碗屋 (Closed)

講起日本放題，係港人至愛絕不為過，我諗連日本人都會驚嘆香港嘅放題餐廳開到成行成市，但要講最貴最起朵嘅，應該非碗屋莫屬，呢個名我聽左好多年，琴晚先第一次食其實撞啱個朋友喺上環放工，我先靈機一觸話去碗屋，夠近佢，但唔近我，我住天水圍但都貴的，有8折一個人都要$490OpenRice book定位夠哂方便，上環站落E2行一陣就到，上到去真係滿座架，唔訂位可能冇位一望個餐牌….嘩！咁多野食，心諗邊試得哂，我出哂名細食淨係見到個餐牌都好開心一黎有個頭盤係送的，有鮑魚、帶子、龍蝦任選其一，我揀左鮑魚，朋友揀左帶子，個鮑魚真係好食，有返鮑魚鮮味同好稔滑朋友話帶子都好食之後黎左雜錦刺身、天婦羅、銀鱈魚、牛柳粒同燒物嗰啲，都各有水準，除左個Tuna刺身差少少之外甜品都多選擇，朋友唔食榴連，但榴連糯米糍唔可以錯過，榴連味重到呢

由上年起至今食過4次，雖然圍返一個人六佰幾蚊放題黎計其實唔算平，但都覺得好值，因為頭3次真心覺得好食，係高質放題，所以今日滿心歡喜同朋友去食，點知質素完全keep唔返，只能夠用差來形容。就算88折左都5佰幾一位，但味道鮮味大不如前，午餐肉味同口感嘅牛舌，雪藏味重嘅刺身，明明係烚粟米又話係燒粟米，以前又大塊又厚身嘅鴨肝變左牛柳粒size嘅鴨肝，其他都5想講，只可以話非常之唔值，失望。全晚最好味竟然係燒青椒仔。

中上環呢邊真係好多好野食，黎開呢邊搵朋友，朋友推薦呢間日本餐廳。當日去食lunch，餐廳人流好多，基本上係滿座，幸好朋友一早預約訂位否則真係冇辦法食到。呢度有各式各樣嘅午市套餐可供選擇，我最後就揀咗一個海鮮鍋拼雞翼配茶碗蒸。分量十足，如果以呢個價錢黎講，比好多日本餐廳抵食。難怪佢中午時間會甘爆滿，雖然人流甚多但係侍應嘅服務態度都係良好。另外仲要呢間餐廳有一個儲印花，儲滿10個就會送一個午市套餐，如果喺呢度附近返工嘅人同埋同事一齊嚟食絕對好易儲滿。呢個甘既儲印花幾唔錯

今次係第一次寫食評。好耐之前已經聽過呢一家餐廳, 一直以來的評價都是說食物質素高。今天終於一試, 亦因為有些點我認為反差太大, 所以的起心肝寫呢篇食評。環境餐廳面積不大, 餐桌之間的距離不多。我剛到埗也有點驚訝,畢竟我預訂的是星期二的晚市放題,想不到竟然也是FULL HOUSE。由於FULL HOUSE的關係,感覺比較擠迫。食物刺身: 款式是比一般放題多的,而且都是新鮮的,質素比大X屋好。手卷: 食了海膽手卷, 海膽份量比其他放題店慷慨。天婦羅: 粉漿太厚,壽X郎或者大X屋的天婦羅比佢好食。炸物: 我只食了炸蠔及炸軟殼蟹, 同樣粉漿太厚, 食材質素正常一般。鐵板燒: 我只食了蝦及帶子, 整體都幾好食, 新鮮的。飲品: 免費的只有茶, 其他全部需要加錢。甜品: 食左豆腐, 綠茶, 柚子味雪糕, 好食的。服務出餐極慢, 我記得我等了45min 先有得食第一個刺身拼盤。點餐不是用現在流行的QR CODE或寫紙仔。餐廳是安排員工到每一枱落單。雖然出餐極慢, 但員工沒有黑面, 都會幫你盡快拎你追的食物比你。效率來說, 任何一家放題店都比佢好。衛生環境衛生正常的, 地下都乾淨, 唔會有好多水或者油

