王家沙 (Closed)

上星期六晚上約9:30到這間王家沙食飯,一行4人叫咗7樣菜,可能無咩客關係,轉頭就一次過上晒7款菜,上菜太快嗱,導致有些菜涷咗唔好食,例如炒年糕、奶油津白...等,約10:30pm侍應過嚟話last order,再過一陣另一位侍應過來話要埋數，請埋單先,我們都無所謂,因方便佢地做嘢,更何況佢地收12點幾,唸住埋單後可繼續坐,比完錢後過一陣就熄了某部份既燈同拉閘,其實當時除咗我們外仲有4-5枱客人未走,大家見到佢地咁做,都好識做咁起身走人。本人覺得如王家沙要做到咁趕收工既,不如直頭每晚做到9:30就話收工唔做生意啦

想食上海野, 所以直接去左王家沙食, 好多外國人去食~!不過上次同阿其都黎過呢間食, 覺得一般, 今次就睇下佢有無改善啦~男友仔食親上海野都會叫我話事, 我就點左4樣野, 一個鮮肉小籠包, 一個上海炒粗, 一個紅油抄手, 一個高力豆沙, 個紅油抄手我覺得一般, 小籠包就好正~!!!!上海粗炒味道都OK, 不過成碟得一兩條肉絲, 最多就係D白菜~!!!! 所謂既高力豆沙, 聽D friend講好好味, 我滿心歡喜, 點知食左後...O左咀......高力豆沙沒有太多豆沙,得最尾個啖有D D.......最差呢樣~!!!!真的好喜歡個多汁小籠包呢~~~

上回吃王家沙已經是很久以前的事，那時鼎泰豐還在紅磡，嫌太多人排隊，決定到王家沙。今天在旺角閒逛，路經此店剛好又是晚飯時間，決定入內！可能太早，店內未見很多人。與媽媽二人坐在中央位置，很當眼。侍應快手的端上了酸菜，美味又開胃！餐牌選擇不少，二人想吃的也很多，但胃空間有限，只此要三樣小菜。上海酸梅骨，見餐牌屬推薦菜式，試試吧！上檯的時間嚇了一下，嘩！很大碟。骨，是細細粒的排骨，酸酸甜甜又是我最愛的味道，肥瘦適中，吃著吃著差不多整碟都被我吃掉，原來我的胃也不小呢！咸肉津白，咸肉頗肥，但咸味已經溶入湯中，津白被切成碎碎的，每條都很入味。而且煮得剛剛好，口感易咬易入口，滑滑的。最緊要的是很大碟，很抵食！嫩雞煨麵，不得不提，很大碗，真的很大碗。麵很多很多，二人吃也吃不完，吃剩大半碗，是師傅錯手下多了嗎？麵條不是拉麵而是上海麵，湯底也很好味，最可惜的是吃不完．．．埋單二人也是一百九十元，很抵！

今次黎食, 點左7個菜, 大部分都好好食.... 我地叫左以下食物:三絲粉皮: 粉皮好滑, 有香濃花生醬味; 火腿多, 但雞絲好少, 雞絲多番d就好la...菜肉小籠包: 呢個麻麻蟹粉小籠包: 呢個好食過菜肉小籠包, ok奶油津白: 紹菜切成絲, 加奶油, 好濃味, 好好味...黃金炒飯: 碟炒飯黎到, 見到隻色好白, 以為冇咩鹹蛋黃, 點知食落好香鹹蛋黃味... 炒飯炒得好靚, 粒粒分明又唔太乾, 好食。蔥爆牛肉: 個汁好濃, 有fd 覺得咸左d... 夾在附送的餅皮內同吃, 會冇咁咸... 但牛肉鞋左d...bad...5個人去食, 埋單$60一位, 好抵食。

午市有特價套餐供應除了有特價點心和涼菜,還有較飽肚的麫食同飯餐,又食得飽又抵!價錢較平時便宜得多,擔擔麫都只是25元,但份量都應該減了點。飯餐有多款選擇,配飯一碗,涼菜一款同豆漿一杯, 可以加6元轉菜飯。菜飯質素很好,飯粒鬆軟而且加有咸肉絲,菜的份量也不少,這6元真是十分超值。是次點了獅子頭,由於是一人份量,所以只有一球獅子頭。味道濃淡適中,肉質也不見肥膩。但間中食到有碎骨,影響口感。總括而言,以42元在王家沙食到午餐仲連飲品真的不俗。平日還免收加一和菜芥!!

