華嫂冰室 (棉登徑) (Moved) New Location

通關前，基本上每個星期都會食一兩次（因為唔使排隊）係幾好食！通關後知道好多人去打卡，大排長龍，就好少去今日早起身，八點去到唔使排隊，就入去食啦！點知d食物一上，全部大不如前！連最出名同基本既奶茶都鞋曬口！想繼續做網紅，麻煩保持質素！唔係都唔知d人為乜排隊！

😋😋😋😋😋I can try the noodles finally here!!! Always need to queue up here. After opening the border, even crazier!!!full of people outside. Luckily, my office is besides there. I go down to take a ticket 30 mins beforehand.The macaroni with porkchop in laksa is so so so yummy!!! I understand why they are always full now!!! The pork chop is tender and well fried!!! The laksa soup is not too spicy with strong coconut flavour!!! I like it so much!!!The noodles with thousand year old egg, beef and por

第一次寫食評，原因非常之失望聽朋友說華嫂冰室奶茶非常出名今日早上經過見未開門便有客人在門外等候便走了，轉了一圈最終走回華嫂冰室終開門，叫一個菠蘿油一杯熱奶茶，全場很快坐滿人客，菠蘿油可以接受但杯熱奶茶又苦又澀，非常失望,期望餐廳有待改進

實至名歸咁好食，忍唔住想日日lunch time 都來食，喺Office行過嚟都要差唔多20分鐘，位置唔算起眼，嚟到都要等一陣先可以入去坐，好full，但鋪面都大，坐得舒服的，喊左豬扒喇沙湯麵，個豬扒好林好香，喇沙湯底夠濃味，香！！豆卜都入晒味，勁掛汁，嘢飲方面其實都有啲fusion選擇，但係最後都係叫咗凍檸茶少甜少冰（摯愛）呢個價錢呢個好食程度，係真係冇得輸🤣，建議唔好晚餐或者下午茶呢啲時間來豬扒會整好咗放喺度，冇咁熱辣辣唔夠好食

朋友話想食華嫂好耐 以前成日都要排隊而家通常都直入 等都唔洗等 非常好 👍🏻芝士招牌咸牛肉蛋豬仔包 真係可以再食 幾個人一齊分享檳城喇沙湯米線（肥牛） 湯底濃度岩岩好 更唔會太咸 仲有好多粒豆腐泡 索曬d湯汁 好好食😋仲叫左鮮奶油多 😎👍🏻

好少過嚟棉登徑lunch , 10年前朋友帶過我入元朗食華嫂，所以對於呢個名一啲都唔陌生。1240大概坐咗8成，樓底好高，檯有啲密，我地兩個人坐圓檯，同另外三個人搭檯，QR code 點餐，個QR code 勁大🤣🤣， 有粉麵套餐，據聞芫荽皮蛋湯底好正所以試下，配個豬扒。冰室嚟講效率有啲低，等over 10 mins 先有。結論豬扒幾大塊，有兩塊，煎得都幾香，不過同芫茜唔太夾，米線係幼身,口感爭少少， 加埋熱奶茶共57蚊，性價比一般。

每日lunch食咩，都係一個諗爆頭既問題嚟。太遠嘅又唔想去，太近嘅就一定多人，尋日食過嘅今日又唔想再食，就諗起好耐冇食既華嫂！難得今日有人舉手肯天寒地凍都企喺個門口嗰度等位🤣冇理由我唔畀面去食既有新嘢，梗要試下伏唔伏既等咗3個字就有位，試新嘢泡椒番茄牛肋肉米粉，朋友仔就食少少叫咗個鮮油奶多見到新嘢仲有飲品，就試杯薑奶茶薑奶茶首先嚟到，見到個底有大量薑蜜，本身都好驚中伏會唔會辣到飲唔落，估唔到飲落去又幾OK😳雖然兩者都冇乜火花，不過整體都唔伏泡椒番茄聽落去幾吸引，可以揀唔同辣度，今次揀小小辣試下先，除咗泡椒之後仲有辣椒🌶️同番茄真係幾夾，牛勒肉腍身不過冇乜牛味，米粉正常發揮，食完暖笠笠，唔錯鮮油奶多賣相吸引，如果唔係叫咗個麵都想叫個嚟試下🤩今個午餐圓滿🤩期待下次

🤩呢間冰室間唔中都會食下係午餐或者下午茶一個唔錯嘅選擇我自己就好鍾意佢嘅皮蛋芫荽湯底👅好香又夠味 所以我每次食都係揀呢個湯底平時我多數會食豬扒或者雞翼今次就揀咗午餐肉&雞翼(粉麵套餐會配三隻)個雞翼做得好入味 咬落去超級嫰滑👅價錢來講我覺得都算抵食 $40 一個麵餐 可以配豬扒/雞翼另外加$8可以配 腸仔/午餐肉/丸類等至於 湯底方面都係另外加$8🤣如果唔想加特別湯底 就咁清湯都可以😌今次另外嗌埋份鮮奶油多😻咬落係小小脆嘅多士夾住鮮牛油🧈+煉奶超級香滑！超級滿足！😋好好味～

