萬波 (Closed)

旺角食完飯後，好想搵嘢飲。沿途行去巴士站都見到好多連鎖式嘅台灣飲料店，好多人排隊，又唔係真係太好飲，所以都冇買。行到彌敦道潮流特區對面，見到呢間舖，裝修得好有懷舊情懷，咁啱冇人排隊，就停低睇下有冇好野飲。店員介紹佢嘅招牌奶蓋茶飲，可惜我食飽飯真係唔係好想飲奶類嘅嘢，同左店員講，佢就介紹咗佢哋嘅金牌愛玉檸檬🍋。店員問我想杯野飲甜啲定酸啲，非常細心。杯嘢飲好好味，真係可以做到比較酸，好清新，消滯一流！個杯仲好靚！

期待了很久終於有時間和老婆到旺角一嘗這間最新到港的萬波台灣紅茶專門店！店員十分專業，會了解客人的喜好，再詳盡解答他們各種飲品的特色，希望客人有最佳的台灣茶體驗。店舖裝修十分有台灣特色，打咭一流，而且全開放式內店，製作過程一目了然，只有真材實料的店舖才有這膽色。我們叫了一杯香草籽鹹奶油布蕾，和一杯西柚綠，兩杯都是少冰少糖。香港其他的台灣茶店，多多少少也試過哂，再好味的，都預左係原味太甜，少甜就淡淡的總是差一些。今次萬波完全不同！兩杯的茶味都十分特出，不會比其他味道蓋過。鹹奶油香滑但不膩，西柚綠甜酸比例適宜。是真心覺得飲緊一杯茶，唔係果汁糖水。真心推介這家一等一台灣茶店。

夏天開始飲很多台式飲品，連鎖的台灣茶店幾乎都全喝過了一遍。最愛烏龍珍珠鮮奶茶，由於地理便利關係比較常去旺角C記/K記買來飲。今次去開信和中心附近，見到呢間萬波，好似新開張沒多久，就去試下囉。門面裝修都幾靚 (好像是跟返台中總店的風格)餐牌好特別好似百葉窗簾，上面有些從未聽過的款式點左杯大烏龍鮮奶茶無糖 加黑波霸珍珠。如果同一款式大小，個價錢在C記K記之間。出來個色一層層咁，影相效果都唔錯，上Instagram打左個卡。搖渾之後開始飲。茶味濃，奶味較輕盈。珍珠煙韌，軟硬剛剛好，好好吃下次會試下佢個招牌飲品 赤柚與山地伯爵~唯一想改善係，希望除了現金 如果第日有埋八達通俾錢就好了(飲開果兩間我習慣俾八達通)

今次係第二次光顧，兩次都飲咗香草籽與鹹奶油布蕾。第一次叫純粹係覺得個名好靚又係signature (😂)，第二次係因為飲過翻尋味。第一次飲嗰陣已經覺得店員好用心，有為每位顧客介紹正確飲奶蓋嘅步驟，之前都唔知飲奶蓋都咁有技巧同一杯飲品飲落可以有咁多層次。第二次飲一樣無失望，反而仲多咗驚喜添。飲落茶味好清新，唔會好似其他台飲店嘅茶底咁，飲落好似放咗好耐嘅感覺。係配合埋鹹奶油奶蓋，又有另一種風味。係舖面飲咗一兩啖之後，發現店員會主動詢問每位顧客對飲品嘅睇法，然後店員真係會用心留意每個可以改善嘅細節。感覺成件事都好用心，會再翻嚟！

早幾日行過，見到新開所以試下，望住去都幾特別。同其他個d 唔同，有好多選擇。廚房望入去好大，好乾淨，好整齊。店舖出面好靚，有種慢活既感覺味道十分唔錯，未試過認真可以一試呀！

琴日路過哩間店，見咁多人排隊，就入左去買返杯試下。我點左赤柚山地伯爵，老公就點左黑糖珍珠鮮奶。好多人，等左一陣終於到我地啦。第一啖試左上面既奶蓋，好滑，好香既芝士味，正！之後搞勻飲，叫左輕甜所以不會覺膩，不錯不錯。試埋老公個杯，甜度適中，好好味！

自己很少在街邊買台式飲品，因為一直不喜歡站在街頭等候店員調好飲品，就要急急腳走的感覺。這次的體驗卻很不同，他們的鋪面不算大，廚房是獨立的，有玻璃分隔且很淨潔，店裏裝修還很有文青風，等候時鋪面店員很殷勤，很願意跟你聊天打發時間，沒有半點匆忙感覺。不知不覺還在店裏喝了半杯茶才離開。我點了杯黑糖鮮奶茶，不甜且茶味濃，口感很豐富。總算在彌敦道多一個歇腳地方。如果下次經過，我想我還會再來，解渴之餘再體驗他們的招待。

