王家沙 (Closed)

琴晚, 與老爸出旺角等細妹放工, 之後一齊黎王家沙食飯, 點左八個菜: 三絲粉皮, 奶油津白, 東坡肉, 水餃, 松子桂魚, 鳳尾魚, 春卷, 蘿蔔絲酥餅, 上菜幾快, 食物係熱的, (冷盤除外), 相信係即叫即製, 由此看來, 廚房的人手足夠兼效率高, 尤其春卷和蘿蔔絲酥餅, 可能我太心急, 一上枱我便急不及待咬一口, 因為皮太脆且熱, 所以我既嘴唇和舌頭都被燙傷了! 松子桂魚最貴, $78一條, 但真係好好味, 又甜又酸既汁, 好味到一流, 用來佐飯, 至正! 蘿蔔絲酥餅, 又係另一必會再食既小食, 酥皮鬆脆, 蘿蔔絲爽口, 加上剛炸起的熱氣, 就算第二天長了幾粒暗瘡, 都不理, 照吃!記得舊年12月, 我地去過沙田既王家沙食過一次晚飯, 我地三人都覺得沙田分店做得冇咁好味, 而且人手唔夠, 樣樣都慢, 仲漏單! 下次都係黎旺角呢間好d !

老實講! 比之前差左! 但都唔知點解仍然超多人等位, 以前好食d 既時候無咁多人! 小籠肉團鬆散, 三絲粉皮醬太多, 頭半碟覺得好正, 但後半就會覺得超漏... =( 蔥油餅好油, 只係食左半件就唔敢再食! 奄篤鮮無鮮味, 咸肉係多, 但火腿只有一小件... 兼且味精好重, 飲後不斷飲水!另外環境唔該真係要攪攪佢, 上層既天花板掛有最少20 個小膠袋, 我諗係天花漏水所致, 開店賺錢係緊要, 但環境亦都好重要囉! 望住d 咁既野食飯當堂無哂胃口啦!

上星期五試過仕應服務唔得食物應辣唔辣酸辣湯得個酸飲灑水又唔加高力好少豆沙

見咁多不好評,但家姐去過又話幾好,咁就膽粗粗咁試下啦~6點半去到都冇咩人,但差唔多食完之後就full晒,仲有人等緊位果d,,我地估唔到既係連下層都full晒,呢間野差極都應該唔差呱~不過食完之後有個結論:真係比較一般,又唔可以話好差好差,不過比其他上海食肆都比較遜色囉。叫左海蜇頭,三絲粉皮,小籠包,通菜,賽傍蟹,蝦炒飯,高力豆沙,豆沙鍋餅,2支喜力,2支cook light,鴨,好似係咁多,不過竟然埋單$504,真係幾貴囉,呢個價唔值食呢間,相比下,翡翠好好多囉!!１．海蜇頭：本身以為係食開果種海蜇，點知呢種硬好多，而且分量唔多，有青瓜０係底！２．三絲粉皮：呢個幾好，不過我覺得佢如果係凍既仲好。３．小籠包：一般，雖然多汁，但個皮真係好厚。４．通菜：幾好食，算最好既一碟。５．賽傍蟹：未試過，以為好好食，但食落冇乜味囉，而且價錢都唔平，＄６８呀！唔抵食！６．蝦炒飯：呢個係最大碟既一碟，不過我冇試，因為唔仲意食，佢地話係冇味架！７．鴨：超級唔抵食，得果幾舊！！＄５８，癲架，呢個係一個涼拌菜！！！一定唔好嗌，係新菜式！８．高力豆沙：之前未試過，但一食就覺得差，皮好厚，豆沙好少，真係好差呀！＞．

Jackie , Dorothy, Joyce and I go there at six and I order 小籠飽and 担担麵. It is not expensive but the food is not good and very 普通.

