雲南桂林過橋米線

Open Now

Now Closed

放工後又有d肚餓， 但約左朋友去做gym跑步， 餓住個肚又點有力氣跑呢？係呢個旺區， 快食不外乎漢堡/粉麵，所以選擇食呢度既米線已經不是第一次食， 但之前一直沒試過豬軟骨， 這次一試竟愛上了豬軟骨好淋，都吾孤寒，仲舊舊大大塊，好入味同最喜歡d軟骨既感覺，好好咬口， 而這裡湯底濃而不鹹， 食完後都沒有大量飲水， 雖然好像平凡既一碗米線， 但用心煮同食材也很重要， 不然客人是不會回頭再食

午飯時間，這家有多家分店的雲南桂林過橋米線，門口經常見有人等位。不愛酸辣的我已有多年沒有光顧，剛好新同事想食，再去一次吧！餐牌選擇不太多小煱米線＄２４　內只有芽菜、酸菜、韮菜、蔥、芫茜。好清淡的米線，不可不加餸。有些似港式車仔麵，只是湯底不同。但這裹的不太便宜，飲品另加＄６～７。最後加了２款餸（豬腸及雞翼）各＄６款。走辣走酸，好彩湯底都濃味～芽菜、酸菜、韮菜、蔥、芫茜超多，同麵份量差不多。豬腸裹面已徹底清潔，口感爽，吸了濃湯味道惹味。雞翼淋身入味。米線順滑。不錯的午餐。

好耐無嚟過,但係水準依舊! 星期二中午時分嚟到,唔岩唔洗等位 叫左碗小鍋米線 腩肉+墨魚丸要3小辣,味道很好,份量多腩肉味道還可以,唔係太肥膩.店員態度都okay! 整體都very good !!!

第一樣野想講係等得太耐了, 叫一碗米線要半個小時這米線是否一條一條的過熱水呢?第二樣野就係落單錯誤率其高, 幾乎兩樣錯一樣, 大佬你玩出奇蛋無限驚喜呀而家?第三樣野即是油太多了, 雖然話傳統雲南米線是面很多油用來保溫, 但完全覆蓋的一層未免太多了.之後料也少, 味道也一般. 酸辣湯不酸不辣, 米線味道一般. 炸雲吞冷的不好食. 服務也不好.

天氣漸涼，來一碗熱騰騰的酸辣米線確是相當窩心。坊間米線食店愈來愈多，就以這「黃色招牌」的雲南米線也為數不少。雖然各店的招牌設計、店內裝潢及餐牌均十分相似，店名卻有「雲桂坊」、「雲桂川」、「雲南過橋米線」之分，而且各店食物質素各有參差。到此店定必選擇小鍋米線，由於辣度不穩定，故只選中辣，不夠辣時可自行加辣油調味。配料方面，推介腩肉，另外選了豬軟骨及大腸。  某些分店中辣已很搶喉，此店的辣度則較溫和。湯底濃郁，微酸中帶甜。配料份量不算多，每款只有3-4小片。腩肉是我每次必點的配料，每片均是薄薄的，8成瘦肉、2成脂肪，肉質軟嫰，味道香濃入味，醬汁令湯底變得更惹味。此店的腩肉可算是眾米線店中最出色的一店。豬軟骨肉質則較鞋，當中的軟骨亦比較硬。大腸烹調時間不夠火候，仍是有點韌，不夠入味，還是太子貴香園的大腸更出色。至於米線方面，略嫌有點淋，不夠爽口。此店最值得改善之處是食物水準的穩定性。光顧了數遍，每次質素總有參差，能否吃到美味米線也有點靠運氣吧。

同喜愛米線的友人係尖沙咀過黎旺角食米線皆因荃灣ge 雲南桂林過橋米線 轉左名連米線的味道也轉了....湯底比以前差友人經常在旺角覓食所以見呢晚有機又經過旺角就毫不猶豫咁揀呢間入到店已經聞到成間鋪充滿小鍋米線果種湯底ge香味呢一刻我已經預計到係呢度會食到以前荃灣店的味道由於同友人都係腩肉小鍋米線的擁躉所以都照舊「腩肉小鍋米線小辣」我要多酸多青友人就走青但但價錢同荃灣轉左名的店鋪一樣都係加左幾蚊以前淨小鍋米線$19依家已經去到$22碗米線好快就黎到真係勁香湯底複雜又濃的香氣隨住熱呼呼的蒸氣不斷飄入我個鼻即刻飲啖湯先真係好濃係以前的味道呢刻勁開心真係好耐無飲過呢個咁正的湯i misssssss it 米線都唔會太硬太軟腩肉一入口會食到湯底個味再嚼耐d就會食到個腩肉其實係預先醃過好入味好香而且腩肉的份量都幾多肥瘦適中最緊要好淋唔會un 如果我經常係旺角出沒我應該會經常黎呢度開飯

