質素令我有少少🤏🏽失望🙍。湯底比較失色，無咩層次，味道比較淡，🌶辣味唔香，酸菜份量少，酸同辣味都唔夠，食落唔會令人有流口水嘅感覺。米線軟硬度適中👌🏽，煮嘅時間控制得唔錯。紫菜份量多，可惜湯底唔夠味，所以食落無咁惹味。不過向好嘅方面諗，啖啲都好嘅，健康啲嘛😅，太鹹太高鈉的確對身體唔好。

大家千其唔好去食！話說，最近轉左係旺角返工，聽同事講呢間米線唔錯，唸住黎試下，見左個豬排淮山面，個賣相好似幾好，豬排又大，而且豬排好脆熱辣辣，聞落仲好香添，以為一定好好食啦，一咬落去，撲街啦 豬排臭嘅！心念會唔會只係一邊臭，再咬多一啖！真係唔能食得！好冇良心，俾d咁個質素人食，最後係剩係食左個面就算，冇食到豬排

#雲南桂林過橋米缐我之前住旺角成日食呢間，今日同媽咪出旺角一定要去食我最鍾意嘅呢間米線😊😊小鍋米線湯好香好好味🤤一定要叫招牌腩肉，腩肉系我食過咁多間米缐對比覺得最好食👍🏿👍🏿肥瘦適中非常好味！推介 ！推介其實除左超級好味之外，佢地既服務態度都好好！今次見有新湯底！金湯酸菜魚米線！就試吓，湯底金黃色，魚片好多好爽口，米線彈牙超好食，湯底濃味有些糊椒味好足料！不過我最愛嘅都係腩肉米線 堅好食！

一開返晚市堂食，大家都即刻報復式出街食飯🤭 今晚hea hea地行到邊食到邊，連續出街食咗幾餐，有d罪惡感，所以廢事食太飽就食米線算啦🤭🤭🙈🙈 其實以前喺附近返工都有來食過lunch，不過味道方面就真係冇乜印象了，而今次嚟到比起印象中嘅環境乾淨咗，不過座位都係較為迫，同一般米線鋪差唔多。 我哋order咗一碗涼拌米線、一碗熱拌米線配雲吞、一碟大嘅炸春卷、一杯凍檸茶。 熱拌米線配雲吞🍜 $40米線跟咗酸菜、榨菜、花生，米線嘅份量正常，一餸雲吞得兩粒，食咗幾啖覺得好淡口，可以話係無味，先至發覺落單時唔記得話要辣😭😭，而侍應亦無問😭😭 無辣味底下真係食唔落，好難食，食咗1/3頂唔順食唔落了。 炸春卷 $25唔多掂喎🥲🥲 雖然春卷皮係我鍾意嘅網絲皮，但係炸得一d都唔香口，又唔酥脆，仲feel到好油膩咁，d餡料無特別，口感同味道都好一般，後悔order咗呢碟。💔 📍埋單total $121，米線鋪嘅正常價，味道一般，唔知有辣味嘅話會點呢？🥲🥲🥲 如果以今餐嘅味道來講，真心不會回頭。

🍜熱拌米線+芽菜+豬軟骨 $45米線粗身煮得偏腍 份量都唔少碗底有少量醬汁可以撈 所以都唔算乾雖然醬汁顏色深但只帶少少鹹味 無想像中咁濃郁。食咗幾啖後加入辣椒醬就更惹味旁邊鹹酸菜爽脆入味 可以解膩！豬軟骨有4舊但比較零碎 唔會太軟爛燜得啱啱好 唯獨就比較多肥膏 口感爭少少芽菜份量俾得超多 肥嘟嘟亦好爽脆 

雲南過橋米線 酸辣夠濃重 米線吸湯特別勁 麵條夠大條爽身口感佳落配料比得足食落特別香口牛肉滷得入味軟腍新鮮 湯底香酸辣濃齊曬湯底可選清湯 酸菜 酸辣 麻辣 炸醬 配料選擇非常多,常見既豬紅牛展肥牛豬扒都有得食~!另外仲有川式小吃 涼拌青瓜 滷水雞翼 炸雲吞等等配料一份9蚊起,最貴$15一款 平均一碗$50左右有交易平均消費$50評分7/10旺角砵蘭街183號183 Portland Street, Mong Kok