成2年無食過王家沙,剛好經過又冇人排隊,就向呢度食個午餐啦.叫了一個午市套餐$38~主菜:甜酸咕嚕肉,小食:鳳尾魚,白飯一碗及熱豆漿, 另外點了:煎鍋貼$20及三鮮炒年糕$42.鳳尾魚: 好乾,好乾,好柴皮.甜酸咕嚕肉: 賣相不錯,但完全唔脆,淋到不得了,好差.煎鍋貼: 熱辣辣,不過D皮好似未熟咁,仲有D白色,唔軟熟,妤硬口,入面D肉仲乾真真添.三鮮炒年糕: D年糕炒到叠埋一堆堆,D豬肉又係未炒鬆咁,又冇味道,最後加多2條白菜仔咁大把.豆漿唯一好少少,有返少少豆味.怪不得星期日中午1:00都係得8枱人到啦,中間D枱全部空晒.

星期六中午, 同男朋友去開旺角又未食過呢間, 見幾清靜就入去試下啦; 朋友住過上海, 都話好出名,唔錯.小籠飽, 鎮江肴肉, 馬籣頭都ok啦. 午市有套餐,唔肚餓叫一個餐,再叫多兩個小菜2個人就夠了.唔可以把黃家沙同仿膳,雪園相比. 因為後者係酒家類, 而黃家沙只係飯店.只覺得黃家沙雖然唔係貴, 但食物都可算不錯.

同女友兩個人黎食左幾次都ok 架最深印象係要等囉﹐有次六點零去食就唔洗等之後七點零八點就要等半個鐘架喇食物水準~~~~可以接受啦﹐對比番個價錢既話牛肉餅....佢個餐牌到寫明小心裡面d 熱湯我女友個件無汁架！但係我個件d 汁又多到噴出黎喎@@都唔知算唔算貨不對辨紅油抄手同酸辣湯都唔錯小籠包就普通左d 啦﹐好似同公仔點心無乜分別反而個上海臭豆腐就真係幾臭......格離枱都望住我地哈哈價錢呢﹐ok 抵啦

近來廚師推介西湖脆鱔, 用d酸甜汁包住炸脆左o既鱔背, 好開胃, 好味! 不過$58得細細碟, 貴左d!

之前試過沙田王家沙食都算幾好食, 點知去到旺角果間就失水準.小籠包---個外形走左樣, 有D東歪西倒, 味道真係普普通通, 無沙田果間咁好食.雞絲粉皮---鹹左少少, 都ok担担麵---真係重手左, 鹹味蓋左花生味...有D失望炒年糕--- 水準一般, 無咩特別話梅排骨--- 好味, 酸酸甜甜如果係一般食店, 其實水準可以接受, 但真係無謂排長龍去食.可能時間早(晚上七點), 無咁多人啦, 服務又唔算太差, 好有MK feel, 又似茶餐廳feel.

旺角分店長期長龍今次午飯時間見無人等位先幫襯蟹粉小籠蟹粉不是當造但混入肉中仍然相當香口唯一美中不足就係灌湯唔多生煎牛肉餅竟然好似蛋達皮都幾有特色同清真牛肉館既截然不同但係都算好食小辣擔擔麵小辣真係唔多辣反而花生醬味好重如果再食會試中辣三絲粉皮火腿似乎係中式火腿偏咸但整體都算唔錯好過南翔好多喇喎午市免加一同茶芥都唔算貴如果唔好理佢有幾大名氣係旺角既水準黎講完全可以收貨環境幾好亦無其他王家沙咁人迫迫但梯間放左好多裝修工具有少少奇怪同唔整齊囉臨走仲見到廚房冒煙添…

