笑笑居樂屋 (Closed)

之前食評出唔到...昨晚同家人一行十人打算食日本野....見有八折優惠...即等管試試!!!有訂檯....唔洗等...即入!!!已即時落單....等了很久....催了多次後才有得食!!!!壽司一般...無乜驚喜...十分平凡!!!拉麵勁咸...唔好食!!!熱食物(如燒魷魚筒)...上檯即食都凍冰冰...同侍應講佢就扮聽唔到!!!埋單八折都要$2300...但一D都唔飽!!上去前...真的想清楚!!但真的好奇怪...之前食評都有人講過...咁差仍有人排隊...

行左旺角一個下午....真係好好好...迫!是日晚餐— 笑笑居酒屋很簡單, 但很豐富!廣島風味薄餅個汁好好味, 係炒拉麵既汁!(裡面真係有拉麵!)裡面有豬肉...但不太特出! 饅魚壽司係用木板壓出來的...但好易散, 一夾就散左! 而且舊飯都幾大舊! 三文魚壽司+翡翠螺壽司穩定之作....都好新鮮! 汁燒帆立貝好食, 但略厭較咸....而且不太熱!(可能我不是即是吃掉, 很快就涼掉!)另外, 這裡的侍應也很nice! 總結而言, 餐廳環境ok! 食物都不錯!!可以再來的餐廳，而且今次不用等位已經可以進去開餐。so good~~

入到去個裝修都好似ok, 起碼坐得舒服! 我地book左7點鐘食飯, 講明只係食2個鐘. 岩岩坐入去無耐就有個人過黎問叫唔叫10蚊壽司, 已經係last order. 唔係呀嗎? 真係坤人坤到爆呀! 即係你過左7:30pm 係無$10架三文魚壽司. 有甜品都無用呀, 叫左即上, 唔可以後上, 最後無叫到. 好後悔叫左個d所謂架抵食三文魚壽司, 個d三文魚見到都唔想食, d飯一夾起係散架, 做到咁樣, 不如唔好promo呢樣野仲好啦! 做死晒間鋪! 老實講如果以佢咁架價錢食d垃圾, 有大把好過佢! 個度d waiter 又黑面, 無service 可言. 我都唔明d人仲要去個度食, 仲要有人排隊個下先頂引呀!! 請各位三思而後行呀!!

與一名友人慶祝生辰, 九人用膳.該名友人表示只吃過幾種美食.本人向愛日式咖哩, 因其不會過辣及多汁可拌飯.叫了個咖哩豬扒.小豬兒仔則鍋鍋泡菜湯底烏冬+2件三文魚menu很多東西, 咖哩, 稀糊糊的, 差少少, 如稠多一丁點便好, 豬扒則不像街外紙皮般, 但其實仍未稱得上極之美味.仍有待改善.小豬兒則吃得很歡喜, 她的sushi 是包得黏黏的, 幾好.烏冬也是她愛的扁形烏冬.巨峰提子, 一行9人, 其中8人都飲.但的確失望, 別府那種, 有氣梳打, 喝了會欣然會心微笑.這兒的則像沖出來的...下次可試其他環境都不錯, 像和民, 好像還大點.都幾划算, 又有7折, 不print coupon 仍可

今日意外地看見午市有七折，便到笑笑吃午餐了…早知道對笑笑的要求不能太高，無奈真的是太難吃！我叫的是什錦魚生飯（花），魚生飯的樣子比我在附近Market Place看到的還要差…材料有蛋絲、青瓜絲、蟹柳（當然是魚肉做那種）、帶子一隻、魷魚一片、小甜蝦兩隻、三文魚兩片和赤身一片，材料少也罷了，魚生的新鮮程度竟然比任何外帶壽司都來得差！帶子有陣陣雪味、甜蝦和赤身都有點「霉」、三文魚完全沒彈性，最糟糕的魷魚是又臭又酸的，我吐得太慢了…滑蛋豬扒飯算是正常的，只是豬扒炸成棕色了，蛋是熟蛋不是滑的，而且蛋的份量很少…我想是笑笑的管理有問題，才出現如此局面…與其減價來吸引顧客，倒不如用心做好食物。

入門口的感覺很日本FEEL....但是入到裡面坐下來又是令外一回事。檯面同椅子都很污穢。一用紙巾抹之下, 竟然是深褐色的, 很嘔心!!我與朋友各叫了一客定食, (1) 三文魚海膽飯 (2) 日式炒麵+SUSHI兩件, 味道不過不失, 略嫌三文魚海膽飯比較凍, 好像是隔夜飯似的!!門口有日本雜誌, 不過是給輪侯人仕而設的。午市要過300元才可用信用卡...很不合理....所以建議帶多D CASH去.....其實午市很難過300元, 應該過100元就可以用信用卡, 較方便!!

