碗屋 (Closed)

昨日因為太太生日以及很耐無食過放題，雖然食量已經不及年輕時，但日本放題仍然想再一試，所以打算想揾一間貴d嘅日本放題希望質素會好d ，經網上搜尋見到有幾間，而網上評價話呢間質素好又新鮮於是500多一位都想一試，而作為客人確實很欣賞店内的服務，員工有禮，食物好快就到，但可惜價錢與質素確實有好大出入，而我就真係唔明以呢個價錢為何食物質素會咁差，魚生不夠新鮮自己都只敢食小量後選擇熟食，羊架感覺像去燒烤店買已醃製及加了鬆肉粉處理一樣嘅肉質，而其他食物感覺像$200位嘅放題質素，而最後我倆回家時也有肚不適而太太更有肚瀉嘅情況，我從未係OpenRice 俾過食評，但呢間店食物確實令人失望，所以大家去之前要考慮清楚或如堅持要去最好先降低期望先好去食。

首先入門口，接待員已經好有禮貌招呼你，已經好加分。入到去地方好闊落，雖然我地坐吧枱，但都唔會覺得好逼，服務員會不停收碟、加水、服務好好！食物方面，其實選擇唔多，不過貴精不貴多，尤其唔限時，慢慢逐樣逐樣試。汁煮鮑魚：最好食係一個只會送一次既前菜，個醬油入味得黎又唔會搶個鮮味，炆得好「臨」。刺身：第一輪可以order（每樣要小小），師傅會跟人頭每樣兩三片，刺身都好新鮮，不過就唔算好重魚味。釀蟹蓋：麻麻地。鐵板鴨肝：強烈推介，好肥美甘香（好邪惡！）日式炸豆腐：好一般。鐵板帶子：睇個樣就知唔多掂啦～迷你手卷：好食，海膽甘甜，魚子新鮮脆卜卜，不過手卷飯比較多，食得多好飽。炸物：一般。鹽燒海老：唔新鮮。天婦羅：好多麵粉。雪糕：好似係店舖自家制，好好食，又多款。榴槤大福（炸）＋榴槤糯米糍：榴槤都多，好香。

十幾年前已經認識碗屋，一試難忘，佢一直都係只此一家，10月份惠顧有八折優惠，所以今日同老婆嚟慶祝生日🎂😋。.訂位時話慶祝生日，廚師就會準備一個迷你壽司蛋糕。我哋叫咗個魚生拼盤，件件魚生都好鮮味，仲要係厚切，數量亦非常足夠。另外要推介嘅係燒鵝肝。鵝肝有成1cm厚，香味撲鼻，外脆內軟，入口即溶，油甘豐富，超正靚鵝肝。釀蟹蓋（甲羅燒）亦係必定要食。日本松葉蟹膏釀蟹蓋，蟹膏上面加咗些少鮮甜蟹肉，味道濃郁，滋味非常！ 串燒魷魚筒除咗個樣趣緻之外，亦十分鮮甜，加上秘製燒汁，令人要再三order來回味。老婆鍾意食燒羊架，當然要點啦！羊架帶有淡淡羊羶香味，肉質鬆軟嫩滑，入口即溶，味道極之好。炸生蠔、燒雞軟骨、燒大蝦🍤樣樣都香味撲鼻，要臭一陣先捨得食😆。日式燒金芋又係喜出望外，原來燒番薯時在上面灑少少鹽，可以提升番薯甜味及香味。其他推介有海膽手卷、拖羅手卷、燒鮮帶子、日式蒸蛋、豆腐雪糕、綠茶雪糕。最開心係放題由6:00開始，無限時，我哋兩口子食到10:00，可以慢慢品嚐每一口食物。

首先呢餐你生日飯，的確冇選錯地方。完全係高質放題。魚生刺身好新鮮，完全唔係hea住出菜咁。特別推薦食油甘魚刺身！我平時多數食三文魚，碗屋的油甘魚刺身深深咁吸引左我！油分夠多，又新鮮，好正然後赤貝，帶子都好好食。最驚喜的，莫過於頭盤的龍蝦刺身，好鮮甜。然後仲有蝦天婦羅，絕對係即叫即整，上菜熱辣辣，又唔會多粉頭，超正，好少可食到咁好食既大蝦天婦羅！必食阿仲有一定要食鴨肝，very nice.仲有雪糕，芝麻味好好食！除左食物正之餘，服務態度必須點贊。員工唔會黑晒面，雖然係放題兼人手落單，都冇漏單。如果座位再闊落dd就更好了！下次一定會再encore

