笑笑居樂屋 (Closed)

平安夜，到處都是人，連茶餐廳都要排長龍；心想上樓可能易搵食，上了瓊華中心的「笑笑」，竟然一去到就有檯，心諗乜咁好彩之餘，同時又奇怪點會唔爆？不安感覺輕輕閃過。但沒可能啊，「笑笑」屬「白木屋」集團，跟「和民」應該分別不大，差極都應該有個譜。咁諗就錯了。坐低，侍應遞上餐牌兩杯茶，留下一句：「每杯茶要$5，另叫飲野可扣回。」咁咪即係焗人叫野飲？中式酒家收茶錢尚可接受，日本居酒屋果杯綠茶粉開出來的水要盛惠$5，首見。算了，可能人家高級嘛。既是佳節，不妨大破慳囊，點了五樣東西，結果？好壞參半：(1)鹽燒牛(月利)，$48 - 味道不錯，幾好食，滿意！(2)雜菜豬肉煲(名字忘記了)，$48 - 湯底其實唔錯，只是豬肉太少，得3件！(3)鐵板漢堡扒，$48 - 漢堡扒幾好食，但唔知點解有碎骨？！最恐怖是伴碟那舊薯溶，凍冰冰的！連拿去微波爐叮一下都懶？！(4)串燒大會，$48 - 除了那串雞翼外，其他都不成！所謂大會得5串野，當中有兩串是洋蔥，難食！搵笨！(5)火炙三文魚Pizza，$68 - 呢個呢個呢個菜，簡直是我有生以來吃過的Pizza中，最難食的一味！首先絕不是火炙，味道像拖過滾水！三文魚又腥

In MK, finding a relatively comfortable place for dinner at around 8pm is rather difficult. I guessed wara wara should have tables so I went up to see. We needed not wait, good.We 3 were not hungry, so just ordered 4 dishes:1) 枝豆: normal taste, nothing special, warm2) 蟹粥: tasted OK, but the portion was too small and the congee not '綿' enough, compared to the one I had in 小金X, which was large with rich ingredients (egg & crab meat) 3) 鰻魚燒玉子: portion was small too, making the taste of eel & egg no

其實已經係半個月前去....不過見記得就上泥打返個食評呢間野真係比我想像中難食好多加超唔抵食我同男友2人嗌左4樣野唸住都夠,點知佢d野細碟到離譜!!鰻魚串:$30x得2小舊,不過已經係最正常ge野食, 味道ok三文魚刺身:又係少到難以置信......仲要唔係新鮮肥美....韓式海鮮飯: 呢個推介唔好嗌....海鮮其實係2隻蝦同2隻帶子....細到搵唔到...混合係一堆亂擺ge泡菜入面........d飯係凍ge...似冷飯!!毫無誠意....唔知點解可以擺上枱 2個人都竟然食唔晒!!炸蝦天婦羅: 隻蝦其實幾新鮮,但係炸粉厚過隻蝦,一入口就只係食緊炸粉咁..失敗最後我地好似冇食過野咁完全唔飽...但係已經唔想再嗌...埋單走人$200幾呢個價唔知食左d咩以後唔會再去

因為打風多左日假今晚兩個人都想食日本野豬老婆好自然諗起MK的笑笑~~因為記得日本餐廳佢算唔貴豬老公就即刻同豬老婆去食喇<3去到七點半島唔算多人~環境氣氛都幾好唔算嘈WO我地坐張四人枱幾舒服而食物呢~一口年糕豬老婆揀GEI好香好香芝士味本來見佢又芝士又加隻蛋黃中間又有D菜有D奇怪但食落同煙煙靱靱GEI年糕又幾夾BO蒜蓉牛油帶子豬老公揀GEI帶子鮮味幾出~蒜蓉牛油都幾香~豬老公很喜歡蛋包飯係塊炒蛋蓋o係D好香茄汁味GEI飯上面~豬老公話"都唔係包住GE~I"又係BO哈哈不過食左之後兩人都覺得冇所謂LU~因為D炒蛋真係好香(日本蛋係唔同架BO)D飯酸酸甜甜好味又開胃~日式照燒雞PIZZA呢個就比較普通豬老公話佢冇咩雞味不過唔好睇佢好薄咁我地一人一半都食得幾飽食完兩個人都好鬼飽豬老婆本來想叫甜品都食唔落LU~不過佢D甜品選擇唔多下次有機會的話再試過