大年初一,又有去拜年.所以出旺角睇戲不過條街都好多人.而且搵野食,都唔容易因為有一大半都休息.鮮肉小籠包(4隻):味道一流,又多汁,皮唔算太厚,可以接受. 好在,佢唔容易穿.紅油抄手(6隻):唔算太辣.味道都幾好糯米燒賣(4隻):原來裡面淨係有糯米,冇其他材料. 比想象中,好似簡單少少,而且又唔太夠味.香煎九菜餛吞:特別之作,從來只會諗雲吞要放湯食. 原來咁都得,仲幾香口添,正!上海粗炒:味道幾好.略兼油太多&唔夠乾身.

新年後回港因時差關係,昏迷一日一夜後已經係2號下午3點幾!迷晒咁去咗旺角揾嘢食,經過呢度見到每次都排晒長龍,見呢個時間唔駛等位就去試吓睇同其它分店有咩分別!兩人份量:擔擔麵(大辣)----湯非常少,擺一陣已經比麵條索晒!成碗漿咁,味道極淡完全無辣味.上海粗炒----任何一間茶餐廳有出呢款嘅午餐B都炒得好食過佢!油多,無味,麵條硬,椰菜生.鎮江肴肉----死死實實一舊肉,咬落去趙到口都攰.小籠包----個包已經蒸到包底塌晒成包水咁,一夾就穿.雪藏肉味唔好提.辣子雞----每粒手指甲大小嘅雞丁都有碎骨!又唔係炸到骨都可以食埋果隻?斬咁碎做呢？麻辣鴨舌----去佐敦麻辣王用呢個價錢食到你咀都歪！服務係極差!有個叫做June嘅侍應攞住壺茶走埋嚟,企正喺我朋友背後跟住嗌「喂！睇住呀！」企喺個坐低咗客人後面嗌睇住？我同朋友講「佢攞住壺熱水係咪佢應該睇住先啱呢？」跟住果個侍應除非你唔同佢有眼神接觸!例如示意點菜或加水,佢一定回敬一個怒啤!成個場有六、七個侍應但無人會幫手上菜,由得傳菜阿嬸自己嚟,等我地幫佢執位擺菜.究竟係做客嘅香港人要求越來越低定係打工嘅人質素越來越低呢？

一排無來，同親戚來幫襯，竟然發現好好味，第二度沒有的「粟米汁」竟然沒有了，代替品係好多地方都有的豆漿。唉，真係好失望！發辦點菜，叫左個闊佬炒飯、一碟三鮮炒年糕，另外仲有菜肉雲吞、牛肉餅、炸銀絲卷，咸肉津白。味道只係普普通通，無咩特別。最好味算係碟端上來時仲熱辣辣嘅炸銀絲卷，埋單二百幾蚊落樓，叫做ok啦！不過落去地庫廁所嘅時候，見午飯時間都係得三幾枱有客，雖然話係假日，真係冷清左d呢！

自從上次係呢度吃得太飽﹐還剩下太多食物之後﹐我再也不敢來吃飯了。事隔2年多3年﹐這次同小白再來吃。煙氛魚﹐真係好味﹐汁好夠﹐甜中帶香﹐魚肉好實﹐係被汁淹過一段時間的香味。干扁荳角﹐不辣﹐但可以吃到食物的美味﹐豆角炒得好入味﹐上面的炒料﹐好多﹐配在一起吃﹐很入味。火腿菜粒炒飯﹐有上海菜飯的味道﹐不同的係多了火腿粒﹐飯立即變得香口了。菜肉包﹐裡面的材料很足夠﹐有肉的膠﹐菜的爽﹐包皮也很適中。

同幾個舊同事聚舊, 決定黎王家沙可能時間尚早的關係, 不用等便安排入座酸辣湯, 很濃的酸味, 辣味不足雲吞砂窩雞, 沒什麼特別, 算中等吧炒四季豆, 這個不錯, 挺香口的, 熱辣辣吃起來, 不錯炒烏冬, 沒吃很多, 感覺挺油膩的, 不過不俗蜜汁包, 用包去夾著肥豬肉, 挺特別, 不過太甜了, 個人不太好甜吃小籠包, 不錯, 裡面有很多湯汁, 皮薄

近排見到雜誌介給大閘蟹, 琴日我都忍唔住出去試下, 我去咗王家沙食咗一個198(一位) 既餐, 但真係麻麻地.....1) 上菜時間太無水準: 上酸辣湯, 我未飲完第二啖, 就上咗個王家沙擔擔湯麵, 未飲完半碗湯, 就上埋個小籠包....... 到我飲完個湯, d 麵都索哂水凍哂, 個小籠包都凍埋...... 咁樣既上菜時間係想趕你快d食, 但係就算我係大胃王都食唔切, 況且, 到我食哂d 野, 我都仲等咗15 分鐘先等到隻大閘蟹......咁又何必上得咁快呢.....2) 食物質量:a) 酸辣湯: 只不過係中環吳越既質素, 話好差都唔算b) 蟹粉小籠包: 食既時候己經凍咗, 所以只感覺到有少許"猩", 熱既話可能會好dc) 王家沙擔擔湯麵: 麵質其實唔差, 索哂水都唔覺得佢淋, 熱既話我估幾好食d) 大閘蟹: 佢話係足六両, 其實我真係唔識點為之六両, 不過, 我記得上年我老豆買4両既番黎都好似大過佢呢隻六両, 但我唔敢挑戰佢, 因為我唔識..... 另外, 同我老豆買番黎既比較 (我未食過其他, 所以只能夠同我之前食過既比較) : 蟹膏分量不算多, 膏同油算平均, 但入口唔香,