話說我朋友想幫我慶祝生日，我就揀左呢間「碗屋」。因為上網睇就話呢間係全港第一間放題的餐廳🍴同埋無限時任食所以好想試下啦 裝修好有日本風的感覺，員工態度十分有禮而且重好識講笑，氣氛相當輕鬆我地被安排坐在卡位，好有私人空間落單方面，我地用口講比佢地聽就得了。佢地幫我地寫埋，勁貼心 食物方面，種類繁多，其中燒鰻魚同刺身極為打動我心勁好食！最好個樣就係無限時，我同朋友一路慢慢食，一路慢慢吹水，不知幾寫意 最後我地食左成三個幾鐘先走雖然價錢係有啲貴，但係本人認為呢間放題勝在性價比高，服務好。絕對要再黎一次

今日朋友話要食放題，坦白講我對放題不一向都冇乜興趣，期望亦都唔會高，質素只有不過不失就已經好好。我個friend話依間佢之前食過，一定唔係普通料，同其它唔同喎, okok就去試下。佢係中環上樓鋪，都叫跟地鐵站，今日我地食假日下午放題，人客都有八成滿，我地有訂位。地放唔算大，居酒屋嘅design，位置寬躺。坐底侍應就幫我哋安排一個魚生拼盤，再加一個送嘅龍蝦刺身。賣相味道都好新鮮。我哋都有叫到海膽手卷，同樣先甜好食，都係任叫。種類唔算好多，但質數高，大部分想食既都巳經有。我推介有鴨肝，燒原殼凡立貝，魚生，吞拿魚他他，燒大蝦，燒羊鞍，和牛......等。Order野食，唔食畫紙同襟電話，直接同侍應，都無留單既情況，上菜時間正常。如果我再想食放題，我暫時你只係會黎依度。高質滿足又唔駛同人逼。

It’s a great lunch spot if you work in Central and can have a flexible lunch hour. The lunches are around 40% off if you can get the bill before 12:45 pm and the set lunches come with 2-3 side dishes. It’s efficient with good service - like always I asked for no carbs where possible and they had no issues serving a hotpot with no udon (normally I get a lot of questions and Ums and Ahs or a outright refusal...)I ordered the sashimi lunch set - fish was fresh and tasty!

前前後後都幫襯左碗屋接近10年每逢過時過節都會喺依度慶祝❤️所以今年嘅父親節亦都選擇返喺度食而且可能因為疫情嘅關係仲要有折扣超抵食一嚟到當然係食返個刺身拼盤帶子好新鮮食落去係一絲一絲甜蝦亦都好大隻 油甘魚亦都好香魚油味 相對來講三文魚就顯得有啲遜色🙊海膽更加唔使多講一直都係佢哋嘅招牌牡丹蝦亦都好鮮甜 可惜冇得refill😭跟住就係每人可以選一款頭盤我揀咗汁燒鮑魚鮑魚就普普通通啦冇咩特別而我媽咪揀嘅龍蝦刺身就真係好出色雖然比我想像中細 但係好爽口好重海水味❤️跟住就梗係瘋狂嗌我嘅海膽手卷紫菜好脆海膽好鮮甜冇腥臭味愛死了❤️❤️❤️❤️然後店員推介新菜式係和牛漢堡呢一款就冇乜特別和牛亦都冇牛味而且塊多士淋左跟住鵝肝亦都係必食之選好重油脂 又厚身 配合埋勁脆多士 而家諗返起都好想再食😭😭😭跟住仲有天婦羅我哋嗌左炸蝦同炸蠔 勁大隻勁新鮮食咗好多輪之後 就想補充下澱粉質所以嗌多咗個飯同粥😂連我媽都話我好似胃生蟲 勁食得😂不過依兩款菜式相對之前食嘅山珍海味就冇咁吸引嚕最後嘅最後梗係要食佢哋嘅雪糕啦前前後後我食咗五球😂😂😂😂豆腐味同芝麻味真係冇得頂但係我唔記得咗影相🤦🏻‍♀️都買單嘅時候每人都唔使$500有機會一

食物全部都above average 質素很好出菜很快！ 所有員工！是每一個都很有禮貌 很friendly! 雖然價錢不包飲料 但員工加水加得好密 好耐未試過有舖頭加水加得咁密！食放題又無限時 非常驚喜！ 不過最重要都係員工好nice 人手很足夠！ 老闆請人好有智慧！好少見全間舖所有員工都咁主動同有質素！令用餐體驗非常良好！ 環境很好座位很舒服而且員工不斷收拾枱面 令枱面非常多位置可以放東西唯一可以改善的就是選擇方面 是相對其他放題少了一點