尋晚有朋友last day, 於是來了笑笑歡送他~~ 7.00pm到, 間店係吉０既, 心裡開始有D驚.... 第一次來, 一坐低見到本menu好大本, 都幾多選擇, 幾吸引環境係OK舒服, 單單待應已經多過人客~但食物一來到，見到聞到都已經唔想食丫….香蒜牛油帶子 - 超細粒, 一D牛油味都冇天婦羅拼盤 – 好多粉… 好過份!芝士蟹柳焗飯 – 用紅飯底, 焗芝士面, 玩fusion, 但好奇怪…鐵板蠔 - 厚粉漿,好多醬杰撻撻, 多鹹多鹹多鹹多鹹多鹹多鹹多鹹多鹹多鹹!!! 照燒魷魚筒 – 冇食, 朋友們話ok炸雞軟骨 – 唔食雞, 冇碰過照燒雞薄餅 – 同上辣肉腸 – 有隻生蛋做醬…. 怪怪怪日式餃子 -超細粒隻, 極唔抵三文魚飛魚籽飯 - 唯一正常味０既炒飯沙律 – 都ok０既生牛肉 – 好多血, 周圍０既蘋果都血淋淋什錦壽司盤 - 未食過咁難食０既壽司, D飯又硬又乾, 魚生唔新鮮, 同HKD10壽司冇分別我食左３啖，放棄。成晚都唔知食左d乜….??? 仲有茶錢每人會收HKD5 ???? (茶樓咩???? Ridiculous!! ) 所以叫左杯芒果奶昔 (感覺好似好DD) –

今日有FD請食飯，有大食大，星期五晚成個MK爆晒，之後千揀萬揀揀左呢間笑笑居酒屋，等左大半個鐘先有位，waitress好有禮貌，咩火都下晒。叫左勁多野食，如下：刺身拼盤、(我唔食生野，但我d FD話唔錯，幾鮮)香蒜牛油帶子、(麻麻，無啦啦加埋d洋蔥落去，和民好食d囉)泡菜豬肉炒飯、(超好食，有鑊氣，好夠味，正)鹽燒鯖魚、(大大條，好好食，點醬油加檸檬汁吊晒D味出黎)鹽燒牛舌、(唔掂，冇味，超簿...)XX豆腐、(凍食，好似百福豆腐，sorry我唔buy)埋單5XX，消費$250，有得抽獎，抵讚！

上星期二 跟朋友一行9人去了瓊華的笑笑食晚餐。因為我地想要房，所以就預先7/16日打了電話去訂檯。訂檯的時候是一位小姐聽電話，佢話每人要消費滿$150先可以不限時。咁我地諗住唔好咁趕，就揀左不限時去做booking。到11點幾有位男waiter入黎...同我地講話我地仲差三百蚊先夠數，但明明我地10點左右已經check過一次單..大約差三十幾蚊....於是就問佢點解會係差三百幾?個男waiter態度超唔nice咁話..:你地10個人 (其實我地一早改左話9個...只係佢地資料錯)然後每人要$150 再加10%...即係$165囉。我地聽左即刻呆左囉.....因為從來無人話我地知係$150之後再加10%....之後佢仲死拗話佢地同事講左....但我好肯定佢無講清楚!!我即刻叫佢搵返個日個同事黎....點知佢十分鐘後入黎話"個位同事我地e家搵唔到佢..我地公司不嬲都係咁...但今次算啦..我地括免返你地...但你地要即刻交房"嘩! 點解依家好似係佢施捨我地咁?我地唔係差個15蚊俾唔起囉..但佢地無講清楚，係佢地既問題，點解可以咁屈d客既呢?....好過份!真係一定以後唔會再黎!

朋友話想試吓新餐廳又行開旺角和想食日本嘢所以就上咗呢度食個lunch,一行入去都覺得ok多人,可能是中午食lunch一坐低睇吓份餐牌覺得$還算適中,而且白飯有得任加.我地有叫咗一份lunch+4份小食大概十多分就有嘢食送來,1)炸雞塊定食:都幾嫩口,但份量太少,一個人就剛剛好,大食點都唔夠食 2)炸雞軟骨:去居食屋一定會叫但係好細粒,小得可憐,可能是小食的關係 3)牛油煮魚貝:好重牛油味又夠鮮味. 4)牛油大子:份量ok,幾好味 5)海膽豆腐:好鯹呀,可能係唔配的有關食物,服務還算可以起碼好食過一些居食屋.

