王家沙 (Closed)

是日去了觀塘APM 同幾位朋友去咗看電影，看電影前突然想吃上海菜，之後去了附近的「王家沙」食晚飯，又不用排隊都好快就座食飯。天氣有點寒冷，先點了一杯熱飲再點其他食物.....講起環境，感到優雅又光猛，簡潔清雅，天花的吊燈都好有趣，有些玩具機械人，四周地方都好寬敞，感覺都好舒適。 滋潤菊花蜜($16)可以有凍或者熱飲，而我選擇了熱的，清淡得來充滿菊花香，味道都不太甜膩。 鎮江肴肉 ($60)賣相精緻而且晶瑩剔透，佐有薑絲為伴，令口感層次更可以提升，加上凝結的高湯的一層啫喱，入口瞬間慢慢化開。豬蹄部份的色澤紅潤鮮明，吃起來肉質較為結實，肥肉都不會好膩，食落爽口細嫩，蘸上鎮江香醋令口味帶甜酸味去些膩感，作為小吃前菜都無不適宜又感到開胃。 醉嘉美雞 ($88)雞肉切件完整，雞件浸了杞子、花雕酒中，上枱時已經感到花雕酒香，把雞件放入口中，雞肉仍然嫩滑，散發著啖啖清幽的花雕酒香，果然是酒香撲鼻，酒香的餘韻盤繞口腔之中，咽後齒頰留香，令人回味。蘇式鮮肉小籠包($36)一籠有四件，熱騰騰的小籠包上桌，皮夠薄帶有韌性，鮮甜有肉汁，湯汁都好鮮甜，一咬開澎湃的肉汁飛濺出來，吃起來又不油膩。闊佬炒飯 (

今天在觀塘跟攝影師夾完野, 今晚在觀塘食中菜! 想不到王家沙在閒日都幾滿座, 好彩等了一陣就入到去, 而且仲有卡位呢 這間之前都食過, 品質ok , 而且出菜很快! 招牌蟹粉小籠包必食的小籠包, 真的很多湯在裡面, 很熱很熱呢.....而且皮做得厚薄適中, 夾起時不會很易穿 醉嘉美雞另一個挺欣賞的菜式是他們的 "醉嘉美雞" 雞皮很薄沒肥肉的呀, 而且肉汁都給花雕吸收, 很好味!鮮蕃茄菠菜 很健康的配搭, 蕃茄沒有炒得過老, 亦很 juicy這碟菜可以幫忙一洗油膩蒜泥白肉卷這個涼菜幾好, 夠凍的冷盤, 白肉不會過肥, 肉質不會過硬, 包著新解的甘筍跟青瓜 鮮茄蝦仁兩面黃我們都很喜歡炸面餅  真的熱氣, 但加上這個帶甜的鮮茄蝦汁, 脆身的口感令我忽然想起好似墨西哥的sauce 配脆薄餅的感覺燸米燒賣em....我不太覺得似燒賣, 覺得是燸米福袋多D 因為沒有蝦 , 沒有肉 但皮薄, 燸米幾香 王家沙牛肉餅這個覺得對女仔是有點油, 但肉汁幾多, 又不會令餅身太腍, 可以一試 清炒河蝦仁這個蝦仁很彈牙, 但我覺得蝦的鮮味不太夠但一分錢一分貨啦 豆沙鍋餅這個甜品不讓人失望, 很多豆沙湧出來! 脆

滬菜通常都俾人一種肥膩厚重既感覺. 王家沙其他分店如旺角同紅磡食過並冇太大印象, 今次好姊妹邀請去apm分店食晚飯, 食完感覺到不一般既滬菜, 口味清新, 適合現今飲食潮流.兩個女仔心多多想叫多幾種菜式食, 唔好睇見隻碟細就以為份量唔多, 其實都唔少, 兩個人差啲食唔哂.凉菜醉嘉美雞雞皮唔肥, 可放心吞落肚唔使起雞皮. 醉雞酒味香濃, 雞肉香滑, 作為前菜非常開胃.鮮菜肉小籠包皮薄多汁鮮甜, 完全合格有餘.乾煎小黃魚唔好睇外表以為好乾冇汁, 其實佢入面魚肉香滑鮮甜, 好似食緊蒸魚咁, 好正, 好啱魚迷.韮黃炒鱔糊通常韮黃多多鱔糊得幾條, 呢度韮黃同鱔糊比例差唔多一半半, 好抵食, 不過呢個菜趁熱食比較好, 凍咗有啲糊口.清炒河蝦仁味道同平時街市買到啲蝦肉質爽口唔同, 佢肉質細嫩鬆軟, 蝦肉呈半透明, 晶瑩明亮, 有另一種滋味.1/4隻樟茶鴨雖然好入味, 不過肉質比較乾同硬, 下次可以唔叫.甜品豆沙窩餅, 先頭好姊妹提議其實唔係好想食, 因為食過通常炸得好硬, 食完嘴都痛, 不過今次呢個炸咗都比較軟身, 熱辣辣豆沙蓉又多, 好啱口味.

