華嫂冰室 (棉登徑) (Moved) New Location

超多大陸遊客排隊 由於我朋友未到 寫明過咗10張枱要再排我岩岩過10我朋友就到 就同staff講 態度好好就話好啦 叫我應該早d話佢知！----------------------最愛的奶醬多 多士烘得脆一脆 奶香 花生醬多又香咬落D醬bit哂出來豬扒喇沙湯米 豬扒好香 唔油 個喇沙都幾出色係椰香味重 微辣 完全掛到落米線到菠蘿油菠蘿包唔係街麵包店果種質地似巨大菠蘿酥 但外面脆帶甜 保持到裹面係麵包感

同夫君唱K後，便決定到尖沙咀的華嫂冰室飲啖茶食個包，休息一下！😉😉走到棉登徑口已看到遠處有一堆人聚集，去到攞飛已要等大約20張左右。但我是選擇等等，希望下午茶人們不會逗留太久。大約等了10-15分鐘便到我們，內𥚃裝修光亮整潔，感覺不會過擠擁。但9成都是強國人😂他們沒有提供下午茶餐, 所以我們分別點了：招牌芝士咸牛肉蛋豬仔包 & 熱奶茶包身不硬，口感鬆軟。所有材料都很配，不會有違和感。奶茶底濃，夠香滑，不澀鮮油腿菠蘿包 & 熱咖啡 - 相對下夫君和我都更喜歡這菠蘿油，牛油香滑和半溶的狀態，火腿微咸的味道以及菠蘿包的軟熟，夾住一起吃帶出了微妙的感覺。咖啡夠熱，香滑

既然尖沙咀開左華嫂，不得不來朝聖一番。昨日午餐時間經過這兒，人山人海，店前擠滿了遊客。今早決定再訪，可能是剛剛營業嘅關係，早上的食客唔太多，感覺比較自在。這兒主要供應麵食、多士、三文治和豬仔包等，是輕食為主。而價格和一般茶餐室和冰室相約裝修也光鮮整潔，唔太擠，感覺ok早餐少不了一杯熱奶茶。熱奶茶$18這奶茶以玻璃杯盛裝，雖然看得清楚，但手感有點兒熱。這奶茶茶味香濃，而且口感滑溜，即使不下糖，也沒有半點澀口感覺，水準中上。招牌芝士鹹牛肉蛋豬仔包$23朋友力推招牌芝士鹹牛肉蛋豬仔包，我不得不試。雖然這豬仔包賣相一般，但吃的時候，蠻驚喜的。可能是在沒有期望下一試，原來豬仔包不是又乾又硬的那一種。這包口感十分香軟，中間夾有芝士、太陽旦和鹹牛肉。一咬之下，包身軟得扁下來，嘴𥚃是半溶芝士，加上薄薄的鹹牛肉滋味，再加上太陽旦充實的質感，真是簡單而味美。若果太陽旦是流心的話，真是愛死了。既然難得入座，我又買了豬扒豬仔包和樽仔奶茶作下午茶，感覺有好的，亦有普通。豬扒豬仔包$27這豬扒豬仔包和剛剛的招牌芝士鹹牛肉蛋豬仔包一比，相對地就比下去了。豬扒雖然冇骨，啖啖肉，但肉質唔韌，入口比較爽身，肉汁唔多，幸好

出自元朗嘅華嫂 ，好多人都話好好食 ，今日路過尖沙咀，就一於試下！ 下午茶時間門口排隊嘅人流不斷！有好多來自國內嘅同胞前來朝聖！等左幾個字，終於可以入席了！叫飛嘅員工服務態度3/10 ，落order員工態度4/10，上菜員工態度5/10！員工服務態度同好多餐廳一樣，偏差！前後order左 雞翼茄湯(+$8)跟烏冬(+$3) 豬扒米線 轉 芫茜皮蛋湯底(+$7) 咸牛治 .......食後感：雞翼 - 外皮味道8/10 但唔夠入味，肉質比較老！豬扒 - 大約3cm厚 味道6/10 茄湯 - 濃郁 個人比較中意 8/10芫西皮蛋湯 - 芫茜有陣苦澀味4/10 皮蛋3/10總體來講 只屬一般般. 值唔值就因人而異啦！

夾著六叔成日幫襯嘅名氣，長期門口滿是人，朋友食開觀塘店大讚好味，閒來無事，同老公花下時間等下，一等就等左二十分鐘老公叫左個朱扒喇沙，豬扒味道不錯，豆卜，魚片，雞蛋都合格，可惜唔夠熱，如果好似我，唔食芫茜記得走青，因為放嘅份量都幾多叫左碗雞翼紅腸蕃茄湯底，蕃茄湯底做得出色，不過雞翼煮太過熟，好韌同無味一試愛上菠蘿油，呢度個菠蘿油做得好出色，食得出牛油用上高質素，嗰種牛油香再加菠蘿包嘅鬆軟，微熱嘅包令牛油少少溶化，入口兩者加埋，好味到無話可說埋單價錢有點貴，不過質素真係唔錯，六叔果然識食之人

