Video
6-min walk from Exit A, Tai Wai MTR Station
continue reading
Telephone
91734734
Additional Information
1月28日(星期二)照常營業
Opening Hours
Today
11:45 - 15:00
17:00 - 01:30
Mon
11:45 - 15:00
17:00 - 01:30
Tue
Closed
Wed - Sun
11:45 - 15:00
17:00 - 01:30
Public Holiday
11:45 - 15:00
17:00 - 01:30
Public Holiday Eve
11:45 - 15:00
17:00 - 01:30
Above information is for reference only. Please check details with the restaurant.
呢間位於大圍嘅泓・西日料理，位置比較隱蔽，但係食物質素絕對唔馬虎。環境舒適，燈光柔和，簡約木系裝潢營造出一個寧靜舒適嘅用餐空間，適合想靜靜嘆吓嘢食嘅朋友。唔會嘈吵，可以同朋友慢慢傾計，享受悠閒嘅用餐時光。我哋叫咗幾樣嘢試吓：首先係深海池魚薄切($178)，魚片薄切得嚟好新鮮，入口即溶，鮮味十足，完全無腥味。之後嘅鮟康魚肝 ($88)，口感滑溜，鮮味濃郁，入口即化，絕對係高質之選。壽司方面，油甘魚壽司（$28/件) 魚肉爽口彈牙，醋飯酸甜適中，整體平衡感一流；而中拖羅壽司（$48/件) 嘅肥美程度令人驚喜，入口即溶，油脂豐富，鮮甜味美。燒物方面，鹽燒告白鱔（$58/串) 外脆內嫩，火候掌握得恰到好處，鹹香適中，完全唔會過鹹。另外，鹽燒雞皮（$28) 係我嘅驚喜之選，脆卜卜嘅雞皮，油香四溢，口感層次豐富，絕對係送酒佳品。我哋仲叫咗杯清酒，配埋呢啲小食，簡直係完美組合。主食方面，汁煮牛舌（$98) 牛舌炆得非常淋，味道濃郁，醬汁滲透入牛舌之中，口感軟嫩，完全唔會韌。而牛肉稻庭烏冬（$88) 嘅稻庭烏冬麵條彈牙爽滑，牛肉片分量十足，湯底清甜，整體味道平衡，非常滿足。飲品方面，我哋仲叫咗杯青森蘋果梳打，蘋果味香濃，梳打嘅氣泡感令成杯飲品更清爽解膩，係一個唔錯嘅配搭。
continue reading
2024年9月23日 星期一今晚放工之後係大圍附近行咗一陣，順便等老婆收工一齊食飯行經過積福街竟然見到有一間居酒屋應該係開張左冇幾耐，雖然位置唔算太顯眼，但裝修得幾有風格，感覺好似日本嘅傳統居酒屋咁，一於俾個機會佢試吓裏面既食物係點坐低咗再慢慢睇返餐牌，發現同一般嘅居酒屋冇太大分別，反而係價錢比較平，可能因為地區嘅關係，而且食物選擇都幾多，除咗壽司同卷物，仲有串燒同定食，由於花多眼亂唔知揀咩好，最後詢問咗店員嘅意見，揀咗幾個菜式等咗一陣食物就開始陸續送到，首先有秋刀魚刺身，切得好薄，睇得出師傅嘅刀工，食落去有咬口，夾埋蔥同薑蓉一齊食就完全食唔到腥味，反而有少少辣勁，食落幾開胃之後有海膽吞拿魚腩蓉卷，每件卷物上面放咗勁多吞拿魚腩蓉，一啖根本食唔晒，口感好豐富，除咗食到新鮮嘅吞拿魚腩之外，卷物裏面都有包住海膽，充滿海水味，再加上卷物嘅醋飯比較酸，所以食完都唔會覺得太膩，份量兩個人食就啱啱好跟住有小食炸雞，每嚿炸雞嘅份量都幾大，外皮炸得好香脆，裡面既雞肉仍然保持嫩滑，唔會覺得好韌，點埋醬汁一齊食會冇咁油膩最後仲有日式煲仔飯，裏面放成個魚頭同魚肉一齊煲，之前從來未試過呢一款煲仔飯，十分創新，啲飯吸收晒魚汁，唔需要加豉油都已經好夠味，而且魚肉好嫩滑，特別係面珠墩添食完之後真係已經飽晒!!!