💫日式大放題$558/位有質素嘅日式放題店，先來一客龍蝦刺身，非常新鮮有鹹海味。食物種類繁多，第一輪每一款刺身都試了，赤貝非常新鮮，係我最愛嘅刺身。其他三文魚、吞拿魚、帶子、油甘魚、北寄貝、甜蝦、希靈魚等刺身質素也非常高，果然係高級的放題系列。熱食方面非常豐富，釀蟹蓋細細隻，入邊有蟹膏芝士等，非常惹味。串燒魷魚筒小巧的，燒得入味香口。日式蒸蛋保持水準，蛋非常之滑，配合海鮮食用極佳。炸雞新鮮即炸，熱烘烘的非常脆口。甜品方面，必定要食抹茶味雪糕，抹茶味非常濃郁，抹茶🍵控必點的甜品。✅ 最好預先訂位✅沒有限時的放題，可以慢慢食‼️漏單情況比較嚴重，如等了很久，可提點侍應

前幾日打電話book枱 話follow IG/FB都可以有8折優惠 最後我哋两個人係7月21號19:00入座 座位都有9成滿 一坐低就有3塊餐牌 侍應好主動會問你想點啲咩食 我哋一次過就點咗好多 第一round已經點左刺身拼盤加10款食物 因為張枱唔係太大 都有D擔心好彩嘅係上枱嘅速度唔太快 我哋先嚟咗8款小食 食晒之後要催單先上到個刺身拼盤先嚟鐵板鴨肝 好好食 好juicy 底下塊面包唔會太大塊 最後encore咗3次鐵板帶子帶子都好厚肉 上面舖晒櫻花蝦 好味鐵板薄燒牛肉 (4人份量)1年幾前第一次嚟碗屋就已經知道呢個好食 如今都係好好味 薄牛肉𥚃面包住D葱花 燒得啱啱好 完全係當年嘅水準每人包一份嘅小食 可以揀鮑魚/帶子/燒龍蝦/龍蝦刺身年幾前就揀咗鮑魚每人有一隻 今次就揀咗2人一份嘅燒龍蝦 點之前侍應已經提醒左我哋龍蝦size只有大約一隻筷子長最後嚟到度一度 原來連埋龍蝦尾都係唔夠一隻筷子長 但燒得肉汁好彈牙 色澤都好靚 一人有两舊龍蝦肉 如果下次再嚟都係會揀燒龍蝦接下來係炸軟殼蟹 size適中 一份只係包半邊蟹 但熱辣辣好多膏 海膽小手卷 size真係唔大 海膽好鮮點唔會腥 飯

Lunch 時間食一個快速日式刺身set 先黎一個頭盤蒸蛋加凍蕎麥麵。蒸蛋非常滑加埋凍蕃茄非常開胃之後試蕎麥麵加咗蟹柳同埋蝦。不過蕎麥麵配沙律汁就麻麻哋啦。進入呢個刺身定食環節 海膽三文魚加埋油甘魚都算係新鮮 比較中檔次日式餐廳。

記得一年前食過一次，嗰陣覺得一般今次被朋友再叫嚟 仍然覺得係中規中矩😂都幾多選擇特上刺身盛盒 $248好豐盛嘅set有前菜、菜碗蒸、牛肉烏冬、10款刺身款式同份量 先跑出咗🐎前菜：胡麻醬蕃茄 🍅蕃茄好多汁 都幾甜不過對我嚟講太清新🥶唔係好搞得掂菜碗蒸好滑 但唔係好夠香🤔同埋無乜味牛肉烏冬 湯底幾濃郁幾好飲都有成3大塊牛肉算係咁啦刺身重點嘅刺身樣樣都係中至中上質素對得起個價錢有餘海膽 同 蝦 相對較出色😆overall 除咗逼咗少少 同 嘈咗少少其他都ok lah~~

朋友們同我都係為食之人，超鐘意食日本野但每次去居酒屋就會叫太多野食而破產🤣為左滿足到食好野同大胃，搵左幾間質數比較好既放題後就決定黎碗屋一試。服務員態度非常好，當日負責我個區既服務員哥哥見我地幾個睇左勁耐menu都未叫野食就提議上左刺身拼盤先每款都可以試一試，一聽見我地討論menu就隨時準備好落order。個人推介油甘魚同帆立貝非常新鮮加埋靚靚擺盤。黎之前做足功課所以主要留肚被燒物，大力推介厚同薄切牛肉絕對有出面鐵板燒既水準，海鮮之友都一定要試佢既燒鱈魚非常滑又大件。燒帶子雖然唔係痴殻，但仍然十分大粒同味調味岩岩好。除左menu既食品外，每2人黎就會送燒龍蝦或者龍蝦刺身，我地4日黎到就可以試晒兩款大滿足。

之前聽講呢間野好似唔錯，端午節咪同老婆加埋個仔去，點知一試仲差過兩三百果D日式放題！三個人一千六百幾又唔包野飲，野食又少，真係未試過食到未飽就走人，真係請我都唔會再去囉