平安夜唔想同人迫又唔想排隊下去左觀塘APM搵食，係唔知食咩好下，去左王家沙食飯去！由於下午5點半實在太早關係，所以直入唔使等一場坐低就叫左碟上海粗炒，諗住食少少就算，但呢碟野實係得個樣，食落完全你味，麵質係彈牙，菜係爽甜，豬肉就無咩特別，但就係調味唔夠，衰到好似醫院d飯咁，食完一啖已經無晒食慾，係好辛苦下最終食左一碗，最終都頂唔順要棄食離場，如果再唔改善下，應會好快摺得，真係好嬲囉

好耐冇呢APM的王家沙,呢晚同朋友經過, 見到推出左大閘蟹的食物,即刻去食先~冷盤:<香芹手撕雞>味道香濃唔會太油帶少少麻辣, 幾開胃點心:<蘿蔔絲酥餅>外層香脆可口, 但蘿蔔絲餡相對以前少左,所以冇咩蘿蔔味~<鮮肉小籠包>皮薄餡多, 一咬滿滿的肉汁溢出, 好味<鮮肉生煎包> 包底煎得香脆，肉汁多又鮮甜主食:<醬燒毛蟹年糕>年糕軟硬適中, 吸晒醬汁同蟹汁,好鮮味~但蟹方面蟹膏都OK多, 但蟹肉就冇咩,有D失望~甜品:<高力豆沙球>即叫即整, 熱烘烘外面軟綿綿, 配埋入砷的豆沙好正,不過建議豆沙的份量可以再多D~

平時去開旺角嗰間今日同朋友行下觀塘就諗住試吓呢間好唔好味七點幾鐘一去到同佢講兩位入面明明好多位但俾人坐逼晒啲人坐係商場空曠嗰邊我哋話我哋想坐入邊佢擘大眼講大話同我講話入面無位後來坐低左再投訴佢佢先比我地換番坐入邊但全程態度非常差好終於可以坐低啦佢會比碟小食你如果唔識記住退翻俾佢因為會收返你$10架以下就我哋叫咗嘅餸小籠包湯汁多而且皮薄味道濃郁幾好味排骨菜飯偏油而且我地嗰個件排骨可能太厚，有大半件唔熟，佢都好樂意換返俾我哋乳鴿（$58）肉質鮮嫩炸得剛剛好鎮江肴肉（$68）價錢偏貴而且好細件味道一般唔太值呢個價錢最後甜品叫咗高力豆沙，一邊又係好似未熟咁有啲水水地嘅感覺同平時食開好豐型嘅感覺唔一樣最後埋單嗰陣時計錯價錢同佢講返經理態度又係唔多好所以整體結論係食物味道唔錯服務態度差

lunch time同朋友兩個人，叫左個上湯煨麵同埋排骨湯麵，真係人間’極品’。首先排骨湯麵，完全冇味, 好似用水煮出黎咁...排骨都有d味，但好明顯炸完放左好耐囉...上湯煨麵仲正，係一碗煨到爛哂既麵，部份仲痴埋一堆好Q Ugly...叫左經理前來問過究竟，佢竟然話煨麵係咁架啵...牛肉湯麵點會冇味呀..我同朋友都好嬲，叫經理拎走唔要。我真係以後都唔會去!!!!!!!!!!!!!!

An all-around disappointing dining experience. Clearly the food quality of this restaurant has gone down. My appitizers did not look fresh, and their flavors were either tasted a bit sour (which should not be) or simply too bland (even for my wife and I who prefer less salt). Our noodle soup, however, was salty and its bean curd puffs were hard. Our soup dumplings were juicy but blend. For their prices, I could have gone to many other restaurants in the same mall for more than noodles and bread-

唔知係咪我要求高，第一次見到隻碗污穢叫佢換過隻，見佢係碗櫃不停擦十幾秒，心知不妙，拎來時也不敢用。我自己去隔離檯是但拎一隻，又是污穢的，總是有上手食剩既物資（見圖）。後來店員見我側面放了兩隻碗問我係咪污穢，我答係。之後他去了碗櫃看了幾隻碗也無拎比我，最後去了廚房拎比我，不過我怕了，不敢用。其實連隻碟（見圖）都污穢的，見不用就算了。食物質素其實一般，不值再來。京醬肉絲配薄餅的肉絲無咩肉味。

