居食屋「和民」 (Closed)

上次光顧和民送了很多半價優惠券， 所以特意來使用。今天入座時，並沒有很多人，員工也很友善招待， 優惠券不能光顧套餐亦不能與和民信用卡優惠同時使用，所以今次單點食品，一行三人，首先來一客金倉魚壽司，和民pizza及豚肉大阪燒，後來追加了刺身沙律， 魷魚燒，福岡冷麵，辣三文魚壽司天婦羅及2杯白酒 。這段期間白酒及紅酒都是買一送一。最後點選綠茶吐司作為甜品，結賬時使用優惠券號後，只付了 270多，十分便宜。這次除了福岡冷麵賣相差了一點外，其他食品都可算達到標準，上枱時所有食物都是熱乎乎的 ，白酒亦夠冰凍 ，甜品亦維持水準。

係馬鞍山新港城可以多人聚餐的餐廳唔多，和民可以算係少數有得book枱。一行八人，7點入座都冇人等位。叫左12款菜，每碟都好少，食晒全部加甜品，都好似唔係好飽。特別推薦:鰻魚飯 鰻魚夠厚夠熱， 綠茶吐司都不錯

Lunch set 壽喜燒...要差唔多$100一位，有d 貴！ 佢個壽喜燒嘅湯底，雖然真係又甜又好味....但唔係因為有白飯，真係連女仔都冇可能夠飽！另加個炒面燒餅.....個邊會唔會燒得over 左呢？黑曬😂😂😂😂壽喜燒跟嘅終極迷你甜品！無言👍🏻

又係因為有生日cash coupon先會嚟食, 今次特意早d到, 食頭輪, 當人地shopping時我就食嘢, 到人地食嘢我就shopping, 咁就唔怕同人逼, 而且上菜時間又快咗, 2個人都比你坐卡位~其實食完都未夠六點半, 但原來都已經坐到七七八八, 估唔到馬鞍山d人真係咁早食飯~  酥炸軟殼蟹壽司卷 估計佢都冇1只軟殼蟹咁多, 因為整條卷唔長, 而且每件唔夠厚切, 又散, 只屬一般~  九州風豚骨湯拉麵 湯底唔濃豬骨味, 麵質非常林, 一d都唔彈牙, 已經一上枱即刻食, 如何再放耐d, 到時浸到爛petpet, 真係唔想食~ 叉燒唔太肥, 啱我唔錯~   海老天婦羅唔知點解咁零丁係5只? 但價錢係$66, 係咪應該比只好d呢? 由於新鮮熱辣炸出來, 所以好脆, 但係比較油~相信下次幫襯, 都係明天生日月的時候, 用coupon都唔算好抵食, 但連coupon都冇, 更加唔駛旨意我會嚟食, 一來唔太多適合自己的選擇, 二來味道一般~

睇完肉桂狗 有d肚餓 於是去食和民叫左半份海鮮火鍋 半份沙律 同串燒先講海鮮火鍋 有蝦 龍蝦同蜆 好鮮 吸哂d味 尤其係d菜 好入味 湯底叫左昆布湯 較咸左少少至於沙律方面 菜好新鮮 好爽 有d脆脆麵包粒 反而d醬再多返d會好d 串燒有5串 所有串燒冇落醃料 雞肉同雞軟骨得雞味 較清 雞翼落多左鹽 較咸 反而冬菇最好味👍🏻

同友人到馬鞍山處理事務去到大約晏晝1點鐘 肚餓了便在新港城中心搵野食 由於少黎呢邊 發覺原來勁多人 唔輸比巿區既人流先係茶木 等左半小時都仲要等7張枱我地決定罷吃 再到和民同翡翠拉麵拎飛等位翡翠公然飛左3個no. 我問支客 佢粗聲大氣話我地聽唔到 絕對過份!!!!最終選擇和民 服務及職員有禮得多(日式服務???)餓到扁 點了以下食物黑椒牛肉石頭飯 - 足料夠熱 很香牛肉味 海鮮泡菜鍋 - 有蝦 蟹 蜆 帆立貝 魷魚 足料 泡菜湯底同海鮮係幾夾 蛋卷 - 略為鬆晒 但味道熱度足夠芝字年糕 - 芝士份量足 但不夠喊味以lunch 計和民都保持到一貫水準 沒有失望

