渡邊屋

Open Now

Now Closed

呢排唔出街食又懶得煮真係食多左外賣💤有日試左呢間九龍城壽司店🏘.呢間小店舖仔細細🏡主要做外賣生意🥡有得自選壽司、海鮮丼同刺身呢個極上海鮮丼$92🍚刺身都好新鮮肥美 赤蝦好彈牙厚肉🦐係吞拿魚少左啲脂肪😌白飯係珍珠米 好煙靭飽滿而且甜甜的☺️.🍣自選壽司平均$6-$10一件 即叫即整都好肥美 可以自選就岩哂自己口味💁🏻‍♀️人均消費：$90推介指數：👅👅👅👅👅👅👅👅（8/10）Encore 指數：🤙🏻🤙🏻🤙🏻🤙🏻🤙🏻🤙🏻🤙🏻（7/10）

平時我都唔會寫食評，但係啲嘢實在太垃圾，令我有感而發！寫咗要三份餐具，得兩份油甘魚腩同埋劍魚腩霉嘅。三文魚質素仲衰過爭鮮。叫黃金蟹膏軍艦，送件平價嘅黃金魷魚俾我哋，無言。唯一滿意嘅就係左口魚

落咗樓下壽司鋪買外賣，佢哋專做外賣生意，都有幾個吧枱位可以坐，雪櫃入邊有現成嘅壽司，我就自己落order，大概10分鐘就整到佢哋仲有午餐可以選擇，又有下午茶，原來仲有壽司套餐可以揀火炙壽司超香，隔住個盒都聞到，最推薦火炙三文魚壽司，個魚油勁香另外火炙帆立貝都好好食，個帆立貝好大件軍艦壽司都好好食，而且個紫菜唔會淋本來想叫鰻魚壽司，咁我就試過厚切鰻魚壽司，個口感真係豐富，鰻魚好厚實下次可以試吓堂食，師傅即叫即整，相信更加可以食到壽司嘅水準

今日去九龍城開會, 見仲有D時間就係附近搵D可以速食既餐廳醫肚。經過見到呢間壽司小店, 提供外賣壽司, 仲有少量座位供堂食, 雖然座位唔算闊落, 但速食黎講還可接受啦!雪櫃有少量已pack好既壽司拼盤, 唔想等既可以買現盛。亦可以click紙仔另外落order即叫即做。平日午市order丼飯, 仲送罐裝汽水, 揀左【特盛刺身飯】HK$927片都幾有厚度既三文魚, 配上三文魚籽, 層次豐富, 三文魚略帶魚香, 但嫌壽司醋飯有D實淨, 不過係幾飽肚撐胃。【螺肉】HK$20螺肉幾爽, 有幾粒size好大粒, 配埋個汁甜甜地, 正~另外仲order左幾款壽司,【希靈魚壽司】HK$6希靈魚甜甜地, 質地爽脆【赤海老壽司】HK$7赤海老開邊, size厚度唔算大隻, 但食到赤海老甜甜既原汁原味【帆立貝壽司】HK$12帆立貝還算厚切, 味道鮮甜【黑瀨油甘魚壽司】HK$10油甘魚魚質有d乾, 沒有預期既厚切同甘香, 比較失望【火灸三文魚壽司】HK$8雖然三文魚薄切, 但表面火灸後又幾香, 加上沙律醬汁, 味道更提升即叫即做, 就食到軍艦脆脆既紫菜【蔥粒吞拿魚腩軍艦】HK$12吞拿魚腩蓉雖然魚油不算豐富

今日去左屋企附近既一間日式食店到買lunch,店面細細間，睇餐牌見到有好多選擇！呢間店主打外賣，亦都有少量座位可堂食。我點左個海膽盛丼，呢個丼飯好吸引，佢入面有勁多海膽，海膽好fresh,口感綿密。另外仲有三文魚同埋吞拿魚，好豐富，三文魚同吞拿魚都好厚身，又新鮮！另外，仲點左甜蝦蟹膏手卷，蟹膏好濃郁，配埋鮮甜既甜蝦，好match啊！另外，仲點左帆立貝同埋黑瀨油甘魚腩壽司，好吸引！呢間店啲野食又高質又底食，唔想煮飯時可以過黎買外賣！