經朋友介紹下，說中環有閒日式放題好高質，所以二話不說就去訂枱，當晚我同老婆二人食早場，6點開始食，一入門口待應馬上安排入座，態度親切，安排咗我地坐左張二人枱，但座位比一般放題餐廳窄,有點不舒服，好開始點餐，餐牌同其他餐廳大同小異，唯一有少少唔同嘅係今日有龍蝦刺身送一客，味道不過不失，正正常常，出菜時間偏慢，可能所有食物是即點即做，還有些漏單情況，我們點了1件羊架，說了3次，等了45分鐘侍應先比到我地，鐵板燒項目出菜速度十分慢，但食得出師傅用心制作，呢樣要改善下，另外飲品亦都同其他放题餐廳唔一樣,不是任飲，要散叫嘅，我飲左支有汽礦泉水，盛惠28蚊，食到差唔多老婆要食甜品，有幾種雪糕，雪米糍等等，味道正常，不是甚麼大品牌雪糕，整體嚟講以5百蚊食一個放題又唔包飲品都算幾貴，不過待應服務態度真心非常好，收枱好有禮貌.值得一讚

位於中環的日式料理，如果在1245時前結帳會有六折優惠。由於menu上的食物全都是170元以上起跳，所以如果能準時離開價錢的確吸引。打開menu發現有不少set lunch 可選，有熟食壽司刺身。點了一號餐的特上刺身，跟餐可選牛肉烏冬或冷烏冬，由於天氣有點熱決定選冷烏冬。食物來了，冷烏冬爽口彈牙，配上冷冷的鰹魚汁，十分清涼，這裡的鰹魚汁沒有很咸，十分好。跟餐還有沙律及蒸蛋，不過味道一般，沒有什麼特別。重頭戲是刺身，看一看有希靈魚、三文魚、油甘魚、螺肉、帶子、海膽、甜蝦、八爪魚。每種食材都十分新鮮，沒有很重的雪味。脂肪比較重的有三文魚及油甘魚。希靈魚、八爪魚及帶子爽口，而八爪魚十分易咬，不會有橡膠感。海膽、甜蝦十分鮮甜。總括而言200百多元的午餐確實是可接受因為套餐性價比高，但如果1245前結帳相信會更加平宜。

母親節帶咗屋企人嚟呢度食放題💕自選前菜 - 磯煮鮑魚🤤 入味又夠軟熟刺身拼盤母親大人最喜愛嘅銀雪魚 質素絕對唔會比出邊高級日本餐廳差，個人認為甚至比普遍嘅日本餐廳都好食😋 淨係食呢個都回本😆厚燒牛肉 - 五成熟真係好正🤤🤤佢而家有啲似廚師推介嘅Menu，其中我哋試咗焗蟹蓋🦀平時我最驚啲蟹蓋得啲好膩嘅白汁/ 芝士, 都冇蟹肉 但係呢一個蟹肉好多，又冇啲好膩嘅汁細細個幾好食😋佢呢度啲甜品都好精緻, 全部都試左(不過冇影相) 好鍾意食佢呢度嘅自家製雪糕/雪葩, 唔會太甜, 感覺清新🥰仲有其他好多嘢食質素都不錯, 以後食放題都淨係會食呢一間

第一次到碗屋吃放題，但朋友是熟客，經常過來，暫時停了火鍋，但也有鍋物提供個人比較少吃放題，久不久吃一次，也十分過癮，每樣吃一點點，已經太飽了魚生刺身非常新鮮，種類也很多，個人喜歡帶子和鮮蝦鯛魚湯也很正，魚味濃厚，非常鮮甜爐端燒方面，選擇很多，帶子肥美，䐁肉美味，鱈魚則比較無味，可能忘記下調味天婦羅蝦，香脆美味，但為了健康，不敢吃太多，始終油炸食物，少食為妙整體食物出品，屬於中高，環境舒適，座位寬敞唯一偏弱，就是甜點，大福與糯米兹，應該是交貨回來的商品，雪糕口味試了豆腐和芝麻，味道還好。

個frd嚟開中環返工，無啦啦話請我食lunch仲話請我食碗屋唔係平嘢喎，滿心期待被安排坐房，限聚令底下，啲枱隔得好開，幾有空間感人流都唔少，走嗰陣仲見到有人等位我哋嗌咗兩個lunch set同一個燒魚share食張枱略嫌有啲細，而啲擺盤又頗多每次有人擺低嘢食都搞咗陣咁我就揀咗lunch set 厚燒鐵板牛 $218啲牛望落同聞落都好出色但食落就無乜特別牛味唔夠同埋燒得乾咗啲個set仲包幾片刺身、沙律同湯我覺得刺身係最高質另外就係個燒魚燒得好香又鮮味十足最後用匯豐卡埋單有85折折完$620，整體嚟講還可以啦，無好驚喜

We waited over an hour for a table from 7:50pm to 9pm as they kept telling us one would be available shortly. Realizing they shut at 10pm and had failed to bring out any food to the table they sat when we arrived, we realized at best we would only be able to order one round of food before they closed.They completely wasted our time and we could see tables waiting for an hour without having food bought to them.