曾經有幾次在這家餐廳有不愉快經歷，所以已有一段時間沒來。不知為何，這天忽然想起它，於是過來晚膳。由於不希望花個多小時輪候，這天於6時前已經到達餐廳。這天被安排卡位，真好。從前在普通座位時，每次侍應都會安排輪候的食客在旁，這樣看似很平常，但是，最離譜的是通常都是安排不足座位給鄰座，並告訴鄰座待我們結帳後把我們的枱給他們，但是我都是剛剛入座，而食物還未食到一半哩。這種情況是經常出現，好像一入座，便交給其他食客趕你走，有些食客還給說話你聽，很氣憤。因此，已有一段時間沒到來。卡位應該可以避免被趕走的情況吧。這天點了個2人餐，我沒有會員卡，連加一，頗貴。沙律醬汁多了些，菜仍濕，感覺不好。雞軟骨頗香口，但有小小油膩。薄切章魚，好似在塑膠，咬不斷的。焗芝士年糕煙韌，芝士味不會太濃。燒魚好味，很香口，而且有魚味。魚經過燒烤後，肉質韌韌地，不會太硬。石窩黑椒牛肉飯還可以，只是覺得有些味精的味道。飯加入了粟米，加分。粟米的甜可令個飯感覺沒有太肉。海鮮鍋內的海鮮沒有味道，蝦和青口皆一樣，淡而無味的，而菜也像不是很新鮮似的。蜂蜜生薑梳打，一定要放棄底部，因為個底甜到漏。今天的侍應，大部分都跟以前不一樣，態度

居食屋「和民」由於屋企冇人煮飯，唯有落街食...大家諗左好耐，唔知劣食之都馬鞍山究竟有咩好食，所以周圍拎飛等枱，邊到有位就食邊到...結果和民領先！叫左客燒魷魚，今次又燒得幾香，外層微微焦脆，裡面爽嫩彈牙，但略嫌個汁有啲cheap，係溝到好稀的燒汁...雞軟骨，炸得幾酥脆，有略略調味，味道ok，炸物總是叫人欲罷不能！之後有啲前菜沙律，冇咩特別，一般般，三文魚刺身落得太多油，食唔到三文魚鮮味，只有檻欖油同檸檬味。呢個芝士年糕焗過頭，太硬，用匙羹畢出黎極有難度，咬得好辛苦，不推介。燒餅用鐵板上，味道正正常常，醬汁惹味，蛋餅軟腍，入面餡料幾juicy。牛肉火鍋配料太少，食幾啖已經食哂，湯底係甜豉油，味道正常，牛肉肉質嫩滑，唔錯！最後叫左壽司，帆立具壽司最好食，夠新鮮，係略嫌壽司飯醋味唔夠。馬鞍山間和民日日都好多人等，可能因為價錢抵食，但其實質素都係一般，但呢個價錢不應要求太高，畢竟呢度係馬鞍山...

和民的款式好多,價錢不貴,吸引好多食客.但n年後,我都係覺得同n年前既食物好接近,沒有太多的新意.所以要我去呢度食,係要自行尋找樂趣墨魚餅既肉質都幾彈牙,墨魚味都幾鮮,而且只係$28蚊,都幾抵食卷物的飯真的好足料炸雞翼調味不足整晚最美味是燒飯團,味噌好香,飯夠脆身,好有口感,亦帶煙韌既感覺整頓飯就是---平凡得難以評價

Beef and Kinchee Rice in Stone Pot(石鍋黑椒牛肉飯）$48平日不常在外吃飯，因為個人認為外面的飯不及住家飯好。但這石頭鍋飯還可以珍珠米配上牛肉，粟米牛肉新鮮，很嫩粟米甜混在一起還可以但略多油，及偏咸與pepperlunch 比較，就略為遜色！唯一不滿是等候時間過長，等了25 分鐘！Rice Cake Au Gratin（焗芝士年糕）$38本人超愛芝士！當看到menu上有任何與芝士有關的配搭，都想試試。這焗芝士年糕賣相尚好，可見芝士和年糕完全混合一起。亦因為如此，令進食時有點麻煩！第一口感：咸，太多調味，除了咸，未能品嘗到其他味道。緊接著是失望，完全嘗不到芝士的味道，因為真的太咸了。總結： 不會再叫這焗芝士年糕！

