居食屋「和民」 (Closed)

中午大約12點去到，唔洗等位，直入。午餐都有不少款式，我今次揀左鐵板超燒雞扒定食，有沙津、麵豉湯、主菜同飯。如果沙津的份量大一點就更好，麵豉湯係一般既味道，冇咩特別。雞扒既汁好味，餸飯一流，可惜薯條"林"左，唔好食，唯有點茄汁，希望增加佢既吸引度，點知啲茄汁又太咸，所以對啲薯條勁失望。

同媽媽出街買野👩🏻🛍行到見肚餓🤤🤤求其搵左間餐廳食飯休息下🍴🍵見到餐牌有新產品價錢又可以接受💰於是就叫做個黎試下😋😋.刺身冷麵🐟🦐🦀睇個樣以為會中伏🤢點知食落又OK喎😹😹食材款式都幾多😋😋😋一碗入面有齊蝦帶子蟹柳三文魚吞拿魚三文魚子蛋同埋泡菜🍣🦐🥚🍜魚生食落頗為新鮮，唔會有一陣雪味❄️泡菜有少少辣🌶但都可以接受😬面係一般普通嘅拉麵，但因為浸過冰水，好彈牙😍😍😍同時上枱嘅仲有一小樽醋，可以淋落冷麵度🍜酸酸地都幾開胃㗎🤤🤤🤤啱曬熱辣辣嘅夏天☀️🔥推介程度：👍🏻👍🏻👍🏻👍🏻（5個👍🏻為最推介）

以前舊公司附近有和民，所以間唔中也吃一餐。 之從轉咗工之後，也少去和民食。 今天經過和民見到門口個lunch set 牌，影得好似好好味。 就算得自己一位，也忍不住入去和民吃個lunch 。 餐廳也算寬敞，有好多卡位。 lunch menu 也有幾款選擇，原本想柯打滑蛋吉列雞吸引住，點知賣光了。 只好選同它差不多的滑蛋豬，可能係平日lunch唔忙，所以上菜速度也快。 不過可能煮得太快水準未必可以保持。 滑蛋煮成老蛋，蛋質感十分粗糙。 吉列表層同已豬扒完全分離，好在湯及沙律味道仍可以。

由停車場上黎一出𨋢就係「和民」, 已喺li間lunch過好幾次, 石鍋飯好味😋 石鍋鮭魚魚子飯定食🍱 （HKD68） 定食包括沙律🥗: 粟米🌽粒+生菜混芝麻醬, 細細碗夠開胃. 面鼓湯料也不少. 上菜時, 三文魚子以另一小碗分裝, 我先用匙羹拌匀石鍋內所有食材(厚度適中的三文魚, 紫菜, 葱粒, 沙律醬, 牛油) 熱辣辣沙沙聲, 鋪滿三文魚片, 一小片牛油令佢更香. 等無咁燙口時才加入三文魚子一起吃, 鮮味up. 不得不提那杯熱蜂蜜生薑茶好好飲. 杯底有大量切成一小條的生薑, 味道突出☕️ 仲有好多野食未食過呢🤤

香港一些集團式的食肆, 好多時每間分店都會有所不同, 之前於荃灣廣場和民中伏後, 今次當比多一次機會佢, 試左位於馬鞍山的和民, 總算無令我決定以後唔再試, 環境唔錯, 不過因為星期日, 等了大約45分鐘先可以入座, 點了和民雞肉沙律, 蔬菜新鮮, 還有一份和半份選擇, 但沙律醬汁就唔多夠, 鐡板餃子, 不過不失, 燒牛肉壽司卷好味, 牛肉軟有牛味, 一口牛柳粒就一般, 石鍋黑椒牛肉飯好香, 有飯焦味, 豚肉醬油拉麵就麻麻地, 拉麵口感唔彈牙, 總括還是可接受的.