$528+10%只有九折自選一款，揀咗煎龍蝦尾，全晚稍為好食啲！叫左刺身拼盤，叫走三文魚！沒有吞拿魚，大部份刺身也是淡而無味⋯⋯60/100滿分。鐵板蝦，原來係四粒蝦毛，鹽燒蝦正常嘅！薄燒牛肉入邊包住好多蔥鐵板燒帶子有鹼水味的帶子京燒魚（魚肉乾）雪糕全晚是最好味嘅。芝麻豆腐柚子綠茶。梅酒梳打，個人覺得可以的。各位侍應服務態度也好好嘅，仲好主動過黎問系米想落 order, 斟茶水更換碗碟冇停過。只係食物質素整體只有60分。

與朋友相約吃放題，選擇了中環的碗屋，已經不止一次幫襯了，因為朋友真的大愛這裡。我們常說這裡是打著放題的旗號，用著自助餐的價錢（HKD528另加一），吃著的是散點的質素。朋友見到最近有8折優惠又有人生日，就組飯局來大吃一頓。前菜只有一客，是日有龍蝦刺身和鐵板聖子可供選擇，龍蝦太美味，未影相已被K.O.。餐牌上的食物就任點任食，店員會幫忙下單。雖然總體來說食物的種類沒有市面一些其他的放題店多，但就勝在食物質素更好一些，食物新鮮，現點現做，有散點的水準，還能吃足4小時，吃飯聊天兩不誤。小心思～告知生日的話會在魚生上加插蠟燭，算是魚生蛋糕的意思嗎？另外一提，放題價錢不含餐飲，需要另叫，不過現場有熱茶供應。

-失望😅😅😅兩個人開開心心過來慶祝，卻非常失望地提前離開😢😢♥️《飲品》加配了$30的梅酒梳打~這個味道......是士多啤梨藥水🍓當然，口味這東西人人不同的x.x♥️《頭盤》我們選擇了鮑魚🤓已洗乾淨，份量算大，也許是冰鮮，沒有什麼味道🙈♥️《壽司刺身系列》質素平均地一般~赤貝及海螺刺身新鮮♥️希靈魚最差，帶微酸x.x手卷的紫菜全部軟掉了🥺♥️《熟食系列》薄切牛肉不錯，略油膩~釀蟹蓋我想像的不同，個人一般😔日式蒸蛋略嫌不夠軟滑，材料也不算多~鯛魚湯鮮甜👍 我們兩個人喝了四碗👍👍♥️小提示 Tips：放題$528再加一 ，真的不值這個價錢😥沒有引人入勝的風景，食物質素一般，服務也不太好。必須一提的是，送湯的時候有點暴力，湯蓋倒轉了，湯也濺出來了，但是侍應沒有道歉也沒有補送另一碗。有見及此，我們不會再過來💢

到場時全場爆滿，等候安排入座。職員貼心安排臨時位置，有更寬躺的座位時立即轉換。我們首先點了燒龍蝦，由於太美味了忘了影相。其他的食物水準不錯，下次有聚會一定會再來。

樓下經過，好random揀咗呢度，兩個人冇訂枱安排鐵板燒隔離嘅吧枱，餐廳嘅環境比較暗，裏面好多人，個個枱面上面都好多嘢食，好似個個都好食得，好多服務員走來走去好忙，可能係放題抵食嘅原因，不過我哋只係食set lunch，服務員講咗好多佢哋嘅優惠，邊張信用卡有折，可惜我哋一啲都享受唔到，好快就點左壽司和刺身定食，再追加海膽手卷。見鐵板燒嘅師傅超忙，好勁油煙，好在抽氣強勁，不過見佢哋似係煮大鑊飯多啲，見到都有啲唔開胃，但係鐵板燒師傅真係好努力。set嘅配菜首先全部嚟晒，冇乜特別，賣相亦都一般，冷麵嘅份量都幾多，不過真係好凍，面嘅汁同啲麵擺埋同一個碗，好少食拉麵咁樣食法，不過裏面都幾足料，又有蛋絲紫菜蟹柳，都唔算差，啱晒好多鍾意大件夾抵食嘅香港人，海膽壽司紫菜好脆，海膽和飯嘅份量好少，不過$60兩個真係幾抵，壽司魚生望落去好豐富，賣相都唔錯，仲有好多款式，真係幾抵食，不過質素就算係還可以，冇乜驚喜。服務都OK，幾親切下，有啲似街坊大排檔，出現喺日本餐廳都幾得意。因為坐近廚房，覺得整體嘅衛生一般，不過呢度mass production，就唔好咁高期望。