今次去吃又要排一會兒隊!這個飯在餐單上寫要等20分鐘原以為等20分鐘一上菜便可吃...誰知等了很久才送來...送到之後又要等20分鐘!!!雖然這個飯很特別有個鍋在你面前蒸飯但是要花很多時間味道又普通... Asahi superdry 雖然價錢是貴了點但是幾好喝!物有所值! suikiyaki味道還可以但是太咸了!這烏冬是放在suikiyaki吃的，烏冬彈牙質感好吃! 天掃羅很脆而且不油膩!

本身馬鞍山開左間和民好開心,九點左右去到,可能因為之前D人等得太耐走哂30個號碼好快就叫哂,咁就到我喇入到去都覺得OK,同其他分店冇咩分別點餐之類都好正常我點左杯野飲,少冰點知黎到我見好多冰,都諗住算啦,自己挑佢出黎但係我挑左成十粒大大粒都仲有即係想點?我叫人黎,同佢講我要少冰但已經挑左成碗冰出黎都仲有佢就咀MIU MIU咁話換過杯比我黎多杯我見係少左幾粒囉.但都係勁多,咁都算喇,費事再叫人黎,等陣加料都唔知點算埋單,我比多左2蚊等佢找,其實呢2蚊係咪比佢地當TIPS都冇問題,但點都循例找比我睇下先丫,點知佢冇找到,見我地係到等,就問我係咪要返果2蚊,WA!你咁問即係咩意思先?我即刻話要,1蚊都唔想比多你!本身都幾中意食架,但而家真係要考慮下,係食都出返沙田食

星期六,跟老公和媽媽一行三人去馬鞍山新港城新開的和民,好在一早十一點下去拿位,可以十一時半即是入座..如果遲左來,看怕要十二點半先等到第二輪入座. 食物質素整體來說很不錯, 服務算係甘, 有人FILL水,上菜時間可接受. 食左乜詳見如下:

由開幕至今，要在此新開張的和民吃個飯，一定要有驚人的等待能力。是日中午時分開店之際，成為第一批食客，結論是--等！由下單到第一份小吃上桌，約花了15分鐘，這個等候時間已經是不錯，鄰枱客人等了快半小時也只有催單的份兒。鯖魚燒：$50多有2大條，甚是抵吃。魚燒得可以再乾身脆身一點。沒有腥味，只是有細骨，小孩子要多加注意。滑蛋豬扒飯：滑蛋夠濕潤，不過豬扒乾身了點，而且粉漿也跟豬扒分離，麻麻，真的麻麻。其他點的印象模糊，希望下次來會有改善。

吃完團年飯, 在回家的路上我跟文迪也有點肚餓, 愛甜的我們還是想找點甜的吃才感滿足. 想起和民開業了這數星期長期輪候人數超過100, 這晚人應該少一點, 果然是不用等位, 直入. 這裡環境還算不俗, 看看餐牌, 甜品選擇不太多, 就在當中揀選了兩款大路一點的選擇.朱古力心太軟伴雲尼拿雪糕 $33: 5分, 先來的是朱古力心太軟, 其實也要等好一會兒才有得食. 切開看看, 流心度是對辦的, 但原來蛋糕是不太夠熱, 而朱古力亦不算太濃. 雲尼拿雪糕是幾香滑的, 不過始終心太軟不夠熱, 那一冷一熱的效果也做不到了.抹茶紅豆iN吐司盒子 $48: 7分, 另外一款甜品就是抹茶紅豆iN吐司盒子, 相比之下, 這客甜品是更為出色, 吐司夠熱, 亦幾鬆軟 配上的除了抹茶雪糕之外, 還有雲尼拿雪糕, 不過抹茶雪糕的溫度有點問題, 太冰了. 當然, 抹茶跟紅豆是永恆的好拍檔, 兩者的配搭還是教人滿意的.計及這裡的價位, 以上兩款甜品還算是收貨的, 但埋單的時候, 店方自己弄錯了單, 把我們的單跟另外一檯調轉了. 由於那檯已經走了, 結果是搞了十分鐘也不能來埋單, 那店員/經理還用相當差勁的態度對待我們,