早幾日先同人講「華嫂」好似差咗少少🤏，呢頭講完嗰頭當然要去實地調查一吓。平時叫開指定動作「豬扒茄通」，今趟好想食吓「沙嗲牛丁」🍜———————————————————————————🥢沙嗲牛肉出前一丁🍜💬雖然唔係主打嘅款式，不過一間茶記點都要有長青老大哥「沙嗲牛🐮」；濃厚嘅沙嗲香加上粒粒花生醬🥜，絕對係交足功課，滑牛亦唔會太過碎有肉質，係幾唔錯👏🏻.🥢奶油厚多士🍞💬厚切嘅麵包烘底，加入超厚嘅牛油🧈同多到漏嘅煉奶，加埋杯香滑燶郁嘅奶茶☕️，非常之夾👏🏻

成日都聽到啲人話華嫂冰室好好食好正，我就一次都未試過，今日去到尖沙咀呢間分店一於試下，估唔到有好多人食質素都唔錯喎！🍴沙嗲牛肉豬仔包 $28 (7.5/10)個包有烘過，外脆內軟，沙嗲牛肉好香濃沙嗲味，偏濃味同鹹香(可能我好淡口覺得偏鹹少少🤏🏻)，牛肉好滑好嫩，加埋生菜同蕃茄幾好食。🍴豬扒檳城喇沙湯米線 $56 (8/10)勁大碗！冇諗過茶記喇沙都咁香濃，椰汁味幾香，輕微嘅辣，香而不鹹，好濃郁，個湯幾好飲，吊打好多馬來西亞餐廳。米線超淋超吸湯，淋而不爛，好正！豬扒好厚好大塊，肉質唔鞋口唔硬，有口感！真心呢個價錢好高質！☕️熱奶茶 +$7 (7.5/10)茶味好濃，帶少少苦澀，奶味唔出但都幾滑，個澀味都好有餘韻，幾ok嘅！推薦指數: 7.8/10係最近食過比較有質素嘅茶餐廳！真心呢個價錢咁大份幾唔錯，經過都可以食！

今天天氣轉涼，感覺突然很想來吃一碗蕃茄湯底的通粉～路過尖沙咀的這間冰室突然想起之前看到很多人推薦的余文樂最愛冰室！就跟著一起來吃吃看！點了推薦的番茄湯底，配豬扒和新鮮牛肉，兩塊豬扒太足料了！

之前一直都係食開灣仔嗰間華嫂冰室，今次喺附近就決定試吓呢間尖沙咀嘅華嫂冰室，呢間餐廳距離地鐵站都可以話係幾近，不過一啲食飯時間例如午餐時間就可能真係要排隊同埋搭枱，一個人去食甚至要一張圓枱隔開4份咁樣坐，都真係有啲迫。今次食嘅就係佢哋非常之出名嘅蕃茄湯底通粉，加上鹹牛肉同埋炒蛋作為配料。佢哋嘅蕃茄湯底真係真材實料，食得出係用蕃茄煲出嚟嘅，蕃茄味非常之濃郁得來亦都有啲果肉，酸酸甜甜配上一啲鹹嘅配料例如鹹牛肉成個感覺就非常之平衡，再加上炒蛋亦都掛上左蕃茄夜香味，係一碗非常出色嘅通粉，希望下次可以試埋佢哋其他嘅菜式。

路過棉登徑見到華嫂梗係要入去拜會一下佢今次係第一次嚟尖沙咀分店比起觀塘分店 非常光猛 闊落好多 入到去基本上爆哂 雖然要搭枱 但係啲嘢食都唔會話放唔哂🎃皮蛋芫荽香煎豬扒烏冬 侍應哥哥準備放低嘅時候已經聞到好香嘅芫荽味芫荽控表示期待呢個芫荽湯底非常足料 味道濃郁 豬扒都算厚身 煎得好香 唔洗講個湯飲哂 cheers 🎃豬扒菠蘿包菠蘿包仲熱辣辣同個菠蘿皮都脆咬落塊豬扒咇哂啲汁出嚟佢唔係有啲咩秘製醬係落咗芥末醬 又幾特別幾盞鬼喎

真的是#正宗#港味，主餐還好，但個人超推#點心、#小食 類，像是#咖哩魚蛋（要早點去，不然很快就賣光ㄌ）、#鳳爪、#腐皮捲、#奶黃流沙包（一咬開就開始在流，要小心不要滴到衣服上🤣）、#龜苓膏、#冰火菠蘿油，可以點套餐，就可以選要#老火湯 還是#絲襪奶茶，主餐吃起來都很有#鑊氣，所以個人會比較喜歡點#滑蛋牛肉，總而言之是#道地#港式飲茶，能吃到正宗的#港菜，又賣得比#香港 便宜，個人覺得蠻值得一試的（但生意很好，老闆就是香港人，所以可以吃到正宗港味）

好耐之前喺屏山食過華嫂，依家舖都搬埋，亦都開左好幾間分店，今日就試吓分店嘅水準。Porkchop Pineapple Bun豬扒菠蘿包 $28菠蘿皮勁香脆，唔會好甜，豬扒厚實得嚟唔會韌，亦唔乾，加埋芥末醬，好夾。Corn Beef & Cheese & Egg Bun招牌芝士鹹牛肉蛋豬仔包 $24免治牛肉夠多夠鹹香，豬仔焗到好脆，但有少少位置燶咗，不過都唔影響整體味道。Hot Milk Tea 熱奶茶 $18好香滑，茶底夠濃，奶嘅比例亦恰到好處。