住附近嘅朋友介紹嚟呢一間壽司小店，真係唔係街坊都唔太知有呢間舖頭😆 不過食落又幾有驚喜，所以就介紹返～ 裹面有堂食位，不過就相對細小小，同個朋友貪方面就坐係裏面食。因為招呼客人唔多，所以老闆都幾好招呼，照顧周到。 平時都見到多人買外賣走，有已經set好嘅壽司拼盤放係舖頭裏面。 叫咗一個甜蝦蟹膏丼，甜蝦好新鮮好甜呀～而且甜蝦佈滿咗成碗飯賣相好好，食落都好開胃。 蔥粒吞拿魚腩卷，蔥味令到個卷物更加有層次，裏面嘅吞拿魚腩都唔失色。唯一係紫菜唔多脆🙈 同朋友夾份散叫嘅壽司，記得朋友話海膽幾好食。總體水準之上又幾抵食，值得推介。

呢間小型壽司店真係好細，得四個位，不過可以外賣，有啲係已經整好左放在雪櫃，還有些飲品，前菜，至於如果需要其他壽司可以即叫即整。壽司選擇幾多，材料都算唔錯，價格適宜，值得一試。呢間店材料比得足，小店而言係中上。

最近個個都食厭d大財團，好想幫襯返小店👍喺九龍城衙前圍道發現咗呢間渡邊屋，鋪頭細細， 但係食物一啲都唔馬虎!!!哩度得四個吧枱位，可以選擇外賣自取或者坐喺度食個又得。 價錢相議得黎都幾多選擇喎🤗🤗親子丼 $68 🐟🐟🐟性價比一流!!!超大碗😍😍切粒三文魚同魚子份量都好多，新鮮得黎啖啖肉👍👍 平民價錢高質享受😙😙😙三文魚子海膽丼$138☡☡☡大推!!!!!☡☡☡ OMG 估唔到小店都會出哩極品配搭😆😆之前喺旺角一間日本菜排長龍食過一間都要$238一碗😲😲哩度差唔多半價就食到!!! 海膽非常新鮮 👍👍一啲一啲都唔腥 😎份量夠多， 配飯食或者用紫菜捲嚟食都各有風味!! 海膽控必點🤗 波子汽水只係15蚊🍾下次我一定會再因為呢個海膽丼而返嚟㗎❤❤

去九龍城朋友屋企幫佢維修電腦，在街口見到一間渡邊屋。近門口的外賣壽司吸引我入內，店內裝潢簡樸，只有數個座位，主要是做外賣，有各款壽司、軍艦、手卷、卷物、刺身、刺身丼飯等。食材有証明來自日本，有質素又新鮮。我就買了一些做午餐。特盛刺身丼：厚切三文魚有鮮味，色澤鮮明，口感細膩，配以蟹籽添加口感，壽司飯味道調得不錯，十分美味。三文魚腩丼，三文魚最肥美的就是腩位，魚油特別豐富甘香，配合埋一大堆蟹籽好有口感。帆立貝壽司，帆立貝肉厚肥美，富彈性又鮮甜。芝味蟹棒壽司：芝士的香濃味道混和皇帝蟹柳極之惹味！

九龍城隱世日本壽司店 雖然店舖面積唔大 但係勝在麻雀雖小 五臟俱全 一入到去就有老闆娘熱情嘅招待 仲有唔同類型嘅食物嘅推介 即時試試佢.-阿根廷紅蝦蝦膏壽司-呢個係老闆娘嘅推薦 所以我哋都想試一試 雖然製作大概都要10分鐘 但係時間都係值得等待 一上到黎見到鮮蝦好新鮮 而且上面有滿滿嘅蝦膏 入口即時食到蝦膏嘅香味 彈牙又好食.-海膽盛丼-一上黎見到成碗有成三行海膽 講緊佢哋用緊嘅係靚海膽 所以即刻覺得好抵 海膽鮮味十足 口感都幾實淨 已經可以食到成碗飯 加上佢仲有油脂分明嘅厚身三文魚 真係好正.-厚切鰻魚壽司-本身點左一個普通鰻魚壽司 經過老闆娘推薦就試吓厚切嘅版本 咬落去非常有口感 而且燒汁將成個買魚嘅感覺提升 $14呢個價錢絕對唔貴 .-親子 丼-滿滿嘅三文魚同埋魚子 而且明顯地佢哋用咗唔同嘅三文魚混合 所以成個飯層次感好高 包括左唔同油脂分布嘅三文魚 咁大個丼都只係 $68 我覺得都係必食之選