和朋友dinner, 在等待朋友其間因為太餓先叫了一個什錦魚生飯,點知黎到, 個碗飯好細...大約1.5個平時屋企食飯的飯碗...而且魚生得5,6片....海膽好唔新鮮,甚至有點臭...知道平時lunch 幾抵同埋味道不錯但晚上實在又貴又唔抵又難食...在weekend 及公眾假期前夕又只限坐2個鐘所以吃了那個飯, 朋友未到都即走轉地方!魚生飯 $88 仲要再加一, 同埋一杯茶$5 (如果你叫店裏的飲品就免那$5茶錢)唔會再夜晚去!

因為芭芭拉很掛念妹妹, 所以妹妹要跟她們出去吃lunch了 =3=上次在笑笑看過花多眼亂的餐牌, 心裡對那個月見烏冬念念不忘喔,,,今次用手機拍照,,, 象數遜色了 >^<雞蛋烏冬 + 腐皮壽司2件 + (+$5)沙律 + 青蘋果乳酸飲品~好豐富不過好素X)上回試過沙律的dressing很好吃, 菜又很新鮮~ 所以這次再加呢~~ 腐皮壽司的腐皮好大塊, 足以甜甜蜜蜜環抱著壽司飯 >u<腐皮的甜味感染到壽司飯都好像是甜的, 倒是很對妹妹的胃口喔 -3-雞蛋烏冬的蛋是蛋白半熟, 蛋黃可以與湯混起來~海帶很好吃~ 烏冬太腍了,, 湯底好甜。這個套餐最能讓妹妹體驗到日本"甜"的風味, 日本人很喜歡吃甜的, 連主食都偏甜。(妹妹去日本旅行時簡直覺得味覺去到夢幻般的童話國XD)青蘋果乳酸, 青蘋果味自然而不做作~ 乳酸味較淡, 可算是清新的甜味飲品。p.s. 雞蛋烏冬可以選烏冬/蕎麥麵, 壽司可以選3文魚壽司/腐皮壽司。我們沒有帶7折coupon, 但問侍應就會有7折coupon的了~這兒的環境和服務都ok~ 吃個比較像樣的日式午餐總算物有所值吧 =]10個

約了一個好耐無見的朋友仔食飯，朋友仔家住屯門，但在旺角上班，為咗就朋友仔，所以雖然明知星期五的旺角係"人山人海"，都唯有去旺角搵野食啦。本嚟想去打邊爐，但係點知朋友仔又話個胃唔係好舒服，唔想食得太油膩，諗起以前食過好幾次呢間笑笑，味道都唔錯，而且日本菜唔會太油膩，啱我朋友仔啦。上到去見到都有幾多人等位，都預咗啦，但係無估過要等咁耐，我地8點唔夠開始等位，足足要到9點鐘至可以入坐，差點餓到傻咗。個待應安排我地坐張L型的枱，都OK，二個人坐都幾舒服，而且呢度D全部坐位都有好高的屏風嚟隔，最啱情侶SWEET SWEET OR同朋友仔傾計。好喇~真係太肚餓啦，叫野食啦。因為張枱唔係太大，費時擺到成枱餸，所以我地份開二次叫野食。ROUND 1......叉燒豬骨湯拉麵：以一般日本餐廳嚟講，呢碗拉麵算中上啦，麵的份量足夠份成4小碗(以佢放係枱面個個碗嚟計)，仲有成4-5塊叉燒，湯底仍唔錯，麵身仍淥得唔係好淋，笑笑始終唔係一間拉麵舖，拉麵有呢個質素已算唔錯啦。芥末"將"魚：呢個雖然幾好食，但係份量偏少，而且有時芥辣味比較重，有時又會無乜味，可能係嚟貨的問題呱。白木屋海鮮沙律：成餐飯最好食就係呢個，用

又到妹妹外出嘗鮮嘗試的lunch time~去了有7折的笑笑~好大的餐牌,,,, 妹妹花了良久時間才下決定...火灸魚生飯($58), 跟1個麵豉湯和1杯飲品~妹妹再+$5 要沙律~~這餐廳的地方蠻大, 但常常都找不著侍應...而且食物製作需時, 趕時間的就要趕快落單!麵豉湯是普通貨色, 沒特別。和風沙律的醬汁味道不錯~ 帶點甜味~蔬菜很新鮮, 清新~火灸魚生飯, 3文魚3片, 鰻魚2片, 帶子2粒~ 還有些蛋絲和酸薑。鰻魚固然是熟的, 但帶子就像是完全沒燒過, 3魚文概3成熟吧,雖然沒有預想過會是冷的還是熱的, 但燒過的話應該會有點微溫吧, 結果是涼的。看上去細細碗, 飯是白白的沒任合醬汁, 蠻單調。因為芭芭拉只吃了1半, 妹妹就包底XD接收了她的鐵板麵豉醬燒3文魚~ 這個餐跟飯的, 白飯很大碗喔!若不是很餓, 2個女生share來吃都可以~3文魚厚厚有3大塊, 麵豉醬濃濃蓋在魚扒上, 味道太鹹了,墊底有好多芽菜, 還有椰菜和紅蘿蔔片-3- 而且用牛油炒過, 很香口~這類的午市選擇實在非常多哇~~~~加上有7折是蠻抵食的~~這次試的這2款味道還算ok~ 還會再來試其他, 期待下次