果日經過試左杯香港特飲，個奶蓋真係有淡淡既伯爵茶味，感覺幾特別同埋無咁膩，一般果d奶蓋都係太甜，呢個相對清新，值得大家一試，當然如果鍾意好甜既朋友可以試下佢其他飲品

啱啱試左赤柚與山地伯爵茶細緻奶蓋配埋🍊柚皮乾既果香 同伯爵茶意外地夾 好似食緊件伯爵茶蛋糕🍰咁 最重要唔係用奶精 見佢真係用鮮奶同鮮切水果整果茶 飲左都冇咁guilty.個人強烈推介合港人口味既新進過江龍茶店😊Tried their Red Grapefruit and Highland Earl Grey Tea, ordered low sugar; The froth on top with the dried grapefruit peels is a perfect match with Earl Grey taste. Highly recommended for anyone who loves Taiwanese style milk tea; Most importantly, not artificial milk/creamer is used, genuine fresh milk and fruits are used.👍👍👍

我好少出旺角，但上次朋友話約去旺角食飯，食完行過彌敦道見到呢間嘢好似新開，又有d文青feel，就入去試下。我叫咗杯鮮奶紅茶，微甜，朋友叫咗杯萬波紅茶，都係微甜。我地都覺得估唔到咁好飲。茶味夠，奶嘅份量適中，整體唔會太甜，成杯嘢個比例剛剛好。本身我好少飲太甜，初初仲諗咗好耐微甜定半甜好，店員又比咗d意見，最後比我揀中咗啱我嘅口味。朋友後來話特別留意到個杯蓋嘅設計好得意，最衰我留意唔到無影相。我諗我經過或者行開旺角油麻地都會再去，想試下個奶蓋系列!!

嗰日去完旺角信和行街見對面開咗間台灣茶就走去望下鋪頭設計幾簡單幾靚又好似幾受人歡迎，好似係新開張嘅台灣茶舖頭我見好多人叫奶蓋(其實係咩黎？🤣)但自己想飲啲冇咁heavy嘅嘢, 因為跟住去食飯就叫咗杯柑桔咩咩茶 (唔記得個名 😅)入面真係有生果柑桔檸檬，好似仲有話梅另外我自己加咗粉圓，可以有D野咬下飲落酸酸甜甜好舒服好彩係食飯前飲，感覺唔係好漏，唔錯唔錯又唔係等左好耐，好似三分鐘就有下次出開去信和行街再挑挑佢地機 😬

繁忙街道ge一個綠洲。我試過佢哋一杯伯爵茶。上面有一D類似cream嘅泡，加上橙皮 （轉身再射個3分波😬）非常之夾。茶葉非常香濃，最緊要係甜度拾到好處。店舖裝修格局，櫃檯深啡色嘅木櫃，加上門口一塊有網嘅玻璃，響繁華嘅鬧市悝帶有少少古典嘅味道😍😍。

萬波 香草籽與鹹奶油布蕾搭車經過彌敦道見到好多次 今日終於試左萬波呢間既奶蓋茶 試既系香草籽與鹹奶油布蕾 佢既奶蓋同茶既比例岩岩好 奶蓋有啲香草籽 令到有好香雲尼拿味 茶底就好香好濃 奶蓋配合茶底真系幾好飲 建議大家去旺角行街經過就可以去買杯試下😋

剛好下班到小米店買點配件，看到新開一家台飲店。 點了 烏龍鮮奶 ，烏龍茶味十足，聽收銀哥哥說是澳洲牧場鮮奶十分健康，點了微糖微冰，十分不錯 👍🏻女朋友點了大熱黑糖珍珠鮮奶，黑糖剛出爐還是熱的，味道也不會太膩，波霸也有口感。裝修真的很精緻，又看到店員用心做茶真材實料，讚！！地點就在彌敦道小米店附近/信和對面，也可步行至旺角或油麻地站，最適合邊行街邊飲，下次想試他們推薦的奶蓋茶 ，聽就一月會推出黑糖檸檬奶蓋和Oreo 奶蓋 期待

有日約左朋友係旺角朗豪坊睇戲，咁岩經過呢間係彌敦道，信和中心對面，新開既萬波。今年香港開左愈來愈多既台式飲品舖，但係呢間既裝修好eye catching，用左好日式既裝修，以木系為主色。短短十分鐘等緊杯野個陣，已經見到幾個美少女係度打卡。我自己都忍唔住買左杯珍珠奶茶飲。收銀個哥哥好熱情❤️同有禮貌。又推介佢地店舖主打既輕初乳芝士系列。turn out 佢地既奶蓋同其他店好唔同，其他店既奶蓋飲完係飯都唔想食，勁滯，好heavy，但係呢間既creme brulee 奶蓋飲落去好滑，海鹽同焦糖味都好重。本新呢杯野係配紅茶底，但係我自己都係忍唔住轉左佢地既烏龍鮮奶，再加波霸，好qq，真係好好飲。我嗌左微糖，我覺得岩岩好。