星期日六點鐘未夠就去坐定定避開一陣好多人要等位既人潮啦今次試咗二人歡聚套餐有半份野菜沙律兩人份嘅季節前菜再加兩杯飲品仲有幾塊三文魚咁不過我就唔係好鍾意上面啲醬汁啦 餐上面有其他食物我地揀咗大阪燒好似同之前食既唔同左不過都好食!!有芝士呀~然後牛油果三文魚卷正正常常啦~第一次食雜錦豚肉鍋其實打邊爐或者食火鍋食豚肉雞肉我就興趣不大所以都係朋友食得多以兩個人既份量黎講呢個餐都夠飽架!!下次等我試吓其他食物先~

已經唔系第一次到馬𩣑山食和民！店舖環境大 十分舒服感覺比其他分店好食今次食左2人前店長推薦餐三人食 都ok特別推薦壽喜燒 牛肉十分足夠而炒飯香而不會油 仲有刺身，沙津，前菜，20款飲品選擇所以特別推薦！值得一試！

週末周圍走🤪今次去到馬鞍山同👦🏻食吓野，咁啱行過和民就決定入去試下😗，假期冇咩人，裝潢都似日本🇯🇵食肆，坐得好舒服👍🏻因為當日係假期，所以冇午市套餐。首先，我地點咗牛肉鍋燒烏冬，職員會問你想自己燒定廚房預先整好，既然唔係好趕時間，我地就決定自己燒，呢個食法都幾特別，好似打邊爐咁，而跟鍋會有一隻蛋比我地自己打👍🏻燒咗一陣，再加埋隻蛋，賣相極吸引，非常香口，濃湯配烏冬💯每餐都無飯不歡😂揀咗個北海道十勝豚肉盒子飯，價錢有啲貴($78)，份量比想像中少，賣相亦冇餐牌咁好，好彩豚肉夠稔，啲汁送飯一流，不過有少少芥末，唔太推薦比唔中意芥末醬嘅大家，整體來說價錢有點不值。好大食嘅我地再嗌咗一個風味相撲雞肉鍋，細size只係$48，兩個人share好抵食，雞好滑，其他材料都好多(肉丸、豆腐、娃娃菜、芽菜、菇)夠哂大份😆

已經好耐冇食和民，但係估唔到紅日黎食都冇乜人。擺左飛都唔洗點等就叫我地。餐牌好似少左好多野食，我地一行三個人，最後叫左個二人套餐一齊share。入面既小食、主食同鍋物都有得選擇。前菜份量適中，除左沙律仲有煙三文魚，同埋2份時令既菜。小食拼盤：味道較濃，係薯條上面嘅份好咸，同直接食味精冇咩分別。主食：因為友人唔食牛又唔食辣，所以只可以選擇呢個拉麵，味道一般，冇咩特別海鮮鍋侍應會一早幫我地set好個鍋，算係成個餐最好味嘅野，都幾多海鮮。不過個鍋比較淺，要多啲睇住個火，好易水滾滿瀉！但係宜家冇送烏冬，相對冇咁抵食

自選晚市套餐，有前菜，小食，主菜，都算多選擇。前菜有沙律，荀，仲有薄切三文魚，呢個最有驚喜，好味又fresh👍之後我地簡左雞翼，海鮮鍋，仲有個拉面同石鍋飯，都夠飽。總結，三個人一定夠食，味道不錯的。

又係一年一度食和民的日子, 因為佢選擇唔多, 又唔係特別好食及抵食, 如果唔係有會員生日coupon, 都唔會考慮食呢間, 而家係我生日月, 當然唔好嘥咗張coupon啦~明知嚟得呢個商場, 一定要食頭輪, 如果唔係都唔知要等到幾時, 我地最怕等位, 唯有早啲6點嚟到食囉~ 估唔到已經入咗好多人, 好彩兩個人就即刻有枱唔駛等啫~已經成年冇食, 餐牌都轉咗, 不過依然係選擇唔多, 對我地嚟講更甚, 因為有好多都係我地唔會食的, 於是所剩無幾, 叫兩個飽肚+一個小食~ 和風pizza (叉燒、照燒雞) 都係第一次食pizza, 唔記得之前有冇呢樣嘢食, 味道唔錯, 比我預期中好食, 都叫做多料, 而且個汁都唔差, 而個批底你當係其他pizza舖果d薄批的質地, 最奇怪係竟然灑蔥响面, 同埋冇幫你cut開, 你可以自己鍾意cut幾大幾細都得, 任你自己玩, 不過我會覺得麻煩囉~  大阪椰菜燒 (雞蛋&芝士入)諗住叫呢個係想有d菜食下, 但其實冇預計中咁多菜囉~ 但味道同質感又唔差, 仲好勁芝士, 唔錯~ 北海道十勝豚肉盒子飯真係成個盒上, 仲要上完枱都唔會幫你打開盒蓋, 要你自己動手, 不過