今日同女朋友到尖沙咀dup骨 dup完又未夠鐘睇戲 就到附近食個下午茶先 本身諗住食個一蘭拉面 但係望望 e 好似開左間華嫂冰室 想當年 係天水圍仲要行10分鐘 一個唔好彩仲要再等成個鐘先有得食 見到尖沙咀間鋪有位 就即刻入去食 叫左個蕃茄雞翼豬扒通 個湯真係冇得頂 超濃 雞翼 豬扒都鮮嫩 大舊又抵食呢個先係我山長水遠都去天水圍排隊食華嫂既原因 煎魚餅 沾埋佢地既辣椒油 真係超級超級好食 我一個人就可以食晒成碟跟手望望 原來觀塘都開左間華嫂 太好了 第日唔駛再去咀遠價錢不算貴 性價比高 唯一唔好就係要排隊

由屏山店開始食 食到觀塘、尖沙咀、灣仔都開左分店每次我都中意叫蕃茄湯加雞翼豬排 佢既豬排都幾大塊 湯底好重蕃茄味！食材新鮮！量足！唯一系麵煮得有d淋仲有呢個 無得輸既咸牛肉蛋治！都系我每次必點！個皮煎到香香脆脆 裡面夾住既咸牛肉碎同咸芝士搭配得岩岩好😍中意濃味既我好中意食！但如果你吾中意食濃味野 呢味就未必岩你喇！最後 又系必點既檸檬益力多！的確無錯其實系好簡單既野飲 但$18蚊咋wor你想點！錦大杯益力多wor🤣抵啦系咪

雖然多人，但值得去等，價錢大眾化，比其他冰室還平，當然你唔可以要求有招呼囉！但其實去其他冰室係一樣，最特別有一位男員工忙著都幫我地落單及好有心機介紹食物，好高大既，我估應該係店長，我地叫左佢介紹既凍熱奶茶及菠蘿包，沙律蛋多士，奶茶味濃郁，菠蘿油鬆軟，口感一流，不過沙律蛋多士就等得比較耐，我必會次到尖沙咀食，因為灣仔嗰面啲員工同面口實在太差，感覺食著都受氣.

以前要食華嫂,要山長水遠入屏山. 最近尖沙咀終於開了. 上個weekend終於有機試一試.十二點左右去到,發現成條街都係人,出晒馬路.好在裏面size唔細,turnover又快,等了半小時多d終於有得入.可能佢地想d客快食快走, 佢哋將d客pack得好緊, 一張小圓枱都可以放十個人. 食物大部分五分鐘內上抬.蛋沙律三文治-寫到好似必食咁,但我覺得一般. 有d club sandwich feel.蛋牛包-夠熱,外脆內軟. 正!番茄豬扒麵 - 豬扒好入味又夠諗. 番茄湯都ok, 但感覺比不上中環有名的那一間咁甜.芫茜湯面 - 表面上的確多芫茜, 但覺得湯的芫茜味不算濃.其它 - 正如之前有食評講過, 感覺似去左強國! 大部分等既人都拖行李, 講刨東瓜, 仲有, 收銀機收支付寶但唔收八達通! 各位如果想遠離遊客的,請考慮有去其它分店.

在元朗屏山打出名堂多時的「華嫂冰室」，雖然我早幾年已經去過，但畢竟路途較遠，試過一次之後，便一直未有再次到訪。想不到最近一兩年，華嫂跳出屏山，踏足港島、九龍，在灣仔、觀塘和尖沙咀先後開了數間分店，絕對是愛吃它的美食的人的喜訊。這一天，正值放假，想起華嫂的早餐，便即興與老婆仔到它的尖沙咀分店吃個美味的早餐。 我的早餐選擇是材料較為特別，適合愛試新東西的我的「肉眼筋墨魚丸米線」（$40）。我選的湯底雖只是清湯，並沒有加錢轉為冬陰功湯底、皮蛋芫茜湯底或蕃茄湯底，但味道清甜，感覺舒服。墨魚丸足有三粒，肉眼筋更是大量供應，當中我尤愛口感甚佳，柔韌中又甚有彈性，而且頗有肉味的肉眼筋。這米線份量不少，吃上一碗，已經甚飽，以這價錢，有這質素，值。 「香煎豬扒配通粉」（$37）是老婆仔的選擇。我雖沒吃這個，但看那賣相，共似乎煎得甚好，聽她說，也很滿意呢！兩夫妻一起分享的「招牌芝士鹹牛肉蛋豬仔包」（$22），用的雖只是簡單的食材，但新鮮熱辣送到，趁熱吃，各款材料產生的微妙化學作用，已能讓人感到平凡的幸福。沒喝「樽仔奶茶」，只喝了普通的「凍奶茶」，味道也許沒有「樽仔奶茶」那麼濃甜，茶味 還不錯。 「華嫂」