話說一場突然傾盆大雨，於是被迫走上這間居樂屋，居樂屋看上去，總算幾「日本風情」。食物款式其實不多，見到餐牌上好幾樣食物都是重覆地介紹。可能是居樂屋是給日本人放工後飲酒....狂歡的地方，嘈吵得真的難以接受，好像在飛機場旁用膳一樣。所以約三、五知己去傾計還算可以....情人的則免了。服務態度真的麻麻，就好似叫人換爐都要叫了多次，先有人來啋你。故加一服務費(10%)， 仲要加埋茶芥，應正不值﹗ORDER 了六樣食品﹕「辣肉腸」、「鐵板帶子」、「鐵板蠔」、「燒豬頸肉」、「三文魚飯」、「吞拿魚飯」「辣肉腸」﹕是一款很特別的菜色，味道都算可以，但最令人意外的是旁邊的一隻日本蛋，正﹗「鐵板帶子」﹕九「小」隻，味道一般﹗「鐵板蠔」﹕一句說話﹕「好睇唔好食」，有點失望。「燒豬頸肉」﹕自助燒豬頸肉，好好玩，好好味﹗「三文魚飯」＆「吞拿魚飯」﹕好多....好多飯呀﹗好少....好少餸 (超級「簿」的三文魚及合拿魚)呀﹗

第一次去...我地9點叫完野...見搭半都未有野o來...就問下寫單個waitress..之後佢可以好意思話""唔好意思,張單唔見左,而家幫你再落過"....頂佢 我地坐個半個中..又係佢寫單既...但佢完全察覺唔到我地咩都冇得吃..失敗既waitress!!!炸雞軟骨---新鮮滾熱辣吃最正.不過冇汁比你,可加d 7味粉仲"野"味...傳統牛肉鍋---湯夠味但比較甜,飲得多都"確"喉,配料同牛肉都勁少.成58蚊.就唔值喇.燒餅---少面.面粉就多.冇味.汁唔夠.唔試都得.天婦羅拼盤---都ok..冇咩特別...d皮唔厚粉但冇咩花...照燒魷魚筒---唔硬易吃,但燒既香味/味道唔重(照燒喎家陣),條魷魚夠大條,抵吃.不過成大條魷魚比得一pat手指公咁大既bb沙拉醬,好姑寒即...汁都冇滴!荔枝士多啤梨梳打飲料 ok丫...原來成28蚊..冇睇錯丫嘛?第一次去感受....,服務零.環境ok..不過野食到左半個中都冇..竟然叫我埋單先囉..攪q錯呀!第二次去感受.....已經叫朋友唔好諗住有服務質素...依然服務零.環境ok.食物ok.

好耐無出旺角吃飯，星期六晚約左兩個朋友出旺角，於是上開飯網看好介紹，今次想食下日本野，見到笑笑的食評都幾好，於是我地六點未夠就上左去，入到去覺得環境都唔錯，但看個餐牌，品種雖然好多，價錢看上去都OK，但好似無咩頂肚野食，於是我地決定叫住幾個食住先，慢慢再林食乜，我地點左：1 牛油帶子 38元2 牛油粟米 28元3 日式餃子 30元4 蟹肉帶子PIZZA 58元首先講下牛油帶子，味道OK，有牛油味，但帶子無乜鮮味，最攞命系裝的器皿，細到誇張，就比吃飯的碗大小小，應該系一人食左兩三粒，挾牙喇都未夠。跟住牛油粟米，有牛油味，粟米甜甜地，但又系用裝帶子個只碟裝，一個細路仔食都嫌小，收得人28元個粟米俾多小小都好掛。日式餃子仲跨張，30元只有5只，仲要D陷咸到死。到蟹肉帶子PIZZA ，第一次拿來，個底曨到瓁底甘，於是叫巨重做，第二次拿來就OK，但塊PIZZA實在太薄，好似食風甘。我地見食完以上四樣野后都好似未食過也甘，都唔知要食幾錢先可以食飽我地，於是一致決定走人，買單盛謂180元。我地真系覺得好失望咯，價錢雖然唔系好貴，但分量實在太小。