雖然在雅蘭中心，但入口難找，還是由朋友帶路的好。全店分地面和地庫兩層，地庫座椅排得密麻麻，椅背撞椅背。談天要十分大聲，很不方便。食物尚可，不過不失。肴肉入口即化，糖醋骨、高力豆沙保持水準，粗炒調味略為重手。

還是首次來劣評不少的新派上海菜館，打算吃碗大排黃魚麵，及試試這裡招牌小籠包。剔著紙仔之際，電話響起，沒心情閒坐吃麵，看看錶，還趕得及吃即蒸的小籠包，又順道試埋即叫即上的推介菜寧波烤鰻魚。等了十分鐘，熱氣騰騰小籠包連著薑醋汁上來，快手趁熱吃，小籠包夾起如燈籠不溜汁，皮略透光澤，手功不錯，湯汁夠濃而豬肉餡不羶，口感不至於「實的的」，廿四元四隻，滿意了，惟一要挑剔的是薑醋汁很嗆，不是好料子。寧波烤鰻魚？見得意就點來試試，聽說北風凜冽時，當地人會將鰻魚切片塗上米酒曬成魚乾，是四季供應小吃。是晚的鰻魚乾，相信是當地現成運來，配以甜醬汁作為佐膳小品，粗韌而帶著魚乾鹹味，鹹鹹甜甜，幾特別。水過鴨背的試了兩味，趕著走，有機會會試埋其餘麵點，是一～四人輕食的好店子。

女朋友明天生日（原本想叫女朋友請前後3日假，可以玩得盡興一點，而且這一段間經常因公司的事攪得沒精打采的，無奈她太忙，沒有時間，只能在正日請一天假）為了令女朋友好好迎接生日，我今天送了一束agnes b的花到女朋友公司；女朋友果然心花怒放。晚上我們約好了吃晚飯，女朋友心情靚絕（近罕見呢！）女朋友說明天既然慶祝，今晚就簡簡單單吃點什麼吧！那時正值七點左右，我想朗豪坊內的食肆應該大排長龍的了。我突然想到了久違了的上海菜館王家沙，女朋友未光顧過，亦想試試呢！那時已差不多8點，旺角出乎意料的不用等位，原來旺角店頗大，分上下兩層。我們被安排坐到下層的二人位子。女朋友明天生日，當然由她作主，她叫了最喜歡的鍋貼，還有擔擔麵（小辣），涼拌雞絲粉皮，另外還有一個蛋白炒飯。前菜則是預先安排了的醬瓜。醬瓜---預先安排的前菜，我不知道是否只有一款，但我一向對這些醬瓜不太感冒，當是覺得用來充饑還是可以的。擔擔麵（小辣），女朋友吃得津津有味，而我則覺得不夠香（感覺花生醬放得不太夠，欠了點味道）我印象中覺得「金滿庭」的擔擔麵更令人回味。（不過我都很久沒光顧過「金滿庭」了，各位看官就看著辦吧！）鍋貼方面，賣相實在很「

有一次，我地一班同事約出黎食晚飯....有人提意呢間野。之後我地去啦!我地一去到就叫做一套餐黎食....嘩!牌上真係好多餸可以選擇...仲諗住我地成六、七人應該都夠食啦。無幾耐!d餸就送左黎啦。我就好驚訝咁睇下又睇下....呢樣係咩野餸個樣又係咩野餸.....心諗點解會咁細碟既。份量點解可以咁少既..咁叫我地咁分啊?我都係女仔。咁少野食...咁點夠我地食。更何況有咁多男仔係度....嘩!更加唔夠啦。好快全部野都黎齊哂啦。我咁諗碟就咁大....點解餸就可以咁少呢?我唔明!你唔好話比我聽啊?大老啊!我比錢出黎食野...都係想食好d姐...點知咁樣?咁都唔緊要啦!!仲要d味道、菜式都好一般啊!!唔係下嘩?當我地係咩野人啊?我地個個都係"食家"黎嫁。未當我地無"料到"先至得嫁。講左永遠都唔會去呢間野。仲要買單大家各自都係比成$120!!真係又貴又唔飽囉..........