又是星期二看戲的好日子，放工後到逹MK已没時間吃晚飯，唯有先吃點小食，待2hrs過後才吃正餐了! 完場已是9時多近10時，剛好是附近壽司店特價時段的開始，我和男友便躊步前往，但一到場已見人頭湧湧，拿了飛等了約10分鐘，前頭仍有10多對人在等著，估計要到11時才可吃 由於不想太晚吃東西及顧慮到第二天仍要上班，所以我們決定放棄等位並轉移陣地去找別的吃，ＭＫ街頭除了金舖外，多的是餐館呢！宵夜時段，為了不要吃得太飽以至腸胃難消化食物，我們便選了去不太遠處的雲南桂林米線，裏頭也是人山人海，但剛好不用等位子，便可馬上坐下兼下單！真好! 我和男友到過很多間雲桂米線，但此間卻是第一次，明白到每間所做的都有點參差． 我要了碗豬潤雞絲酸辣米線，但忘記了這裏小鍋米線大大碗的份量，這碗端上桌時把我嚇了一跳． 裏頭的酸菜、芽菜及腐竹多，令人開胃；熱湯則紅而不辣，湯面浮起少少脂肪無傷大雅，米線繼而吸收了濃湯的精華，使湯米更入味；雞絲似是用了雞胸肉的部份，不嫩身帶點粗糙；豬潤很好味，咬下仍見到淡淡粉紅色的，没有煮得過熟，也不像一早整好，推介! 男朋友要的是豬耳及醬爆丸上湯米線，這米線相對我的那碗細少很多．

好耐無食，今次一下中曬招，D檸水真係極品，一層層油。其他凍野好多冰，可能眼不見為乾淨。最後杯多油的檸檬水都係放係到無飲到。除此之外其他野味道都不錯，不過個檸水令我卻步。

放工諗住食米線, 就諗住要泥里間雲南桂林過橋米線.我叫左碗肥牛米線加豬大腸, 同朋友share左一客炸雞翼.米線永遠唔會令我失望, 但D肥牛... 點解有D好'un'有D又唔'un'呢? 好似有兩種肥牛咁.同埋唔知係咪我形住, 隻碗好似細隻左, 咁係咪變相細碗左?炸雞翼有少少失望... 太炸啦, D肉好'鞋'...

見譚仔多人,加上有人推介,就來了這兒~本來一心想食酸辣粉,點知沒有!惟有食其他..豬軟骨熱拌細薯粉---好食+滑,不黏牙!$21,平!炸醬QQ米線~要+$4=$25的確好Q!彈牙~環境唔算太逼，上菜速度正常！

唔想特登走去譚仔，所以入左Ｅ間到。第一次試Ｅ間，個人認為麻麻啦......叫左一個麻辣腐竹米線，小辣，同譚仔５小辣差不多種辣味同譚仔不同，Ｅ隻係辣中帶Ｄ酸甜，但係譚仔就係辣，冇乜甜，個人prefer譚仔係材料方面，芽菜好多，但係米線不足！老實講唔係好夠飽！用隻匙羹一筆，幾乎２／３係芽菜同蔥...節省成本得太過份但係值得讚既係湯底夠熱，食左４０分鐘都仲好熱！環境尚算可以，坐得鬆動，但係餐牌就＂油淋淋＂咁.....服務中下，Ｄ阿姐掛住傾計，叫佢之後，先至慢吞吞走過泥落單....如果有得揀我就去譚仔啦～

我果日係MK返工。。叫咗哩間外賣。。。我叫牛展酸辣米線。。等咗25分鐘。。就係隔離街！3~5分中路程。。。。打開先知道佢比錯咗。。唔知係咩肉。。類似肥肉噤既野，，，成碗野超油。。。食咗幾啖就掉咗。。。下次唔會再叫哩間佢哩間既分店。太子果間就好好食。。MK食過堂食都唔好食～D料又少又細！！，，，外賣就更差！！

　第一次去mk 分店食!!平時食開tst個間......叫親都係涼伴米線加年糕xdd"正"今次跟番bf 食"攬"肉..自己再配多過魚fu!!!不過不失.....可能飽..所以放晒落口就算!!!"攬"肉半肥半瘦!!!!!不錯"係hot左小小...我自己唔食得hot~~米線爽~魚fd就同出面食個d一樣...無特別!!!埋單28....bf 24~~環境不錯.....但坐位唔舒適~~好硬~~服務都ok la~~因為都係order完埋完單先要接觸staff~~客人人流都ok...我見到好多人都係自己一個人來食~~~

其實已經黎過呢間野好多次，每次水準都好好！亦去過分店食過～ 一樣咁好味！多餸選擇～ 而且好足料！最近去呢次見到多左麵選擇…加多左QQ粉同埋紅薯粉但當日太想食米線既關係所以無試新野…下次試下先得鐘意食辣既人，我提議叫腩肉同埋炸醬～ 兩樣都係小辣的尤其係炸醬～ 加左之後湯底更加濃另外蟹粉丸一次過有4粒 平時去其他米線舖都係得2粒不過可能係因為揀蟹粉丸加$8既關係～ 所以有咁多粒湯底都要一讚！多數我都係揀小辣，酸辣適中！岩岩好 每次落單之後d野食都好快黎到！唔駛等好耐 不過平時都好多人，有時都要排隊～

很久很久沒在旺角食飯，尤其線線並非我開飯之選，近期反而出奇地食起米線來，港九各區越開越多米線店，各出奇謀花式以雲南或川味最受歡迎，加上價錢經濟附合80後及學生群，開設在旺角區更甚這晚和同事因要事關係來到旺角這間米線，已是9:30仍見多人用膳便一試，肥牛QQ寬粉QQ寬粉真係好“Q”有質感，較米線有咀嚼感而且彈牙，配料很少，只有酸菜及炸花生，湯底少許酸辣重慶酸辣粉+ 腐竹腐竹一款餸需另加 $4，份量差不多，紅薯粉質很有“嚼頭”，酸辣湯底，酸味多過辣味，除了酸菜外還附有些咸酸菜，辣油油多過真正辣味