其實好耐冇食和民，咁岩黎到馬鞍山，又有bb 想坐得好d,食下啦點知一食就中伏叫左個三文魚牛油果卷，d飯係爛到好似梅左ge咁，未冇牙力的老人家都話佢爛，爭鮮好食過佢多多聲。餃子。上菜果陣話小心鐵板熱，心諗店員都好窩心丫，結果係....的而且確係得個鐵板係熱嘅，餃子係一d唔熱追加串燒同炒烏冬，但係漏單，等左15-20mins ,想cut 跟住死都話整緊。然後上菜的串燒唔單止係唔熱，仲要冇味，連燒雞亦都冇味，冬菇變左乾冬菇，真係要用難食形容。以後都唔幫襯！

美食沙漠中有不少連鎖式餐廳，今次就到了和民吃晚飯。週末的馬鞍山，間間的晚市都好多人排隊等位。我們一行2人，因為吃過下午茶，所以只叫了3款食物。1./ 石鍋明太子沙律醬牛肉飯($68)一上檯出晒煙，影完相就即刻「撈起」！味道岩岩好，明太子份量足如果多點紫菜就更好2./ 火炙鮭魚腩壽司($48)三文魚腩都算肥美，火炙岩岩好燒到面，入面就仲生生地。可惜一上檯即食都是凍的.....3./ 牛舌串($38)侍應話：「呢個要盡快食」點知一咬都只是微暖，有點失望。希望不遠的將來會有改善啦！

這裡在周末和周日較難搵位，今晚6:00到，食店內約有五成客人。鱿鱼燒肉厚，多汁，夠水準！牛肉壽喜燒味道不錯，1人鍋追加烏冬收$96，性價比不高！5品刺身盛合中的甜虾和帶子的質素中規中矩，其餘三款水準之下！串燒的雞串較失色，醃得不入味，燒汁又太少😨，和牛肉鍋一齊上枱，食完牛鍋和刺身，串燒凍晒😨，一間食肆除了要保持出品的質素外，出餐安排都極為重要，不是求其將食物擺在客人面前，客人就要接受，這間連鎖店在這方面掌握得在水準之下，這種招呼真的欠缺誠意！我覺得和民要認真檢視一下廚房出餐的流程！

呢個月岩岩搬左入馬鞍山，有次收工經過見到新港城中心有間和民，好想搵日去食下。今日星期六一訓醒，就同朋友去食個午餐。下午2點，完全唔洗排隊！正！之前最近之前最近嘅分店都要喺沙田新城市中心，每次排隊拎飛都要等成最少一個鐘。一坐低，見到信用卡做緊優惠，只要有銀聯卡，消費正價餐牌滿＄500 ,就可以即時享有八五折。呢個銀聯卡信用卡優惠，比起和民本身自己嘅會員卡只有九五折更為實惠。*前菜小食*惡魔熔岩鮭魚卷芥末章魚鐵板燒帶子*主食*燒魷魚筒飯黑椒糖脆雞翼壽司盛盒天婦羅冷蕎麥面仲有個 雞肉串燒盛盒點左一支300ml sake (pink) $88我同我朋友都唔係好識得飲sake嘅，但係就覺得＄88其實都幾抵飲架。最後埋單＄520已包＋1 ,已包八五折優惠。🤤