第一次寫食評,可能寫得不太好今日去了笑笑食午飯,以為會好多人,所以訂了位!但原來人不多!叫左一些壽司,但一般!而且太易碎!沙律飯和麵都幾好食!飲品太淡!橙汁飲到差不多到底的時候,竟然係冇味!因為放太多冰!不過正體來說是不錯的!是日用了7折優惠劵,抵!

有8折優惠，所以才去試。因為訂了位，所以不用等。服務態度不錯， 所有指示都相當清晰，eg 湯滾了應該先放什麼，要等多久飯才會熟 etc.但食物比較一般， 那個海鮮飯很小，還要等15分鐘。。。以50多60塊來說，不值。蠔餅味太重， 太鹹，之後來的東西都沒味了豆乳牛肉鍋，不錯，牛肉很多～韓色刺身，魚生蠻新鮮的右口魚串燒，很好吃！

上星期五，23號與友人前往晚膳，約6時45分到達，因已訂枱所以可以即時入座，當時餐廳內亦並非太滿。餐廳做緊優恵，10蚊有一碟三件壽司、烏冬、串燒及非酒精飲品，order後不用兩分鐘，所有壽司、烏冬、飲品已送到，效率尤勝快餐店！壽司質素就遠遠不及一般迴轉壽司，蛋壽司係黄中帶黑色、三文魚壽司就充分顯出廚師的刀工，薄到透光，甜蝦已呈肉色，開始有半生熟的情況！當然要明白價錢問題喇，但烏冬及飲品就不差，可謂超值！及後再加一碟貝類刺身，係正價嘅，帶子係微暖兼不尋常嘅軟，赤貝係腥嘅，有部份剌身更被放在木盆邊上，百多元一客是否物有所值就見仁見智！從呢個剌身可以反映呢間食店的運作水平，當一個合資格的師傅處理刺身時，應知道剌身是否仍新鮮，同時刺身擺放位置是否合適，並非如當時盆底有冰，有兩塊葉、有兩朵花，裝飾得靚靚但剌身就擺放得一團糟就上枱，而侍應更加無眼睇，上咗枱就關人！八時許離開時已全場爆滿，門外亦頗多人等候，見到咁嘅場面，真係希望老闆除咗用特價吸引顧客外，亦能提升食物及員工的質素嚟留住啲客，咁先至會長做長有！

前日同朋友經過瓊華中心，見倒D間有七折喎，咪二人去食午餐囉，上到去既格局都同同區既居食屋好相似,食物,環境同價錢都係，因為兩間都係做七折喎，叫左幾款野食:炸雞軟骨:好香好入味好脆口!!鐵板西京燒右口魚:有水準,好正!!牛肉火鍋:超份量,好多牛肉,豆腐有豆香,仲可配埋白飯飲品,抵食!!三文魚:大件,新鮮!!餐飲有汽水選擇,亦有多款乳酸飲品，提子同菠羅乳酸特飲都好好飲架!!!

上網睇到笑笑好多好評，以為真係咁好，於是同朋友一齊去試下喇，可能希望愈大失望愈大。原來十元一碟任食既款式是好少的，我以為是全塲都是十元一碟呢而且十元一碟的ORDER是有時限的，D早叫多D壽司喇，因為十元三件既壽司質素不錯的，尤其我最喜歡的三文魚壽司，都好鮮甜，可惜壽司款式太少了....十元一碗既烏冬都幾低既，大大碗咁，可惜湯底太salty 喇...所以都係麻麻之後叫左個類似pizza既野，唔記得個名喇(唔係十蚊個d款式)，個餅真係好薄lo >< 味道一般般.....個晚主攻十蚊個d款式，食得都幾飽...不過十蚊既右口魚..份量真係好少，得個兩舊肉，我地仲要五個人分，每人分得個一小舊><超唔低lo........................仲有個晚d waiter 做野好慢，收碟慢，追單係勁慢..追左好似三個waiter 先追到d食物，我懷疑佢地miss 左張單....可能多人的關係....最重要係連埋單都係勁慢lo.........係個度食野真係好需要耐性耐性耐性耐性呀.....有耐性既人都可以一試十元d壽司不過每人埋單都係$58 蚊，一頓晚餐黎計