生日朋友請食飯，為左就我收工就簡左apm食飯王家沙唔洗等位就入左去見餐牌有個蟹套餐好吸引就點左小籠包係上海食既雖然有D唔同，不過都幾好味，有好多湯汁擔擔面建議上左就要食，唔可以放太耐，會結成一塊，甘樣就吾好味啦我地就係挂住食其它，搞到擔擔面干曬重頭戲-蟹係公的，蟹都算多。蟹肉好嫩滑，口感相當不錯，我好喜歡所有蟹用食工具都有齊，食起身吾會整到整只手都係炒飯乾濕度剛好，不過味道就一般般，無乜特別

好友從國外回來，恰逢週五，在apm走來走去所有地方都大排長龍，好不容易找到人少些的店。等了約半個小時，三人終於入座兩女一男，叫了揚州炒飯，招牌蟹黃小籠包，牛展，回鍋肉，以及腐乳通菜，份量剛剛好。 味道都比較普通，沒有太多亮點，牛展稍硬，不易入口，回鍋肉甜辣很好，除了稍鹹還算不錯，蟹黃包算是加分菜，蟹黃和湯汁一起入口感覺很好

食過幾次，正常連鎖餐廳應有的格局，服務態度良好，食物不錯但沒有見到亮點，質素唔差但亦不見得好，小龍包係好食的，但唔會好食過其他連鎖上海餐廳，無雞絲粉皮只有三絲粉皮，expect 係涼拌不過上菜後一入口竟然係室溫有失望，無得換，亦係意料中事，未食過的朋友可以唔使專登試。

今天與才子到apm晚餐，幸好提早到達，很多餐廳仍未滿座，來到這家中式餐館，職員馬上安排就座。快快趣點選了幾款食物，等待上菜。首先上來是京醬肉絲配薄餅但看到之時，不禁一凜，唔對路。以往食慣的京醬肉絲，肉絲粗如筷子，因肉絲下鍋與甜麵醬快速爆炒，加上醬料濃稠, 厚厚一層的附在肉絲上, 厚得看不見肉的原色/紋理.每條肉絲嫩滑，有光澤，醬料色深（深啡色），味濃，再配以青瓜/大蔥，以豆皮或烤鴨薄皮包好，即可品嚐。這就是我味蕾記憶中的京醬肉絲了。而面前這一碟京醬肉絲，肉絲很幼細，淺啡色醬料色澤很淡，肉紋很明顯即是醬汁不夠濃稠, 未能依附在肉絲上, 蓋不了肉的原色.蔥絲只得數條 (唔足夠囉!)唯有將配料包好品嚐，味道真係好淡，口中只是一堆雪藏豬肉絲，和以前食開的京醬肉絲天壤之別夾一條肉絲直接品嚐，肉絲幼如麵條，入口軟腍腍，肉質纖維不明顯，味淡，沒有肉味覺得好似鬆肉粉/梳打粉lar過的雪藏豬肉.既然豬肉絲本身有不足之處, 一般餐廳就會以濃味的醬汁來做掩飾.面前這一碟，就連借用濃味醬料如此方便做法, 也不會用! 肉質己經唔得, 醬汁又淡.咁就真係神仙都無符了!京醬肉絲的精髓就是以濃味的醬料來烹調肉絲呢。再

apm一到lunch時間度度都要等位，甘啱見到王家沙吾洗等位就盲沖沖入去試下D野食。我地2個人女仔，見環境都算幾好。入去坐底第一時間一定係睇meun先醉雞D湯底有好濃既酒味，不過都唔算難以接受。不過個人覺得份量都幾多，尼個價錢黎講又真係幾抵食我地兩個都敢食牛既，見京蔥爆牛肉尼個名好正就叫黎試下。味道就真係好一般，牛肉吾夠爽口，好在有薄餅搭配下又未至於難食。不過尼度環境係幾舒適既，同埋服務都不錯，起碼會主動幫我地加水。個人都幾中意食上海菜，王家沙既上海菜都唔算好味，好在份量夠多。

紅燒大排擔擔麵面身幼彈, 都幾彈牙。湯底有濃郁花生醬味, 仲有粒粒花生碎, 食真啲有少許辣味。但係大排個味就有啲怪, 肉質亦偏淋。下次再食我只會單叫擔擔面。小籠包皮滑又簿, 好煙UN, 咬落仲有肉汁, 唔錯。鮮豆板莧菜其貌不揚, 見餐單推介就試下, 點知泥到有驚喜。雖然睇落冇咩特別, 但食落好入味, 鮮豆板令個菜好惹味, 唔似平時的豆板醬咁咸。不過食完有D口渴