🍽腩肉小鍋米線（酸辣）已經係旺角屹立左好耐既米線店裝修後餐廳環境比之前舒適, 雖然唔係d咩靚裝,但起碼地方乾淨左,感覺舒服左食物既質數保持一貫水準我叫既係酸辣湯底, 佢配料分量好多有芽菜,韭菜,蔥,芫茜,酸菜,肉碎每次食到最尾都仲有好多配料係度👍🏻腩肉唔係譚仔個種白瀨瀨既腩肉,佢係醃到非常入味, 深啡色個種, 個人認為甘樣既腩肉先知係正野😋上菜非常快,唔滿座既情況大約5分鐘就上菜價錢方面一個餸$38 係一個人係旺角想快靚正醫肚首選👍🏻🉐♥️

想想旺角附近的米線吃的七七八八，這家竟然還沒有吃過，店裏朗豪坊步行兩分鐘！我們點了一個乾撈麵，一個小鍋米線，味道都唔錯，豬軟骨，軟爛好吃，尤其推薦炸醬，不過有點小辣，還有腐皮卷，是類似難記裡的炸春捲，好吃！

平令正既米線之中呢一間都係表表者。最中意呢一間既湯底好夠味。米線又唔會煮到太淋煮到太過硬。 配料好多比你任揀。前菜都多款。呢家大熱天時，都唔洗等位等好耐。入面既客人都係食完就走。上野食既時間都快。經開呢到附近既話都會揀食佢小窩米線，豆卜魚皮餃腩肉，腩肉好食麻辣雞絲

外賣就叫得多，堂食就少啲喇。今日跟同事路過修去食晏，工作人員除左手腳快，出貨都好快。碗米線都幾大碗，不過響零得兩舊，同埋吾係分開上，口感爭左啲啲。不過整體都有質素，都係大眾食堂。

它裝修前一直都有黎食米線，當它開始裝修後，就轉左去其他鋪頭食嘢，隔左一排無來食喇。今日再黎食返，叫返平時叫開的餸，叫完一睇張單，$67，我之前食開都係五十幾蚊之嘛，貴左十幾蚊嘅？！😧我仲以為我叫錯左成煲上添，問清楚又唔係，碗嘢黎到也是跟之前的一樣😑貴左果十幾蚊邊度黎架？裝修後趁機加價嗎？但裝修後一樣坐得咁迫，環境無變得舒適左喎....😑😑😑

旺角其實有不少米線，我最常食就是這間，砵蘭街中的平價食店店內有不少選擇，小鍋米線、小鍋紅薯粉、熱拌/涼拌、麻辣雞絲干拌麵等，我最常食是港人米線至愛小鍋米線腩肉芥蘭小鍋米線腩肉切得好薄，炆得夠入味，肥瘦參半最好食，最軟最有油香，芥蘭平常在家做不到這個味道，要用鹼水灼過最鮮甜，內有不少芽菜、韮菜，米線不算太多，湯底酸酸辣辣好夠味，惹味又滋味店內雖然不大，座位緊迫，但未到門口已聞到香味，價錢親民又大碗，抵食

係旺角想隨便食個飯，又唔想同人逼，通常都會黎呢間食雲南米線😆😆😆星期日既中午都唔算多人，唔使等位，而且好大碗，一定夠食👍🏻👍🏻👍🏻通常都會叫一碗腩肉雲南小鍋米線，味道不過不失，同其他既雲南小鍋米線質素差唔多，腩肉十分入味👍🏻👍🏻😆😆不過熱拌雞絲米線則令人有點失望，花生醬顯得有d唔夾，而且拌菜唔多🤔但整體而言，米線既份量多，而且價格不貴，係朗豪坊附近既快食之選😆😆😆