continue reading
同大圍朋友聚聚，發現大圍竟然有高質居酒屋❕呢間新開嘅西日料理位於偏僻一角但平日夜晚都勁爆場❤️🔥 食物上得快，好滿足仲有唔少𝚘𝚏𝚏 𝚖𝚎𝚗𝚞靚清酒，嚟嘅朋友可以大膽問𓂅 月桂冠．一扑入魂嚟到真係唔可以唔叫酒啦！好豪氣咁開個月冠桂，享受一扑入魂嘅滋味🪃𓂅 八瓜足 ᴴᴷᴰ 𝟷𝟾𝟾 ( 時價 )超新鮮嘅即日推介，下晝先剛剛飛機到貨 ✈︎八爪魚足嘅兩種處理，吸管十分爽脆另外八爪魚片就十分鮮甜、有帶子口感✨𓂅 吞拿魚蓉卷 ᴴᴷᴰ 𝟾𝟾吞拿魚份量也太多了吧！吞拿魚蓉帶少少吞拿魚粒粒，味道不錯𓂅 牛舌芯 ᴴᴷᴰ 𝟻𝟾超推薦😚 牛肉味好出，彈牙軟熟超𝚓𝚞𝚒𝚌𝚢！𓂅 吞拿魚昆布煮 ᴴᴷᴰ 𝟺𝟾 ( 時價 )這個𝚘𝚏𝚏 𝚖𝚎𝚗𝚞的小食是用上佃煮方式煮吞拿魚粒鹹鹹甜甜的超適合配酒呢🥰𓂅 沖繩苦瓜炒黑豚肉 ᴴᴷᴰ 𝟽𝟾另一道推薦的菜式🌟 黑豚肉夠油香苦瓜一點都不苦，拌埋炒蛋好好食！𓂅 泓．炒飯 ᴴᴷᴰ 𝟿𝟾較正路的炒飯，都炒得幾香唔過油～
continue reading
大圍內街的一間日式居酒屋，旺中帶靜。入到店內，裝修係簡約日式風格。以為座位唔多，但原來係內有乾坤，樓上仲有一層，非常寬敞，可以早啲預約，過黎開party都得呀！黑松露深海池魚刺身池魚刺身切得均勻，每片都見到肉質晶瑩剔透，鮮嫰易入口。估唔到佢加了黑松露，2者味道好夾，魚嘅鮮美，黑松露嘅濃香，好有驚喜。海膽吞拿魚腩蓉卷吞拿魚腩蓉好似小山丘咁，幾吸睛喎。海膽的順滑，吞拿魚腩蓉的鮮嫰，口感細膩，非常美味。汁煮牛舌一鍋熱辣辣嘅牛舌，一上枱已經香氣撲鼻，厚切牛舌煮得非常軟稔，蘿蔔亦非常入味，味道有啲似惹味牛腩煲，食完成個人暖笠笠。串燒雞翼 和串燒黑豚肉串燒燒得金黃色，微微的焦黃色，賣相吸引。雞翼燒得啱啱好，雞肉還是嫩滑。黑豚肉層次分明，但肉質比較乾。泓炒飯炒飯比較濕潤，配料簡單，有牛舌，豬肉，小蝦乾等，味道正常。日本清酒酒友應該都知道月桂冠清酒本身帶有隱隱果香和花香，不嗆喉，同日本料理好夾。呢個月桂冠仲好有儀式感，要用鎚打破上方嘅蓋，再舀出清酒，可使用餐氣氛更歡愉。
continue reading
今日哥哥生日，嚟到大圍呢間新開嘅日式餐廳食飯，餐廳裝修充滿日本風情，食物質素都唔錯店員服務好好，最令人驚喜嘅係原來有2樓㗎， 2樓係可以當party Room咁樣一大班人唱K又食嘢，都幾正😙😙1. 第一道菜叫左個刺身黑松露鯛魚 $178 👍🏻👍🏻👍🏻👍🏻👍🏻👍🏻刺身份量都幾多，魚充滿鮮味，好新鮮，口感好好，個刺身充滿咗黑松露嘅味道，食落都好夾。😚😚2.鮟鱇魚肝 $88 👍🏻👍🏻👍🏻👍🏻👍🏻👍🏻 呢個魚肝，一啲都唔腥，配合埋酸酸甜甜嘅醬汁，好適合做前菜開下胃😋😋😋3. 海膽吞拿魚魚蓉卷 $158 👍🏻👍🏻👍🏻👍🏻👍🏻👍🏻👍🏻嘩😋😋一上到枱，賣相都好吸引，好足料，食落都好好味，層次好豐富卷入邊有滿滿嘅海膽，卷上面亦都好足料，有滿滿嘅吞拿魚蓉，兩者配合埋啲飯，好有層次入口即溶，吞拿魚蓉同埋海膽都好新鮮，真係好好食呀，呢個大推💕💕💕💕4. 炸雞腿肉配自家醬汁 $78 👍🏻👍🏻👍🏻👍🏻👍🏻炸雞腿，外脆內嫩，肉質彈牙☺️☺️好食，炸得岩岩好，個醬汁都幾特別😋😋 酸酸甜甜👍🏻👍🏻4. 黑豚蘆筍卷串燒 $ 48 雞翼串燒$ 28食咗咁多冷盤，食埋雜物都想食吓熱嘢就試吓佢個串燒，燒物燒得啱啱好，香口得來又唔會燶，個蘆筍好爽，豬肉片都好好味，至燒雞翼，同樣都係個調味好好👍🏻👍🏻😋😋5.牛肉稻庭烏冬$ 88 👍🏻👍🏻👍🏻👍🏻👍🏻👍🏻性價比好高，好多牛肉，仲要應該係靚牛嚟❤️肉味濃，入口即溶❤️😋😋，個湯都調得好好味，食完暖笠笠作結👍🏻😚整體覺得呢一餐飯，食物質素都好高，食到我哋好飽捧住個肚，好滿足咁出餐廳😆😆推薦大家嚟到大圍試吓呢一間新開嘅日式餐廳💕💕價錢又唔算太貴😋😋性價比都幾高👍🏻
continue reading