九龍城依間日本壽司想試好耐，因為每次經過都見到好多人排隊叫外賣，不過今次我地選擇咗堂食！首先我地叫左個親子丼（$68）一上到黎都真係好驚訝，滿滿都係三文魚魚子粒！而且佢哋個飯出名好食，加埋豉油自己調味，入口新鮮之餘亦都好有彈性。而且都見到佢有挑選到三文魚腩，混合左唔同油脂分布嘅三文魚，令到成個飯好有質感。之後我哋叫咗一個海膽盛丼（$138）除咗有好厚身既三文魚外，海膽嘅份量都好多！而且入口都幾甜，一點都唔水，好惹味。食靚海膽泥講，一啲都唔貴！之後都叫咗幾款壽司，包括左加州卷，厚切鰻魚，花之戀，甜蝦壽司，同埋最期待嘅燒三文魚腩。自己來講覺得厚切壽司真係好抵食，$14有如此水準，真係不得了！燃燒三文魚腩嘅柚子味好香，都係值得一試！最後嘅重頭戲一定會係阿根廷紅蝦蝦膏壽司（$35）呢個價錢我覺得真係幾抵食。首先講緊佢係即時拆蝦，挑出蝦膏，再用火槍燒香，鮮蝦都好大隻，而且非常新鮮。最重要係蝦膏真係好香口！食完絕對係有種齒頰留香嘅感覺。老闆娘亦都好熱情，即是好多外賣，佢都會同食客嘅食下溝通，仲會介紹特色嘅嘢食，下次都一定會來！

我平時都好少去開九龍城，一黎地方遠，而且我唔係住係依邊，咁岩近排有friend想係附近搵工，我就陪佢黎，加上一起食午餐，我地經開馬路個時，見到有間渡邊屋食壽司，我見有一陣子都冇去食，經過就去食進到餐廳見到原來可以堂食或者外賣，咁我地就選擇左係餐廳裏面食，店員好好人，一開始已經倒茶，仲推介多人選擇既壽司俾我地，我地落單個時，都見到好多街坊外賣壽司，店面仲有小型裝飾小模型，非常可愛馬糞海膽$168配上紫菜會更加突出海膽鮮美，食落有種甘甜香味有頭甜蝦5隻$58蝦頭有蝦膏，蝦身食落粘粘的，質軟味甜三文魚腩壽司$10三文魚腩線條清晰，口感爽滑帆立貝壽司$12味道鮮甜，色澤光亮厚切鰻魚壽司$12因為厚切關係，會食到滿口鰻魚肉，而且沒有骨刺北寄貝沙律軍艦$7北寄貝細細粒，口感彈牙黃金$18/黑白蟹膏軍艦$24蟹膏除左鮮，口感香滑

前幾日同朋友去咗九龍城食嘢 見到呢間日本野門口雖然細細但都好似唔錯 二話不說同朋友決定黎試吓😆_原板馬糞海膽 $178店員話呢一隻馬糞海膽食落去會比較有回甘食落去好鮮甜 配埋旁邊嘅紫菜一齊食亦更有口感_有頭甜蝦刺身 $58五大隻有頭甜蝦食落去亦都非常新鮮 亦有蝦的鮮甜味_各款壽司🍣另外我哋亦都揀咗唔同單點壽司，蒲燒鰻魚非常厚切 配上濃郁的鰻魚汁非常滿足另外我哋亦都叫咗幾款蟹膏壽司，食落去亦都非常唔錯 重點係價錢係小店價錢但係有非常高嘅質素下次都會同朋友再嚟食😍

識我既朋友都知我超鐘意食壽司，我係可以日日都食果種，咁自然都會好有要求，今次介紹間平靚正既，就係係9龍城既渡邊屋，雖然細細間，但如果想堂食都可以，同埋入面有d小擺設都幾得意😍每款壽司都係即叫即整，所以會等耐小小，但絕對係好值得等，包住壽司嘅紫菜都keep到係脆嫁，好正，通常好多外賣壽司都做吾到，同埋d飯都好軟身吾會覺得好硬，因為佢做街坊生意嘅所以價錢都會比較平，一路等既時候都見到佢一路整緊勁多外賣勁好生意😛

今天去了一間壽司刺身專門店，座落於九龍城衙前圍道轉角位置、外面可以立食，裡面有1小張枱，可以坐食，哇！裡面的裝修好細緻很有日本的感覺，老闆娘又好nice, 介紹很多鎮店之寶，最好味、最新鮮的食材，即整即有。最後我點了：火焰阿根廷紅蝦蝦膏壽司 招牌菜蝦刺身壽司黃金魷魚牡丹蝦壽司花之卷壽司原條鰻魚壽司 馬糞海膽壽司加拿大海膽壽司黑白壽司 蝦膏同芝士大蟹子海膽飯店鋪雖細，但無論服務、食物品質性價比非常高，值得推介。