<與女朋友吃飯系列•八>終於可以在市區吃到華嫂冰室，感覺非常好☺️先點了菠蘿豬排包😋後要了蕃茄豬排米線🙌🏻侍應服務態度好，可以給予我們改變配菜的權利🙇🏻沒多久，熱辣辣的菠蘿豬排包率先上場，豬排的新鮮並沒有掩蓋熱辣辣的菠蘿包味道，效果出奇地夾。我女朋友話一定會再來嘗嘗其他包☺️10分鐘後也上了蕃茄豬排米線，濃濃的蕃茄味，配上米線，令人欲罷不能，垂涎欲滴✨雖然餐廳吸引了不少遊客而來，但餐廳對本地人也很好🤓而且也很配合潮流，配備支付寶作為其中一個支付工具😉以冰室來說，華嫂冰室的排名在我心中也是頗高的。

一早碌起身去咗尖沙咀同老公拍拖因為老公話華嫂冰室係尖沙咀開咗所以早啲去睇下係咪唔使排隊我哋11點鐘到達已經見到少少人龍大概等左10分鐘之後就有位等緊嗰陣見到有個免費叉電都係一個貼心嘅安排，知道長龍嘅話可以俾人差下電👍🏻like但係一入到去幾乎全部都係強國人點解啲遊客咁叻新開都知道嘅Anyway, 老公先入為主左話以後都唔會黎食仲話碗通粉比係觀塘難食咗好多我哋叫咗番茄雞翼豬扒通粉同埋招牌菠蘿包我真心講唔算話好差不過都係觀塘好食D，而個招牌菠蘿包質素不變👍🏻牛油仍然都係好厚切，蕃茄仍然都新鮮，蛋汁依然流下，菠蘿包面仍然都係夠脆不過老公對住啲大陸人就主觀左🙈但老公仍然都話佢嘅奶茶好好飲所以真係好好飲㗎😆

當日閒日6點幾入到去大把吉枱，但店員卻要你坐喺指定枱（迫埋人群），算～叫左個亞姐埋黎落單，點知佢記性差過我阿婆，每樣野要講三次先落到單，其實如果咁難不如叫個客自己✔️單好過啦⋯⋯首先黎左杯凍咖啡，呢杯係我飲過最最最難飲既凍啡，無啡味無奶味，只有苦味，差過自己沖😒之後黎左👉🏻「蕃茄湯豬扒米線」，除左個湯底無蕃茄味其實都叫正正常常，不過要加$8呢個湯底就建議閣下自己諗啦，最後係👉🏻「招牌菠蘿包」，呢樣係我黎呢度主要想食既樣，味道OK既，但其實如果收人廿幾蚊o個塊蛋就大小小啦，好心😪現場目測有9成係自遊行旅客（明啦），如果就服務黎講只係好過澳牛小小，如果講食物，同區旺記&紅磡冰室絕對絕對好過棉登徑呢間華嫂多多聲👋🏻👋🏻

見咁出名, 平日夜晚嚟食, 唔使等位一入叫咗兩位, 當你大陸人咁款同你講普通話, 可能根本成間嘢大部份都係大陸人.叫咗碗雞翼番茄湯米線, 豬排冬陰公米粉, 雞翼同豬排都好味, 但兩兩個要加8蚊的湯底, 完全唔得, 番茄湯同米線完全唔夾, 淡, 冇乜味, the one 隔離間星x冰室仲好. 冬陰公湯就淨係辣同酸, 唔好同泰國菜的冬陰公比, 因為冇得比.到埋單, 淨收cash 同支付寶. 八達通, credit card 都唔收, 莫非淨做大陸人生意?

放工約了尖沙咀上班的友人食晚餐，剛好上openrice 見到華嫂冰室向尖沙咀開了分店，非常開心，即刻去食啦。（因為觀塘店只開到5點，食過一次好好食，但放工好難有機會食到) 友人叫了蕃茄豬扒雞翼通粉，這個蕃茄湯底我之前食過，很濃厚的，比較洁身的，友人也說好味。我就試試那個檳城喇沙(豬扒)湯米，還加送要了雞翼。（因為上次吃過華嫂的滷水雞翼真的很好吃，要encore)飲品方面，尖沙咀分店還可以叫一碗粉麵，加$7配冷熱飲品。另加＄12 有特飲。記得觀塘分店飲品好似是要分開單點的，所以這分店粉麵單點價好似貴幾蚊，但可配飲品）我們叫了特飲，凍話梅柑桔丶檸檬益力多，兩杯也好飲！