係旺角瓊華中心樓下 見到佢地既十元MENU好似幾好咁咪同3個朋友上去試下LO 見到D裝修好有日本居酒屋既FEEL甘我就叫左十元既野菜天婦羅烏冬----絕對要試下 好好食 加多杯十元奶昔再同D FD喪叫D十元既壽司 有甜蝦 、玉子 、三文魚、鰻魚、蟹柳沙律、火炙等等D十元既壽司幾好 味道同份量都不會話好CHEAP 食得過平均6、 7 碟一個人加埋加一服務費 都係100左右 食得勁飽 下次再拖一大班FD再勁食過

今日全家出旺角行街，順路去笑笑食野....xx叉燒豬骨湯拉麵$58: de叉燒好好味，de肥高 入口即溶 函館特產冷拉麵$38: 好煙un , 都紀好味鐵板西京燒右口魚$48: de魚好好味，入口即溶 de配菜（西洋菜都好好吃） 會再食 銀雪御膳$158: 銀雪魚個皮炸過，好正 跟餐個刺身好新鮮櫻花蝦抄西洋菜$42: 呢個個汁偏濃，適合送飯呢間居樂屋ge食材都幾新鮮，服務態度好好,值得一嘗P.S. 一分$，一分貨 la

今日下晝五點到我地成班波牛打完波,個個都打到手軟脚軟,成班餓鬼諗住揾間餐廳擦餐勁,落到旺角一般荼記都收你$30蚊個餐,又吾多夠飽.行過x華中心見過男仔係度揸住個牌hard sell緊,見到個心動價$10壽司,鸟冬,飲品,十對眼睛即時發光.星期六係旺角竟然見到咁既price,雙腳即時注滿動力,飛奔上去,入去前心諗$10環境都吾好得去邊,門打門,呆左..成間餐廳好有日本feel,waiter安排個位置都幾寬躺,睇一睇個menu,以為天氣熱,產生海市辰樓,咁抵!連我最愛既火炙三文魚壽司都係$10咋!我地即時瘋狂點壽司,＋客十客嗌,烏冬,蒿麥面起孖起雙黎,再每人一杯奶昔!上菜速度都幾快,我地實在太餓啦!以狂風掃落葉姿態將枱面全部壽司,烏冬食清,食完都七點幾,盛惠全單$720,每人都係$70蚊,連晚飯個part都食埋,超值!小弟有以下評語:1:三文魚壽司夠新鮮大件!2:火炙三文鱼壽司燒到香噴噴,要食先!3:飛鱼子夠大粒有咬口但略嫌紫菜吾夠脆!4:豬肉鳥冬足料夠大碗,冇將貨就價!5:天婦羅因放埋入面內,好易淋晒,但waiter有提過我地,大家謹記!6:右口鱼串燒有鱼味,值得推介!7:黑芝麻奶昔好

星期日係family day，啱啱老公有假放，就去旺角食lunch行吓街，行完星際城市係 瓊華樓下接到好多傳單見到最低係笑笑,有七折。上到去都有人係門口等位，侍應逐一帶位，我地被安排坐係窗口個景都唔錯,望到彌 敦道侍應仲安排張bb椅俾我地我地叫了3個餐1個小食....什錦魚生飯$58-------魚生鮮甜,新鮮,不過我喜歡角切多d牛肉泡菜烏冬$58-------唔係好辣,中級,湯底濃,好惹味燒鯖魚$58--------個女最鍾意食,燒得唔燶,有半條魚,份量都唔小牛油帶子$38------有牛油洋蔥粒,味道比元綠好食d餐有特飲送,菠羅乳酸好飲