之前都幫襯過,但係就無其他食家既遭遇!上星期一行六人再去.今次明顯比上次少人.但係都等成三十分鐘,(可能我地要坐食煙區)不過門口個姐姐好搞笑,每一張唔食煙既台都問我地坐唔坐,開頭諗住都等左咁耐唔"掙"在啦!但係個小姐一尾叫我地坐啦,又話要食煙既話上樓上欏煙灰盅比我地,我地話真係等左好耐,佢話最多送o的豆漿比我地飲叫我地照坐唔食煙既台,見佢咁有誠意,最後我地都比佢沊左坐!值得一讚!! 我地叫左生煎包、松子魚、四季豆、黃金蝦、醉嘉美雞…… 生煎包唔錯,脆底但唔濃,松子魚味道唔錯用汁送飯十分開胃.其他就不過不失,但係上菜速度驚人. 整體上算滿意,臨走時門口個小姐叫我地下次o黎搵佢應該唔使等咁耐.哈…哈

本來一向食開都唔差架喎，係就係無乜服務架喇，但係都可以接受。不過，今日黎完之後，肯定短期都唔會再黎!!!!一黎到，睇到面多左碟酸菜已經知乜事喇，再睇睇餐牌。嘩，乜事呀，之前17 蚊既擔擔麵，一加加到22 蚊? 無事嘛? 一加加成百分之30!!!(人工又唔見加咁多?) 貴左咁多都算啦，有d 野食仲要差左喎!牛肉餅就係好例子喇。之前都唔差架，但係今次一食...嘩!乜事呀?做乜入面d 牛肉變左做窩蛋牛飯果種牛肉既口感架? 好唔掂呀。如果你問我之前d 度抵唔抵食，我可以俾3分以上。但係而家一下子貴咁多，仲抵唔抵食就見仁見智喇。埋單一睇，你估下碟酸菜要幾銀?6 蚊? 8 蚊? 全部都錯! 果幾條菜仔足足收你十個大洋。真係好過去搶囉。要坐得舒服，d 度無!要有好味道，已經差左!!要抵食，已經無左!!!要服務，從來未見過有!!!!

可能個人比較喜歡吃廣東菜.是日人不算多,所以不需等位.整體來說味道比較淡了一點(可說是淡而無味)顏色則非常好.小籠包算是ok,肉汁丰富,味道亦算鮮味.炒年糕.顏色好靚,但的年糕沒味.(比較淡),但年糕的口感非常軟滑,若味道重少少會好味好多.嘉美雞.雞好滑,味道亦唔錯.但個人不是太喜歡冷盤.糖醋排骨:普普通通,和其他餐廳整的沒什麼分別.高力豆沙:感覺似食沙翁.蛋白味濃.個人不識欣賞.闊佬炒飯:太濕,若然乾身一點會好的,蛋白味太重.肴肉:普通.

我都係第一次幫襯! 但係今次企門口既姐仔簡值四個字形容''不知所謂''上星期同三個朋友去食飯,時間大慨八點左右,門口好多人等位!行到柜位欏完飛唔記得問要等幾多張,返轉頭問個小姐,佢既態度不禁令人要反問''妳咩態度呀?''我行去想問要等幾耐,門口半帶鄉音既小姐又問我幾多位,我話我欏o左飛,佢既態度令我出奇!!''未到你呀,等陣啦!''嘩...我只係想知要等幾多張o者!!我再問,佢答我幾張囉!我唔知佢係咪受完氣,但係身為一個服務行業,仲係最前線連最基本既禮貌都唔識,咁樣同趕客走有咩分別??等o左大慨半個鐘,終於有位...非吸煙係下層,我同朋友落到去,有位經理係樓梯前接應我o地,當時真係想同個經理投訴,不過朋友話算數...樓下比較大,所以個經理接完我o地,遠處便有同事揮手.感覺比在門口時親切得多...一坐底急不及待叫o野食,可能等得太耐所以畫得太多,好彩接單既部長夠細心,主動問我地需唔需要分兩次叫, 可能會食唔唒.見到o的員工個個都好忙,因為上菜實在好快,員工就不停落菜同加茶,有部份員工已經好似做到無乜表情,唯獨數幾個仲會識笑面迎人...不過總算有禮!埋單$436,好飽..o野食ok...只